Egga - La

Núna er vika 4, ég ruglaðist!

2012-01-27T14:36:00.002+01:00

Já svona getur verið snúið að telja vikur fyrir íslending. Norðmenn og danir eru þræl vanir í vikutalningu. Man eftir því þegar ég flutti til Köben og fólk var að bjóða mér eitthvað. Ég var spurð hvort ég gæti komið í partý í viku 48!! Ha sagði ég bara, hvað meinarðu. Þá var maður kannski í viku 38, Fannst það nú heldur mikið að planleggja fleiri mánuði fram í tímann. Og það partý! Ég var meira svona týpan að ákveða mig hér og nú og láta verða af því án þess að spekúlera í hvaða vika væri. Í dag eftir 20 ára búsetu í þessum löndum er ég farin að planleggja langt fram í tímann, sjaldan þó í vikum nema í viku 8 og viku 40 því þá eru skólafrí. Annars veit ég aldrei hvaða vika er eins og sjá má.

Annars er háannatími hjá okkur hjónum í leigubílaleiknum. Hann gengur út að að keyra börnunum okkar út og suður. Baltasar er í fótbollta og fer á snowboard nánast daglega, Saga er í sundi, fimleikum, skíðanámskeiði og píanótímum. Og það þarf að keyra þeim í allt þetta. Skiftumst að vísu á með strákakeyrslu því þeir eru svo margir í bekknum hjá Baltasar sem iðka skíði en því miður ekki hægt með Sögu. En ætla ekkert að kvarta, er rétt yfir háveturinn sem er svona mikið að gera. Og ekki hanga þau fyrir framan tölvu eða sjónvarp á meðan.

Annars verð ég nú að monta mig af henni dóttur minni. Hún syndir 700 metra hvern mánudag og 300 metra hvern fimmtudag. Það er bara heill kílómetri sem hún syndir í hverri viku. Finnst það nú bara alveg ágætt. Svo byrjaði hún í píanótímum í síðustu viku. Búin að læra að spila eitt lag. Hún bara situr og æfir daglega og hefur gaman af. Mamma mér finnst svo gaman að læra sagði hún í dag. Já það verður að viðurkennast að henni finnst það, hún hefur alltaf verið rosalega dugleg í að æfa sig í því sem hún er ekki góð í og svo verður hún nátturulega góð í því. Vildi óska að bróðir hennar hefði þetta sama viðhorf. Hann er meiri svona þetta reddast týpan. Greinilega íslendingurinn í honum. En ég segi það sem ekki alveg, því ef hann hefur nægan áhuga svona eins og að verða góður á snowboard æfir hann og æfir. Er orðin ansi góður drengurinn. Mér finnst þetta vera hálf hættulegt svo að ég er með hjartað í buksunum þegar ég horfi á hann gera einhver hopp. Slapp af mamma segir drengurinn þá. Honum finnst ég vera skræfa(sem ég er).

Ég er að fara í konupartý í kvöld og fann þetta stuðlag í því tilefni. Hver var ekki búin að gleyma þessu lagi?

Gleðilega helgi.

Vika 4.

2012-01-20T08:35:00.002+01:00

Hér eru nokkrar myndir teknar uppi í bústað síðustu helgi. Við hjónakornin fórum í göngutúr um nágrennið og hittum 2 dádýr og svo sænsk hjón sem við spjölluðum við. Hjónin það er að segja. Fann þetta ægilega sæta rauða hús og varð bara að taka mynd af því (ekki það að það var svo erfitt að finna það - lá við veginn). Og þessi fíni viðarstafli blasti við mér líka við veginn. Það kennir greinilega ýmissa grasa við þennan veg verð ég að segja. HMM!!

Við skruppum líka til Karlstad sem er höfuðborgin í Värmland og sjoppuðum smá. Náðum svo að þvo veggina á ganginum sem voru með 40 ár skít á sér og hreinni vegg hef ég bara ekki séð lengi. Húsbandið málaði eina umferð grunn og svo höldum við áfram næst. Ætla líka að fara að henda einhverju upp á veggina í stofunni. Fer að verða svo kosí. Hlakka svo til að eyða sumarfríinu þar. En ekki örvænta, við komum líka til Íslands. Búin að panta og fékk þennan spotprís hjá Norwegian. Þeir byrja að fljúa 3x í viku í sumar. Baltasar kemur fyrst einn, flýgur meira að segja einn í fyrsta skifti. Svo komum við Saga 2 vikum seinna og verðum í 2 vikur. Í ár verð ég í 5 vikna samfleyttu sumarfríi. Verður bara geðveikt. Vinn af mér eina viku á næstu 6 mánuðum svo að ég þarf ekki einu sinni að eyða mínum 5 vikum í þetta frí. Á eina til góða fyrir jólafríið. Það verður sko ekki einleikið hvað ég verð afslöppuð og slök eftir þessar 5 vikurnar.

Og svo var það lag vikunar. Yndislegt bara.

Gæða helgi.

Gleðilegt ár

2012-01-13T07:28:00.004+01:00

Hæ
Búin að vera að velta því fyrir mér hvort ég ætti að leggja niður þetta blogg. Grunar að ekki svo margir komi við hér lengur. En svo komst ég að þeirri niðurstöðu að þetta blogg er mín íslensku æfing og ætla því að halda áfram í einhverja stund. Svo verð ég nú að viðurkenna að mér finnst alltaf smá gaman að finna föstudagslagið.

Allavegna þá er komið nýtt ár og ég og mín fjölskylda áttum ósköp róleg og notaleg jól og áramót hér heima. Ekker stuð á okkur, fór meira að segja að sofa 0030 á gamlárs!! Ég þurfti bara á því að halda að slappa af. Fór nú svo að ég át á mig gat yfir jólin og sem betur fer fékk ég ælupest í vikunni svo að eitthvað af aukakílóunum er farið;-)

Án gríns þá var síðasta helgi með þeim óskemmtilegri lengi. Byrjaði á því að Saga vaknaði aðfara nótt laugardags með tæming úr öllum götum. Sem betur fer fékk ég að sofa en tók við um morgunin þegar húsbandið keyrði bústaðar-stofuhúsgögnin í sumarbústaðinn. Ég þreif og skeindi og skolaði og sturtaði og skúraði og skifti og meira til allann laugardaginn. Grunaði strax þá að ég yrði líka veik. Sunnudags seinnipart kom sonurinn heim grátandi úr afmæli búin að æla 2 sinnum þar. Hann var ekki sendur tilbaka þangað. Hann hélt áfram út á nótt og um það bil sem hann var hættur byrjaði ég. Sama morgun húsbandið svo að mánudaginn vorum við öll saman heima. Með hita líka og beinverki og bara ömurlegheit. Ég segi það satt að svona veikindi ættu að vera bönnuð fullorðnu fólki. Kræst hvað maður er bara ekki að þola svona lengur.

En núna eru allir orðnir meira eða minna frískir og við hjónin erum á leið upp í bústað til að setja stofuhúsgögnin á sinn stað og byrja á undirbúningi fyrir málningarvinnu í ganginum. Þið vitið gangurinn með rauða gólfinu. Verð að gera eitthvað við þetta gólf, gangurinn á eftir að líta út eins og jólasleikjó þegar veggirnir verða orðnir hvítir!

Jæja var þetta bara ekki betra en ekkert?? Endilega kvitta hjá mér núna svo að ég viti hvort einhver komi hingað inn.

Er búin að taka ákvörðun um að fyrstu mánuði ársins ætla ég að gerast þjóðleg og bara finna íslensk gömul lög. Lög sem maður var búin að gleyma. Lög sem kannski eru betur gleymd en geymd og svo þessi góðu sem maður verður að hlusta á öðru hverju. Er það ekki gaman? Það er að vísu frekar lítið til að almennilegum videoum á þessum gömlu lögum en það verður bara að hafa það.

Hér er eitt alveg klassískt. Lovit.

Góða helgi.

Gleðileg jól!

2011-12-16T07:51:00.005+01:00

Þá er bara rúm vika í jól og allar kökur komnar í dalla. Vill láta vita af því að það er sko ekkert það sama að nota smjör eða smjörlíki í smákökur. Alveg allt önnur Ella og mæli ekki með að skifta smjörinu út með líkinu. Fór í algjöran bömmer yfir súkkulaðibitakökunum en ákvað að dríta í það eins og maður segir á góðri norsku og sleppa að baka nýjar kökur. Ét þetta og held kjafti og man það bara næst.

En þú getur spurt þig hvað varð um allt smjörið sem Jóla var búin að kaupa. Var náttúrulega búin að gleyma að það er smjörkrem á hunangskökunni góðu. Keypti semsagt of lítið smjör!

Var að lesa um barn sem fékk iPod í skóinn og allt varð vitlaust í skóla barnsins. Æi ég veit eiginlega ekki hvað þessum skóla kemur við hvað nemendurnir fá í skóinn en finnst svona persónulega að iPod sé kannski smá mikið fyrir barn í 3. bekk. Ég meina, hvað fær krakkin eiginlega í jólagjöf? Gullstöng?

Finnst slæmt að heyra um börnin í 5. bekk í barnaskólanum í Drammen hér í Noregi sem ekki fengu að koma með jólasveinahúfu á jólaslúttið í skólanum. Jólaslúttinu var breytt í vetrarslútt til þess að hlífa þeim örfáu börnum í bekknum sem ekki halda jól, og þá var ekki verið að meina múslimabörnunum sem ekki halda jól heldur norsku börnunum sem eru í einhverjum sértrúarsöfnuðum og ekki halda jól. Halló, hvað er eiginlega í gangi. Við búum landi sem heldur jól. Á líka að hætta að tala um afmælisveislur í þessum skóla því þessi sértrúarsöfnuður trúir ekki á afmæli heldur. Nei svona gerir mig pirraða. GRRRRR!

Annars sér maður mikin mun á börnum og gleði. Jóli var svo góður að gefa börnunum mínum tannkrem og tannbursta í skóinn í fyrradag. Sonurinn slengdi þessu inn á bað án þess að brosa hið minnsta meðan dóttirin gekk um með tannburstann sinn allan morguninn og þegar hún kom heim úr skólanum, alsæl með þennan fína bursta. En Jóli varð bara að vera viss um að börnin ættu góðan bursta núna þegar helgin er gengin í garð og skórinn á eftir að fyllast af sælgæti.

Jæja ég læt þetta gott heita. Óska ykkur Gleðilegra jóla og farsældar á komandi ári. Kannski við sjáumst við þá.

Jóla fær smjör.

2011-12-09T08:00:00.011+01:00

Haldið þið ekki að Jóla sé komin með smjör í hús svo að á morgun hefst jólabaksturinn af fullum krafti. Maður gæti nú haldið að Jóla ætlaði að baka margar sortir en nei eiginlega ekki. En þær sem verða bakaðar eru fastir liðir og engin jól án þeirra. Ætla að baka Hákonarkökurnar sem er að finna hérna og svo þessar venjulegu. Þið vitið, súkkulaðibitakökurnar. Svo ætla Jóla að baka danska hungangsköku - Christiansfeld honningkage sem er ægilega góð.Hún lítur svona út:

Kannski verður bakað meira. Fer eftir jólaskapinu. Og veðri. Húsbandið keypti piparkökudeig þrátt fyrir að ég var búin að segja í fyrra að svoleiðis bakstri nennti ég ekki lengur. Voða lítið gaman að baka með krökkunum. Þeim finnst það gaman í svona 5 piparkökur og svo vilja þau helst fara að gera eitthvað annað. Hef ekkert gaman af að hygge mig með fúlum krökkum sem finnst leiðinlegt að baka piparkökur. Vill frekar gera eitthvað með þeim sem þeim finnst skemmtilegt. Eins og að borða piparkökur!! Svo að nú ætlar semsagt húsbandið að baka piparkökur, og þau fá að borða þær og ég horfi á alsæl. Góður díll.

Annars jólatónleikar með Dissimilis þessa helgina. Við eigum að taka með okkur jésúbarnið, sem í ár eins og í fyrra er ber baby born dúkka í koddaveri! Það átti líka að vera nemendasýning í dansinum hjá Baltasar en hann vildi frekar fara í hytteferð á skíði með vini sínum og við ákváðum að leifa honum að ráða því. Búin að bíða svo lengi eftir snjónum og ætlar ekki að halda áfram í dansi eftir jól, vill gera tíma fyrir skíðaiðkun.

Og haldið þið ekki að Jóla hafi búið til jólakort í gær. Gerði heil 5 jólakort sem eru bara svona ægilega fín. Hendi kannski inn myndum af þeim næst. Vissi ekki að það fyndist svona margt sniðugt föndurdót og föndurvélar. Það er sko ekki málið að gera eitthvað fínt þegar maður á vinkonu sem á svona mikið af fínu föndur hinu og þessu.

Held áfram þessu jólastússi með þessu jólalagi sem mér finnst skemmtilegt.

Jól on.

p.s ef það vefst fyrir einhverjum hver þessi Jóla eiginlega er þá er það ég;-D

Jólagóðan jóladaginn!

2011-12-02T08:44:00.003+01:00

Nú er maður farin að jólast af krafti. Er nánast búin með jólagjafirnar(að vísu eru það nokkrir mánuðir síðan). Svo erum við að fara á jólasundmót með Sögu á morgun. Svo verður farið út að jólaborða með húsbandinu í tilefni jólaafmælisdagsins míns á sunnudaginn.

Eins og þú væntanlega hefur tekið eftir er ég hrokkin í jólagírinn og nota jólaorðið eins oft og ég get. Mér finnst það lyfta jólastemningunni um heilan jólahelming. Mér finnst fólk nota jólaorðið of sjaldan, og finnst að maður ætti að taka upp þennan jólasið um páskana líka. En að sjálfsögðu nota páskaorðið í staðin fyrir jóla.

Það er að vísu frekar alvarlegt jólavandamál sem ég og fleiri eiga við að glíma hér í jólaNoregi og það er að það er alvarlegur skortur á jólasmjöri. Allar jólahillur galtómar. Ég læt tengdó kaupa jólasmjör fyrir mig í jólaSvíþjóð og senda með mágkonu minni svo að fjölskyldan fái jólasmákökur. Algjört hneyksli. Og afhverju vantar jólasmjör?? Jú afþví að hellingur að hálfvitum í lavkarbo jólamegrun eru búin að hamstra (og svo minni framleiðslu en það er leiðinlegra að segja frá því!). Núna er hægt að kaupa jólasmjör á Finn.no fyrir 600 krónur jólakílóið. Algjört jólarugl semsagt.

Jæja er þetta ekki orðið jólagott í bili. Kannski að jólalesendur mínir verði smá jólaringlaðir af allri þessari jólastemningu hjá mér núna.

Smá jólajólalag handa ykkur öllum.

>

Jólagóða helgi.

Dottin í það.

2011-11-25T08:04:00.006+01:00

Eða svona hér um bil. Jólaskapið það er að segja. Tók meira að segja smá forskot á sæluna og hengdi upp heimagerðu vitringana í gluggann minn í gær. Svo fííínt.

Fyrsta helgin heima í heilar 4 vikur. Komin með nóg í bili. Orðin smá leið á að mála allar helgar. En demit hvað það er orðið fínt í stofunni minni uppi í bústað.

Annars vill ég bara tilkynna að mér leiðis Shania Twain alveg óstjórnlega. Ásamt Celine Dion og Michael Bolton. Þau eru bara leiðinlegust. Svo leiðist mér líka að sofa í sokkum. Og fara til tannlæknis. Verð samt að viðurkenna að mér þykja tannlæknar leiðinlegri en Shania. Held að tannlæknar séu það versta sem ég veit. Ef þetta var ekki mikil speki fyrir ykkur að lesa þá veit ég ekki hvað.

Fyrir utan þetta þá gengur lífið bara sinn vanagang. Ekkert farið að bóla á snjó hér í landi sem fyrir mig er nátturulega algjör draumur en börnin aftur á móti farin að þrá snjóinn. Garðurinn enn grænn en það var nú smá frost hér í gær. Og þá meina ég hér heima hjá mér. Gatan mín er nefninlegasta kaldasta gatan í bæjarfélaginu. Í fyrra var orðin alhvít jörð hér í götunni og ekki neinstaðar annarstaðar. Það var eins og að keyra inn í allt annan heim að keyra inn í götuna mína. Sama í gær, hált og frost hér og rigning annarstaðar. Algjör kuldapollur sem ég bý í. Og ég sem er svo mikið fyrir kulda!

Jæja er ekki komin tími fyrir fyrsta jólalag ársins. Of snemma kannski. Veit ekki og er alveg sama. Finnst þetta svo fínt lag. Leiðinlegt myndband ef myndband skyldi kalla. En ég kann bara svo vel við hann Helga. Kannski afþví ég heiti Helga! Ha ha ha ha ha..........mí só fönní.

Have a very nice weekend thank you very much!

Og orðið var.....

2011-11-18T08:52:00.005+01:00

Fraumkrapi!! Þýðir ekki neitt, bjó það til í sömu andrá sem ég skrifaði það. Vildi bara tjekka á hversu margir myndu trúa því að þetta væri ekta orð. Greinilega auðvelt að búa til orð, maður ætti að gera það oftar:-D Svona gerist þegar maður hefur ekki frá neinu að segja.

Ekki tími í dag fyrir löng skrif. Er á leiðinni upp í bústað að mála. Síðasta helginn þennan veturinn og svo verður honum lokað um tíma. Núna þurfum við að snúa okkur að jólaundirbúning heimilisins. Það verður nú gaman. Jólíjólí!!

Ekki gefast upp á þessu lagi. Það er eiginlega leiðinlegt en frábær texti. Þetta eru 2 gamanleikarar hér í Noregi sem eru að gera grín af hvernig tónlist í dag er, sérstaklega þá textarnir sem bara fjalla um kynlíf og það að vera sexý.Og svo myndböndin sem innihalda mikið af hálfberu fólki og spila á kynlíf þrátt fyrir að lagið fjalli um eitthvað allt annað. Mér finnst þeir hafa neglt þetta ansi vel.

Gleðilega helgi.

Fraumkrappi!

2011-11-11T08:31:00.002+01:00

Getur einhver sagt mér hvað fraumkrappi er?

Loksins skriðin saman og á leiðinni í aðra málningaferð. Annars bara allt fínt, veðrið bara gott og hef ekki yfir neinu að kvarta. Svona ef við lítum framhjá kreppum, gróðurhúsaáhrifum, stríðshrjáningum, fátækt og hungursneyð um víða veröld. En hefur það ekki alltaf verið svona? Lífið gengur upp og niður og stundum eru góðir tímar og stundum slæmir. Er allavegna fegin að ég var ekki uppi á svörtustu miðöldum. Held ekki að það hafi verið neinn dans á rósum heldur.

Annars fékk Saga langþráðan draum uppfylltan í gær. Hún fékk að fara til tannlæknis. Mikið var hún glöð. Þar ekki mikið að gleðja þessa elsku. Því miður grunar mig að þetta eigi allt eftir að enda með spöngum. Verður eins og mamma sín þegar hún var ung og fögur(ehem!). Með spangir, gleraugu og trúlega fær hún einhverjar bólur líka. En hún fær ekki stórt nef! Elska unglinga.

Jæja best að demba sér í tónlistina. Allir dansa núna.

Glóða helgi.

Ekki alveg dauð enn...

2011-11-04T14:57:00.004+01:00

Nobb, ekki alveg hætt að blogga en hafði ekki tíma í síðustu viku vegna anna og annars. Búin að vera frekar hálf síðustu vikur. Byrjaði á því að á fimmtud fyrir 2 vikum fór ég til húðlæknis sem fjarðlægði einhverja örmyndun á leggnum á mér. Bara smá skrap, ekkert sem var hættulegt bara ljótt. Tók ca 3 mínútur og skildi eftir sig pínulítið sár á stærð við nögl. Átti ekki að vera neitt mál með það. Einum og hálfum sólarhring seinna vakna ég um miðja nótt alveg að drepast í fætinum. Skrönglaðist á fætur og sá að ég var öll bólgin og ljót í kringum sárið. Fór aftur til læknisins á mánudeginum sem sagði mér að ég væri komin með súpersýkingu hvorki meira né minna og gaf mér eitthvað súper krem sem átti að laga þetta. Næstu daga var ég með rýting í sárinu, var rosa illt og það var ekkert að skána þrátt fyrir súperkremið. Fór aftur til læknisins fimmtudaginn fyrir viku og þá var ég sett á pensilín. Var svo voða bissí þann daginn að pakka og gera tilbúið fyrir sumarbústaða ferðina sem ég hlakkaði ægilega til.

Föstudagur fyrir viku: vakna fyrir allar aldir, enn illt í sárinu og Pensilínið ekki gott í magann minn. Sest upp og vupsi, hnakkinn allur lokaður og læstur og sársaukinn bara vondur. Ekkert að gera við því urðum að fara til Svíþjóðar og í bankann. Man daginn í hálfgerðri móðu vegna verkja. Gat eiginlega ekki hreift mig, þurfti og þarf enn að vakna á nóttunni til að skifta um stellingu. Svo að síðustu helgi horfði ég á húsbandið þrífa og vinna í bústaðnum og ég bara sat. Fór til sjúkró á þriðjdaginn og er að fara aftur á eftir í smá losun. Búin að staulast í vinnuna alla vikuna að drepast, er núna komin í 50% veikindaleyfi til að leyfa þessum fjandans hnakka að lagast. Og við erum aftur að fara upp í bústað að mála, sjáum til hvað ég fæ til. Get allavegna horft á húsbandið mála!! Ekki alveg það sem ég ætlaði mér. En mikið verður fínt hjá okkur þegar stofan verður orðin hvít. Vona að ég geti sett út myndir fyrir jól. En núna erum við semsagt að reyna að klára stofuna því það er svo mikið annað mig langar til að gera í sumar en að hanga inni og mála.

Over and out frá Noregi.

Er fólk alveg hætt að búa til svona lovlí lög eins og þetta? Hljómar best hátt svo hækka í hátalaranum NÚNA!!

Góða helgi!

Þegar ég var mjó mjó.

2011-10-21T16:10:00.024+02:00

Þegar við fluttum til Noregs var Baltasar 7 mánaða og Saga rúmlega 2 ára. Húsbandið fór strax að vinna en ég var heima í nokkra mánuði og fór svo að böglast við að vinna sjálf. Lenti í ýmsu rugli varðandi vinnu sem ég segi frá seinna. Fyrstu 4 árin var það ég sem keyrði krakkana til og frá leikskóla á hverjum degi. JC var venjulega farin í vinnuna þegar við fórum á fætur en hann fór út milli 6 og 6:30 á morgnana og var komin heim ca 10-11 tímum seinna. Ég átti að vera mætt i vinnuna kl 8 svo að ég fór að heiman kl 715 og komin heim með krakkana rúmlega 4 á daginn.

Þegar við fluttum hingað þekktum við nánast enga hérna fyrir utan fjölskyldu JC sem er lítil og ekki neitt sérlega samheldin og svo Ollu frænku mína og hennar fjölskyldu. Áttum eitt vinapar sem bjó í Osló sem við sáum sjaldan. Fyrsta árið vorum við svo þreytt að við sáum stjörnur hvern dag. Baltasar svaf ekki almennilega á nóttunni fyrr en hann var rúmlega 3 ára svo fyrir utan að fara snemma á fætur hvern morgun til að fara í vinnu sváfum við líka með eindæmum lítið á nóttunni. Saga var líka alveg skelfilega morgunhress svo að hún var komin á fætur ekki seinna en 6 ár morgnana hressarin en allt hresst. Var ég búin að segja frá þegar við fórum í göngutúr niður Laugarveginn með hana á bakinu kl 5 um nóttu á aðfaranótt sunnudags og hittum allt djammliðið? Geri það kannski seinna. Ég átti allavegna ekkert félagslíf á þessum tíma en ég var einfaldlega of þreytt til að sakna þess eitthvað að ráði.

Það tók líka smá á taugarnar að fara í fjölskylduboð með krakkana á þessum árum því þau voru útum allt - alltaf. Það var ekki fyrr en Saga var byrjuð í skóla að við hjónin borðuðum saman í þessum boðum. Fyrir þann tíma voru vaktaskifti. Annað hljóp um og elti börnin og passaði upp á að enginn stingi af meðan hitt tróð í sig mat á ógnarhraða svo að við bæði gætum borðað meðan maturinn var heitur. Ef einhver man eftir bókinni Kötturinn með Höttin þar sem hann náði í 1 og 2 sem fóru hamförum um heimilið þá færðu hugmynd um hvernig þessi boð gátu verið. Áttum í erfiðleikum með að fá barnapíur fyrir bæði í einu, þær fengu nánast taugaáfall eftir 2 tíma með krökkunum og komu aldrei aftur svo að það varð úr að við fórum aldrei neitt tvö saman.

Ég var staðráðin í að kynnast fólki sem fyrst og til þess að gera það og fá smá tíma fyrir sjálfa mig í leiðinni dembdi ég mér í stjórnarstörf. Kom mér í stjórn Downs Syndrom félagsins hérna og sat í þeirri stjórn í 3 ár. Reyndi eftir megni að kynnast fólki en það var ekki svo létt eins og ég hefði óskað. Saknaði vina minna í Danmörku og æskuvinkvennana frá Íslandi en þraukaði samt. Núna tæpum 10 árum seinna er ég komin með ágætis vinkonuhóp. Ekki æskuvinkonur að sjálfsögðu en búin að eignast góðar vinkonur engu að síður. Sit að vísu enn í stjórnarstörfum og er orðin pínu lúin svo að ég held að ég ætli að taka mér smá pásu eftir þetta tímabil.

Það sem ég lærði af þessum árum var að ekki gleyma sjálfri sér alveg í amstri hversdagsleikans. Mikilvægt að reyna að finna eitthvað utan veggja heimilisins sem maður getur gert sem er gefandi og fyllir mann smá orku eða bara gleði.

Í dag er ég miklu duglegri en húsbandið að fara út og taka mér smá pásu frá húsmæðrastörfum og verkefnastjórnun á heimavelli. Norðmenn eru ekki eins félagslyndir og íslendingar en smá hitting eru þeir nú alltaf til í og þá er mín mætt. Fer og hristi af mér spikið(svona öðru hverju allavegna), fer í göngutúra á kvöldin(þegar orka og veður leyfir), er með SPA kvöld einu sinni í viku þar sem ég krema mig hátt og látt og geri mig sæta. Mér finnst ég bara vera orðin duglega að finna upp á einhverju þegar sú þörf gerir vart við sig. Tek það fram að þessi frekar orkumiklu börn mín eru orðin rólyndisfólk í dag og viss ró búin að færast yfir heimilið og okkur öll. Já lífið og lærin eru töluvert öðruvísi núna en fyrir 9 árum síðan.

Byrja helgina á þessu mæta lagi með Íslandsvinum honum Damon. Verður róleg helgi með okkur Baltasar einum heima. Fer út að borða með vinkonu á morgun, og svo verður bara slakað á yfir sjónvarpinu. Næsta helgi = bústaðurinn nýi. JIBBÍÚIÍ.

Góða helgi.

Hún á afmæli í dag hún á afmæli í dag

2011-10-14T09:08:00.008+02:00

Saga litla stóra stelpan mín á afmæli í dag. Ótrúlegt hvað tíminn líður. 12 góð ár með ups and downs eins og gengur og gerist. Ætla ekki að halda því neitt fram að það sé einhver dans á rósum að eiga fatlað barn. Það tekur oft á sálartetrið og hjartað blæðir stundum kröfuglega líka. En miða við svo marga aðra sem eiga fötluð börn þá ætla ég sko ekki að fara að kvarta. Eins og barnalæknirinn hennar sagði "Saga er alveg sérstaklega vel heppnað eintak"!! Hann er vitur maður. Verð að viðurkenna að vísu að núna finnst mér þetta farið að vera pínu erfitt. Hún er að breytast úr barni í ungling og við foreldrar með börn með sérþarfir fáum litla sem enga hjálp í hvernig við eigum að takast á við þær breytingar. Bæði sem foreldrar og sem leiðbeinendur fyrir barnið sjálft á þessum oft erfiðu tímum. Tilfinningarnar eru að byrja að sjóða, meðvitund um að vera öðruvísi er orðin meira áberandi og líkaminn fer að breytast.
Saga er alveg gasalega upptekin af þessu öllu. Talar um að vera með Downs, spyr hvað það þýðir. Planleggur framtíðina með börnum og buru. Er á útopnu með að eignast kærasta, upptekin af því hverjum líkar við hana og hverjum ekki og afhverju þeim líkar ekki við hana. Hún hefur allar sömu tilfinningar og spurningar og aðrir krakkar á hennar aldri, munurinn er bara sá að það er svo erfitt að svara þeim nógu einfaldlega svo að hún skilji svörin. Hún getur komið heim einn daginn í uppnámi og stunið hátt og sagt " Mamma ég er svo öfundsjúk!". Ég spyr þá út í hvern og hversvegna. Þá svara hún "mamma, hvað þýðir öfundsjúk?". Hmm, þá er um að gera að vera fljótur að svara áður en hún dembir sér í aðrar hugsanir.

Gasalega upptekin af blæðingum. Hvernig og hvenær og hversu lengi, hættulegt, getur maður dáið, allar konur og afhverju ekki karlar og hvað verður um eggið. Getur maður séð það í nærbuxunum..... Alveg nóg af spurningum. Erfiðasta spurningin er samt "Hvenær eignast ég börn". Það er sárt umræðuefni fyrir foreldra fatlaðra barna og maður stendur svolítið á gati með hvernig maður svarar því. Við höfum verið á því að segja sannleikan(hagræddum að vísu) svo að við svörum að það sé erfitt oft að eiga börn og hún eigi kannski ekki eftir að eignast börn sjálf en ekki allir þurfa að eignast börn og að það sé allt í lagi. Hún stoppar yfirleitt þar því þá er umræðan orðin það löng að hún er búin að missa áhugann. Einn góðan veðurdag þurfum við að ræða þetta en sem betur fer eru nokkur ár þangað til.

Hef líka smá áhyggjur af þessu kærastaveseni á henni. Ef það er ekki einn þá er það annar. Er alltaf ástfangin og grætur með tilþrifum ef sá útvaldi þann daginn sýnir henni ekki nægan áhuga. Geri mér grein fyrir að þetta er leikur, hún er að leika það sem hún sér á þeirri mætu sjónvarpstöð Disney Chanel. En það er erfitt fyrir hana að læra hvar mörkin eru svo að nú er hún komin í kossabindindi þangað til að hún verður 14 ára!! Ekki það að hún sér í einhverju ægilegu keleríi en eitt er að vera að leik-kyssa þegar maður er 10 ára, annað þegar maður er að verða unglingur og strákurinn líka. Þá þarf maður að hugsa aðeins öðruvísi. Já mikið að gerast þessa dagana hjá þessum kvennskörungi,henni dóttur minni.

En til að forðast allan misskilning að unglingahræðslan sé bara bundin við Sögu þá vill ég taka fram að ég kvíði alveg stjarnfræðilega fyrir því þegar Baltasar verður unglingur. Svo margar hættur þarna úti fyrir unglinga í dag. Og ég man svo sannalega hvað ég var yndisleg sjálf á þessum aldri!! Svo að ég verð á sama stað eftir 2-3 ár með hann líka. Jeii!!

Við ætlum að halda upp á herlegheitin hennar með bleiku afmæli,12 stelpur í 12 ára afmæli og allar eiga að koma í bleiku. Verð með bleik cupcakes, bleik kerti, servéttur og bleik marsmellos(!). Já það má með sanni segja að dóttir mín sé mikið fyrir bleikt. Stundum held ég að hún hljóti að vera ættleidd!

þetta er eitt af uppáhaldslögunum hennar(er ekki gaman þegar að börnin manns fara að fíla tónlist maður sjálfur nennir að hlusta á!).

Gleðilega helgi.

Gengin upp að hnjám

2011-10-07T08:33:00.005+02:00

Það var ekki lítið gengið í London. Og alveg ótrúlegt hvað krakkarnir létu sig hafa það. Við hjónin tökum sjaldnast strætó eða lestir þegar við heimsækjum höfuðborgir hér og þar um heiminn. Við löbbum nánast allt. Fyrir utan þetta labb þá heimsóttum við vaxmyndasafnið, fórum í slatta búðir, sáum höllina, sáum Baltasar detta á hausinn á handriði sem hann var að príla á, Baltasar og húsbandið fóru á fótbolltaleik og Queen söngleik og við mæðgur á Mamma mia. Mikið agalega þótti minni gaman. Hún var svooo spennt þegar við komum í leikhúsið að hún var alveg að springa og í lokin þegar allir stóðu upp og dönsuðu og sungu ætlaði hún alveg að tapa sér. Gaman að fara með henni í leikhús það er á tæru. Saga kann sko að hafa það gaman. Keyptum slatta af fötum á hana enda á hún afmæli eftir viku. Keypti ekkert handa sjálfri mér nema smákökudalla frá Fortnum and Mason(að vísu fullir af kökum!!). Var heilan dag á Oxfordstreet med dóttur minni en hún hafði ekki áhuga á að kíkja á neitt fullorðinsdót svo að ég sleppti því bara. En hei! Er að kaupa mér sumarbústað og það ætti að vera nóg í bili. Vill samt bara láta vita að ég keypti nánast allar jólagjafirnar svo ég er að verða búin. Jibbí.

Svo verður skrifað undir á eftir. Fáum afhent um mánaðarmótin og ætlum að gista þá sömu nótt. Agalega spennt!

Hér er eitt löngu gleymt lag. Man hreinlega ekki hvenær ég heyrði það síðast(fyrir utan rétt áðan :-D).

Gróða helgi.

Á faraldsfæti

2011-09-30T07:53:00.007+02:00

Þá er komið að hinni langþráðu Londonarferð.Búið að kaupa fótbolltaleikmiða handa feðgum og mæðgurnar ætla á söngleikinn Mamma mia. Allir hlakka rosa til.

Og eins gott að njóta. Fyrir utan að húsbandið er að fara aftur til London í næsta mánuði í árlegu strákafótbolltaferðina sem var pöntuð fyrir löngu þá förum við trúlega ekki mikið í svona reisur næstu árin. Peningarnir verða lagðir annarstaðar um stund. Og hvert? spyrðu trúlega sjálfa/n þig. Jú í sumarbústað í Svíþjóð. Haldið þið ekki að við á endanum séum komin svo langt að við erum búin að gera tilboð í eitt stykki bústað og eigendur búnir að taka því tilboði svo nú erum við að vesenast með bankann, senda inn allskonar skjöl og dót og allt það sem maður þarf þegar á að taka lán!! Eitt er víst að maður endar ekki alltaf þar sem maður planlagði. Fyrir það fyrsta þá er bústaðurinn lengur frá Osló en við höfum planað. Ætluðum aldrei að fara lengra en 2 og 1/2 tíma. Það var eiginlega pínu of langt líka. Vorum að reikna með 1 og 1/2 til 2 en nei stundum breytast hlutirnir. Þessi er næstum 3 tíma í burtu. Fer eftir umferð og veðri. Á góðum degi getur húsbandið keyrt á 2 og 1/2 en það verður nú sjaldnar þar sem það er alltaf svo leiðinlega mikil umferð út úr Osló.

Afhverju keyptum við svona langt í burtu spyrðu nú trúlega sjálfa/n þig. Svarið er meira fyrir peninginn og samt fórum við pínu lengra ofan í budduna en planagt!! Allt sem við höfum skoðað í sumar og verið að bjóða í krafðist þess að við myndum byggja við, litlir bústaðir sem þurfti að byggja og bæta mikið áður en við yrðum ánægð sem hefði kostað slatta þegar upp hefði verið staðið. Þessi hér er svo stór að við þurfum ekki einu sinni að byggja gestahús á næstunni. Til að byrja með þurfum við bara að mála og þá er allt komið í bili. Fyrir utan rosa garðvinnu en engin hefur notað bústaðinn í nokkur ár svo að það er hálfgerður frumskógur fyrir utan. Restina tekur maður með tíð og tíma. Með bústaðnum fylgir einn bátur, einn kanó, 5 hjól, öll húsgögn og diskar og gafflar og glös, sjónvarp, örbylgjuofn, öll eldhústæki, útihúsgögn og verkfæraskúr með verkfærum. Semsagt einn bústaður með öllu. Hér eru myndir af herlegheitunum. Ef einhver vill leigja bústað í Svíþjóð þá verður þessi í leigu frá og með næsta sumri, nokkrar útvaldar vikur sem við vitum að við getum ekki nýtt okkur hann sjálf. Bara láta vita! En.....erum ekki enn búin að skrifa undir svo að allt getur samt enn gerst. Ekkert er bindandi í Svíþjóð fyrr en maður gerir það.

Jæja er þetta bara ekki orðið gott.

Ætla að halda áfram leitinni að löngu gleymdum lögum. Manstu eftir þessu lagi? Var alltaf smá veik fyrir því sjálf.

Góða helgi.

Stóra stelpan mín

2011-09-23T07:59:00.007+02:00

Saga kom heim í gær frá leirskole. Allt gekk vonum framar og hún sýndi í þessari ferð hvað hún er orðin stór og sjálfbjarga. Hún svaf ásamt hinum stelpunum í bekknum í eigin húsi og kennararnir sváfu annar staðar. Fyrsta skifti sem hún sefur svona ein án þess að nokkur fullorðin sé með henni. Fyrsta kvöldið var farið í smá fjallaferð. Leiðin niður var víst erfið því það var niðamyrkur, það rigndi og leiðin var bæði brött og þakin stórum hálum steinum. Kennarinn hennar varð að hjálpa öðrum kennara sem er ólétt svo að Saga var bara ein með nokkrum stelpum í bekknum og þær stauluðust þetta saman í myrkrinu. Ekki málið. Síðasta daginn var farið í 11 km fjallagöngu. Heyrðist ekki píp frá minni, þrammaði upp fjallið eins og hún gerði aldrei neitt annað. Grunar að hún hafi vaxið mikið í þessari ferð. En hún var glöð að hitta mömmuna sína aftur. Hafði saknað mín mikið að eigin sögn en minntist aldrei á þetta við kennarann sinn svo að mömmu grunar að hún segi ýki stundum pínu, svona til að gleðja mömmu hjartað. Það er alveg í besta lagi. Miða við prógrammið hjá þeim sé ég ekki hvenær hún hafði tíma fyrir söknuð. Þau voru alltaf að gera eitthvað spennandi. Rosalega sniðugt að allir 7. bekkingar í Noregi fari í svona ferð. Þau læra svo mikið af þessu. Kveikt bál á hverjum degi og grillað, hægt að sigla á kanó, farið í fjallaferðir, lært um nátturuna, stafkirkjur skoðaðar og lært um þær og svo kvöldvökur á hverju kvöldi. Og svo var víst maturinn ægilega góður að sögn dóttur minnar. En það var þreytt stelpa sem lagði sig í gærkvöldi og erfitt að fá hana á lappir í dag. Verður gott að slappa af um helgina.

Baltasar aftur á móti gerði það gott í hlaupi í síðustu viku. Skólinn hans safnar alltaf inn peningum til barna í Afríku með að hlaupa svokallað Levrejoggen. Þar hlaupa þau 4 km. Minn maður kom í 11 sæti af ca 600 börnum. Duglegur drengur. í dag fer hann svo í fyrsta skifti einn í strætó. Mamman pínu svona smá.... en hei, hann þarf að fullorðnast drengurinn. Verð bara að venjast því.

Nú og svo vorum við með góða gesti síðustu helgi. Gerðum bara fullt, höfum það huggulegt saman og strákarnir skemmtu sér rosa vel. Hlakka til að þau komi aftur.

Jæja verð víst að vinna líka!!!

Gleðilega helgi.

Mikið að gera

2011-09-16T08:32:00.003+02:00

Ég var alveg búin að gleyma því hvað er alltaf mikið að gera hjá okkur á veturna. Finnst ég bara vera heppin þegar ég næ að búa til mat, sem er að vísu flesta daga en stundum endum við á að borða brauð í kvöldmatinn. Það gerist samt sjaldan um helgar og aldrei þegar við erum með gesti. Ójá í dag fáum við góða gesti frá Íslandi. Gugga, vinkona mín til margra áratuga kemur ásamt Hafsteini syni sínum sem er líka besti vinur Baltasar á Íslandi. Nú skal vi kose oss. Held hreinlega að Gugga sé mín elsta vinkona. Við kynntumst sumarið sem við fluttum á Höfn.Svei mér þá. Allavegna þá ætlum við að hafa það gaman um helgina, túristast smá, trúlega verða nokkrar búðir skoðaðar og svo gert eitthvað skemmtilegt fyrir stákana.

Svo er Saga að fara á leirskole frá mánudags til fimmtudags. Leirskóli er þegar heill bekkur(alltaf 7. bekkur) fer frá mánudegi fram á fimmtudag eitthvað upp í fjöll og læra um nátturuna, sigla kanó, grilla úti og fara í langa göngutúra. Sá lengsti verður 10 km. Fæ þreytta stelpu heim á fimmtudaginn. Held að við sleppum fimleikum og Dissimilis það kvöldið. Spennandi fyrir hana. Hún gistir í hytte ásamt stelpunum í bekknum, kennararnir gista í annari hytte svo að þetta verður í fyrsta skifti að Saga er ein án stuðnings. Mömmuhjartað pínu viðkvæmt en hún á eftir að taka þetta með stæl. Er orðin svo stór stelpa. Hún skrifaði bréf til eins ungs drengs í fyrradag þar sem hún bað hann um að verða kærastinn sinn. Hún bað hans að vísu líka en pabbi hennar bannaði henni að tala um giftingu svona ung svo að hún breytti textanum svo að hún ætlar víst að giftast honum þegar þau verða fullorðin. Bara sætt.

Baltasar fór í strætó með vini og mömmu síðasta föstudag. Næst fara þeir einir! Fegin að hann á síma. Pínu erfitt að senda þá svona eina en eftir nokkur skifti eiga þeir eftir að vera eins og kóngar. Annars verð ég nú að segja frá því að Baltasar var í norsku samræmdu prófi á miðvikudaginn. Hann sat rólegur og vann í heilar 90 mínútur. Það er algjört met fyrir hann. Skólaáhuginn er ekki beint alveg að drepa hann. Sátum í gær og skrifuðum bókarumsögn. Hann skrifaði um eina bók í heilum bókaflokk og ætlaði aldrei að nenna að skrifa undirtitilinn á bókinni. Það er sá titill sem segir til um hvaða bók í bókaflokknum um er að ræða. Fannst það minna mikilvægt. En þetta kemur allt saman!

Jæja verð að þjóta á fund. Hætti snemma í dag. Allir dansa nú.

Gæða helgi.

Maður er stundum alveg orðlaus...

2011-09-02T08:15:00.003+02:00

var það allavegna í síðustu viku. Eða kannski ekki alveg orðlaus, hafði eiginlega lítinn tíma til skrifa vegna fundaflóða í vinnunni. Skrifa yfirleitt um leið og ég kem(áður en hinir eru mætt!) en það var bara fundað frá eldsnemma til seint. Þoli ekki svoleiðis daga, næ ekkert að vinna vegna funda. Hefur fólk ekkert annað að gera en að tala saman!!

Allavegna þá er ég tilbaka málglöð að vanda. Fór í sumarbústaðarferð síðustu helgi með nokkrum vinkonum. Ekkert gert nema að borða, drekka, tína sveppi og fara í gönguferðir. Hentum okkur í pottinn á föstudagskvöldið og nutum ljósadýrðarinnar frá eldingunum í Oslóarfirðinum. Við sluppum sem betur fer. Hefði nú trúlega ekki setið í heitum potti í þrumum og eldingum. Góð leið til að láta grilla sig ef eldingu slær niður. Týndum allavegna alveg slatta af sveppum, afraksturinn má sjá á facebooksíðunni minni.

Þessa helgina liggur leiðin til Svíþjóðar á uppskeruhátíð. Förum á hverju ári, kaupum mat beint frá bóndanum. Allskonar góðgæti eins og ostar, heitreiktur fiskur, te, sultur og annað heimagert og gott. Vonandi að veðrið verði betri en síðustu helgi. Það voru nú meiri rigningarnar. Nú fer líka að styttast í Londonarferðina okkar. Búin að kaupa miða á Mamma Mia fyrir mig og Sögu. Ooo hvað mín verður glöð. Öll fjölskyldan fer að vísu til London en einkasonurinn vildi sko ekki fara á einhvern musical. Hann vill sjá fótbolta að sjálfsögðu. Við ætlum að reyna að gera eitthvað skemmtilegt fyrir börnin þessa daga sem við verðum þar svo að það verður nú lítið um búðarráp. Ég ætla nú samt í Harrods og kaupa smá góðgæti af mat þar. Svo er ég búin að ákveða að borða á Jamies Italian restaurant. Það á mér eftir að þykja skemmtilegt. Mögulega skemmtilegra en að sjá Mamma Mia. Búin að sjá myndina svona gesilljón sinnum. Saga er nefninlega með eindæmum hrifin af þeirri mynd.

Aldrei þessu vant fann ég nýtt lag. Var það ekki gott hjá mér? Njótið í botn.

Glóða helgi.

Bla bla bla bla

2011-08-26T08:18:00.003+02:00

Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla. Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla. Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla. Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla. Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla. Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla.

Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla. Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla Bla bla bla bla bla bla bla bla.

Bla bla.

Er ég að verða gömul?

2011-08-19T08:40:00.005+02:00

Hef heyrt að það fylgi háum aldri að tíminn fari allt í einu að líða svo ósköp hratt. Svei mér þá ég næ ekki að fylgjast með lengur, það var mánudagur í gær og svo er allt í einu föstudagur og komin tími til að blogga. Allt of fljótt finnst mér, er orðin eitthvað svo stuttorð í þessu bloggi mínu. Held að ég sé að detta í SMS fílinginn. Ég frétti það síðustu helgi að ég væri alræmd í minni norsku fjölskyldu fyrir stuttorð sms. Ég skrifa allta sem minnst og ef ég á að vera alveg hreinskilinn hélt ég að það væri eðli sms að vera stutt og hnitmiðað. Fékk sms um daginn frá systur JC þar sem hún spyr hvenær afmælið hans Baltasar yrði. Ég svaraði: 14.03 kl 16:00. Henni fannst þetta ósköp stutt. Hvað átti ég eiginlega að segja meira, ég svaraði því sem ég var spurð um? Mér finnst alltaf gott að fá stutt sms sjálfri, hefur maður eitthvað meira að segja hringir maður eða sendir mail og hana nú.

Annars verð ég að viðurkenna að afmæli sonarins gleymdist smá, skrifaði ekkert um það eiginlega í blogginu eða facebook. Minntist á það en lítið meira en það. Var bara svo gasalega æst yfir þessum tónleikum að allt fór bara í smá rugl en nú er ég búin að endurheimta sjálfa mig aftur og tókst að halda afmæli síðasta sunnudag fyrir fjölskylduna. Fyrsta skifti sem afi, amma og afi Jón eru í sama afmæli hjá okkur. Voða gaman fannst mér. Núna á sunnudaginn er eitt afmæli til, 13 galvaskir strákar ætla að snæða pizzu og hafa það gama saman - úti!! Skrifaði í boðskortið(sem var online kort og engin farin að fatta enn!!! þarf greinilega að hringja í fólk) að allir ættu að taka með föt eftir veðri því þetta væri útiafmæli. Um að gera að láta þetta lið viðra sig aðeins, þeir eru allir sem einn að drukna í tölvuleikjum og sjónvarpsglápi þessa dagana. Baltasar er heima allann daginn, búin að vera einn þessa vikuna og þá dettur hann í þessa óvirkni. Ferlegt alveg. Honum finnst eiginlega skemmtilegast að vera úti að leika sér en vinir hans eru ekki eins mikil útibörn og hann og þá endar þetta svona. Skil að honum finnist ekkert gaman að vera einn úti að leika sér.

jæja er maður ekki bara búin að finna enn eitt lag sem var alveg löngu gleymt. Svona gúdfílinglag fyrir þennan gráa föstudag. Hér þarf að hækka aðeins í tölvunni því þetta er greinilega smá gömul upptaka.

Góða helgi.

Maðurinn í mínu lífi þessa dagana..

2011-08-12T11:53:00.002+02:00

er enn Prince! Fyrsta sem ég hugsaði þegar ég kom á tónleikana var að það væri nú gaman ef hann myndi byrja með "Let´s go crazy" og eins og við manninn mælt byrjaði hann að spila það. Er hægt að biðja um betra opnunarlag á tónleika? Já er enn að lifa á þessum tónleikum. Þegar maður er búin að bíða frá unga aldri að sjá visst fólk á sviði þá tekur smá tíma að melta allt saman. Kannski sérstaklega núna þar sem maður fær eiginlega samviskubit yfir því að vera glaður og skemmta sér þegar svo margt fólk í kringum mann er í sárum. Noregur er lítið land og þrátt fyrir að ég þekki ekki neitt persónulega sem missti neitt í árásinni þá missti kona sem vinnur í sama fyrirtæki og ég 17 ára gamla dóttur sína. Fleiri sem ég hef talað við þekktu einhverja sem annaðhvort létust eða voru á Utøya þegar þetta gerðist. Held að þetta sé svona fyrir marga í dag, eina mínútuna er maður í banastuði og þá næstu man maður það sem gerðist og allt verður dimmara.

Það er mikið í umræðunni hér hvað fólk eigi eftir að læra eftir þessa atburði. Virðist sem fólk sé aðeins meira upptekið af hvernig aðrir hafi það, séu umhyggjusamari við hvort annað. Svo virðist líka sem fólk sé meira tortryggið í garð annara. Fann fyrir því sjálf í síðustu viku. Það lá fullur plastpoki fyrir framan hurðina að hæðinni minni í vinnunni. Þessar hurðir sem ganga inn á skrifstofurnar eru alltaf læstar. Þessi poki var fullur af einhverju og var búin að liggja þarna í smá tíma, ég á endanum ákvað að reyna að sjá hvað væri í honum án þess að snerta pokann. Þegar ég byrjaði að beygja mig niður kom maður hlaupandi og sagðist eiga pokann. Hann sagðist hafa verið í vafa hvort hann ætti að skilja hann eftir þarna og eitthvað bla bla sem ég skildi ekki alveg en allavegna þá tók hann pokann. Fullt af fólki hafði tekið eftir þessum poka og varð hálf tortryggið og var að tala um hvað þetta gæti verið. Fyrir frí hefði trúlega engin velt þessu fyrir sér.

Það eru líka búnar að vera tvær sprengjuviðvaranir eftir þessa atburði. Engar sprengjur þegar allt kom til alls en hræðslan er til staðar í fólki núna og Noregur er kannski farin að opna augun fyrir því að ýmislegt getur gerst í þessu rólega landi. En mikið lifandi skelfing er ég og allir sem ég tala við fegin að þessi árás var ekki gerð af múslimum. Þá hefði orðið alveg skelfilegt ástand hérna. Það er hægt að lifa með að geðveikur maður geri svona hluti afþví að hann er snarbilaður en verra þegar fólk gerir svona í nafni trúar eða stjórnmála. Þá er líka sjaldnast ein persóna að verki, þá er yfirleitt verið að tala um heilann hóp fólks og það er töluvert öðruvísi. Sérstaklega þegar það er alltaf smá ólga í kringum þau mál hér í landi.

Jæja er þetta bara ekki að verða gott. Ætla ekki að gera neitt þunglyndan af þessum lestri en svona atburðir setja spor hjá öllum.

Viti menn, mér tókst að finna Prince lag á youtube. Var slatti núna, hann er kannski að verða latari að láta fjarlægja lögin sín. Hef áður fundið lag með honum sem var svo fjarlægt á nóinu. Njótum á meðan hægt er. Lovlí lag sem hann spilaði EKKI á tónleikunum. Alveg makalaust eiginlega að svona lágvaxinn maður geti sungið svona hátt!

Góðar stundir

Ellikelling farin að segja til sín

2011-08-05T16:55:00.003+02:00

Ég hreinlega gleymdi að blogga í morgun. Svona er maður orðin elliær. Hefur trúlega ekki farið fram hjá neinum að ég var á Prince tónleikum á 10 ára afmælisdegi sonar míns. Skammast mín ekki neitt því ég er búin að bíða eftir þessum tónleikum frá ég var 14 ára. Og mikið var gaman og mikið var þessi litli litli maður frábær á sviði. Þvílíkt talent. Fór með Aldísi vinkonu minni úr Lier(fyrrverandi Hornfirðingur) og það var bara geðveikt stuð hjá okkur dísunum saman. En án gríns þegar Prince var hér í Bergen í vetur og ég ákvað á endanum ekki að fara var ég að sjá eftir því í fleiri mánuði. Var alveg viss um að það var minn síðasti sjens að sjá hann en NEI ALDEILS EKKI. Ljúft líf. Tek það samt fram að ég og fjölskyldan borðuðum á veitingarstað í Osló í tilefni 10 ára afmælisdegi sonar míns og höfðum það gaman saman fyrir tónleikana.

Fór annars á minningarstund síðustu helgi fyrir fórnarlömbin sem dóu í hryðjuverkarárásinni í júlí. Það var góð stund, allir með rósir sem var lyft á loft í staðin fyrir að klappa fyrir þeim sem spiluðu. Mjög fallegt. Maður er eiginlega ekki alveg búin að ná þessu enn.

Annars eru m og p hér núna, p og húsbandið eru að gera sig tilbúna í veiði. Ætla að tjalda og það rignir og rignir og rignir. Góða ferð segi ég bara. Ég ætla að vera heima og hafa það huggó.

Jæja best að henda sér í matseldina, er að gera tapas. Kókosrækjur í koriander/myntusósu, portugalska skinku og portugalska osta. Aspars, kartöflur í ofni, aioli og olivukex sem mamma er að baka as ví spík. Jömmí.

Ekki var hægt að finna lag með Prince á youtube frekar en fyrri daginn svo að ég spila þetta í staðinn. Samið af kappanum.

Góðar stundir.

Reyni aftur

2011-07-29T09:02:00.005+02:00

jæja þá er þessari bloggpásu lokið í bili. Sjáum hvort ég verð eitthvað virkari í haust en ég hef verið undanfarið. Allavegna þá er fjölskyldan komin heim frá Portugal.Búin að lifa í hálfgerðum þykistuheimi í 2 vikur í sól og sælu og komum svo tilbaka í breyttan Noreg. Þvílíkar hörmungar sem maður les um er bara ólýsanlegt. Þessi maður er svo brenglaður að heimurinn hefur trúlega sjaldan séð annað eins fyrir utan nokkrar undantekningar eins og t.d Hitler. Ýmislegt sem er að koma í ljós núna sýnir að hann hefur lifað í einhverri veröld sem á ekkert skilt við veruleikann. En ég ætla samt rétt að vona að hann fái ekki styttri dóm á grunvelli geðveiki því það væri alveg hræðilegt. Á að fá lífstíðardóm án möguleika á að sleppa út. Nei ég á ekki orð yfir hversu hrikalega sorglegt þetta er.

Fyrir utan þetta þá áttum við samt gott frí, vorum í litlu sambandi við umheiminn svo að við heyrðum um þetta fyrst á laugardeginum. Það var þvílíkt gott veður í Portugal og allt bara stórfínt. Kom eiginlega mest á óvart hvað var dýrt að versla í matinn, segi ekki að það sé sama verðlag og í Noregi en miða við laun Portúgala hljóta þeir að eyða meiru af launum sínum í mat en meðal norðmaðurinn. Hef aldrei farið í frí og verslað svona ægilega lítið. Keypti mér að vísu hræódýra sandalaskó og nærboli!! Húsbandið keypti sér líka nærboli. Greinilegt að maður þarf að fara til Portúgal til að updeita nærfataskápinn hjá sér. En eitt er víst og það er að maður grennist ekki í fríium. Franskar með öllu er ekki það besta í heimi fyrir heilsuna. Núna ætla ég að skella mér í smá meiri hollustu enda lítið fyrir franskar að jafnaði.

Vill nú ekki sleppa föstudagslaginu en kann ekki við að vera með eitthvað stuðlag þessa dagana enda er maður ekki alveg stemdur fyrir það núna. Þetta lag stendur alltaf fyrir sínu með boðskap sem aldrei fyrnist.

Góða helgi.

Gleymt blogg

2011-06-24T08:13:00.002+02:00

Varð ekkert úr bloggi í síðustu viku og kannski bara allt í lagi. Grunar að það komi ekki margir hér inn lengur enda hef ég ekki skrifað neitt skemmtilegt lengi. Fínt með smá bloggpásu núna. Kannski kem ég sterkari til baka og kemst í gamla formið. Er hálf andlaus þessa dagana og það ekki afþví ég hef ekki frá neinu að segja því það er meira en nóg að gera hjá mér. Held bara að maður fái smá leiða eftir svona langann tíma. Svo að þetta verður síðasta blogg fyrir frí, er tilbaka í endan júlí eða byrjun ágúst. Fer eftir bloggforminu.

Fór annars til Bornholm síðustu helgi með vinnunni. Það var nú mikið húlllumhæ. Fór með sem ljósmyndari með sölufólkinu. Allir sem hafa unnið söluherferðirnar síðasta hálfa ár fara í svona ferð 2x á ári svo að við vorum 150 sem fórum í þessa ferð. Svo mörg að fyrirtækið leigir eigin flugvél fyrir okkur. Beint flug til Bornholm, ekki oft það gerist frá Osló. Allavegna þá var þetta ægilegt stuð, fórum á Miðaldarsenter og borðuðum og drukkum, á hestahlaup, á vínbú í vínsmökkun, bjórsmökkun í bruggverksmiðju og svo galadinner. Semsagt nóg drukkið og djammað. Sem ljósmyndarinn í ferðinni varð ég að halda mér góðri svo að ég var frekar hógvær en ekki hægt að segja það sama um samferðafolk mitt. Lentum á hádegi á sunnudeginum og á vellinum biðu JC og Saga eftir mér. Við vorum að fara til Svíþjóðar að skoða bústað. Enduðum á að rammvillast inn í myrkustu skógum Svíaríkis, Saga ældi sig og allan bílinn út og það varð að klæða hana úr öllu en sem betur fer var ég með farangur svo að hún fékk lánaðar buxur hjá mömmu sinni. Enduðum á að koma of seint að skoða bústaðinn sem okkur leist ágætlega á. En það var þreytt Helga sem kom heim þetta kvöldið.

Erum að fara til Íslands í næstu viku(ef það verður ekki verkfall) að ná í einkasoninn. Hann er búin að vera í góðu yfirlæti hjá afa og ömmu og skemmt sér vel. Eftir þá ferð verður stefnan tekin á Algarve þar sem ég hef hugsað mér að verða brún. Gerist víst ekki hér þar sem það rignir hvern einasta helv... dag.

Jæja er þetta bara ekki nóg í bili.Vona að allir sem ramba hér inn fái gott sumarfrí og svo sjáumst við bara síðar.

Glóðahelgi.

Blessuð börnin

2011-06-10T07:48:00.004+02:00

Las um daginn grein sem mig grunar var í Eystrahorni og fjallaði um að fótbolta leikmennirnir í Sindra eyddu heillöngum tíma fyrir framan spegilinn áður en þeir ffæru á völlin að spila leik. Man svo sem ekki hvaða aldurshópur þetta var en grunar að hér hafi verið um unglinga að ræða. Það er svo sem ekkert óeðlilegt, maður var yfir meðallagi upptekin af útlitinu á þeim aldrinum en man samt ekki að ég hafi verið neitt sérstaklega stressuð yfir að ekki líta vel út í íþróttum. Og þetta væri svo sem í lagi ef þessi útlitsdýrkun væri einskorðuð við þennan aldurshóp en það er bara ekki svo. Var að tala við kollega minn í Svíþjóð í gær og hann á son sem er 11 ára. Alveg sama saga, drengirnir eyða nánast lengri tíma fyrir framan spegilinn áður en þeir fara á völlin en að tala við þjálfarann og hvorn annan og peppa sig upp fyrir leikinn. Peppið er greinilega það að öll hárstrá þurfa að vera á sínum stað, ekkert kjaftæði þar. Sé sama tendens hjá syni mínum sem er 10 ára, ekki alltaf vilji fyrir hendi að nota hjólahjálm því það eyðileggur hárið!!! Ó MÆ GOD hvað er að þessu liði.

Hér úti eru margir sem blogga, vinsælt fyrirbæri er svokallaðir bleikir bloggarar sem eru ungar stelpur(13-18) sem bara blogga um föt, útlit,tísku og annað jafn mikilvægt. Þetta les svo stór hópur 10 ára krakka sem eru EKKI orðnir unglingar en greinilega eru í miklum flýti að verða það og taka svo eftir þessu og allt í einu er útlit orðið það mikilvægasta í heiminum. Ég geri mér fullkomna grein fyrir að útlit hefur alltaf verið mikilvægt hjá unglingum en núna er þetta bara farið að færast svo langt niður í aldur að mér finnst það hálf skerí. Krakkar um 9-10 ára sem eru hætt að leika sér með dót því það er svo barnalegt og eyða tímanum í staðinn í tölvuleikjum eins og moviestarplanet og topmodel. Og foreldrar sem kaupa unglingaföt handa stelpunum sínum þó þær séu bara 8 ára. Ég veit ekki alveg hvað maður á að gera til að reyna að sporna við þessu, grunar að það sé frekar erfitt. Ekki er hægt að senda öll börn til Indlands og sjá hvernig hinn helmingurin lifir.

Hér eru líka alveg dæmalaust heimskir sjónvarpsþættir þar sem útlitsdýrkun og heimska er í fyrirrúmi. Hið svokallaða reality TV þar sem hópur af ungu fólki fer í eitthvað stórt einbýlishús með sundlaug og svo drekka þau sig full,ganga um í sundfötum alla daginn brún og glansandi, ríða og láta eins og hálvitar og svo verða þau fræg. Það er nefninlegla nýjasta atvinnugreinin - frægð. Stór hópur barna í dag svarar að þau ætli að verða fræg þegar maður spyr hvað þau ætla að verða þegar þau verða stór. Og það versta við þetta allt að það er frekar auðvelt að verða frægur, allavegna í stutta stund. Bara koma þér inn á einhvern reality þátt, láta eins og fordekraður hálfviti með flott hár og hvítar tennur og vupsi þá er maður orðin frægur. Martröð allra mæðra í Noregi er að börnin þeirra sæki um þáttöku í svona þætti þegar þau eru orðin 18 ára. Myndi hreinlega ganga í sjóinn. Þetta unga fólk sem er mest upptekið af útliti frá barnsaldri á eftir að erfa jörðina einn góðan veðurdag. Hversu skerí er það. Vona að foreldrar reyni að sjá til þess að þessi blessuð börn fái með sér einhver gildi sem eru mikilvægara en hár og föt svo að maður þurfi ekki að kaupa sér geimferð á gamalsaldri til að sleppa við að lifa í samfélagi þar sem fólk kannski verður skotið ef það er með ljótt hár eða gular tennur. Nei segi bara svona!! Jæja þetta var tuð dagsins.

Einkasonurinn komin til Íslands. Og það var nú ekki svo auðvelt. Það er orðið alveg hræðilegt að fljúga til gamla landsins orðir, annaðhvort eru seinkanir vegna ösku eða verkfalls. Vélin héðan var næstum 3 tíma eftir áætlun svo að plönin um að keyra alla leiðina austur var breytt og gistu þeir feðgar á Eddu hótelinu í Vík. Afsláttur og allt!

Hver man ekki eftir þessu?

Góða helgi

Og þá kom sumarið

2011-06-03T08:50:00.003+02:00

Eftir frekar napran maí kom loksins sumarið í gær, vona að það staldri við sem lengst. Í því tilefni fór fjölskyldan í langtan hjólatúr. Erum búin að kaupa hjólafesti á bílinn svo að við brunuðum niður á Fornebu(þar sem flugvöllurinn var einu sinni) og hjóluðum um svæðið þar.Rosalega fínt hjólasvæði, allt flatt og hjólastígar útum allt. Þetta var bara eins og að vera í Danmörku. Er ekki vön svona flötu hér þar sem við búum, hér eru bara brekkur og flestar upp í mót! Eftir að hafa hjólað góða stund stoppuðum við á baðströnd þar sem krakkarnir kældu sig í sjónum. Og það verður að segjast að þau urðu ansi vel kæld. En mikið var það uppliftandi að fá svona fínan dag. Spáð áfram góðu svo að ég ætla að ráðast í göngutúra um helgina og svo garðinn.

Ætla að hafa þetta stutt í dag. Ekki það að ég hafi neitt að segja, það er bara svo geðveikt að gera í vinnunni þar sem ég er að fara til Stockholm í næstu viku að ég má ekki vera að þessu. Hefði átt að skrifa í gær!

Góða helgi.

Helga litla er hér

2011-05-27T07:34:00.002+02:00

Stoppaði nú stutt við á Íslandi um daginn þegar ég fór til að vera við jarðaförina hennar ömmu. Var svo mikið að gera helgina eftir í fótbolta og fimleikum að ég gat ekki verið lengur. Og sem betur fer kannski.Hefði orðið öskuföst á Íslandi. Hefði ekki viljað það við þessar aðstæður. Á eftir að taka heillangan tíma að venjast því að amma er farin, hef aldrei verið í Reykjavík án hennar. En svona er víst lífið, þegar fólk er komin á þennan aldur verður maður að búast við því. En samt alveg jafn sorglegt og erfitt fyrir það. Og ég verð að viðurkenna að ég var bara alls ekki undirbúin að þetta myndi gerast núna.

Fyrir utan þessa stóru sorg þá gengur lífið samt sinn vanagang sem betur fer. Krakkarnir á fullu í sínum íþróttum. Fimleikamót gekk mjög vel og svo fótboltamót líka. Saga er svo að fara á íþróttamót fatlaðra um helgina,keppir í sundi í dag 25 m,50 m og boðsundi (stafett heitir það á norsku) ásamt 100 m og 400 m hlaupi og 100 m boðhlaupi á morgun. Er spennt að sjá hvernig 400 metrarnir ganga. Hún veit nefninlega ekki um það enn!! Baltasar á kafi í boltanum, aðeins 2 vikur í að hann fari til Íslands. Er farin að hlakka til og hafa áhyggjur af þessu gosi og því að keyra alla leiðinna til Hafnar. Við mæðgur förum og náum í hann í lok júní og þá ætlum við að fljúga svona til tilbreytingar. Ekki hægt að eyða 2 dögum í að keyra þetta þegar við stoppum bara í viku. Svo er ég farin að hlakka til að verða brún í Portugal. Hiti og sól og sandur - lovlí.

Annars rigndi alveg svakalega í morgun þegar við fórum á fætur. Saga leit út um gluggan og rak um skaðræðisóp og sagðist svo þurfa að vera heima í dag. Hún er alveg ægilega lítið rigningarbarn blessunin. En núna fá öll blómin sem ég plantaði í gær fullt af vökva og verða fín og falleg. Þið hefðuð átt að sjá hvað ég var dugleg í garðinum í gær. Svei mér þá ef fingurnir á mér eru ekki að grænka með aldrinum(Gildir ekki inniplöntur).

Held ég láti þetta duga í dag, brjálað að gera í vinnunni.

Uppáhalds Elton lagið mitt.

Goða helgi.

Sorgarblogg

2011-05-13T18:35:00.004+02:00

Fyrir viku síðan dó amma mín á Nesinu. Mamma hringdi í mig um miðjan dag og sagði mér þær sorglegu fréttir. Þrátt fyrir að hún hafi verið 88 ára átti ég alls ekki von á að þetta væri neitt í nánd. Ég var mikið hjá henni og afa sem barn, bjó hjá þeim fyrstu árin og svo aftur þegar ég var í menntaskóla. Búin að vera frekar aum þessa vikuna. Fer heim í næstu viku til að vera við jarðaförina hennar. Hef aldrei verið í Reykjavík án þess að heimsækja hana. þetta verður erfitt og skrýtið og sorglegt. Mikið á ég eftir að sakna hennar. Hún var góð amma. Er svo fegin að hafa farið til Íslands í mars og hitt hana. Veit að þetta hefði verið helmingi erfiðara hefði ég ekki séð hana síðan í fyrra sumar.Núna þarf ég bara að læra að lifa með að hún sé farin og hugga mig við það að hún átti langt líf og þurfti ekki að þjást í fleiri ár áður en kallið kom. Hlustum á eitt íslenskt í minningu um góða konu.

Verð á Íslandi eftir viku svo að það verður ekki bloggað hér fyrr en eftir 2 vikur.

Góða helgi.

Hættui gráta hringana á...

2011-05-06T09:04:00.002+02:00

Því hér er mikið hlæ hlæ. Græt stundum úr hlátri þegar ég fer inn á eina af mínum uppáhalds síðum awkwardfamilyphotos. Það voru einhverjir ungir menn sem byrjuðu á þessari síðu sem smá gríni yfir öllum hallærislegu myndunum sem fundust í myndaalbúmunum þeirra en þetta vakti gífurlega lukku hjá öllum sem komu inn á síðuna og fólk sendi inn myndir af sínum fjölskyldum alveg í hrúgum og nú er þessi síða stappfull af hallærislegum myndum. Læt ensku tekstana fylgja, svo ansi fyndið. Fólk getur verið alveg frábærlega fyndið án þess að ætla sér það. Smá sýnishorn frá þessari skondnu netsíðu.

Who Brought This Guy?
You should see dad’s poker face.

Birthday Casual
We’re going to give dad credit for the cake.

Indifferent Strokes
A friend thought some plants would liven up the place.

Mr. Super Casual

He’s getting married, but hey, it’s all good.

Hair Band

In this family, you go bald. You’re out.

Look At It

These two are considering having one of their own.

Svei mér þá ég held að við eigum ekki svona margar bjánamyndir heima hjá mér!! Jæja skellum okkur í tónlistina.

Gleðilega helgi.

Hæ, dúllía, dúllía, dúllía, dæ, hæ, dúllía, dúllía, dúllía, dæ.

2011-04-29T08:22:00.005+02:00

Já veðurguðirnir greinilega komnir heim og í algjöru rjóma skapi. Búið að vera blíðskapaveður nánast allan apríl. Var á bikíníunum um helgina hérna úti á palli. Lovelí. Makalaust alveg hvað maður getur verið hvítur. Eitt er að vera 20 ára og næpa en annað er að vera 40 ára og næpa. Ekki hið minnsta sexý get ég sagt ykkur.

Annars er það helsta í fréttum að það voru páskar um daginn og við skruppum til Svíþjóðar að vanda og átum þar á okkur göt. Og fyrir utan það. Tja... ekki mikið. Jú annars. Datt í keilu um daginn. Húsbandið átti afmæli á miðvikudaginn og það var haldið upp á þann merka dag með að fara í keilu. Sögu tókst að henda kúlunni svo að hún festist í grindinni og ég aulinn dreif mig á næstu braut til að losa um helvítis kúluna. Ekkert að spá í því að þessar brautir eru náttúrulega glerhálar. Þetta tókst ekki betur er svo að ég flaug aftur fyrir mig og mesta mildi að ég skildi ekki hafa handleggsbrotnað, ja eða hálsbrotnað. Búin að vera hálf aum í handleggnum síðan. Sem betur fer þeim vinstri. En núna veit ég allavegna hvað er hált á svona keilubrautum. Assgoti hált verð ég að segja og mæli ekki með svona brölti í keilu við nokkurn mann.

Annars allir hressir og kátir heima hjá mér. Baltasar farið að hlakka til að fara til Íslands og mér farið að kvíða smá fyrir. Finnst nú að 3 vikur er smá langur tími en verð bara að harka af mér. Jæja ætla að ljúka þessu með að óska Villa og Kötu til hamingju með daginn. Þau eru nú meiri krúttin! Hipp hipp húrra.

Gæða helgi.

Smekkleysa

2011-04-15T07:33:00.004+02:00

í gærkvöldi fór ég út að þvælast í götunni minni íklædd rauðum gúmmístígvélum, fjólublá doppóttum náttbuxum, skærgrænum flísjakka og með handklæði á höfðinu. Veit ekki alveg hvað nágranni minn hefur haldið en honum þótti ég trúlega allt annað en sexí. Hann komst allavegna að því að ég er ekki ein af þessum nágrannakonum sem á háhælaða inniskó með dúsk, silkislopp og léttan innikjól. Ég er meiri týpan að ganga um akkúrat svona, held að hefði ég verið fullorðin nokkrum áratugum fyrr hefði ég eflaust átt eldhús slopp eða hvað þeir nú kölluðust. Svo déskoti praktískir. Stundum fer ég svona útí búð en sleppi þá handklæðinu. Finnst það aðeins of hómí. Annars er ég búin að komast að því að ég er orðin pjattaðri með aldrinum(móður minni trúlega til mikillar ánægju). Ég fer sjaldnar út í búð á náttbuksunum og er að jöfnu betur til höfð í svoleiðis skreppi en áður fyrr. Ekki það að ég punti mig neitt en er ekki alveg eins og dregin upp úr draug. Hef illan grun um að þetta sé eitthvað sem fylgir aldrinum.

Dæmi um vöntun á pjattgeni. Saga var á snyrtinámskeiði um daginn með fullt af öðrum downs stelpum. Ég var beðin um að hjálpa til, átti að naglalakka stelpurnar. Þegar ég var búin að naglalakka eina spurði ég hinar mömmurnar hvort væri ekki einhver mamman sem notaði naglalakk gæti gert þetta fyrir mig. Ég nota aldrei svoleiðis og hef aldrei gert og er alveg eins og 5 ára þegar ég er að naglalakka aðra og sjálfa mig líka. Stelpugreyið hefði alveg gert þetta jafn vel sjálf. Ein stelpa sem ljótt lakkaðar eldrauðar neglur og svolítið í kring líka og allar hinar svo fínar. Ekki gott. Ég á að vísu eitt eldrautt naglalakk. Hef notað það einu sinni og þá var það húsbandið sem naglalakkaði mig!! Ég ætti kannski ekki að segja frá þessu?

jæja held barasta að vorið sé komið til að vera þó það sé ekki orðið neitt sérstaklega hlýtt úti. Laukarnir mínir eru allavegna komnir upp og aðeins farið að springa út. Helgin verður tekin í að þrífa glugga, pallinn og útihúsgögnin og grillið tekið út. Verð í Svíþjóð næsta föstudag svo að ég sleppi því að blogga þá vikuna. Skjáumst næst eftir 2 vikur.

Jei beibí lets dens.

Fróða helgi.

Vorið er komið og grundirnar gróa

2011-04-08T07:57:00.004+02:00

Já haldið þið ekki að snjórinn sér byrjaður að bráðna. Loksins. Allur snjór farin af pallinum og eftir stendur þar restar af gólfdúkum og flísum síðan í þe big oppússning. Mega drasl sem verður keyrt burtu sem fyrst. Og haldið þið ekki að upp úr snjónum í garðinum mínum hafi birtst eins og eitt stykki klósett. Voða lekkert. Húsbandið var að spá í hvort við ættum bara að gróðursetja í það og setja fyrir framan húsið. Þá værum við þekkt fyrir að búa í klósetthúsinu! Æi ég veit ekki hversu spennt ég er fyrir þeirri hugmynd. En allavegna frábært að þessi vetur sé búin. Er hreinlega búin að vera í dvala, hef ekki heimsótt neitt fólk eða farið neitt nema í einstaka afmæli. Hef verið heima í 6 mánuði. Núna ætla ég að fara að dusta rykið af mér og koma mér út. Hitta fólk og spjalla og vera smá hugguleg. Allavegna um helgar.

Saga er að fara að taka þátt í fimleikamóti í lok mai og svo íþróttamóti fatlaðra helgina eftir svo að allur maí fer í æfingar. Fjögur kvöld í viku fara í æfingar og það er nú ekki svo lítið finnst mér. Baltasar fer að byrja í fótbollta, æfingar 1x í viku og leikur 1x í viku svo að það verður meira en nóg að gera á næstunni.
Búið að panta far til Íslands fyrir drenginn þann 9. juní. Pabbi hans fer með honum, keyrir honum austur og svo fer hann(pabbinn) í veiði með pabba mínum og Óskari. Planið er að keyra á fjórhjólum inn í land, í nágrenni Laka og dvelja í einhverjum kofa, veiða og vera karlmenni. Rosa spennandi fyrir húsbandið sem aldrei fer í svona ferðir hér. Baltasar verður að fá að koma með seinna. Er ekki mikið veiðibarn enn sem komið er!

Verð að fara að vinna. Geðveikt að gera. Greinilega fleiri en ég sem hafa verið í dvala í vetur. Allt að lifa til lífsins núna.

Hei nýtt lag!

Góða vor helgi.

p.s ef snóar eitthvað meira núna fer ég í útlegð. Vildi bara að þið vissuð það.

It´s alive!

2011-04-01T07:33:00.002+02:00

Ekki dauð úr öllum æðum enn. Var of upptekin við að sjoppa og skemmta mér til að geta bloggað síðasta föstudag. Ég var í bænum frá kl 10-1615 á föstudeginum og settist niður í heilar 10 mínutur á því tímabilinu til að gadda í mig einni langloku. Laugarvegurinn var tekin í bak og fyrir og kringlan líka á þessum degi. Var ofur effektív í þessum verslunarleiðangri og náði þar af leiðandi góðum tíma með vinkonum. Fyrst var tekin smá kvennó hittingur á föstudagskvöldin og svo heill dagur með þeim að austan. Það var nátturulega algjör snilld að taka svona dag. Byrjuðum laugardaginn á Zumba tíma og strax á eftir var farið í Spa. Hádegisverður snæddur niður í bæ, að vísu um miðjan dag. Spa-ið tók lengri tíma en áætlað eins og við má að búast þegar svona margar hressar konur eru mættar á sama stað. Svo var kíkt í búðir saman og endað á dinner heima hjá Hönnu Siggu með tapas, boblum og miklu hlæ hlæ. Hressandi fyrir sálina að fara í svona ferð. Ég keypti mér margar fínar afmælisgjafir,þar á meðal útivistarfatnað frá stelpunum og hring og hálsmen frá ömmu. Nú og svo 2 pör af skóm. Amm, skó er alltaf gaman að kaupa á íslandi. Ekki afþví þeir eru svo ódýrir en afþví þeir eru svo smart.

Er semsagt orðin vel skóuð fyrir vorið og bíð bara spennt eftir að það komi. Snjóaði í allan f.... gærdag. Er orðin svo ÞREYTT á þessum vetri að ég hef aldrei upplifað annað eins. Ég meina það, þetta er lengsti vetur sem ég hef lifað. Búið að vera snjór í 6 mánuði. Það er allt annað en mannbætandi fyrir sálina.

Jæja best að fara að vinna. Eitt stuðlag í tilefni dagsins.

Góða helgi.

Vinkonur

2011-03-18T08:02:00.002+01:00

Er að fara til Íslands í næstu viku. Er að fara að hitta gamla gengið frá Höfn. Skemmtilegustu samkomur sem ég fer á er með þessum gömlu góðu vinkonum. Þó svo að ég eigi nýja vini sem ég get hlegið og skemmt mér með hlæ ég samt alltaf mest með þeim gömlu. Kannski afþví að við hittumst svo sjaldan eða kannski afþví þær eru bara svo skemmtilegar allar sem ein. Mér finnst einhvernvegin svo þægilegt að eiga vini sem hafa þekkt mig alltaf . Held að vinir sem maður á þegar maður er í mótun séu mikilvægustu vinirnir á margan hátt. Kannski líka fyrir mig sem hef byrjað upp á nýtt tvisvar sinnum í nýjum löndum eftir að ég varð fullorðin. Allavegna hlakka til að hitta þær og spjalla og hlægja og heyra hvað er að gerast í þeirra lífi.

Er líka að fara að hitta vinkonur úr Kvennó. Það er líka mikið hlæ hlæ á þeim samkundum. Höfðum ekki samband í mörg ár, þegar allir voru að koma sér fyrir. En fyrir nokkrum árum tókum við upp þráðin að nýju og það var eins og við höfðum allar hist í gær. Ekki málið.

Er líka að fara út með vinkonu á morgun. Aldís er að bjóða okkur í tónlistar og dinnerdag. Búin að redda barnapössun og pússa spariskóna. Hún er sú vinkona hér í landi sem hefur þekkt mig lengst enda var hálfur Hornfirðingur um tíma.

Skál fyrir gömlum og góðum vinkonum. Nei tek það aftur, held ekki að það sé vel séð í alþjóðlegu tryggingarfyrirtæki að maður sé að staupa sig svona snemma á morgnana! Í kvöld ætla ég að skála fyrir gömlum vinkonum og hlakka til endurfundana.

Tileinkað öllum sterku konunum í mínu lífi sem er staðsettar hér og þar um heiminn.

Gleðilega helgi.

Stiklað á stóru

2011-03-11T07:56:00.000+01:00

-Enn sjór upp að hnjám og snjóaði allan daginn í gær. Taugaáfallið rétt handan við hornið.
-Var á námskeiði í gær um hvernig maður talar við barnið sitt um eigin fötlun. Áhugavert.
- Saga er að fara á "stefnumót" á sunnudaginn með Emil sínum. Bíó og út að borða á eftir. Ég verð fylgdarmær og sé til að allt fari vel fram.
-Ræddi blæðingar og dömubindi við Sögu á miðvikudaginn. Grunar að við þurfum að ræða þetta nokkru sinnum á komandi árum áður en þetta síast inn. Þema: Blæðingar eru ekki hættulegar og maður getur ekki dáið af þeim!
-Búin að kaupa miða til íslands í sumar, voða stutt stopp til að ná í einkasoninn sem ætlar að vera á Hornafirði í júní. Næ þó hátíðinni og vonandi einni fæðingu eða svo.
-Brjálað að gera í vinnunni,ekki tími í meiri skrif. Bless og góða helgi.

Eitt rólegt og gott í vikulok. Gæsahúð.

Síður rass..

2011-03-04T07:43:00.004+01:00

Held þar af leiðandi áfram rassæfingum þessa helgina en svo er þetta orðið gott. Verð þá bara að vera með lafandi rass. Það getur nú verið smá smart líka. Eftir viku ætla ég opinberlega að hætta þessu brölti og fara að huga að vorinu. Verð að viðurkenna að þar sem við erum með snjó upp að gluggakörmum verður það kannski ekki svo auðvelt en ég ætla að gera mitt besta. Er allavegna búin að panta mér sumarskóna, með hælum! Gúdbæ vinter og skíði.

Annars er það helsta í fréttum að dóttir mín er að verða unglingur eftir örskamma stund svo að nú eru allir í kringum hana farnir að undirbúa það af kappi. Hverja viku í skólanum fær Saga svokölluð øverord, eða æfingaorð (í beinni) þar sem hún skrifar mörgum sinnum sömu völdu orðin í bók á hverjum degi. Í lok vikunnar tekur hún svo réttritunarpróf þar sem þessi orð eru tekin fyrir. Hvað haldið þið svo að séu orð vikunnar? Blæðingar, túr, unglingur,ástfangin, tilfinningar, brjóst og klof. Halló Fjóla! Ungamama fékk pínu nett sjokk fyrst en þessi elska er svo ánægð með að vera að læra um þetta að maður verður bara að kasta sér útí þetta með sömu gleði og áhuga og hún. Hún er svo áhugasöm um líkamann að maður stendur stundum alveg á gati.

Verðandi unglingurinn: "Mamma ég er með bólu, hvað er inni í bólunni?"
Mamman: Svona ullabjakk :-o
Verðandi unglingurinn: Hvað er inni í ullabjakkinu?
Mamman: Jesúsminnbarn, hrútspungarnir eru að brenna við, verð að hlaupa. Segi þér það seinna.
Ja kannski ekki alveg það sem ég sagði en hugsaði það allavegna. Stundum þurfa mömmur smá tíma til að finna rétta svarið.

Annars erum við bara í sama gamla góða gírnum hér í Noregi. Heimsmeistarakeppnin í skíðum og allt það. Allir í stuði, sjónvarpið á allann daginn í vinnunni. Ég verð bara að viðurkenna fyrir guð og mönnum að ég hef alveg ægilega takmarkaðan áhuga á íþróttum í sjónvarpi. Finnst ég ekki vera neitt verri mannseskja fyrir það.

Þá er það tónlistin. Þetta lag var mikið spilað í Köben á sínum tíma. Ekki alveg það sem ég hlusta á þessa dagana en minnir á góða og mjög svo skemmtilega tíma.

Frábæra helgi.

Hjálp - ég er að verða norsk!!

2011-02-25T14:02:00.002+01:00

Ég er búin að fara á gönguskíði 3 helgar í röð. Ef það er ekki norskt þá veit ég ekki hvað. Í 2 skifti hef ég meira að segja farið ein með Sögu. Er mér viðbjargandi? Getur verið að vetrarhatandi manneskjan ég er farin að sjá ágæti þess að líða áfram(á jafnsléttu) með skíði og njóta vetrarins. Á jafnsléttu tek ég samt fram, ég er ekki alveg komin í gírinn í brekkunum. Saga hefur þurft að horfa upp á mömmu sína detta,fyrst á jafnsléttu og svo niður brekku. Sem betur fer er hún ekki orðin það mikil gelgja að henni finnst þetta pínlegt. Ég er búin að finna þennan ljómandi góða staðinn að fara á gönguskíði. Aðeins 3. mín keyrsla, allt flatt nema lítil brekka sem ég vel að ganga upp í staðin fyrir að renna niður, svo gasalega gott fyrir rassvöðvana. Á þessu svæði úir og grúir af allskonar útlendingum, sómölum, asíufólki og aröbum og svo mér. Þetta er greinilega innflytjendaskíðasvæðið. Ég er alls ekki léleg samanborið við mikið af þessu fólki - er greinilega á heimavelli. Finnst svo leiðinlegt að vera alltaf lélegust þegar ég fer á skíði meðal norðmanna. Nei þarna verð ég, alsæl með minn hreim og vöntun á hæfileikum að halda mér uppréttri í brekku og BEST!

Annars er mamma í heimsókn, búnar að fara til Osló og kíkja í búðir, aðeins meiri búðir og svo bíó. Já ég fór að sjá fullorðinsmynd til tilbreytingar í bíó, The black swan. Engin smá fullorðinsmynd það. Mér leið illa í fleiri tíma á eftir. Dem hvað hún var sálfræðilega skerí.

Jæja hvað er hægt að bjóða upp á þennan föstudaginn? Jú hvað annað en þetta eldgamla lag. Lítið stuðlag en gaman að sjá það og heyra engu að síður.

Góða helgi.

Afsakið hlé..

2011-02-18T07:02:00.002+01:00

en ég hafði ekki tíma til að skrifa síðasta föstudag. Ég hef eitthvað lítið að segja þessa dagana. Hér bara snóar og snjóar. Er alveg að fara á geði, orðin svo leið á vetri. Hér hefur veturinn verið næstum 2 mánuði lengur en venjulega og maður finnur fyrir því. Annars er mamma að koma hingað á Sunnudaginn og verður viku, það verður gaman að fá hana. Vetrarfrí hjá krökkunum og ég tek mér líka frí svo að við verðum hér heima að gera eitthvað skemmtilegt.

En eins og ég sagði, hef lítið að segja. Minn innri bloggari er í einhverjum dvala, skil það nú vel. Myndi gera það sjálf ef ég gæti. Vakna með vorinu. Vildi að ég væri björn.

Látum okkur dreyma um hlýrri tíma.

Skemmtilega helgi.

hmm.

2011-02-11T09:00:00.001+01:00

Snjór!

Have a lovely weekend.

"Ætlarðu ekki að kyssa hana"

2011-02-04T08:31:00.004+01:00

Þetta sagði amma mín við mig sem barn/ungling þegar gamlar frænkur komu í heimsókn út á Nes þar sem hún bjó. Ekkert langaði mig eins lítið eins og að kyssa hálf ókunnugar gamlar konur. Kannski voru þær ekki svo gamlar en í barns augum er allt fólk yfir 25 ára gamalt fólk. Börnin mín þurfa ekki að kyssa neinar gamlar frænkur nema þau vilji það sjálf. Annars er það fyndið hvað maður gat hugsað sem barn. Lengi vel hélt ég að piss væri í mismunandi pastel litum og man þegar ég loksins komst að því að svo var ekki. Bjó í Bólstaðarhlíðinni og var um 7 eða 8 ára. Kíkti ofan í klósettið í hvert skifti eftir að ég hafði pissað og komst að því að allir hinir höfðu rétt fyrir sér. Piss var bara ljós gult. Aldrei ljós bleikt, blátt eða grænt. Frekar skúffandi. Þegar við bjuggum þarna átti ég vinkonu sem bjó í sama stiga gangi. Hún kom frá svona stórfjölskyldu þar sem amman bjó með þeim. þau voru 6 sem bjuggu í sömu íbúðinni. Allavegna þá átti þessa vinkona mín systur sem var í gagnfræðaskóla. Hún var komin með brjóst og svaf i stuttermabol. Mér fannst hún gasalega svöl. Það sem ég hlakkaði til að fá að sofa bara í bol. Um leið og ég var komin með aldur til þess hætti ég að sofa í þessum lummó náttfötum og náttkjólum og fór að sofa í bol og hef gert það allar götur síðan með örfáum undantekningum. En brjóstin á henni voru önnur saga, ég held ekki að ég hafi þorað að spyrja hvernig þau urðu til en ég ímyndaði mér að maður fengi brjóst svona allt í einu. Að maður gæti t.d. farið í bað og svo myndu þau bara poppa upp. Já það var margt skrýtið sem maður velti fyrir sér á þessum árum.

Annars er Saga orðin ansi fær að nota vefsíðuna nrk.no sem er ríkissjónvarpið hér. Þar getur hún horft á barnatímann aftur og aftur og aðra þætti sem hafa verið sýndir á þessari stöð. Uppáhalds þátturinn núna er "Jordmödrene" eða ljósmæðurnar. Í þeim þætti eru sýndar fæðingar hér og þar um landið. Argandi konur í fæðingu, ungabörn sem koma út öll blóðug og feður sem hálf líður yfir. Þetta finnst henni alveg einstaklega áhugavert! Sonurinn aftur á móti er allur í tölvunum núna, hann er farin að blogga. Legg út link þegar hann er komin aðeins í gang.

Diskó friskó eitís.

Góða helgi

Morning

2011-01-28T08:00:00.002+01:00

Klukkan er 7 um morgun. Pabbinn smyr nesti, mamman er að ljúka listaverkinu í baðherberginu(eigin andliti) og unglingarnir sitja og borða morgunmat. Útvarpið er á en samt sem áður sitja unglingarnir með sitt hvorn iPodin og hlusta á eigin tónlist. Bíddu nú hæg, þetta eru ekki unglingar. Þau eru bara 9 og 11 ára og eru börnin mín. Hvað er eiginlega að gerast ?? Ja ekki veit ég, en eitt veit ég og það er að börnum mínum þykir alveg einstaklega vænt um iPodin sín. Saga fékk sinn í afmælisgjöf í haust og hún er enn að þakka mér fyrir þessa bestu gjöf sem hún hefur nokkru sinni fengið - gerir það nánasgt daglega. Þau sofa með þetta í eyrunum og vakna með þetta í eyrunum og syngja bæði hástöfum. Og talandi um að syngja, Dissimilis ætlar að byrja með barnakór og við vorum spurð hvort Saga hefði áhuga á að prufa sig þar. Jú mikil ósköp sagði ég, þekki enga manneskju sem hefur meiri gaman af að syngja en hún. En það verður að viðurkennast að laglausari barn hef ég sjaldan hitt!! En við ætlum að prófa samt. Baltasar er búin að skrá sig í drama í skólanum og syngur nátturulega eins og engill og mamma sín.

Annars er vitlausa eldhúsið komið upp, borðplöturnar koma í dag og á morgun byrjar húsfreyjan að skipuleggja og setja inn í skápana. Já húsfreyjan segi ég því húsbandið fær ekki að koma nálægt þessari skipulagningu. Hér ræð ég ríkjum. Hann má þó hjálpa að setja inn í skápana. En ansi verður þetta fínt. Svo miklu rýmra og praktískara. Húsbandið sagði í gær að nú mætti ekki koma neinn vondur matur úr þessu fína eldhúsi. Hvað meinarðu maður, er ég vön að elda svona vondan mat spurði ég. Hann varð hálf bjánalegur. Ég ákvað að fyrirgefa honum, var örugglega bara enn að jafna sig á ferðalaginu mikla. Annars fékk ég nú smá plástur á sárið þegar hann sagði mér að hann hefði engann tíma til að skoða neitt í Barcelona, það var skítkallt og fékk ekkert sérstakan mat. Var aðalega borðað á steikhúsum og við erum lítið steikarfólk. Hi hi, gott á hann.

Hendi inn hér einu klassísku íslensku.

Gísli Eiríkur helgi.

Drasl.no

2011-01-21T08:51:00.002+01:00

Nýja eldhúsið

Svona lifum við þessa dagana.

Eins og það sé ekki nóg að allt sé á hvolfi, ég var nátturulega farin að hlakka mikið til að fá nýtt eldhús. Komst að því í gær þegar var búin að fylla stofuna mína af elhúsinu að þetta er vitlaust eldhús!! Já við höfum fengið vitlausa neðri skápa eða skúffufronta til að vera nákvæm. Varð létt pirruð. Svo er rafvirkinn veikur og kemur ekki fyrr en á mánudaginn, sama dag og á að setja upp þetta vitlausa eldhús. Búið að vera svo mikið rugl á dömunni sem við pöntuðum af. Við höfðum t.d alveg í byrjun pantað svona innstungusúlu sem við svo afpöntuðum og hún sendi okkur meil og staðfesti að hún væri búin að taka það úr pöntununni. Hvað fáum við svo í gær, tvær súlur!!! OG VITLAUST ELDHÚS. Nei það á ekki af mér að ganga.GRRR frekar pirruð núna. Góða helgi.

Eldhúsið tómt...

2011-01-14T07:59:00.003+01:00

og ég líka. Bara þreytt eftir þessa viku en nú erum við komin svo langt að eldhúsið er galtómt en stofan alveg troðfull. Ekki hægt að klemma inn einni flugu. Allt á fullu í framkvæmdum. Set inn myndir þegar allt er orðið fínt.

Búin að panta 2. vikna ferð til Algarve í sumar. Jess beibí.Nú verður sumarið tekið með stæl. Hlakka geðveikt til enda veturinn hér orðin gaaaasalega langur. Jibbí jibbí jibbí jibbí. Verðum eina viku við Albufeira og eina viku við Portimao sem er hinu meginn í Algarve. Var ódýrara og svo bara gaman að sjá eitthvað nýtt. Ætlum að leigja bíl hluta af tímanum og skoða svæðið. Verðum á þessu hóteli fyrstu vikuna og þessu þá síðari. Ertu abbó?

Jæja er þetta ekki bara orðið gott? Held það bara. Vendi mér bara strax í föstudagslagið. Aldrei þessu vant er þetta boyband lag sem er ekki mér líkt því ég þoli ekki boyband svona yfirleitt. Nú eru kannski þeir í Take that ekki beint neinir strákar lengur . En allavegna, þá hreinlega líkar mér bara við þetta nýja lag þeirra. Hér í live útgáfu.

Góða helgi folkens.

Gleðilegt ár kindurnar mínar

2011-01-07T09:12:00.006+01:00

Já það er sko komið nýtt ár - mehe fyrir því. Með því koma nýir möguleikar. Og nýtt eldhús. Ekki ekki má gleyma nýrri mokkakápu sem húsbandið gaf mér í 40 ára afmælisgjöf. Maður er sko glæsilegur á gamals aldri. Áramótaheitin alltaf söm við sig. Hreyfa sig meira og borða minna. Eða var það öfugt? Svei mér þá það er ekki alltaf gott að segja hvaða áramótaheit maður hefur sett sér.

Jólin fóru í alla staði vel fram. Allir fengu pakka,maturinn var góður, Viggó frændi var hin rólegasti(hi hi, þetta skilja bara þeir sem þekkja hann) og Saga var veik. Ég veit hreinlega ekki um neinn sem ekki átti annaðhvort veik börn eða var sjálf/ur veik/ur þessi jólin. Meiri pestarjólin. Saga var meira segja svo veik að hún læsti sig inni á klósetti á aðfangadagskvöld í staðin fyrir að opna jólapakka. Hún var nú hin hressasta daginn eftir þegar móðir hennar ákvað að fara í stutta gönguferð. Ekki nema 11 stiga frost og smá gjóla og þegar við komum heim, 2 klukkustundum seinna var sú stutta alveg búin á því. Kannski að maður ætti að fara að muna að það er ekki nóg að komast á valin stað, maður þarf líka að labba tilbaka. Gosh hvað lærin á mér voru freðin. Sem betur fer varð þeirri stuttu ekki meint af og lærin mín höfðu nú örugglega gott af smá blóðstreymisbreytingu(er það orð?).

Viggó fór svo heim á annan í jólum og ég fór að vinna í nokkra dag. Nú og svo gleymdi ég syni mínum. Ekki má gleyma því! Hann hafði farið á snowboard námskeið. Ég átti að ná í hann kl 1400. Klukkan 1440 kom pabbi hans heim og spurði hvernig Baltasar hafði gengið á námskeiðinu. Ups! Hafði mín ekki bara steingleymt að ná í barnið. Hverskonar móðir er það sem gleymir barninu sínu ég bara spyr. Ég hafði semsagt fengið gesti 10 mínútum áður en ég átti að ná í hann og það var hreinlega eins og ég hefði fengið snöggann heilaþvott. Allt gleymt. Eins gott að skíðabrekkan er hér rétt handan við hornið. Tók ekki langann tíma að ná í hann. En drengnum var nú ekki meint af. Honum fannst þetta nú bara fyndið, húmoristi hann sonur minn.

Ætla að halda smá veislu á morgun. Verðum 13 til borðs(er ekki hjátrúarfull). Bara konur sem ætla að borða Tapas, drekka vín og hafa það gaman. Sá mér ekki fært að ná svona háum aldri án þess að halda smá teiti. Hlakka til.

Hendi mér bara strax í stuðið með þessu ljómandi góða lagi.

God helg.

Jólakveða

2010-12-24T13:58:00.002+01:00

Ef einhver skyldi detta hér inn yfir hátíðina óska ég þér Gleðilegra jóla og farsældar á komandi ári. Sjáumst fyrsta föstudag á nýju ári.

Lag vikunar er lagið okkar afa.

Bókajól

2010-12-17T09:46:00.003+01:00

Ég var svo heppin sem barn að ein amma mín vann á bókasafni og önnur átti bókabúð. Vantaði ekki bækurnar í mínu lífi. Fannst svo gaman að lesa, man ein jólin. Fékk bara eina bók í jólagjöf, verstu jól ever. Þegar ég bjó í bænum og var í 1-3 bekk kom amma oft og náði í mig í skólann og ég fór með henni í vinnuna. Það voru meiri draumastundirnar. Fyrst fékk ég kók og snúð eða súkkulaði sem annaðhvort amma eða Finnur sem vann með henni voru búin að kaupa handa mér. Svo lá ég endilöng og las og las og las. Ég var mest fyrir stelpubækur og teiknimyndasögur. Held hreinlega að ég hafi lesið allar Tinna bækurnar, Sval og Val, Astrix,Lukku Láka og svo allar hinar sem ég man ekki svo vel eftir. Hver man ekki eftir honum Gormi? Eða Dalton bræðrunum? Fannst voða gaman líka að lesa bækur um hvernig það var í gamla daga, bækurnar hennar Lauru Ingals og svo eina bók sem ég á enn sem heitir Bernska í byrjun aldar og fjallar um lífið í Reykjavík rétt eftir aldamót. Held að mamma hafi átt hana þegar hún var lítil. En hafði samt ekki gaman af bókunum um vesalings strákin frá í gamla daga sem var tekin frá fátækri mömmu sinni sem var farandvinnukona og hafði ekki efni á að hafa hann hjá sér. Var hann sendur á bóndabæ til að vinna fyrir fæði og húsnæði. Hitti mömmu sína nokkru sinnum á ári og þetta var allt mikil eymd og volæði. Man ekki hvað þessar bækur hétu en þær voru margar - heill bókarflokkur. Og sorglegar. En ég las þær nú samt.

Svo fór maður að eldast og fór að lesa bækur fyrir aðeins eldra fólk. Ísfólksbækurnar voru nú kapítuli í mínu lífi og enn þann daginn í dag það bláasta sem ég hef lesið. Það sem ég hafði gaman af þessum bókum. Hvaðan haldið þið að Sögu nafnið komin frá?? Jú jú, Ísfólkinu. Þegar ég las um hana Sögu Símonar ákvað ég að þessu nafni ætti mitt fyrsta barn að heita. Eins gott að ég eignaðist stelpu fyrst. Var nú alveg til í enn eitt ísfólksnafn þegar Baltasar fæddist. Mér hefur nefninlega alltaf þótt nafnið Sölvi svo flott.En Sölvi er konu nafn í Noregi, hann hefði þurft að heita Sölve og það er ekki flott og fáir sem heita því líka hér í landi.Hef ekki lagt í að lesa þær aftur, er hrædd um að ég verði ansi vonsvikin. Held bara að ég lifi í minningunni.

Já mikið var gaman að lesa sem barn. Hef illan grun um að börn í dag séu ekkert sérstaklega iðin við frístundarlestur lengur. Þarf allavegna að pína mín börn í það. Les enn daglega,en bara áður en ég fer að sofa. Get ekki sofnað öðruvísi. Mér til mikillar ánægju fæ ég íslenska bók fyrir jólin. Ánægð með lífið.

Hendi inn einu jólalagi svona í tilefni jólanna í næstu viku. Eitt með púrungum David Bowie,ekki láta blekkjast af öllu talinu í byrjun.Það kemur lag.

Góða oghlýja aðventuhelgi.

Hendari eða kaupari?

2010-12-10T08:30:00.002+01:00

Síðustu ár hef ég tekið eftir að ég fer í rosa henduskap fyrir jól. Ekki það að ég hendi endilega neinu en ég fer allavegna að hugsa um hvað við eigum nóg af öllu. Þegar fólk spyr mig hvað þau eiga að gefa Sögu og Baltasar í jólagjöf fer ég alveg í hnút. Mér finnst þau eiga allt til alls eiginlega. Gætu átt fleiri sokka og vettlinga en ekki það sem þau vilja fá í jólagjöf en fyrir utan það vantar þeim ekki neitt. Þeim langar aftur á móti í hitt og þetta sem er alveg skiljanlegt. Þegar ég var barn átti ég ekkert mikið, ekki lítið heldur bara alveg nóg. Nóg til að meta þær gjafir sem ég fékk frá fólki. Gera krakkar það í dag?

Þegar ég kemst í henduskapið langar mig að einfalda heimilið mitt. Henda því sem sjaldan eða aldrei er notað, tæma, tæma,tæma. Málið er svo að ég er gift kaupara. Ekki það að hann sé alltaf að versla en hann fer t.d aldrei á bókasafn. Kaupir heldur bækurnar, oft þá sem hljóðbók en samt líka bækur. Alltaf á útsölu!! Gera góð kaup!! Ég vill heldur fara á bókasafn, finnst líka gaman að eiga góðar bækur en ekki allar bækur eru það. Ég gef regulega úr bókahillunum og hann tekur ekki einu sinni eftir því!! Ég hef stundum pínt hann til losa sig við fatnað. Skil ekki þessa áráttu að geyma föt í mörg ár. Hefur maður ekki notað flíkina í 2 ár á maður ekki eftir að gera það. Gefa þetta allt saman, fullt af fólk sem hefur meiri ánægju af flíkinni en sá sem lætur hana bara hanga inni í skáp og safna ryki. Ég er semsagt hendarakona sem er gift kauparamanni.

Annars er ég orðin 40 ára. Og hvað gerist þá? Jú eins og við manninn mælt, sama dag bilar heilsan og ég verð veik. Lá heima í 3 daga og er enn að drösla mér saman. Algjört svindl. Gat ekki einu sinni drukkið kampavínið frá vinnunni. Fór bara að sofa snemma.

Hér eru flísalagnir að verða búnar. Mæli nú ekki með svona framkvæmdum rétt fyrir jól. Frekar taugatrekkjandi að hafa allt í rúst á sama tíma og maður er að reyna að hafa það kósí fyrir jól. En mikið déskoti verður nú fínt hjá manni og ekki talandi um heitt.Loksins hægt að pissa á litla klóinu án þess að það myndist grýlukerti!

Jæja hvað er hægt að finna skemmtilegt að spila á þessum nístingskalda desemberdegi? Vildi finna eitthvað bráðhallærislegt og gamalt. Held að mér hafi tekist vel til(takið eftir tækninni). Þori að veðja að þetta er lag þú heyrir ekki oft.

Megi alheimurinn gefa þér góða og hlýja aðventu.

Hipp hipp húrra

2010-12-03T09:36:00.004+01:00

Ég á afmæli á morgun
Ég á afmæli á morgun
Ég á afmæli ég sjá-álf
Ég á afmæli á morgun

Ég verð 40 ára á morgun
Ég verð 40 ára á morgun
Ég verð 40 ára ég sjá-álf
Ég verð 40 ára á morgun

Hipp Hipp Húrra
Hipp Hipp Húrra
Hipp Hipp Húrra

Til hamingju með það Helga litla. Takk fyrir!

Droppa afmælislaginu og spila heldur þetta yndislega lag frá tónleikunum síðustu viku sem voru held ég þeir bestu ég hef farið á í ansi langann tíma. Mikið er hún Eivör bara brilljant í alla staði. Ég verð alltaf uppfull af norrænum tilfinningum þegar ég hlusta á hana, víkingakonan í mér vaknar til lífs og mig langar næstum að nema land. Njótið vel. Læt heyra í mér í næstu viku þegar ég verð orðin 40 ára og komin með glænýtt þvottahús og gestaklósett bæði með hita. Maður er sko farin að leyfa sér lúxus á eftir árum!

Túrílú.

p.s Man einhver eftir myndinni The Day After Tomorrow? Grunar að það verður svona hér eftir nokkrar vikur.

Rop!

2010-11-26T07:36:00.005+01:00

Nei ég segi bara svona. Hef voða lítið að segja, er með harðsperrur og ljótuna. Þokkaleg samsetning.Er að fara í klippingu í næstu viku. Í fyrsta skifti síðan í júni. Æ lúkk lovlí. Ætla líka að komast í snyrtingu, augnabrýrnar eins og á vænasta skógarhöggsmanni. Maður er alveg að panikka núna, síðasta helgin mín sem 29 og hálfs. Jísus og svo verð ég komin á fimmtugsaldurinn. Há tæm flæs. Og hvað á að gera til að halda upp á þessi herligheit. Jú skella sér út að borða með húsbandinu og Aldsísi skvís og bónda og svo á tónleika. Vamp með EIVÖR PÁLS. Vá hvað mér finnst hún syngja vel og svo er hún líka eins og huldukona svona berfætt og allt. Hlakka geðveikt til. Liggur við að maður komi við í karaókí og geri sig að fífli í síðasta skifti. Hér eftir ætla ég nefninlega að helga mig prjónaskap og sultugerð. Hæfir einhvernveginn aldrinum. Ha ha ha, annars heyrði ég svolítið voða fyndið. Einhver var að stinga upp á að ég kenndi dóttur minni að prjóna. Man ekki hver þetta var en viðkomandi þekkir mig greinilega ekki boru. Ég sem sendi öll prjónaverkefnin mín til ömmu í RVK og hún sendi tilbaka prjónuð og falleg. Lærði aldrei að prjóna. En get kennt henni batik. Og svo kann ég nú að sulta. Æi hvað er skrýtið að slíta barnskónum, og það svona seint!

Er annars bara í tómu rugli með þennan æfón minn. Ekkert lát á bullinu sem ég sendi frá mér.Pinlig.

Hver var ekki búin að gleyma þessu lagi? Allavegna ég. Þetta er meira að segja íslenskt og í þyngri kanntinum. Þekki gæjann sem leikur í videoinu. Hann heitir Sveinbjörn, kallaður Simbi og var í sveit upp í Lóni hjá frænda sínum sem var líka dökkhærður. Man ekkert hvað hann heitir en hann var svolítið þögull en myndarlegur að mig minnir, kannast einhver við kauða? Simbi og ég vorum að líka vinna saman í Köben í þó nokkurn tíma og núna býr hann í Þýskalandi, rakst á hann á Leifstöð í fyrravetur. Hárið farið að þynnast. Ef þetta var ekki fróðleiksmoli þá veit ég ekki hvað.
p.s er ekki í vondu skapi þrátt fyrir niðurdrepandi tónlist og ditto video.

Góða og kalda helgi(gleymdi að minnast á að það er ekki nema 10 stiga frost.)

p.s.s Bara svo að við höfum það alveg á hreinu þá ropa ég nú ekki oft og þetta er í fyrsta skifti sem ég bloggropa!

Ring ring......

2010-11-19T08:22:00.006+01:00

Ég: Kæri herra Guð, þetta er hún Helga.
Guð: Sæl Helga mín, langt síðan síðast.
Ég: Já, æi þú veist hvernig þetta er - bissí bissí!! Ég vildi bara spyrja þig að einu. Ekki til að móðga þig eða neitt en heldurðu ekki að þú hljótir að hafa ruglast á mánuðum?
Guð: Hvað meinarðu væna mín?
Ég: Jú núna er veturinn bara rétt að byrja og það er allt á kafi í snjó. Ég meina,það er fyrst í desember sem snjórinn á að koma. Þetta er allt að gerast heilum mánuði of snemma. Voða óhentugt og vægast sagt ruglandi.
Guð: Ja, þetta er nú eiginlega ekki mitt svið.
Ég: Hvað meinarðu? Svið, hvaða svið? Er ekki að skilja hérna.
Guð: Er ekki að meina sviðakjamma væna mín. Jú sjáðu til það eru veðurguðirnir sem ráða þessu, ég ræð öllu hinu.
Ég: Ókei, get ég þá fengið að tala við einn veðurguð?
Guð: Því miður, núna eru bara veðurguðirnir farnir í frí.
Ég: Frí, hvað meinarðu með því, hvenær er von á þeim til baka.
Guð: Líklegast ekki fyrr en í byrjun apríl.
Ég:
Guð: Helga, ertu þarna? Helga.. Helga mín... Halló.... Svei mér þá, ég held að það hafi liðið yfir hana. Blessað barnið.

Ja ekki er öll vitleysan eins!

Elskatalag.

Góða og blessaða helgi.

:-D

2010-11-12T09:34:00.001+01:00

Herregud så harry man man Jan va!!! Einhver sem skilur þetta? Nei ekki von enda er þetta bara bull. Fékk nýjan síma í síðustu viku og á í endalausum vandræðum að venjast honum. Fékk svona fínan æfón og allt en get bara ekki skrifað SMS rétt. Sendi þessa fínu setningu til vinkonu minnar á mánudaginn. Hún skildi nátturulega ekki neitt og ég hló svo mikið þegar ég sá hvað ég hafði sent(var í búð) að Sögu stóð ekki á sama. Hélt að mamma sín væri að gráta. Húsbandið lét sig hverfa fyrir horn og ég stóð ein eftir á bílastæðinu fyrir framan búðina og grét úr hlátri. Bráðfyndið alveg.

Og ekki er allt búið enn. Daginn eftir var ég að senda skilaboð á Facebook. Ég skrifaði:
"Hæ, Eigum við ekki að fara að hittast bráðlega. Ég get hitt þig þann 16. eða 33. Hvenær passar þér?"
Svar: "Endilega hittast, ég get 16 november og/eða desember - Hvaða mánuð hafðirðu í huga? Og hvað eru margir dagar í mánuði hjá þér?"
ÉG:"Já þú meinar! Ok, hittumst þá 16 október."
Svei mér þá mér er ekki viðbjargandi stundum. Ætti kannski ekki að segja frá þessu, fólk gæti haldið að ég væri heimsk!

Já svona er lífið skrýtið stundum.

Hei! Hver var búin að gleyma þessu lagi? Ég allavegna. Og hei, hver hefur ekki viljað líta út eins og Vanessa Paradis stundum? Líka ég!

Góða og vonandi snjólausa helgi.(Sjensinn)

Leiðinlegt atvik.

2010-11-05T08:04:00.004+01:00

Sumir dagar eru erfiðari en aðrir. Það hef ég áður sagt. Upplifði einn slíkan í vikunni. Kennarinn hennar Sögu hringdi í mig á mánudagskvöldið og spurði hvað Saga hefði sagt um skóladaginn. Ég svaraði að hún hefði sagt mest lítið, bara að hún hefði verið bólusett og ekki grátið. Kennarinn sagði þá að það hefði gerst atvik í skólanum þennan daginn sem hefði verið alvarlegt og því gott að Saga væri í sínu venjulega góða skapi. Hún sagði mér frá að í lok skóladagsins hefði Saga verið úti að hjóla og strákur í bekknum hennar úti að labba á stultum. Saga hjólaði óvart á hann og hann datt. Hann varð svo brjálaður að hann réðst á Sögu og kýldi hana í magan og tók svo á henni kyrkingar tak. Hafði svo bölvað öllum í sand og ösku, andskotans downs syndrom, heimskir kennarar og ég veit ekki hvað. Hann var að sjálfsögðu sendur til skólastjórans og svo látin funda með öllum kennurum í þessum bekk og svo var hringt í foreldra hans. Saga var svo látin koma inn og hann baðst afsökunar. Ég fékk nett áfall, eitt er að lemja og slá en annað er að nota kyrkingar tak. Það finnst mér alveg heilli hæð fyrir ofan í ofbeldi. Saga fór að sjálfsögðu að gráta þegar þetta gerðist en þetta sat samt ekkert lengi í henni. Það er stundum mesta blessun hvað situr stutt í henni. Allavegna þá er ég búin að vera í sambandi við skólann þessa vikuna og búið að fullvissa mig um að þetta hafi verið einstakt tilvik og engin heldur að þetta eigi eftir að gerast aftur. Maður verður bara að vona það, þau eru búin að vera í bekk saman síðan í 1. bekk og það hefur aldrei komið neitt upp á áður þrátt fyrir að þessi strákur sé sá sem hefur minnstan skilning af öllum bekknum á Sögu og hennar fötlun. Hann hefur greinilega bara nóg með sjálfan sig. En mér stóð samt ekki á sama og átti eina svefnlausa nótt og frekar þreyttan dag. Varð á endanum að leggja þetta til hliðar, ef Saga er ekki að velta sér upp úr þessu get ég ekki verið að hafa áhyggjur af hinu og þessu sem trúlega aldrei á eftir að gerast. Á nú samt eftir að vera smá stressuð í einhvern tíma.

Annars er búið að panta eldhús. Við ákváðum líka að ráðast í þvottahúsið fyrir jól. Fínt að klára það sem fyrst.

Engin vissi úr hvaða þætti þessi skemmtilega setning var en þetta var úr The Black Adder. Baldric var búin að semja "semi-autobiographical novel". Bráðfyndið alveg.

Held mig í rólegu deildinni í dag.

Glóða helgi.

Fyndið fyndnara fyndnast

2010-10-29T08:13:00.005+02:00

"Once upon a time there was a lovely little sausage called Baldrick and it lived happily ever after" Veit einhver úr hvaða þáttaröð þessi fræga setning kemur úr? Hló mig máttlausa þegar ég sá þennan þátt. Ég er að öllu jöfnu ekki manneskja sem hlær mikið af bröndurum. Það er ekki það að mér finnist ekki brandarar fyndnir, bara ekki nógu fyndnir svo að ég skelli upp úr. En ég get samt enn hlegið yfir bjána myndum og gamanþáttum. Hlæ alltaf yfir Friends og Fraiser. Hlæ aldrei yfir Seinfeld!! Fyndasti þáttur sem ég hef séð til þessa var Frasier þáttur þar sem var verið að setja upp útvarpsleikrit. Ég hló svo mikið að ég sá bara hálfan þáttinn og hló hinn helminginn og missti því af restinni. Dó næstum því út hlátri. Næsta skifti sem ég sá þáttinn komst ég aðeins lengra en hló aftur svo mikið að ég sá ekki endirinn. Þriðja skiftið var ég stödd í flugvél á leiðinni til Íslands. Sá allan þáttinn loksins er hló samt alveg þvílíkt, fólk hélt trúlega að ég væri eitthvað að bilast. Hreinlega með því fyndnasta sem ég hef séð um ævina. Hér er smá partur úr þessum þætti. Horfa! Fyndið.

Annars er haustið hér í algleymingi, snjórinn sem betur fer farin og komið rigning og rok. Svona eins og haust eiga að vera. Erum enn á kafi í eldhúspælingum, skifta um vatnskút/tank og bara það sama og síðast. Ætla ekki að útskýra hvað er á botninum á 40 ára gömlum vantstanki - bara úlekkert. Annars gerist svo voða lítið á einni viku, James Bond lífið sem ég ímyndaði mér að ég myndir lifa hefur einhvernveginn látið bíða eftir sér. Sem betur fer verð ég að segja, hef ekki tíma í svoleiðis aksjon. Verð með enn eina afmælisveisluna fyrir heimasætuna í kvöld. Núna verður Downs genginu boðið, 6 hressir krakkar með downs og tvö börm með önnur heilkenni koma hér í kvöld og borða pizzu og gera eitthvað skemmtilegt. Það er nóg aksjón fyrir mig. Maður veit aldrei hvað getur gerst á svoleiðis samkundum.

Hugsa um að henda inn nokkrum tapas uppskriftum næst.Á eina vinkonu sem ég var búin að lofa að senda henni uppskriftir en get alveg eins sett þær hér á bloggði, þá fá fleiri að njóta.

Best að chilla með þessu gamla góða lagi. Takið eftir mjaðmahreyfingunum. Maður er bara smá abbó yfir þessum hæfileikum.

Gleðilega helgi.

Vetur konungur

2010-10-22T08:30:00.004+02:00

Það snjóaði í nótt. Greit!! Ég er engan vegin andlega undirbúin fyrir snjó og kulda svona snemma á árinu. Ég hef í gegnum árin orðið meira og meira viss um að ég sé ekki sú sem ég held að ég sé. Mig grunar að ég sé prinsessa frá heitari löndum sem lenti í rugli á fæðingardeildinni og var bíttað út með öðru barni.Grunar að ég komi frá einhverri Kyrrahafseyju. Ég hef aldrei vanist þessum kulda sem er hérna megin í heiminum. Eða því að vera ekki rík. Aldrei vanist því. Þarf að fara að grúska í þessu núna þegar ég er að nálgast það að hætta að vera þrjátíuogeitthvað. Komin tími til að fara heim í hitann- svona áður en ég fæ gigt!

Annars er allt í sómanum hjá okkur. Miklar eldhúspælingar. Ætlum líka að skifta út heitavatnskútnum. Fékk pípara til mín um daginn, hann kíkti á kútinn og sagði svo að þetta væri nú eignilega antik og að ég ætti að stilla honum upp í stofunni minni. Skil ekki svona, er 40 ár nú einhver aldur! En við þorum samt ekki öðru. Kannski að svona tankar séu eins og hundar, eitt ár jafngildir 7 mannsárum. Þá er nú kúturinn aldeilis gamall. Ef ekki er hann bara á besta aldri.

Svo mikið af lögum að velja á milli. Ákvað að hella mér út í íslenskt frá þeim góða tíma þe eitís. Mér finnst þetta vera eitt besta eitís lagið sem kom út á íslandi. Og þetta video er nú bara alls ekki svo slæmt miða við aldur. Ég meina það var nú ansi mikið skrýtið sem var gert á Íslandi á þessum tíma í videoframleiðslu.

Góða helgi.

Afmælisblogg

2010-10-15T07:23:00.004+02:00

Litla stóra stelpan mín átti afmæli í gær. Að það séu liðin 11 ár frá því að hún fæddist er alveg ótrúlegt. Man fyrstu dagana og vikurnar og hvað manni kveið fyrir framtíðinni. Danmörk er ekki landið að fæða barn með Downs í, neikvæðnin alveg í hámarki og manni nánast engin von gefin um að geta nokkru sinni lifað venjulegu lífi. Þvílíkt rugl. Aðeins örfáar manneskjur sem sáu fólk með Downs sem einstaklinga sem eiga rétt á eigin lífi eins og annað fólk. Því miður er þetta fólk í minni hluta og þess vegna fæðast nánast ekki börn með Downs í Danmörku lengur. Sorglegt.

Sá auglýsingu um daginn frá einhverju bæjarfélagi í Danmörku þar sem var talið upp hvað ein manneskja með Downs kostaði samfélagið. Það var verið að auglýsa snemmómskoðun!! Ég hef prívat og persónulega engan áhuga á að vita hvað dóttir mín kostar í aurum og krónum. Ef á að byrja á þessu er ekki þá fínt að drífa sig í að finna dópista og alka genið og eyða þeim fóstrum líka því þetta fólk getur nú aldeilis kostað samfélagið eitthvað. Og hvað með einhverfa, eða lesblinda eða fólk með ADHD. Skil ekki svona. Mér finnst að það eigi að vera pláss fyrir alla. Ef fólk vill eyða fóstri með Downs er það þeirra einkamál en fólk ætti samt að kynna sér fyrst hvað það er að vera með Downs. Maður á ekkert verra líf þótt maður eigi barn með DS og einstaklingar sem eru með þá fötlun lifa ekkert verra lífi en við hin. Mikilvægt að ekki gleyma að ekki allir skilgreina gott líf á sama hátt og við. Auðvitað finnast börn sem eru meira fötluð en Saga sem getur gert lífið flóknara en maður getur líka fætt hraust barn sem fær t.d krabbamein. Maður veit aldrei hvað lífið bíður upp á. Eins og Forrest sagði, "lífið er eins og askja með súkkulaði. Maður veit aldrei hvað maður fær." Ég fékk allavegna góðan bita með henni Sögu minni. Held að hún sé marsípan eða romm og rúsínu biti!

Þekkti litla stelpu með Downs í DK sem hafði verið yfirgefin af foreldrum sínum þegar hún var 4 daga gömul. Hún bjó á barnaheimili fyrsta árið. Þegar ég hitti hana í fyrsta skifti var hún komin til fjölskyldu sem óskaði að ættleiða barn með DS. Þá var hún 18 mánaða og ekki farin að sitja því þau á barnaheimilinu gáfu henni enga örvun. Næsta hálfa árið fór henni ótrúlega fram. Nýja fjölskyldan var alsæl með litlu stelpuna sem þau höfðu óskað sér og fengið. Við komumst að því saman við mömmurnar að foreldrar hennar áttu hana ekki skilið. Fólk getur verið svo vont.Jæja þetta var smá hugleiðing í tilefni dagsins.

Annars verður bowlingveisla hjá minni í dag. Bananastuð finnst mér líklegt.Fyrir utan það allt fínt. Erum búin að ákveða að ráðast í framkvæmdir í eldhúsinu eftir jól. Skifta um innréttingu, fjarlægja veggi og upgrade fullt af drasli. Var með pípara hjá mér á mánudaginn sem sagðist aldrei hafa séð svona gamlan hitavatnstank áður!! Gasalega kvíður mér fyrir þessum vikum þar sem allt verður á hvolfi og ekki hægt að elda. En gasalega hlakkar ég líka til þegar þær vikurnar verða búnar og allt orðið nýtt og fínt. Já svona getur maður nú verið klofin stundum!

Lag vikunnar er ægilega fallegt lag fyrir prinsessuna mína.

Góða helgi.

Hefði átt að blogga í gær

2010-10-08T08:13:00.003+02:00

Búin að vera í fríi alla vikuna með mömmu. Búin að hafa það náðugt en hefði nú átt að fatta að blogga meðan ég var í fríi. Kom í vinnuna áðan og sá að það biðu mín um 30 mailar, flestir með ósk um að ég redda hinu og þessu. Semsagt ekki tími til að hygga sig með bloggi. Heyrumst eftir viku, þá á prinsessan mín afmæli.

Enn eitt gamallt og gott.

Helgi!

Ingaló og Kónguló

2010-10-01T08:35:00.002+02:00

Mamma er að koma á sunnudaginn og verður hjá okkur í viku meðan haustfríið er. Aldrei þessu vant tek ég frí í haustfríinu og verð heima með krakkana og mömmu. Hef hreinlega ekki verið heima svona marga daga í röð þegar er frí. Maður er alltaf að andskotans eitthvað út og suður í fríunum. Hreinlega dejlig að vera bara heima og gera ekki neitt. Ætlum að kíkja á Míró sýningu, fara til Oslóar og svo ætla ég að bjóða múttu út að borða á ægilega spennandi Sushi stað sem mig hefur svo lengi langað að borða á. Húsbandið er því miður ekkert ægilega spenntur fyrir svoleiðis mat.

Annars er allt á kafi í kóngulóm hér þessa dagana. Nú er orðið kallt úti og allar vilja þær inn. Húsbandið drap eina um daginn sem var á stærð við kálf - eða nálægt því allavegna. Ég var svo hugrökk að ég sat uppi á borði á meðan. Er nú samt orðin minna hrædd við þessi kvikindi með árunum en þegar þær eru komnar upp í vissa stærð segi ég pass.

Þessi vika er búin að vera algjör geðveiki. Við Saga komum heim kl 2015 á mánudaginn, Baltasar hálftíma seinna og húsbandið enn einum hálftímanum seinna. Þriðjudag komum við öll heim eftir kl 20, miðvikudag sama og líka í gær. Þar að auki hef ég verið að æfa mig að segja linsur í Sögu, þurft að klemma því inn í dagskrá vikunnar og það hefur ekki verið allaf auðvelt. Sérstaklega þar sem ég er svo klaufsk að þetta tekur mig hálftíma.Meira sem ég er léleg í þessu linsudóti. Mikil blessun að Saga er eins þolinmóð og hún er. Núna er bara að bíða og sjá hvort augun á henni þoli linsurnar í lengri tíma í einu. En núna á að slappa af um helgina. Förum með vinafólki í fjallakofa yfir helgina. Spáð rigningu að sjálfsögðu en pakkaði regnfötum á liðið og svo er bara að koma sér út og hreyfa á sér rassinn.Jibbí. Rosalega hlakkar ég annars til að sjá nýju Harry Potter myndina.

Enn held ég áfram leitinni að löngu gleymdu lögunum. Heyrði þetta í útvarpinu um daginn og fattaði að ég var alveg búin að gleyma þessu.

gróðahelgi.

Betur sjá augu en auga

2010-09-24T08:07:00.010+02:00

Allavegna gleraugu! Allavegna þessi litlu sem kallast linsur en Saga kallar lítil gleraugu. Hún var nefninlega að fá linsur í gær. Fórum í fyrsta linsutíman okkar, sjónkallinn var búin að taka frá 1 1/2 tíma fyrir okkur því af fenginni reynslu getur svona linsuprufun tekið langann tíma hjá krökkum. Aldeilis ekki. Við vorum komnar út og búnar og borga eftir 45 min. Mín alsæl. Þegar við löbbuðum úti var hún alveg í skýjunum, "mamma sjáðu þetta, mamma ég sé, ég er ekki blind" og svo las hún á öll skilti sem við gengum fram hjá. Hún hefur að sjálfsögðu ekki séð glóru án gleraugnanna sinna í síðan hún var lítil. Við ákváðum að fá linsur þar sem við tökum alltaf af henni gleraugun þegar hún fer á skíði, skauta, fimleika og annað þar sem þau auðveldlega geta dottið af og skemmst. Sjónkallinn sagði við mig að ég ætti alveg að búast við að hún vildi nota linsur daglega þegar hún væri komin upp á lagið með það. Var með þau í gær frá miðjum degi og fram á kvöld, fór í Dissimilis og fimleika með þær. Mikið basl og streð að fá þær út í gær en það hlýtur að koma með æfingunni. En viti menn, fyrsta sem sú stutta spyr um í dag var hvort hún ætti ekki að vera með linsur í dag. Sorry sagði ég, ekki fyrr en á sunnudaginn. Hún varð voða sár. Núna á að venja augun hægt og rólega á að vera með linsur.

Annars fann ég þetta frábæra kort á einhverju bloggi um daginn. Segir mikið um hvernig það er að búa á Íslandi, eiginlega mesta furða að fólk búi þar. Þetta er svokallað hamfarakort. Mjög nytsamlegt, ef ég ætla t.d að ferðast til vestfjarða þá get ég kíkt á kortið og undirbúið mig undir þær hamfarir sem eru algengar á þeim slóðum. Greinilega mikið um ís og snjó á því svæði svo að ég tek með mér dúnúlpu og heitt kakó í það ferðalag. Gasalega sneðugt Vonandi að þið sjáið eins mikið gagn í þessu korti og ég.

Jæja ég held áfram leit minni af löngu gleymdum lögum. Maður man ekki svo auðveldlega því sem maður hefur gleymt og þessvegna er þetta ekki svo létt verkefni. Var svo sannalega búin að gleyma þessu.

Gleðilega helgi.

Bö!

2010-09-17T07:42:00.006+02:00

Mikið vildi ég að ég væri séð og skrifaði þetta blogg á fimmtudögum í staðin fyrir að reyna að finna upp á einhverju áhugaverðu snemma á föstudagsmorgnum. Er svo fjandi þreytt og svo er oft svo mikið að gera hér í vinnunni á þeim degi. Persónulega finnst mér nú að föstudagarnir ættu að vera svona kósí dagar á vinnustöðum þar sem maður getur spjallað smá ekstra, hangið meira á internetinu og verið með föstudagskaffi og hygge. En nei, það er ekki tilfellið hjá okkur, við erum meira að segja með deildarfundi á föstudögum eftir hádegi. Skil ekki hver valdi þann hálfvitalega tíma. Ég meina, maður er lagstur á gólfið og farin að rótera þegar klukkan er að nálgast 3 og ekkert bendir til að fundurinn sé neitt að verða búin. Ég get bara hreinlega ekki einbeitt mér þegar svona langt er liðið á vikuna. Ég verð líka alltaf svo vandræðalega þreytt á fundum að það er ekki einleikið. Get hreinlega orðið rangeygð og á í mestu basli við að halda mér vakandi. Fæ gamla fílinginn frá menntó þegar maður sofnaði í miðjum tíma og vaknaði slefandi við að kennarinn spurði mann að einhverju. Hver hefur ekki slefað á skólabækurnar sínar ég bara spyr!

Annars lítið að frétta af okkar herstöðvum. Farið að kólna og fer að koma tími á gammósíurnar fínu. Ég er alltaf mjög sexý á veturna bara svo að það er sagt.

Jú lenti illa í því í gær, helvíti maður. Það er húseignarfélag í götunni okkar, allir sem búa þar eru meðlimir og hefur félagið eigin stjórn eins og vera ber. Nágranni minn hefur verið formaður í eitt ár og vildi láta af formennsku en gat samt hugsað sér að sitja áfram í stjórninni, ég hugsaði með mér að ég gæti alveg tekið þessa formennsku að mér og verið í stjórninni ásamt honum og einni í viðbót sem mætir samt lítið á fundi. Engin í félaginu gerði neinar athugarsemdir þegar þetta var tilkynnt og gerðum við ráð fyrir að það yrði þá ekkert nema formsatriði á aðalfundinum fyrst að engin bauð sig fram á móti okkur. Viti menn, á sjáfum fundinum sem var í gær var einn gamall íbúi sem fannst það alveg til vandræða að það væru bara nýir íbúar sem væru í stjórn. Yrðu að vera einhverjir eldri íbúar líka, við sögðum að það hafði engin gefið kost á sér og þessvegna hefði þetta verið svona. Hann tuðaði um þetta heillengi og á endanum sagði nágrannin sig úr stjórninni og þessi gamli fékk hans pláss. ÆÐISLEGT!! Hefði aldrei boðið mig fram hefði ég vitað að þetta myndi gerast. Ekki nóg með að þessi karl sé hundfrekur, vill ráðá nánast öllu og voða reiður, þá frétti ég í gær eftir fundin að það sé farið að slá út fyrir honum. Annar nágranni fann hann á flakki um daginn alveg út út kú. Akkúrat það sem félagið þurfti á að halda, formaður sem hefur ekki hugmynd hvað hún á að gera og stjórnarmeðlimur sem er alveg að missa sig og bókahaldari sem ekki nennir að mæta á aðalfundi. Vá hvað ég skaut sjálfa mig í fótin við þessa frábæru ákvörðun.

Jæja held að það sé komin tími fyrir eitt gamalt og gleymt með henni Cyndi - manstu eftir þessu? Sá mynd um daginn þar sem konan spurði manninn sinn ef hann gæti sofið hjá einni frægri konu hver það myndi vera. Hann svaraði Cindy Lauper!! Óborganlegt alveg.

God helg.

Pärnu

2010-09-10T08:03:00.004+02:00

Einhver heyrt um það? Nei trúlega ekki, en það er bær í Eistlandi. Var að koma úr þriggja daga vinnuferð þaðan - Nordic Inhouse Conference. Þar hittust allir sem vinna á Inhouse(deildin mín) frá Noregi, Svíþjóð og Finnlandi svo að við vorum 25 í allt. Skemmtileg ferð, bæði frá faglegu og félagslegu sjónarmiði. En eitt skemmdi svolítið fyrir öllum og það var maturinn. Aldrei hef ég borðað eins vondan mat eins og í þessari ferð, allavegna ekki marga daga í röð. Hef eflaust fengið verri mat stöku sinnum en ekkert eins og þarna. Það vara búið að panta fyrir okkur 2 kvöldverði og einn hádegisverð á bestu veitingarhúsum bæjarins. God dem hvað ég var svöng þegar ég kom heim í gær.

Fyrsta kvöldið borðuðum við í bátklúbbnum, voða flott hús og allt mjög smart. Þjónninn byrjar á að ganga um og spyrja fólk hverjir borði EKKI pestó, við vissum að við fengjum kjúlla svo að við reiknuðum með að það væri kjúklingur með pestó. Maturinn kom og ekkert pestó neinstaðar. Fengum gjörsamlega bragðlausa pínulitla kjúklingabringu með heilum djöfuldóm af kartöflum og slöppu grænmeti og massa af dilli. Sósan sem var borin fram með þessu var trúlega gerð fyrir fiskrétt en við fengum hana með kjöti og útkoman varð voða skrýtin. Brauð og smjör var líka á borðum - dillsmjör. Í eftirrétt fengum við að vita að væri súkkulaðikaka en þegar hún kom var þetta einhver berjakaka með voða skrýtnu kremi sem var með hálfgerðu hveitibragði og smá súkkulaði skrauti. Ég borðaði skrautið!!

Morgunmatur á hóteli í nágrenninu. Stóð sjálfa mig að því að hlakka til að borða mat í flugvélinni þegar ég var að borða morgunmat. Þarf ekkert að útskýra það nánar.

Hádegismatur daginn eftir, var búið að segja að við fengum pasta. Nei ekki aldeilis. Fengum soðið nautakjöt án sósu, massa af kartöflum og salat. Ég gat ekki borðað kjötið, Það var eins og köttur á bragðið - ekki það að ég hafi smakkað kött en hafði það bara á tilfinningunni að hann bragðist svona. Eftirrétturinn var aftur á móti góður.

Kvöldmatur aftur, í þetta skifti á Tex-Mex stað. Þjónarnir gleymdu forréttinum. Aðalréttur, grillað svínakjöt á stærð við barnslófa og þurrari en skósóli. Enn meiri kartöflur og slappt salat. Var ætt en ekki meira en það. Eftirréttturinn var bara pinlig. Aumingja fólkið. Komu með geðveikt stóra sneið af "ostaköku" sem var með karrýgulri og rauðri sósu og fjólubláu og grænu kókosmjöli sem skraut. Bragðið ólýsanlegt og aðeins 2 af 25 borðuðu þetta, restin smakkaði en gafst upp því þetta var algjör katastrófa.

Eftir þessa hörmungsupplifun dreif hópurinn sig á karioki bar og sleppti öllum hömlum og kastaði sér út í söngin af lífi og sál. Langt síðan ég hef skemmt mér svona vel. Semsagt vel heppnuð ráðstefna. Já gleymdi, pantaði eggjaköku á flugvellinum í gær og viti menn, fékk eggjaköku með dilli!!! Og mjög áhugavert að þjónustulundin á öllum stöðunum var í algjöru lágmarki. Engin brosti eða spurði hvernig okkur líkaði maturinn eða hvort okkur vantað eitthvað meira. Voða skrýtið allt saman.

Jæja komið að löngu gleymda laginu. Var sko löngu búin að gleyma þessu - wonder why! Voru alveg frábærlega blond þessir gæjar. Hvað ætli þeir séu að brasa í dag??

Glóða helgi alle sammen.

Er einhver hér?

2010-09-03T08:08:00.002+02:00

Virkar sem það að blogga sé alveg að leggjast af hjá flestum. En ég ætla ekki að gefast upp, eina tækifærið sem ég hef til að skrifa móðurmálið og ég sé alveg þegar ég hef ekki skrifað neitt í lengri tíma. Á þá erfiðara með að muna sum orð og ruglast í setningsuppbyggingu og fleira. En voða væri gaman ef fólk sem kíkti hér inn nennti að kvitta fyrir sig svo að ég viti hvort einhverjir aðrir en Ellen og örfáir aðrir lesi þetta. Ætla að bæta mig sjálf og kvitta þar sem ég kem við.

Annars lítið að frétta héðan. Haustið komið, skítkallt á morgnana og kvöldin. Krakkarnir á fullu í skólum og bæði byrjuð í sínum tómstundum. Fótbollti og fimleikar hjá Baltasar og Dissimilis og fimleikar hjá Sögu. Já, ég ákvað að leyfa Sögu að prófa fimleika, skráði hana í fimleikaflokk sem æfir í skólanum hennar. Þau hafa aldrei verið með barn með Downs áður en við komum okkur saman um að hún skildi prófa og við myndum sjá til. Henni gekk svona ljómandi vel, er núna í hóp þar sem allir eru á svipuðum stað og hún er alls ekki lélegust. Hóparnir eru settir saman eftir hæfni og engin af þessum stelpum geta t.d farið í handahlaup. Kom mér svakalega á óvart, hélt að það væri eitthvað sem allar stelpur á þessum aldri gæti. Saga er nálægt að geta það en skilur ekki alveg hvernig hún á að lenda en það kemur með æfingunni. Ein af stelpunum í hópnum hennar á voða erfitt. Setur upp skelfingar svip í hvert skifti sem hún á að gera eitthvað sem hún ekki kann og skammast sín niður í rassgat þegar henni mistekst - sem er oftast. Greyið. Sögu aftur á móti finnst þetta bara voða gaman og er svakalega stollt af sjálfri sér og finnst hún rosa dugleg alveg sama hvað. Gerir mikið fyrir sjálfstraustið að hafa það viðhorf. Hin á eftir að læra þetta allsaman en tekur tíma og ef hún er svona kvíðin og stressuð yfir þessu kemur það kannski enn seinna. Vona að þjálfaranir fatti hvað þetta er erfitt fyrir hana. Þær eru nú hálfgerðar gelgjur flestar svo að maður veit ekki hvort þær sjái svona.

Erum að fara til Svíþóðar á eftir að heimsækja tengdó. Það er svona sveitahátíð hjá þeim þar sem er verið að selja matvörur og annað sem er framleitt á bæjunum í kring. Fórum í fyrra og það var voða gaman. Keyptum ægilega góða heimagerða osta og sultur. Hef svo gaman af svona.

Jæja held áfram leit minni af löngu gleymdum lögum. Ekki svo auðvelt þar sem ég man ansi mörg. Hér er eitt gamalt.

Góða helgi.

Nó tæm

2010-08-27T08:01:00.003+02:00

til að blogga núna. Brjálað að gera í vinnunni. Hefði átt að gera það í gær en fattaði það ekki. Sé hvað bloggin mín voru innihaldsríkari þegar ég var í gömlu vinnunni þar sem var að jafnaði miklu minna að gera en í þessari vinnu. Ekki það að ég sé að kvarta, myndi aldrei vilja skifta aftur. Lofa löngu bloggi næst. Mikið að gera fyrir þessi mánaðarmót en á eftir að róast um miðja næstu viku. Hlakka geðveikt til.

Held áfram í gömlu og gleymdu lagadeildinni. Man einhver eftir þessu lagi? Mig minnir að það hafi verið í einhverri dansmynd frá gamla góða áratuginum.

Gróða helgi.

Ekki gleyma...

2010-08-20T08:09:00.003+02:00

hvað þú hefur það gott. Maður á það til að gleyma því og kvarta og kveina yfir smámunum. Nánast allt sem er í fréttum er farið að fara inn og svo út því maður er vanur óeirðum á Gazasvæðinu, sulti og eymd í Afríku og fjármálakreppu í hinu og þessu Evrópska landinu. Stundum gerast stórir hlutir eins og jarðskjálftinn á Hahiti og núna flóðin í Pakistan. Skrýtið með það mál, þrátt fyrir að það sé áætlað að 15 milljónir manna hafi orðið illa úti eftir þessar hörmungar hefur ekki safnast mikill peningur fyrir þetta fólk og á öllum netfjölmiðlum bæði á Íslandi og Noregi er lítið fjallað um þetta mál. Ekki áhugavert lengur. Old news! En um daginn rakst ég á frétt sem setti mig alveg út af laginu. Hún var um börnin í Fallujah í Írak. Fjallar um það að á því svæðinu fæðast óeðlilega mörg fötluð börn. Og þá ekki börn með skakkan fót eða Downs heilkenni, nei börn sem eru hræðilega afmynduð. Sum hafa fæðst með tvö og þrjú höfuð. Börn frá þessu svæði hafa 12 sinnum meiri hættu á að fá krabbamein en önnur börn og hlutfall barnadauða er himinhátt. Tíðni krabbameina og dausfalla er mikið hærra en það var eftir bæði Hiroshima og Nagasaki á sínum tíma. Hversvegna er þetta að gerast. Jú þegar ráðist var á þetta svæði fyrir 6 árum síðan notuðu Bandaríkjamenn Úran á skotfærðin til að kúlurnar kæmust í gegnum þykka veggi og kúlurnar skilja eftir sig duft sem veldur skaða í mörg ár eftir. Það var það sem gerðist. Ég hugsaði með mér að maður hefur aldrei heyrt um þetta fyrr en núna. Ég varð að lesa meira en stóð í þessari norsku grein og fór og googlaði þetta mál og ég verð að viðurkenna að þetta var það versta sem ég hef séð. Hræðilegt alveg hvernig þessi börn fæðast, svo afmynduð og veik að maður getur ekki ímyndað sér það. Ég held ekki að maður fatti alltaf hvað við erum vernduð hér í Norður Evrópu. Ekki erum við stríðshrjáð, hungursneyð þekkjum við ekki og ekki fátækt á sama hátt sem svo mörg önnur lönd lifa við. Auðvitað eru einhverjir sem ekki hafa það eins gott og meirihlutinn en samt höfum við velferðarkerfi sem styður við fólk að mestu leiti. Ég held ekki að við skiljum eiginlega hvað það er að vera fátækur og búa í kannski í leirkofa eða pappahúsi og hafa ekki tök á að leyfa börnunum sínum að ganga í skóla, eiga ekki mat nema endrum og sinnum. Nei ég hef það gott, lifi algjöru luxuslífi miða við svo marga og finnst fínt að láta minna mig á það öðru hverju.

Jæja ætlaði ekki að gera neinn þunglyndan fyrir helgina. Bara minna fólk á að þrátt fyrir allt þá höfum við það gott.

Og nú yfir í allt annað. Manstu eftir þessu lagi? Söng það ansi oft í frystihúsinu hér í den.

Góða helgi.

Stundum hef ég bara ekkert að segja

2010-08-13T08:02:00.007+02:00

og ætla þess vegna bara að henda inn einni uppskrift eða svo.

Kjúklingur með hvítlauk og koríander fyrir tvo.

200 gr kjúklingabringa í litlum bitum
3 msk maisenamjöl
3 msk Oyster sauce
1 msk Soya
slatti ferskt koriander en hægt að nota frá krukku líka
1 tsk sykur
3 rif hvítlaukur
1 dl kjúklingasoð
matarolía sem hægt er að djúpsteikja í (semsagt ekki olífuolía).

1.Blanda kjúklingnum saman við maísenamjölið(Þetta þrep er mikilvægt til að fá góðan rétt)

2. Djúpsteikja kjúklinginn í olíu, best að steikja lítið í einu og setja svo á dagblöð til að fjarlægja mestu olíuna.

3. Hakkaður hvítlaukur og kóríander steikt á pönnunni og sósunum og soðinu bætt út í. Látið sjóða smá.

4. Kjúklingnum bætt út í og blandað vel saman. Við þetta þykknar sósan og verður ægilega góð.

Er viss um að það er líka gott að setja smá chili, en ekki mikið svo að það kæfi kóríanderbragðið.

Annars lítið að frétta. Lífið gengur sinn vanagang. Skólinn hjá krökkunum byrjar í næstu viku og þá tekur alvaran við með heimalærdómi og allskonar æfingum eftir skóla. Ætla að njóta síðustu dagana áður en þetta skellur á.

ÉG er búin að ákveða taka smá tímabil með löngu gleymdum lögum, lögum sem voru kannski aldrei neitt voða vinsæl en mér hefur tekist að finna óvart á Youtube. Fyndið hvað maður finnur óvart, var að hlusta á John Denver og rambaði þá óvart á þetta sem ég var alveg búin að gleyma. Langt á milli Jonna og Ollu hefði maður haldið! Hélt svo sem aldrei neitt upp á þetta lag en átti það á kassettu að mig minnir, en "dem" hvað John Travolta var nú sætur þegar hann var ungur. Mér finnst það allavegna en hárið samgt ekki alveg að gera sig. Munið þið eftir þessu lagi?

Frábæra helgi. Ekki gleyma að elda kjúkling um helgina!

Níu ár

2010-08-06T09:09:00.005+02:00

eru liðin frá því að sæti sonurinn kýldist út úr mömmu sinni á ógnarhraða. Það var nú meiri fæðingin. Tók eina klukkustund og 15 mínútur og var svo vont að ég sver að hefði ég haft riffil við höndina hefði ég skotið ljósmóðurina. Hún var nú líka frekar pirrandi og pirruð. Ég var nefninlega að fæða í miðjum vaktaskiftum og hún var ekki par ánægð með það. Skánaði ekki skapið á henni þegar varð að eyða rúmum klukkutíma í að sauma mig saman. Komin mið nótt þegar hún komst heim. Venjulega koma ljósmæðurnar og kíkja á sængurkonurnar "sínar" daginn eftir og sérstaklega ef þær fara svona illa eins og ég gerði. Nei sá aldrei tangur né tetur af þessari konu aftur. Bölvaður dóninn. En allavegna þá kom ég heim með lítin son sem fékk nafnið Baltasar og hefur alltaf verið yfir meðallagi hress. Og allt í einu er hann hættur að vera lítill og er bara að verða bráðum stór. En það er samt gaman eiginlega því nú getum við gert svo margt saman sem við bæði höfum gaman af. Á afmælisdaginn hans sem var á þriðjudaginn var han vakin með söng, köku, kerti og gjöfum og svo seinna um daginn fórum við í Bowling og svo út að borða á eftir. Var voða ánægður með það. Svo verður afmælisveisla fyrir fjölskylduna hér á sunnudaginn og svo strákaveisla á fimmtudaginn. Ákváðum að bíða svo að allir væru komnir heim úr fríi. Búið að ákveða að hafa íþrótta afmæli. Strákunum skift í nokkur lið og svo verður keppt í hlaupi, setja penna ofan í flösku og ýmsu öðru sem ég á eftir að finna upp á. Verð víst að finna upp á einhverju sem er hægt að gera bæði inni og úti því það er svo helv.. mikil rigning hérna þessa dagana. Allt á kafi í bleytu og grasið vex og vex. Hefði nú ekkert á móti smá sólarglennu og síðsumars hitabylgju svona til að klára sumarið með stæl.

Jæja best að spila eitt norskt!

God helg.

Komin heim í heiðardalinn

2010-07-30T08:54:00.001+02:00

Búin að vera heima í 2 vikur núna eftir vel heppnað frí á Íslandi. Var viku á Höfn í rigningu(hvað er nýtt?). Hátíð á Höfn alltaf jafn skemmtileg og hitti alveg gommu af fólki sem ég hef ekki hitt lengi. Fór líka í bekkjarpartý með gamla genginu og svei mér þá hvað lítið breytist en eins og við mátti búast var rosa stuð þrátt fyrir að ýmislegt hafi gengið á. Eins og til dæmis einn af dönsurunum sem var keyrður heim í kvölum. Ætla ekkert að útskýra það nánar en eitt er ljóst og það er að menn um fertugt ættu alveg að sleppa því að breika í fjölmenni!

Eftir viku á Höfn var haldið á Akureyri og Mývatn, Hljóðakletta, Ásbyrgi og hvalaskoðun á Húsavík. Veðrið svo sem ekkert að leika við okkur heldur þar.Hitti slatta af ættingjum í þessari ferð sem var gaman. Keyrðum svo til RVK í blíðskaparveðri eftir að hafa verið þarna í viku og þá fóru JC og Saga heim en ég og Baltasar vorum að spóka okkur í geggjuðu veðri í tæpa viku í höfuðborginni.Aldrei fengið svona gott veður á Íslandi áður eins og ég fékk þessa daga. Frábært. Hitti bara ansi marga þá vikuna líka. Verslaði smá og hafði það gott.

Komum heim á fimmtudagskvöldi eftir 3 tíma seinkun á flugi og náðum í Sögu í sumarbúðir á föstudagskvöldinu. Keyrðum svo til Kristiandssand á laugardagsmorgninum og fórum í Dyreparken og badeland og um kvöldið á miðnætturleiksýningu með Kaptein Sabeltann sem er sjóræningi ógurlegur. Nóttin fór í matareitrun og dagurinn eftir var tekin í Dyreparken og badeland aftur og svo brunað heim. Byrjaði svo að vinna á mánudaginn. Fríið semsagt búið í ár. Á samt nokkra daga eftir sem ég ætla að spara fyrir haustfríið og jólin.

Myndin hér fyrir ofan er af Sögu á sjóskíðum í sumarbúðunum. Ég tók voða fáar myndir þetta fríið því ég missti myndavélina mína í götuna þegar ég var á Höfn og hún eyðilagðist. Allavegna linsan. Helvítis fokking fokk verð ég nú að viðurkenna. Ég sem ætlaði að taka svo mikið af myndum á ferð okkar um landið.

jæja best að henda sér í fjörið.

Góða helgi.

Ljósin á ströndu skína skær..

2010-06-25T08:30:00.003+02:00

skipið það færist nær og nær
og þessi sjóferð endi fær.
Ég búinn er að puða og púla
pokann að hífa og dekkin spúla.
Reifur ég stend í stafni hér
strax og að landi komið er
bý ég mig upp og burt ég fer.

Ég fer í fríið. Ég fer í fríið. Ég fer í fríið.

Nema nátturulega ég er ekki sjómaður og er ekki á neinu skipi sem ég er búin að spúla en ég fer nú samt í fríið. Að vísu ekki fyrr á fimmtudaginn í næstu viku en þetta verður samt síðasta bloggið fyrir frí því ég veit að næsta vika verður tekin á tvöföldum hraða til að klára að gera það sem þarf að gera fyrir fríið. Og svo verður haldið heim á leið á Humarhátíð og 40 ára afmælisfögnuð bekkjarinns. Já við ætlum að hittast við sem verðum á staðnum og halda upp á afmælin okkar í sameiningu. Ekki á hverjum degi að við verðum fertug. Jibbí hlakka til. Er líka að spá í að skella mér í Lónsöræfin í ár. Og svo nátturulega norðurlandið og suðurlandið sem bíða mín líka. Tek heila þrjá landshluta í einu fríi. Þetta kalla ég að slá þrjár flugur í einu höggi. Djí hvað maður er effektívur. Jæja þetta er gott í bili.

Ef þetta er ekki sumarfílingur þá veit ég ekki hvað. Passar mjög vel með kældu hvítvíni í kvöld. Hækkaðu í botn og taktu nokkur valin dansspor meðan þú sötrar á víninu og nýtur þess að það er sumar og kvöldið langt.

Bið að heilsa og óska þeim sem ramba hérna inn góðs sumars og ljúfra daga.

ARRRGG.....

2010-06-18T08:28:00.005+02:00

Sumir dagar eru leiðinlegri en aðrir. Síðasti föstudagur til dæmis. Afvherju? Jú, sumt fólk bara er svo arrggg....

Málið var það að Sögu var boðið í afmæli. Stelpan sem átti afmæli sagði mér frá veislunni með viku fyrirvara og ég sagði henni strax að Saga kæmist ekki því hún væri upptekin. Hún fékk samt skriflegt boðskort daginn eftir og það fannst Sögu gaman. Nokkrum dögum seinna kom skóla-stuðningsaðili Sögu til mín og sagði mér að stelpan hefði spurt hana hvort hún gæti komið með Sögu í afmælið því hún var svo óþekk í afmælinu í fyrra. (Þessi stuðningsaðili er líka liðveislan hennar eftir skóla, kalla hana C). Ég sagði henni að mér þætti það nú svolítið skrýtið þar sem ég fékk að vita í fyrra að allt hefði gengið vel og mamma stelpunnar hafði sagt yfir allann bekkinn árið áður að Saga þyrfti ekki neinn með sér í afmæli heima hjá þeim. En það gerðist ekkert meira með þetta því Saga var ekki að fara í þetta afmæli og foreldrar hennar höfðu aldrei neitt samband við mig út af þessu sem er venjan ef einhver óskar eftir að Saga hafi einhvern með sér í boð.

Tveim dögum fyrir afmælið varð svo breyting á okkar plönum svo að Saga gat farið í afmælið og ég hringdi í mömmuna til að athuga hvort það væri í lagi að hún kæmi þrátt fyrir að við værum búin að afþakka. Hún var voða ánægð og sagði að sjálfsögðu gæti hún komið og allt í fína.Ekkert merkilegt sagt í því samtali en hún minntist aldrei á að hún ætti að hafa með sér C í afmæli og ég var búin að gleyma því þar sem ekkert stóð á boðskortinu og engin hafði talað beint við mig um þetta.

Þremum klukkutímum áður en afmælið átti að byrja hringir pabbinn í mig og spurði hvort Saga kæmi ekki með C með sér. Ég sagði nei, engin hafði beðið mig um það og það stæði heldur ekki á boðskortinu. Hann varð frekar fúll og sagði að þetta boð væri bara gildandi ef að C væri með henni þar fyrst hún var svona óþekk í fyrra! Dóttir hans var við símann og hann spurði hana hvort hún hefði ekki pantað liðveisluna okkar til að koma með Sögu í afmælið og hún sagði jú. Ég sagði við hann að engin hefði talað við mig um þetta og að 10 ára barn eigi ekki að gera samning við mína liðveislu. Allt svona verði að fara í gegnum foreldrana, sem sagt frá foreldri barnsins sem á afmæli til foreldra barnsins sem á að fara í afmælið. Hann jafn fúll og ég varð að útskýra að ég gæti ekki reddað manneskju með svona stuttum fyrirvara og sagði við hann að það þýddi ekkert að segja við mig að allt hefði gengið vel í fyrra ef það væri ekki satt. Ég hefði að sjálfsögðu sent hana með manneskju hefði ég vitað það. Mér tókst á endanum að sannfæra hann um að þar sem Ida, hin stelpan í bekknum með DS kæmi ekki í afmælið ætti þetta eftir að ganga vel. Þau gætu bara hringt í mig ef eitthvað kæmi uppá. En allan tímann lét hann skína í gegn að hún væri bara velkomin ef hún kæmi með einhvern með sér.

Ég hringdi svo í C og hún gat verið með Sögu í tæpa 2 tíma í afmælinu(3. tíma afmæli). Ég hringdi aftur í pabbann og sagði honum það og þá varð hann þetta létt pirraður og sagði að núna væru þau búin að undirbúa sig andlega að hún kæmi ein og bla bla bla. Ég sagði að nú væri ég búin að redda þessu og að það væri ekkert mál en næsta skifti sem ætti að bjóða Sögu í afmæli gætu þau ekki farið svona á bak við mig og bókað liðsaukan okkar án þess að ráðfæra sér við mig þar. Við værum ekki með ótakmarkaða tíma á viku og þurfum að planleggja svona. Hann trompaðist þá, sagði að hann hefði aldrei talað við neina manneskju sem væri jafn lítið auðmjúk og þakklát eins og ég. Ég ætti bara að sýna auðmýkt yfir því að þau reyndu að vera hugguleg og bjóða Sögu með í afmælið og ég ætti ekkert að vera að segja þeim hvað þau ættu að gera og ekki gera! Ég varð þetta litla fúl á móti og svaraði að ég sæi enga ástæðu til að vera auðmjúk yfir afmælisboði. Saga væri hluti af bekknum og á meðan reglurnar séu þær að engin sé skilin útundan í afmælisboðum sæi ég enga ástæðu til að vera eitthvað ekstra þakklát. Saga væri jafns mikils virði og hinar stelpurnar og ef þau gætu bara komið almennilega fram og skrifað svona óskir í boðskortið eða allavegna látið mig vita væri ég kannski aðeins blíðari á manninn. Ég gæti ekki galdrað liðveislu með 3 tíma fyrirvara. Hann var geðveikt æstur og með þvílík læti og dónaskap, mér tókst samt á endanum að róa hann og við urðum sammála um að þetta hefði allt verið einn stór misskilningur! Nennti ekki að halda þessu rugli áfram. Og hefði Sögu ekki hlakkað svona til að fara í þetta afmæli hefði ég ekki sent hana. Tek það fram að hún tekur ekki í mál að hafa mig með á svona uppákomur. Verður meira en lítið fúl og leiðinleg og það er ekkert gaman fyrir neinn.

Skilaði Sögu í afmælið og pabbinn lét ekki sjá sig. Mamman tók á móti henni en þegar ég spurði um afmælið í fyrra gat mamman ekki ákveðið sig hvort það hefði gengið vel eða ekki, en á endanum sagði hún að þær stöllur hefðu verið frekar óþekkar. Og afhverju sögðu þið ekki það við mig á þeim tíma? spurði ég. Nei hún vildi ekki... bla bla bla og hefði kannski átt að gera það....en ekki bla bla bla...!! Þau hringdu svo eftir mér þegar var hálftími eftir af afmælinu og ég fór og náði í Sögu og það var ekkert mál. Þegar Saga er svo að fara kemur mamman og segir við Sögu að hún væri svo sæt og góð og hún viti ekki u m neitt annað barn sem væri eins sætt og gott og Saga og bla bla bla bla hvað það væri gaman að hún kom og ég veit ekki hvað. Hvað er í gangi?

FATTA EKKI SVONA! Getur fólk ekki bara hagað sér eins og fullorðið fólk, ekkert mál að redda liðveislu. Geri það með glöðu geði en ég get það ekki með 3 tíma fyrirvara. Getur ekki fólk sagt mér eins og er ef Saga er óþekk í staðin fyrir að láta mig standa í þeirri trú að hún sé þæg. Og hvernig stendur á því að fólk getur gert þær kröfur til mín að ég eigi að redda liðveislu hvenær sem er en ég megi á sama tíma ekki gera þær kröfur til fólks að það bóki ekki liðsaukan MINN án þess að tala við mig. Og hvað er að fólki að láta 10 ára gamlan krakka skipuleggja svona án þess að það fari í gegnum fullorðna. Liðsaukin er bara 18 ára og ræður engu svona. Var allavegna alveg búin á því þetta kvöldið og gerði fátt af viti. Mannskemmandi svona uppákomur. Algjörlega.

Jæja þetta var langt og fúllt! Ætla að bregða fyrir mér betri fætinum og skreppa til Köben með húsbandinu. Smá ljúf helgarferð til að rifja upp gamla tíma frá okkar tilhugarlífi, borða og drekka og slappa af. Det er dejlig i Danmark.

Held mig í gömlu deildinni þessa dagana. Eitt gamallt og gott frá guð má vita hvenær. Einhver sem veit það?

Góða sumarhelgi.

Title......!!!

2010-06-11T12:59:00.003+02:00

Verður ekki neitt sumarhús í bráð. Það sem við vorum spenntust fyrir reyndist ekki hafa neina kvöldsól og þó að sumum þykji það kannski vera smáatriði þá finnst mér það mikilvægt. Veit að ég ætti eftir að pirra mig á því að sitja úti á heitu sumarkvöldi í skugga frá 6 –7 á kvöldin og horfa yfir vatnið og pirra mig á allri sólinni sem sumarhúsin hinumegin við vatnið baða sig í. Þar að auki eiga trén bak við lóðin eftir að hækka ansi hratt og þau verða ekki höggvin niður næstu 10-20 árin og þá verður enn dimmara en það er núna. ALGJÖR BÖMMER! Ég var svo tilbúin í að kaupa þetta hús og gera það fínt. En við verðum bara að halda áfram að leita. Einn góðan veðurdag.....

Annars er lítið að frétta héðan. Sumarfríið farið að taka á sig mynd, ein vika á Höfn með hátíð og öllu tilheyrandi. Tvær nætur á Mývatni og 5 á Akureyri og svo vika í höfuðborginni. Þá verða Saga og húsbandið farin heim því Saga vildi fara í sumarbúðir og hún fékk að ráða því í þetta sinn. Þá verðum við mæðginin bara ein og ætlum að vera dugleg og hitta fólk, heimsækja ömmurnar og vini og kunningja. Ég ætla mér líka að fara með Baltasar í skoðunarferðir. Hann verður að sjá Gullfoss og Geysi og Þingvelli. Núna er hann orðin svo gamall að hann hefur gaman að því. Hann er líka búin að panta verslunarferð í Kringluna og ég sé ekki að það sé neitt því til fyrirstöðu að við gerum það :-D Tek líka nokkra túra niður Laugarveginn. Hver veit nema maður versli þar líka. Hef ekki verið svona lengi í RVK í fleiri ár svo að ég hlakka eiginlega til að fá smá tíma þar. Jú og svo sund. Maður verður nú að fara í sund og þar sem við verður hjá pabba er hægt að henda sér í Vesturbæjarlaugina eða laugina úti í Nesi. Alltaf gaman í sundi.

Annars ætlum við bara að slappa af um helgina. Engin ferð til Svíþjóðar núna, reyndum að fá að skoða eitt hús en það var ekki hægt. Verðum bara heima og förum í tvær sumarveislur. Eina með öllum downs krökkunum og eina með fjölskyldunni. Rólegt og gott.

Hér er eitt gamalt og gott að vanda.

Góða helgi.

Bissí bissí bissí

2010-06-04T08:22:00.010+02:00

Mánudagur:
8-16 Vinna
18-21 Fór með Sögu og tilvonandi tengdasyni á Skólakvöldi á Haug skole

Þriðjudagur:
05-18 Fór á fætur, tók flug til Stokkhólm og fyrirlestrar allan daginn
18-nótt Matur og party!

Miðvikudagur:
8-18 Fór á fætur og á fund og flaug frá Stokkhólmi
18 Kom heim og hennti í mig mat
1830-21 Fyrirlestur um Down syndrom og unglingaárin

Fimmtudagur:
8-16 Vinna
1730-19 Leiksýning í skólanum hennar Sögu(hún leikur umhverfisprinsessu!)

Föstudagur:
8-16 Vinna
18-20 íþróttamót - Saga tekur þátt í 25 m sundi
20- ??? Út að borða og djamma með mömmum í bekknum hans Baltasar

Laugardagur:
9-12 íþróttamót - Saga keppir í 100 m hlaupi
12-18 Fótbolltamót Baltasar
19-??? Tónleikar í Osló með Jamie Cullum

Sunnudagur:
9-12 Fótbolltamót Baltasar
12-21 Svíþjóð að skoða bústað

ÉG ÆTLA EKKI AÐ GERA BORU Í NÆSTU VIKU(eða allavegna eins lítið og ég get). Makalaust hvað sumar vikur eru geðveikislega pakkaðar og svo aðrar alveg tómar. En það get ég svarið að ég hef sjaldan verið eins þreytt eins á á fyrsta fyrirlestrinum í Stokkhólmi sem fjallaði um hvernig tryggingafélög reikna út skaðabætur. Man hreinlega ekkert hvað var sagt. Ekkert smá spennandi viðfangsefni fyrir vefhönnuð! Við vorum ansi mörg sem tókum okkur óviljandi powernaps öðruhverju yfir daginn. En svo að sjáfsögðu vaknaði maður á slaginu sex þegar kampavínið flaut og maturinn var borin á borð fyrir okkur. Og það var alveg merkilega góður matur miða við að við vorum svona mörg.

Erum að fara að skoða 2 af 4 bústöðum sem við sáum síðustu helgi. Erum mjög spennt fyrir báðum og viljum sjá þá aftur til að taka endanlega ákvörðun. Kannski verð ég búin að kaupa bústað fyrir lok júní. Og kannski ekki. Maður veit aldrei hvað gerist en ég er nú alveg til í að vera búin með þetta ferli. Er svo fjandi tímafrekt.

Jæja verð að fara að vinna. Ekki hægt að sitja og hanga hér í allan dag.

Hvernig væri nú með eitt gamallt og gott danslag?

Góða sumarhelgi.

Fúll tæm jobb

2010-05-28T08:49:00.004+02:00

Já að er full vinna að leita að sumarbústað. Eða allavegna helgarvinna. Fórum síðasta fimmtudag að skoða bústað og aftur sunnudaginn eftir að skoða þann sama. Algjör draumabústaður og allt alveg pottþétt nema... engin kvöldsól. Vorum þar í 2 klst að horfa á sólin og komumst að því að það er engin sól eftir kl 1730 og það finnst mér fjandi snemma. Hefði ekki verið gaman að sitja í skugganum á sólríku sumarkvöldi og horfa á nágrannabústaðinn baðaðann í sól. Seljandinn var tilbúin að lækka sig í verði en enn sem komið er erum við ekki sannfærð. Erum að fara á morgun að skoða 3 bústaði.

Þegar við byrjuðum þetta ferlið ætluðum við að kaupa bústað sem var max 2. tíma akstur að heiman. Núna erum við komin í 2 og 1/2 tíma en eftir að hafa skoðað slatta höfum við séð að bústaðir nær landamærunum fara á miklu hærra en þeir eru settir á. Svo er verðið sem við settum okkur farið að hækka. Bæði því bústaðir á þessu svæði hafa hækkað og svo er spurning hvort það sé ódýrara að kaupa ódýran bústað sem þarf að gera allt við, leggja vatn og klóakk og byggja og bæta eða hvort eigi að kaupa dýrara sem þarf lítið sem ekkert að gera nema mála. Sparar allavegna fyrirhöfn og mikla vinnu og kemur kannski niður á sama stað fjárhagslega þegar upp er staðið. Allavegna miklar pælingar. Bústaðarnir sem við erum að fara að skoða á morgun eru við Saffle í Varmland en þar búa tengdó.

Annars bara lítið að frétta. Hitastigið 4 gráður kl 7:30 í morgun. Fjandi kalt miða við árstíma orðin alveg desperat eftir sumri. Núna er Egyptaland langt í burtu.

Jæja verð víst að fara að vinna.Lag vikunar er nýtt - aldrei þessu vant. Rólegt og fínt lagt.

Glóða helgi.

Fyrst á réttunni svo á röngunni

2010-05-21T07:18:00.002+02:00

tjú trjú trallala. Nema hvað? Já maður er nú létt andlaus þessa dagana.

Vindi mér þar af leiðandi beint í lag vikunar. Frá þeim árum þegar ég var ung og fögur og gekk í kjólum sem voru næstum bolir. Eða þeir voru ekkert næstum bolir þeir voru bolir. Fyrstu árin í Köben keypti ég alltaf JBS karlmanna hlíraboli og notaði sem sumarkjóla og svo var gengið í Dr. Martins skóm við! Glæsileg alltaf.

Lofa að vera skemmtilegri í næstu viku. Gleðilega hvítasunnu.

Löng helgi

2010-05-14T08:40:00.007+02:00

Det er bare dejlig. Heima í gær, hálfur dagur í dag með heimaskrifstofu. Restin fer í generalprufu hjá dótturinni og Dissimilis og sýning í kvöld. Bissí á morgun, Svíþjóð að skoða bústað á sunnudaginn og svo býð í matarboð sama kvöld. Þjóðhátíðardagur á mánudaginn. Ég elska svona stuttar vikur.

Í morgunmat í dag borðaði ég Ritzkex með túnfisksalati og drakk kók með. Já svona get ég verið óholl stundum. Bý til svona salat kannski 2x á ári og er sú eina á heimilinu sem borða það og mér finnst það svo gott en það verður mikið salat úr einni dollu af túnfiski og ekki get ég látið það eyðileggjast. Nei heldur læt ég það eftir mér tvisvar á ári að borða óhollustu í morgunmat og drekka kók með því mér finnst það passa svo vel við svona salat og kex. Hvað er gaman að lífinu ef maður gerir ekki öðruhverju nákvæmlega það sem manni langar til. Mér fannst allavegna ægilega notalegt að sitja á náttbuxunum og flísinni fyrir framan tölvuna og gæða mér á þessu á föstudagsmorgni. Skál fyrir mér.

Hef þetta stutt í dag. Langara að stuðla að góðu skapi og ætla þessvegna að deila þessu fína videoi með þér(man ekki hvort ég er búin að hafa það hérna áður). Ef þú ferð ekki í gott skap af þessu þá ertu fýlupoki og hana nú!

En lag vikunar má samt ekki gleymast. Mikið youtúbast hér í dag eins og sjá má. Helli mér út í púddelrokkið eins og það er kallað hér í Noregi.

Megi alheimurinn veita þér og þínum helgi fulla af góðu víni og góðum mat.

Allir vilja lifa lengi en enginn vill verða gamall.

2010-05-07T08:16:00.007+02:00

Fékk þetta netta sjokkið á þriðjudaginn. Þá var tilkynnt í útvarpinu að þann daginn væru 25 ár frá að Bobbysocks unnu Júróvisjon með La det svinge. Góðann daginn, ég man bara þennan tíma eins og það hefði verið í fyrra. Það þyrmdi yfir mér þegar það rann upp fyrir mér að ég er ekkert sérstaklega ung lengur. Ég er fjandakornið að nálgast það að vera miðaldra. Og ég er ekki einu sinni orðin fullorðin, svona almennilega allavegna. Eða kannski er ég bara ekki eins þroskuð og maður hélt á þessum Bobbysocks árum að ég yrði um fertugt. Og það sem mér fannst mamma vera ellismellur þegar hún varð fertug. Hálf í gröfina og allt það. Djí, mér finnst ég enn vera voða pæja og er hreinlega að pæjast meira með árunum. Verð nú samt að viðurkenna að ég læt enn sjá mig úti í búð án farða og í náttbuxum en ætli ég verði ekki að hætta því í desember. Eða ætli ég komist upp með það nokkur ár í viðbót? Já það er að miklu að huga þegar maður er að eldast.

Annars er bara vorið ekkert að láta sjá sig hér. Það var meira að segja algjört kaos hér á þriðjudaginn(La det svinge afmælinu) því það snjóaði svo mikið og allir komnir á sumardekki. Já þá var sko hægt að segja la det svinge við bílinn sinn. Það vantar ekki upp á fína gluggaveðrið en það er ekki nóg lengur. Hvar er vorið?

Maí er annars einn af mínum uppáhalds mánuðum því þá er svo mikið að frídögum í Noregi. Fer að líða að 17 maí sem er "the big thing" hérna(þjóðhátíðardagurinn). Í tómu rugli spurði ég húsbandið hvort við ættum ekki að fara eitthvað í burtu þann daginn og sleppa þessu 17 maí standi. Steinleið yfir hann! Hef ekki spurt hann aftur.

Jæja lag vikunar. Alveg er ég viss um að þú haldir að ég hafi valið Bobbysocks en nei aldeilis ekki. Hef enga löngun til að pína þig með svoleiðis bulli! Nei er að fara á ball í kvöld og finnst þetta lag svo gott upphitunarlag. Lovely lag.

Gísli Eiríkur helgi skál!

Lax lax lax og aftur lax

2010-04-30T07:36:00.004+02:00

það eina sem ég hugsa um er bara la-a-ax. Og þá sérstaklega þennan. Svona líka ljómandi góður og ef þú heldur að þér þyki ekki Piparrót góð þá er það hinn mesti misskilningur.

Piparrótarlax.f.4

ca 750 gr laxabitar með skinni
2 matskeiðar piparrót á túpu
1 eggjarauða
100gr rasp
steinselja fínhökkuð
smjör.

Piparrót og egginu er landað saman á disk. Raspinu og steinseljunni á annan disk. First dippar maður laxinum aðeins í það blauta og svo í það þurra. Steikist í smjöri á vel heitri pönnu í 3 mín og færist svo á eldfast mót með skinnið niður. Sett í ofnin á 180 gráður í ca 5 mín eða þangað til laxinn er tilbúin.

Góða sósan

2 1/2 dl rjómi
1 matskeið Dijon sinnep
1 Matskeið piparrót frá túbu(ég nota meira en það er smekksatriði)
1 matskeið sítrónusaft(ekki frá túbu - frá alvöru ekta sítrónu)
1 matskeið hakkaður graslaukur
salt og pipar.

Rjómin látin sjóða niður þar til hann þykkrnar. Potturinn tekin af hellunni og restinni bætt út í, má ekki sjóða eftir það. Haldið heitu. Borið fram með hverju sem hugurinn girnist.

Bon apetit!
Svona var sagt í skemmtilegu myndinni sem ég sá um daginn með Meryl Streep sem heitir Julie & Julia. Mæli með henni. Mikilvægt að vera saddur þegar maður sér þessa mynd. Sem minnir mig á það að húsbandið átti afmæli á þriðjudaginn. Ég færði honum tónleikamiða á Jamie Cullum sem eru að vísu ekki fyrr en í júní en búin að redda barnapíu. Þar að auki fékk hann boð á víetnamskan veitingarstað á laugardaginn með sinni heittelskuðu. Ég verð heima og passa krakkana!! Ha ha ha ha.(Maður er nú ekki alveg búin að missa húmorinn þrátt fyrir hörmungar í heiminum.) En semsagt búin að redda barnapíu fyrir það líka. Maður er bara alltaf á skralli. Er að fara í stórveislu eftir viku með vinnunni. Sixtíspartý með 450 öðrum úr vinnunni - smáveisla þar á ferð!

Fann þetta gamla góða lag með uppáhalds íslensku hljómsveitinni minni. Mér finnst nú að Pálmi hefði alveg getað verið í bol undir þessari peysu? Smáatriði kannski en.....

Gæða helgi.

Það er komið sumar

2010-04-23T08:11:00.000+02:00

eða svoleiðis!!

Vissirðu að lærleggir Leðurblökunar eru svo mjóir að þær geta ekki gengið. Og ef þú geymir gullfisk í dimmu herbergi verður hann á endanum hvítur. Kók væri grænt ef það væri ekki bætt litarefnum í það og að þú getur ekki framið sjálfsmorð með því að halda niðri í þér andanum. Augun á þér lýsast með aldrinum og mjólk er sú matvara sem flestir hafa ofnæmi fyrir. Og að þú getur ekki hnerrað með opinn augu. Viskubrunnur minn er ótæmandi, varla grunaði þig að ég vissi svona mikið og ekki talandi um að ég vissi svona mikið nýtilegt!

Fer að koma tími á eina uppskrift eða svo. Kannski í næstu viku. Hef bara verið frekar matleið síðasta mánuð og hef þar af leiðandi ekki prufað neitt nýtt en hver veit nema ég lumi á einhverju gömlu og góðu. Núna bara allt komið í sama farið eftir fríið góða. Fer á haugana á laugardaginn með vordraslið og ætla að gera voða fínt fyrir sumarið. Fastir liðir eins og venjulega. Gosið aðeins að minnka og nú geta landarnir farið að einbeita sér að víkingunum alræmdu. Svei ykkur ljótu karlar. Maður hreinlega skammast sín stundum fyrir sumt fólk.

Man einhver eftir þessu lagi. Ég var alveg búin að steingleyma því sjálf.Algjört Girlpower. Töffarar þessar eða hvað?

Góða sumarhelgi!!!!

Tengdamamma!

2010-04-16T07:22:00.007+02:00

Já ég er semsagt búin að hitta tilvonandi tengdason. Saga var á opnu húsi á mánudagskvöldið. Þar hitti hún sjarmör til margra ára hann Emil. Hann er jafngamall henni og með Williams Syndrom, er með ljósar krullur og stór blá augu. Voða krútt. Þau voru svo sæl með að hitta hvort annað aftur, sátu og klöppuðu og struku hvort öðru og horfðust djúpt í augu. Og kysstust á munninn!!! Og ekki bara einu sinn heldur svo oft að ég varð að biðja þau um að hætta þessu kossaflensi. Minn maður varð nú ekki par hrifinn og spurði mig afhverju þau mættu ekki kyssast. Ég reyndi að útskýra fyrir honum að þau væru bara 10 ára og nægur tími í svona hluti. Honum fannst ég nú ekki vera skemmtileg en fékk mig til að lofa sér að ekki segja pabba sínum frá þessu! Stuttu á eftir kom besti vinur hann og spurði mig afhverju þau mættu ekki kyssast fyrst þau væru kærustupar. Þetta væri nú alls ekki réttlátt. Ég semsagt eyddi mánudagskvöldinu í að útskýra fyrir 10 ára krökkum afhverju maður sé ekki að kyssast á almannafæri á þessum aldri. En þau voru nú meiru krúttin. Svo alsæl með hvort annað. Emil spurði hvort hann gæti komið í heimsókn og ég sagði honum bara að hringja þegar hann vill og koma og LEIKA sér við Sögu. Ekkert meira kossaflens í dágóðan tíma. Hún er sko meira en til í að fá hann í heimsókn enda ekki eins og krakkar séu alltaf að heimsæakja hana. Hún vildi að hann gisti en njeeeh, ég held ekki.

Baltasar aftur á móti tókst að verða ástfangin 3x á viku í Egyptalandi og spurði mig hvort við gætum bara ekki flutt aftur til Danmerkur. Svo mikið af sætum ljóshærðum stelpum þar. Jú jú sagði ég við gerum það bara, ekki seinna vænna að hann fari að ná sér í kærustu! Sveimér þá!

Og nú - Ísland í dag. Ég hef illan grun um að þetta gos hafi verið vandlega planlagt af útrásarvíkingunum og útvöldum stjórnmála og bankamönnum. Núna gleyma allir þessari fjandans skýrslu og hugsa bara um gosið. Helvíti hafa þeir mikil völd. Ekki hefði manni grunað þetta! Vona bara að þeir fari að stoppa þetta. Ekkert sniðugt lengur.

Hellum okkur í sænskt eðalpopp frá nítíu og eitthvað frekar snemma.

Góða helgi

Brún og sæl

2010-04-09T08:22:00.006+02:00

og það á ég Egyptalandi að þakka. Ekkert smá ljúft að fara í frí til heitari landa eftir þennan mikla frostavetur. Yndislegt veður og allt bara pottþétt. Fórum í ferð til Kaíró og sáum pýramídana og Sfinxinn og múmíusafnið(frekar dáið fólk þar!) ásamt fleiru gömlu og glæsilegu frá gamla Egyptalandi. Helvíti voru þeir klárir að búa til fallega hluti. Fórum líka í frábæra bátsferð þar sem við syntum(snorklet- svona hálf köfun) með villtum höfrungum og skoðuðum kóralrif og fullt af fínum fiskum. Og svo slöppuðum við bara af "ön mass" og lifðum hinu ljúfa lífi. Engir GSM símar, tölvur eða dagblöð. Hafði ekki hugmynd um hvað var að gerast úti í hinum stóra heimi og var nokk sama,lifði bara fyrir líðandi stund. Ekki oft sem maður gerir það verð ég að viðurkenna. Krakkarnir orðin svo stór að maður gat af þeim litið og lesið bók, las eina langa bók og hálfa í viðbót. Ágætur matur(fékk að vísu í magan!) og yndislegt hótel. Egypskir kaupmenn algjör pest og plága eins og vera ber. Frábær vika og við ákváðum að gera þetta að föstum lið. Fara minnst eina viku á ári í hita og sól. Hér er svo hrottalega kallt á veturna og þegar maður eyðir öðru hverju sumarfríi í kaldari landi en í því sem maður býr er alveg nauðsynlegt að þiðna smá. Gerir svo mikið fyrir geðið sjáið til. Og ekki var amalegt að koma heim í snjólaust land. Laukarnir komnir upp og fyrstu gulu blómin blómstruðu í dag. Já vorið er að koma. Mikið er ég fegin að ég fór þessa ferð. Verð í góðu skapi langt fram í maí held ég barasta. Og verð að skjóta því inn að í Gautaborg, daginn fyrir ferðina fékk ég bestu pizzu sem ég hef fengið í áraraðir. Magnað alveg!

Annars gerðis svolítið fyndið fyrir utan pýramídana. Húsbandið og sonur ákváðu að fara inn í einn mídann og ganga þar langann og þröngan og dimman gang og ég sá enga ástæðu til þess að ég og Saga værum neitt að yfirgefa sólina svo að við ákváðum bara að spóka okkur úti á meðan. Og svo er ég voða lítið hrifin af þröngum dimmum íverum. Saga var nýkomin með fléttur að framan(erfitt að útskýra en hægt að sjá á myndum á facebook)og var voða sæt og fín eins og henni er einni lagið. Á svæðinu var stór hópur egypskra stelpna sem voru í einhverri skólaferð og þeim fannst Saga svo sæt að þær flykktust að okkur þar sem við sátum við rætur eins pýramídans. Vildu þær allar taka myndir af Sögu og fá að vita hvað hún héti og hvaðan hún væri og koma smá við hana sem að þær fengu. En ekki stoppuðu þær við það, nei þær vildu líka myndir af mér svo að þær stilltu sér upp ein og ein í einu við hliðinan á mér og létu taka myndir. Kennarinn þeirra var farin að arga sig hása á þær og kom á endanum og náði í þær og ein var svo æst og glöð að hann varð nánast að draga hana í burtu. Allt í einu stóð lítll hópur ungra manna svona 20-25 ára fyrir framan okkur og voru þeir farnir að læna sig upp við hliðina á mér og ætluðu að fara að taka myndir. Þá fannst mér nóg um og greip í höndina á Sögu og forðaði mér í burtu. Þeir hafa örugglega haldið að ég væri einhver fræg því það voru svo mikil læti í stelpunum, og hafa hugsað með sér að það væri nú best að láta taka mynd af sér með mér svona til vonar og vara þótt þeir hefðu ekki hugmynd um hver ég væri. Ekkert smá fyndið.

Hellti mér í eitís fílinginn og eitt gamalt og gott frá menntaskólaárunum sem ég var bara alveg búin að gleyma að væri til. Tek mér smá snúning hér á gólfinu á eftir.

Góða helgi.

Erfið verkefni

2010-03-26T08:12:00.003+01:00

Hvernig segir maður dóttur sinni að hún sé með Downs heilkenni?

Var á ráðstefnu um Downs heilkenni í Bergen í síðustu viku og þar var verið að ræða þessa spurningu. Það sem kom fram þar var að það er mjög mikilvægt fyrir fötluð börn að vita hversvegna þau eru svona eins og þau eru og þekki fötlun sína til að fá betri skilning á sjálfu sér. Sérstaklega mikilvægt þegar komið er á unglingsárin. Við erum búin að vera að ræða þetta hér heima og við kennaran hennar undanfarið ár en vitum ekki alveg hvernig við eigum að snúa okkur í þessu. Saga er klár stelpa og er farin að hugsa sitt en maður veit bara ekki hvað. Spurði hana um daginn hvort hún þekkti einhverja með Downs en hún sagði nei! Daginn eftir sagði hún við mig "mamma ég er bara venjuleg stelpa". Þetta hefur hún sagt nokkru sinnum síðasta hálfa árið og bendir til þess að hún veit að hún ekki er bara venjuleg stelpa en veit samt greinilega ekki hvað það er sem gerir hana öðruvísi. Svo að núna fer að koma tími til að hefja þetta ferli sem á að enda með að hún fær meiri skilning á sjálfri sér og því að hafa Downs heilkenni. Voða lítið skemmtilegt verkefni finnst mér. Erfitt og sorglegt. Veit bara ekki hvernig ég á að segja henni þetta. Litla ljósið.

Rosa flott ráðstefna með fullt af spennandi fyrirlestrum. Sá eftirminnilegasti var með Karen Gaffney sem er kona með Downs heilkenni sem er ekki nema 125 á hæð og með massíva mjaðmafötlun og getur bara notað einn fótlegg. Hún synti 15 km yfir Lake Taho á 6 klukkustundum, ein og hluti af ferðinni var synt í kolniðamyrkri. Hér er hægt að sjá það sem var í fréttunum um hana í USA á sínum tíma. Var sýnt á ráðstefnunni og allir grétu. Ég líka.

Þetta sýnir það að allt er hægt og að sjá þessa pínulitlu konu í eigin persónu vitandi hvað hún er nautsterk og í góðu formi og dugleg ræðukona er hún þar að auki.Frábært. Einnig var íslensk kona með fyrirlestur þar sem hún sagði frá Diplómanáminu sem er í boði í Háskóla íslands fyrir þroskahefta. Mjög áhugavert og vonandi að norðmenn fari að bjóða upp á þetta.

Er annars að fara til Egyptalands á þriðjudagsmorgun svo að það verður ekkert blogg næsta föstudag því ég verð upptekin við að sóla mig!

Læt þetta duga í bili.

Lag vikunar - yndislegt lag og íslensk nátturua í fínasta skrúða.

Gleðilega páska.

p.s og um þessa konu úr síðustu færslu. Er sammála Kollu. Bara að hlægja að svona fólki. Lífið er of stutt til að láta svona bjána fara í taugarnar á sér.

Viltu fá lag á heilann?

2010-03-12T08:09:00.002+01:00

Gjörðu svo vel:

Það var einu sinni grásleppukarl
sem að átti grásleppuskúr
og ég þekkti þennan grásleppukarl
hann átti lítinn grásleppuskúr.

Mamma, mamma gefðu mér grásleppu
mamma, mamma því hún er svo góð
mamma, mamma mig langar í grásleppu
mamma, mamma því hún er svo góð.

Var að hlusta á Bylgjuna í gær og þar var verið að tala um grásleppukarla og viti menn poppaði ekki þetta lag inn í heilann á mér og sat sem fastast allan gærdaginn. Já svona getur fréttaflutningur haft áhrif á mann.

Verð nú að segja frá einni mömmunni í bekknum hans Baltasar. Hún er stelpumamma og þar af leiðandi hef ég ekki talað við hana svo oft en svo var partý hjá okkur foreldrunum í janúar og ég lenti á spjalli við hana. Hún var að spyrja um Sögu og ég sagði aðeins frá henni. Þá fór hún að segja mér frá stelpu sem er í bekk með eldri dóttur hennar. Foreldrar í þeim bekk voru nýbúin að fá að vita að það væri stelpa i bekknum sem var að fá greininguna "með heilaskaða"(veit ekki hvað þetta kallast eiginlega á íslensku). Og svo segir konan"Já ég var nú alltaf búin að sjá það á henni því hún er svo heimskuleg í útliti. Ég meina maður gat alveg séð á augunum á henni að hún er heimsk". Ég varð hreinlega alveg kjaftstopp og fannst þetta svo ömurlegt að segja svona að ég bara fór. Hafði ekki einu sinni rænu á að segja við hana að svona segði maður ekki um heilaskaddað barn,eða bara nokkuð barn.

Nokkrum vikum seinna var mömmuhittingur og ég lenti því miður við hliðina á henni. Ákvað nú að vera kurteis og spurði hana hvaða stelpur í bekknum dóttir hennar léki sér mest við. Og hvað haldiði að konu fíflið segi. "Ja það eru ekki svo margar stelpur sem hún getur leikið sér við því flestar stelpurnar í bekknum eru annaðhvort útlendingar eða taper(looser á ensku) svo að hún leikur sér við eldri stelpur". Ég átti ekki orð, hver segir svona um 8 ára gamlar stelpur. Meiri andskoti hvað fólk getur verið .... en þessi kona gerir sér enga grein fyrir því að það að vera með þroskahömlun er ekki það sama og vera heimskur og litlar stelpur eru ekki lúserar. Það er hún sem er heimsk og lúser að segja svona.Stundum verður maður bara alveg bit á fullorðnu fólki.

Jæja pæja og gæja! Best að henda sér í sveiflu. Smá rokkabillí fílingur en mér finnst þetta eiginlega ansi skemmtileg útgáfa af þessu lagi. Fer í svo gott skap. Swing baby.

Ljóða helgi.

Júróvisjon og verðlaun

2010-03-05T09:37:00.001+01:00

Í ár verður júróvisjon haldið hér í Noregi nánartiltekið í Bærum þar sem ég bý. Sveitafélagið ætlar af þessu tilefni að vera með mikið menningartilstand í stóru tjaldi fyrir utan tónleikahúsið vikurnar fyrir sjálfa keppnina. Dissimilis er boðið að vera með hálftíma sýningu á opnunarkvöldinu og Saga tekur að sjálfsögðu þátt. Þetta verður ansi mannamörg sýining og ef einhver skildi halda að þessi hópur fylgist ekki með Júróvisjon þá er það alveg öfugt. Stærsti hlutinn elskar Júróvisjon svo að allir eru alveg að springa úr stolti og eftirvæntingu yfir þessu. Meira að segja Saga elskar Júróvisjon og sérstaklega þá Alexander.

En ekki er allt búið enn. Í dag var Per Gynt verðlaununum útdeilt. Meðal þeirra sem voru útnefnd í ár var Dissimilis og Sissel Kirkebö. Hverjir unnu? Jú Dissimilis. Þetta eru ein virtustu verðlaunin hér í landi og falla til einstaklinga eða hópa sem hafa verið unnið að því að kynna Noreg erlendis og hafa sýnt jákvæða virkni í norsku samfélagi á einn eða annan hátt. Frábær árangur fyrir Dissimils og gaman að svona hópur skuli fá svona virt verðlaun. Húrra fyrir þeim. Verður gaman að sjá hvaða dyr þetta opnar og þá sérstaklega á erlendu vettvangi. Og ekki má heldur gleyma fjárhagslega því þetta er ekki beint rík stofnun.

Annars bara allt fínt af okkur. Erum að fara að flytja inn í svefnherbergið okkar þessa helgina eftir 2 vikna útlegð í rúmum barnana. Verður búið þá að setja nýtt parket, fataskápa og búið að mála allt. Æðislega lekkert.

Lag vikunar er norsk eðalpopp,ætla að halda mér í verðlaunaflokkunum í dag en þau eru útnefnd sem besta hljómsveitin, besta "hittið" og besta videoið að ég held svo að þetta er ekki alslæmt. Alls ekki.

Góðahelgi.

Er ekki komin tími á smá uppskrift.

2010-02-26T09:19:00.002+01:00

Grunar að það séu ár og aldir síðan ég var með eitthvað matarkyns hér á blogginu. Þessa uppskrift rakst ég á á einhverju bloggi í fyrra og hef eldað nokkru sinnum. Tilvalið á brunsj borðið eða sem hádegisverður með góðu salati. Og áttu ekki kjúkling geturðu notað skinku eða bacon eða bara ekki kjöt og brokkólí í staðinn.
Það er það sem er svo brilljant við þessa uppskrift. Maður eldar hana aldrei eins en alltaf gott.

Kjúklinga og hnettu múffupæ.

1 rif hakkaður Hvítlaukur
1 kjúklingabringa í litlum bitum
salt+pipar

Þetta tvent er steikt saman og látið kólna

1 stór Tómatur.

Skorin í litla bita en þetta fljótandi inní tómatnum er ekki látið með.

3 stór egg
1 1/2 bolli mjólk
3/4 bolli hveiti
1 bolli sterkur ostur að eigin vali

2/3 bolli gróft hakkaðar hnetur af eigin vali(ég hef notað valhnetur eða hesilhnetur)
Ferskar kryddjurtir(það sem þú átt) ég hef notað steinselju.

Egg og mjólk blandað vel saman og hveiti bætt út í og blandað saman vel. Saltað og piprað.Osti bætt út í og svo Tómatnum, kjúllanum, hnetum og kryddjurtum.

Muffinsmót(sjá mynd) eru smurð með olíu og gumsinu hellt út í. Bakað við ca 220 gráður í 25-30 mín. Fer eftur stærð formana.

Annars bara allt við það sama sem þýðir ekki bora að gerast þessa dagana. Engar fréttir eru góðar fréttir.

Er einhver ástæða að spila eitthvað nýtt hérna? Nei held, ef þú vilt nýja tónlist hlustaðu á útvarpið. Hér erum við í gamla fílingnum.

Glóða helgi.

Góðan og blessaðan daginn.

2010-02-19T09:10:00.004+01:00

Afhverju þarf ég alltaf að pissa þegar ég græt? Og er ég eina manneskjan í heiminum sem frekar horfir á gamla Friends þætti en að horfa á OL? Og finnst engin lækning við gráum hárum? Og afhverju fitna konur á vissum aldri. Og hvernig stendur á því að stjórnmálamenn þurfa alltaf að rífas, afhverju geta þeir ekki verið vinir eins og hin dýrin í skóginum. Er líf á öðrum hnöttum? Og er það alveg öruggt að spaðarnir liggi andvaka meðan laufin sofa? Veit þetta einhver?

Annars bara ekki neitt að frétta. Snjór og hálsbólga eru lykilorð dagsins. Hef þetta stutt og laggott í dag.

Er ekki komin tími á smá kvikmyndatónlist. Sá þessa mynd ekki nema skrilljónsinnum og skemmti mér alltaf jafn vel. Kannski ekki alveg í sink en njóttu engu að síður.

Góða helgi.

Helv... var hressandi

2010-02-12T08:06:00.002+01:00

að blóta þorra á Íslandi. Rosa gaman að hitta vinkonurnar og aðra gamla vini og kunningja sem ég hef ekki séð í ár og aldir. Þorramaturinn var vondur eins og ég bjóst við en vínið gott. Hvað annað. Dansaði fram á rauða nótt og var bara furðanlega hress daginn eftir. Svona miða við... Hafði farið í hádeginu og hitt Kvennaskólavinkonurnar og það var líka æðislegt. Vildi óska að ég kæmi aðeins oftar heim og ætla að reyna að láta verða af því núna í ár. Alveg nauðsynlegt að hitta fólk sem hefur þekkt mann frá örófi aldar. Og fyndið, hitti eina kvennódömu sem ég hef ekki séð í 20 ár en það skifti bara engu máli, kjaftaði á okkur hver tuska. Og hitti líka eina frá Höfn sem ég hafði ekki séð síðan við fermdumst saman hér um árið(91 minnir mig!) og það var bara eins og við hefðum hisst síðast í gær. Já mikið var nú gaman að hitta allt þetta fólk. Og mikið var gaman að þvælast um höfuðborgina í 6 stiga hita og snjóleysi. ÉG ER AÐ BRJÁLAST. Sumum finnst nóvember versti mánuðurinn mér finnst miður febrúar til lok mars versti mánuðurinn. Þá er ég svo leið á vetri og kulda að ég græt á hverjum morgni inní mér áður en ég fer á fætur því ég veit að það verður kallt að fara undan sænginni.

Verð að viðurkenna að Egyptarlandsferðinn er æ meira lokkandi núna. Verður æði að henda sér(kríthvítri) á ströndina í heila viku og gera nada, nothing at all, ekki boru.

Æi, eins og alltaf ætlaði ég að skrifa eitthvað djúpt um lífið og tilveruna en ég er ekki í djúpu lauginni þessa dagana. Eiginlega bara í vaðlauginni. Þessvegna ætla ég bara að hætta þessu rugli og fara að gera eitthvað nytsamlegt eins og að búa til auglýsingar fyrir tryggingarfyrirtæki.

Hei jú, Baltasar var að "leika" í auglýsingu á þriðjudaginn. Ég kalla það ekki að leika því hann átti bara að hoppa á trambólíni. Upptakan tók 2 tíma og drengurinn færi 1000 kr norskar fyrir vikið. Um 20 þús íslenskar. Ekki amalegt tímakaup það. Ég er auðsjáanlega í vitlausum bransa.

Lag vikunar. Ég bara gat ekki á mér setið. What can you say?

Glóðahelgi.

Ísland hér kem ég!

2010-02-04T18:41:00.003+01:00

Blótandi og ragnandi svona til að æfa mig fyrir þorrablótið. Byrja laugardaginn að vísu á hittingi á kaffihúsinu á Þjóðminjasafninu. Hversu þjóðlegur er hægt að vera á einum degi? Er að fara að hitta vinkonurnar frá menntaskólaárunum. Ein sem ég hef ekki séð síðan 1991. Rosalega gaman. Svo verður blótað um kvöldið með hressum Hornfirðingum. Búin að pússa dansskóna og alles. Fer svo aftur heim á sunnudaginn. Frekar stutt ferð en ef verður gaman ætla ég að reyna að gera þetta að föstum lið enda ekkert meira hressandi en húsmæðraorlof til gamla landsins.

Annars bara alltaf allt við það sama. Bakið eitthvað að drepa mig enn svo að prógram næstu viku bíður upp á sjúkraþjálfatíma og kírópraktor og ekki bara einu sinni heldur 2x. Hef varla tíma til að vinna fyrir allskonar hnykkjum og teygjum. Verð væntanlega orðin góð fyrir vorið!

Ætlaði að skrifa einhvern voða langann og gáfulegan pistil en það gerist svo ægilega lítið hérna þessa dagana fyrir utan þetta sama gamla. Skíði, skauta, vinna og allt það að ég finn bara ekki upp á neinu. Alveg galtóm. Sem betur fer eru dagarnir að lengjast og ég finn að þessi dvali á eftir að taka enda. Makalaust hvað maður er hressari klukkan 8 á morgnana þegar er bjart en þegar er dimmt.

Jæja er farin að pakka. Sett þetta út núna þar sem ég verð ekki við á morgun vegna anna(smá skrepp í sendiráð Íslands áður en ég fer út á völl).

Hér er eitt eldgamalt.

Góða helgi.

Þorra blótað

2010-01-29T08:25:00.001+01:00

Já ég ætla að blóta eins og mér einni er lagið eftir rúma viku á Íslandi því ég ætla nefninlega á Hornfirðingaþorrablót. Hef ekki farið í um 20 ár svo kannski tími til þess. Annars lítið núna að segja og lítill tími. Er að fara með báða krakkana til tannlæknis í árlegt tjekk. Saga með 2 laflausar sem ég vona að tanni kippi út svona í leiðinni hann skoðar tennurnar. Honum munar ekkert um það og þá sleppi ég. Er ekki manneskja í svoleiðis. Lausar tennur finnast mér nánast skerí. Verð að hafa þetta stutt í dag og þjóta. Túrílú.

Er orðin svo rugluð í hvaða lag ég hef haft hér að ég verð að fara að vera með lista. Man ekki hvort ég hafi haft þetta lag einhverntíma fyrir löngu eða hvort ég bara hugsaði um það.

Glóðhelgi.

Vá hvað það eru margir föstudagar

2010-01-22T09:44:00.001+01:00

Finnst ég ekki gera annað en að blogga þessa dagana. Eða eitthvað. Var að lesa bloggið henna Gullu þar sem hún er meðal annars að tala um hvað heimurinn er lítill. Að allstaðar sem maður fer geti maður rekist á íslending eða einhvern sem maður þekkir eða þekkir til. Alveg er ég sammála þessu. Ég hef nokkur svona dæmi sem eru ansi skondin. Árinu áður en ég flutti til Köben var ég í Lýðháskóla á norður sjálandi, nánara tiltekið Humlebæk og þar eignaðist ég góða vinkonu sem er ensk. Hún var í námi við Háskóla í London og nam þar norræn fræði. Þessi dvöl hennar í DK var hluti af hennar námi. Ári seinna flutti ég til Köben og á Öresundskollegið. Á ganginum mínum bjó danskur strákur, Dennis frá Álaborg sem átti enska kærustu. Kom í ljós að hún gekk í sama skóla og vinkona mín og þær þekktust. Þessu komumst við að þegar að enska vinkona mín heimsótti mig og fór að spjalla við Dennis.

Önnur saga er um íslenskan flugmann sem lést á besta aldri. Hann átti dóttur sem fór í nám til Moskvu. Besti vinur flugmannsins var svo mörgum árum seinna á ferðalagi um Sovétríkin og heimsótti eitthvað land sem ég ekki man hvað heitir en það var eitt af þessum lokuðu ríkjum. Daginn hann átti að fljúga heim var honum boðið að velja milli tveggja skoðunarferða, skoða verksmiðju og svo eitthvað annað sem ég ekki man lengur hvað var. Hann valdi verksmiðjuna og fór þar að spjalla við eina konuna sem vann þar. Í því samtalinu kom í ljós að hún þekkti dóttur vinar hans frá árunum hennar í Moskvu.

Einu sinni var ég í Feneyjum með afa og ömmu og stóð á Markúsartorginu og hvern hitti ég þar. Jú Jón pabba minn sem var á ferðalagi í Evrópu. Svona er heimurinn lítill. Maður getur alveg garanterað að ef maður hittir íslending hvar sem er í heiminum finni maður minnst eina manneskju sem báðir aðilar þekkja eða kannast við.

Kannski var ég búin að skrifa um þetta áður. Hreinlega man það ekki enda ekki von þar sem aldurinn er farin að færast yfir á methraða.

Annars bara allt venjulegt. Lífið gengur út á að vinna, borða, sofa og bora í nefið. Kannski hélt einhver að ég ætlaði að segja að lífið væri saltfiskur en nei, ekki hjá mér. Borða ekki svoleiðis.

Hendi mér út í rómantíkina frá menntaskólaárunum. Ekki það að hún hafi blómstrað neitt sérstaklega hjá mér þá. En rómantísk var ég engu að síður.

Gróða helgi.

p.s er enn verst í brekkunum.

Yei!

2010-01-15T08:08:00.009+01:00

Ef þú spyrð manninn minn hvort ég sé trektasti ferðalangur sem finnst þegar við erum að fara í flug þá myndi hann svara já. Ég er alveg meiriháttar upptekin af að vera á réttum tíma úti á flugvelli og fátt í þessu lífi pirrar mig meira en að vera of sein í flug. Ég vill geta spókað mig í taxfree og skoðað dót sem mig ekki vantar og ég vill geta sest niður og fengið mér eitthvað að drekka og ég verð að kaupa mér blað til að taka með í flugið. Svona er þetta bara. En stundum fer eitthvað úrskeiðis eins og núna á miðvikudaginn þegar ég var að fara til Stockholm á fund. Átti flug 7:40 og var mætt á góðum tíma út á völl og búin að kaupa mér blaðið og kaupa í taxfree og settist niður með samstarfsmanni mínum og fékk mér morgunmat. Þegar voru 20 mín í brottför ákváðum við að núna væri komin tími til að fara að hliðinu. Eg ákvað að skreppa á pisseríið fyrst og hélt að það væri bara rétt handan við hornið. Lét samstarfsmann minn fá veskið mitt og síma og hann benti mér áttina sem hliðið var og ég skrapp. Þetta skrepp var svolítið lengra en ég hélt því klósettið var ekki bara rétt handan við hornið, þetta var frekar langt horn og svo var það niður í kjallara líka. Ég pissaði á mettíma og dreif mig upp og fór að hliðinu. Þar var fullt af fólki og ég gat bara engan veginn fundið vinnufélagan, var nú að undra mig á því hversu mikið af ellilífeyrisþegum voru að fara til Stockholm svona snemma morguns í miðri viku en hafði engan tíma til að velta því lengi fyrir mér því ég varð að finna kauða því hann var með allt draslið mitt. Mér var litið á skermin ofan við flughliðið og þar stóð Allicante! Greit, semsagt vitlaust "geit" og skýring á öllu gráa hárinu í kringum mig. Ég hljóp áfram inn ganginn en fannst svo tómt þar að ég ákvað að snúa við og hljóp allt ég gat til baka til að reyna að finna upplýsingaskerm. Fann það á endanum og fattaði að ég hafði ekki hlaupið nógu langt inn ganginn og varð að snúa við og djöflaðist eins hratt og ég gat til að ná fluginu því ég vissi að núna væri ég orðin mjög sein.

Á meðan ég var að bíða við Allicante hliðið hafði flugvallarfólkið sagt við samstarfsmann minn að ef ég kæmi ekki núna yrðu þau að fara á undan mér og akkúrat þá sá hann mig hlaupa í áttina að hliðinu og gladdist mjög og sagði þeim að ég væri að koma og benti á mig á sama tíma þar sem ég snérist um hælt og hljóp á tvöföldum hraða í vitlausa átt. Hann fór alveg í kuðung því hann var búin að reyna að hringja í mig en síminn var í veskinu mínu sem hann hélt á. Greyið hann var orðin alveg sveittur en sá mig svo á endanum koma tilbaka. Ég var semsagt hundsein, allir löngu búnir að setjast og setja handfarangurinn á sinn stað og allt það og öll vélinn horfði á mig þegar ég hljóp inn í vélina löðursveitt í flísinni minni og dúnúlpu með trefil! "The queen has arrived" sagði ég bara og brosti og veifaði létt og allir klöppuðu á endanum og fyrirgáfu mér. Eða - kannski var mig bara að dagdreyma þetta síðasta. Óskhyggja eintóm. Hver veit? HATA AÐ VERA SEIN.

Já sådan er livet. Annað ferlegt sem gerðist þessa vikuna. Ég fór á skíði. Saga var að fara á skíðanámskeiði sitt og ég ákvað að drífa mig með og reyna að æfa mig. Ég er afleit skíðamanneskja og þegar ég tel saman tímann sem hef ég staðið á skíðum síðust 5 árin verða það um 7 klukkustundir í allt svo að það væri synd að segja að ég væri æfð. Allavegna þá fékk ég lánuð skíði og dreif mig í brekkuna vitandi að í fyrra stóð ég í 1 1/2 klst og ekkert árið áður. Vá hvað það var augljóst. Ég var hræðileg. Langverst af öllum í barnabrekkunni, sá krakkana með downs bruna fram hjá mér og vinka og ég stóð í bremsustöðunni niður alla brekkuna í heilan klukkutíma. Gvuð hvað mér var illt í lærunum. Verð að viðurkenna að sjálfsálitið er ekki í botni þegar maður er verstur í hópnum og hópurinn samanstendur af þroskaheftum krökkum á aldrinum 10-16. Og það versta er að ég fer örugglega aftur á mánudaginn og held áfram þessari sjálfspíningu.

Í kvöld er stórkvöld hjá Sögu. Í fyrsta skifti er hún að fá vinkonu í heimsókn sem ætlar líka að gista. Búið að vera mikið umstang og pælingar hvaða mat vinkonan vill borða og hvort hún vill horfa á mynd áður en þær fara að sofa og hvaða mynd osfr. Ægilega spennandi að sjá hvernig þetta á eftir að ganga.Við höfum ekki treyst okkur í svona gistiheimsóknir fyrr en núna en því vinkonan var alltaf frekar þver og mikið umstang þegar þær voru saman en núna virðist sem þær eru orðnar nógu þroskaðar til að prófa þetta. Krossa fingurnar.

Jæja er ekki komin tími á eitt af mínum uppáhaldslögum frá árunum mínum á Öresunds. Jú ég held það bara.

Glóðahelgi.

Árið komið.

2010-01-08T08:20:00.004+01:00

Gleðilegt ár kindirnar mínar. Var víst búin að lofa að skrifa milli jóla og nýárs en það fór nú aldrei svo því maður var svo dofin af ofáti og kulda. Var búin að lofa að ljóstra upp leyndarmálinu stóra. Jú þannig er mál með vexti að við hjónin ásamt börnum erum að fara að ættleiða kínverska tvíbura. Búin að vera að vinna í þessu í laaangann tíma og fengum fyrst fréttirnar í des en samt ákváðum að bíða þangað til allt væri pottþétt. Semsagt fjölgun í fjölskyldunni í sumar en miklu meira um það síðar. Jibbíjei. Ekki áttirðu von á þessu?

Annars bara rosa fínt yfir hátíðirnar. Mamma og pabbi voru hér og það vara bara borðað og slappað af. Baltasar fékk snowboard og við keyptum 1 og hálfan tíma með kennara og eftir 3 tíma í barnabrekkunum var hann tilbúin í stóru brekkurnar á brettinu. Ótrúlegt hvað hann er fljótur að ná svona. Væri óskandi að hann væri jafn fljótur að fatta þegar hann týnir einhverju. Er algjör Denni dæmalausi stundum. Kom heim á mánudaginn og hafði gleymt úrinu sínu, sundbuxum, húfunni(15 stiga frost og var í sundi!) og svo norsku lesbókinni. Hann skildi bara ekki neitt í neinu hvað varð um þetta dót. Hafði líka tínt tvennum skíðabuxum fyrir jól. Ætli maður geti fengið ríkisstryrk útaf svona?

Saga fékk ný gönguskíði og hún skíðaði öll jólin. Þvílíkt dugleg á skíðum og ætti mamma hennar að taka hana til fyrirmyndar. Hún er að byrja á skíðaæfingum,slalám eða svigskíði eins og það heitir á ísl. Þetta er 3. árið hennar. í fyrra ákvað pabbi hennar að láta hana prófa fullorðinsbrekkuna og mín húrraði niður brekkuna á ógnarhraða og hann sá að hún er ekki alveg tilbúin í þær svona andlega. Hún er svo mikill álfur stundum að hún fattar ekki hvað það er hættulegt að bruna niður svona langa og bratta brekku á heljarhraða og aldrei bremsa. Sem betur fer vissi ég ekkert af þessu fyrr en eftir á, hefði fengið nett taugaáfall.

Þetta síðasta árið mitt sem 30 og eitthvað er ég búin að ákveða að hafa það árið fyrst og fremst skemmtilegt. Það var nýársheitið mitt. Skemmtilegheitin byrja í kvöld með partý, og svo er ég að fara í annað partý eftir 2 vikur og svo 2 vikum eftir það fer ég til íslands á Hornfirðingaþorrablót. Hef ekki djammað svona mikið í heilan áratug. Djí hvað ég ætla að skemmta mér og nota flotta dótið sem eiginmaðurinn gaf mér í jólagjöf. Veski og armband frá einhverjum Jimmy Choo. Hann er víst voða frægur.Ég er algjör auli þegar kemur að tísku. Ég ákvað annað í framhaldi af öllu þessu skemmtilega í ár og það var að ekki kaupa mér fleiri svört föt. Svo í gær fór ég á útsölu og keypti mér kjól sem var beige með bláu og rauðu munstri. Og svo keypti ég mér fjólubláa skyrtu. Byrjar semsagt vel. Og annað. Ef þú trúðir þessu með tvíburana - þá kínversku - þá skál fyrir þér. Leyndóið var nú ekki annað en við erum að fara til Egyptalands um páskana en börnin fengu fréttirnar í jólagjöf og þessvegna vildum við halda því leyndó í smá tíma. Ég vildi bara gera smá grín afþví það er svo skemmtilegt. Ha ha ha ha ha ha ha æm so funní æ kúd spring. Ég er næstum eins og spaugstofan!! En eitt get ég sagt og það er að tilhugsunin um að fá smá yl í kroppin í vetur er yndisleg sérstaklega núna þegar er -20 gráður úti.

Jæja er þetta ekki orðið gott. Vildi gjarnan sjá að fólk kvitti svona í byrjun árs svo að ég viti hverjir kíki við.

Lag vikunar er eldgamalt og rólegt með háan hallæris faktor. Fannst þetta lag svo skemmtilegt þegar ég var lítil og kann bara vel við það enn. Fannst ekki við hæfi að spila eitthvað fjörugt þegar er svona kallt úti. Maður er eiginlega gaddfreðin þessa dagana og hreyfir sig hægt.

Góða helgi.

Bráðum koma blessuð jólin

2009-12-18T07:45:00.000+01:00

og börnin farin að hlakka til og ég líka. Baltasar fann bækling sem heitir Gadget Bibelen og í honum var óskalisti þar sem hægt er að lista upp 22 hluti sem maður óskar sér í jólagjöf. Við hjónin hljóum okkur máttlaus þegar við lásum listann hans og hér er smá samantekt yfir það sem drengurinn óskar sér.

nr 1.

Sturtu"munnstykke" sem mælir hitastigið og sýnir með ljósi hvaða hiti er á vatninu (skil ekki að við höfum ekki reddað okkur svona fyrr).

nr.2

Serpentin spray - say no more!

nr.3
Ice Invaders - hægt að búa til klaka sem eru í laginu eins og gamla tölvuspilið sem var alltaf á Shell hér í den.

nr. 4

Tómatsósu og Sinnepsvopn. Skil það nú ekki því hann borðar hvorugt.

nr.5

Klósettljós. Praktískur getur hann líka verið þessi elska.

nr.6
Upplásinn ölkrús. Vill minna á að hann er að aðeins 8 ára og þetta veldur mér þó nokkrum áhyggjum.

nr.8.

Sprengju hátalarar. Mjög svo skiljanlegt, maður getur aldrei haft of hátt heima hjá sér.

nr.8

Þarfnast engra útskýringa ég meina hvaða 8 ára strák þætti ekki æði grilla pulsu með þessu tæki!

Það var fullt meira á þessum lista og allt alveg jafn brúklegt. Við ætlum að athuga hvort við fáum ekki eitthvað af þessum lista sem hann svo fær frá jólasveininum. Verður samt ekki uppblásna ölkrúsin eða grillpinninn. Þegar ég spurði Sögu hvað hún vildi um jólin svaraði hún "jólamat" svo að ég verð víst að vera aðeins nákvæmari næst þegar ég spyr. En jólamat fær hún þessi elska.

Annað um Baltasar. Hann er frekar upptekin af hvernig hann lítur út og fylgist náið með hvernig stóru strákarnir klæða sig og apar svo eftir og einn morguninn sagði hann allt í einu að hann óskaði sér vetrargalla, svona heilgalla. Þar sem hann á bæði skíðaúlpu og buxur og eitt sett auka fór ég nú ekki að eltast við þessa ósk hans og kaupa alveg nýjan galla svo að ég skellti mér í búð hér í nágrenninu sem selur notuð föt. Hef oft keypt regnföt þar þegar krakkarnir voru í leikskóla og þurftu að eiga tvennt af öllu. Allavegna, þá fann ég þennan forláta heilgalla, skær gulan með svörtu á ermunum og ákvað að taka sjensinn. Keypti gallan og varð minn maður bara svona rosalega ánægður með gallann. Hugsaði með mér ef einhver kemst upp með að ganga í svona galla og vera kúl í honum þá er það sonur minn því honum er nokk sama hvað fólki finnst um hann og ber höfuðið hátt þegar hann er öðruvísi en allir hinir. Bekkjafélagarnir eiga trúlega eftir að halda að þetta sé nýasta tíska þegar Baltasar verður búin að sýna þeim gallann og eitt er víst að ég á alltaf eftir að vita hvar sonur minn er þegar hann er klæddur þessari flík.

Annars bara fínt. Byrjuð í sjúkraþjálfun með bakið á mér og vona að það fari að hjálpa. Er búin að senda öll jólakort og kaupa gjafirnar og ætla að hella mér í konfektgerð um helgina. Búin að baka 3 sortir og læt mömmu baka eina þegar hún kemur en hún er betri bakari í þeirri sortinni. Semsagt er tilbúin fyrir jólin.

Þetta verður síðasta blogg fyrir jól og vill ég bara á endanum óska ykkur öllum gleðilegra jóla og farsældar á komandi bloggári. Verð að vinna milli jóla og nýárs og blogga trúlega smá svona til að segja ykkur leyndarmálið.

Lag vikunar er íslenskt jólalag með afburðar góðu myndbandi. Hef bara sjaldan séð eins flottar tæknibrellur og vildi deila því með ykkur, því maður á að deila með öðrum um jólin. Og svo verða allir að syngja með Bo og Ruth! Og getur einhver sagt mér hvern þetta barn er að hitta við þetta fangelsi. Gera börn svona?

Góða helgi og allt það.

Kæri jóli

2009-12-11T08:33:00.001+01:00

Voða lítið að segja núna. Vinn alla daga og jólast þess á milli. Búin að kaupa flestar jólagjafirnar, vantar að kaupa handa Sögu. Held að hún fái gönguskíði og föt. Baltasar fær snowboard og skó í stíl. Svo erum við með smá leyndó í gangi sem ekki verður sagt frá fyrir eftir aðfangadag og nei ég er ekki ólétt.

Er alveg ægilega tilbúin í smá jólafrí núna.

Held mig í jólafílingnum þessa vikuna.

Gróða helgi.

nei sko!

2009-12-04T08:59:00.002+01:00

Hver á afmæli í dag?? Það var ég :-D eða kannski er það ekki neitt til að brosa yfir. Síðasti afmælisdagurinn sem 30 og eitthvað og ég sit langt úti í rassi í hinum endanum á Olsó á hundlélegu námskeiði. Svo lélegu að ég á eftir að biðja um afslátt ásamt hinum 2 þáttakendunum sem eru jafn óhress með gæðin og ég. Skítt með það.

Annars bara lítið. Byrjuð svo smátt að jólast. Seríurnar verða hengdar upp á morgun, gleymdum að kaupa hefti til að hefta þær upp. Ætlum að skreyta piparkökuhús og baka piparkökur um helgina og fara á jólamarkað. Fyrir utan þetta er Baltasar að fara í prufutöku fyrir einhverja kvikmynd. Var eitthvað fólk í skólanum í síðustu viku með svona odisjon og hann spurði mig hvort hann mætti vera með. Hann sagði að þetta væri fyrir auglýsingar sem eru sýndar á undan trailer í bíó, það eru bara ljósmyndir með tekstum. Svona auglýsingar fyrir lokalbúðir og álíka. Jú ég hélt að það væri bara gaman fyrir hann. Svo var hringt í gær frá einhverri umboðsskrifstofu og sagði að hann hefði komist áfram. Það voru 800 strákar sem voru prófaðir og 7 sem komust áfram!! Eitthvað hefur sonur minn misskilið þessa prufu í síðustu viku í skólanum enda er hann ekki alltaf með höfðuðið með sér en allavegna þá langaði honum að fara í þessa prufutöku og við ákváðum að leyfa honum það. Gaman fyrir hann að prófa eitthvað nýtt.

Er í flýti hér að finna lag fyrir vikuna. Held að ég hendi mér í smá föstudags chilli með góðum gæjum.

Meira næst.
Góða helgi.

La la la la la ævintýri enn gerast

2009-11-27T07:18:00.005+01:00

Síðustu helgi fórum við Saga í hytteferð með Aldísi og hennar dætrum. Þetta kallast eiginlega ekki hytte heldur seter sem er það sama sem sel en sel þetta er langt uppi í fjalli, um 30 mín akstur frá næsta þorpi og í gamla daga flutti fólk þangað á sumrin með dýrin sín sem fengu þar gott og vænt gras. Þetta er allt mjög svo upprunalegt, finnast munir frá 1923 í húsinu, gömul og flott húsgögn og flott staðsetning, hvorki rafmagn né rennandi vatn og útiklósett. Bara eins og í gamla daga.

Ferðin upp í fjall var ekkert voðalega skemmtileg enda er ég bílhrædd og það var niðamyrkur og glerhállt en upp komumst við og höfðum það gott föstudag og framan af á laugardeginum. Seinnipart laugardags þegar við vorum búnar að borða, var vaskað upp og Saga vildi hjálpa til. Hún þurkaði diska og átti svo að setja þá á sinn stað og átti einn þeirra að fara inn í stofu. Ekki gekk betur en svo við að setja diskinn á sinn stað en að hún datt um aðra stelpuna hennar Aldísar og skar sig á diskinum. Þeir sem hafa verið í bústað án rafmagns vita að þegar dimmt er úti er ekkert voða bjart inni þrátt fyrir kerti og luktir en ég færði hana í meiri birtu og sá þá að hún var með skurð við úlnliðinn á hægri hendi og svo gat undir olnboganum á vinsti handlegg. Ég sá strax að það yrði að sauma þetta en sem betur fer blæddi ekki neitt voða mikið og sárið á úlnliðinum var ekki alveg við púlsinn en var samt ekki gott að segja hversu nálægt það var. Við ákváðum að keyra niður eftir en þar sem maturinn var búin og við búnar að fá okkur rauðvínsglas með matnum vorum við smá stressaðar en lögðum íann samt. Við hringdum til að athuga hvar næsti læknir væri og það var í Lillehammer en það er um 55 km frá þorpinu undir fjallinu. Aldís hafði í öllu stressinu gleymt gleraugunum sínum og ég var ekki í stuði til að keyra enda afleytur bílstjóri og hefði endað mað taugaáfall áður en ég kæmist hálfa leið. Svo niður keyrði Aldís hálfblind með eitt rauðvínsglas í maganum. Á endanum ákvað ég að hringja í 113 því við vorum ekki alveg vissar hvernig það gengi að keyra til Lillehammer og það var ákveðið að senda sjúkrabíl til að keyra okkur til Lillehammer ef sjúkrafólkið í bílnum héldi að það yrði að sauma.

Við vorum heila eilífð niður fjallið því nú var komin niða þoka ofan í alla hálkuna. Svo þétt að maður sá varla húddið á bílnum. Sjúkrabíllinn hringdi oftar en einu sinni til að athuga hvað væri orðið af okkur en við keyrðum á snigla hraða til að tryggja að við kæmumst öruggar niður. Loksins komumst við að sjúkrabílnum og það var ljóst að það þyrfti að sauma og vorum við Saga keyrðar til Lillehammer- í niða þoku. Fyrst þegar Saga var deyfð byrjaði hún að gráta, hafði ekkert grátið síðan hún datt- ótrúlega dugleg. Hún var saumuð báðu meginn en læknirinn deyfði ekki vinstri hendina því það þurfti bara eitt spor til að loka en duglega stelpan mín lét sig hafa það. Fékk svo bara lási hring í verðlaun sem var allt of lítill, hefði hann passað hefði þetta verið topp verðlaun.

Þegar allt var búið var okkur boðið að taka leigubíl tilbaka sem hefði þýtt um hálftíma akstur frá Lillehammer að þorpinu í þoku og svo annan hálftíma í þoku og hálku upp fjallið og vera þar yfir nóttina og keyra heim morgunin eftir. Læknirinn hafði sagt að ég yrði að fylgjast með henni um nóttina og ég gat ekki hugsað mér að fara til baka. Fyrir það fyrsta var sjálf ferðin ekki skemmtileg og svo tilhugsunin ef hún hefði orðið eitthvað slæm um nóttina ekki skemmtileg. Fara út á klósett í hálku og niðadimmu osfr. Ég tók þá ákvörðun að fara á hótel sem við og gerðum og við höfðum það ægilega gott þar. Borðuðu snakk og horfðum á sjónvarpið. Saga var alltaf að vakna alla nóttina og gráta og átti erfitt svo að ég vissi að ég hefði tekið rétta ákvörðun. Morgunin eftir kom svo Aldís og náði í okkur en hún hafði á endanum fengið tengdapabba sinn til að keyra sér upp í fjall því færðin var svo erfið en það var annað ævintýri sem hún getur sagt frá.

Saga er í fínu formi núna en getur ekki notað hægri hendina svo þessa vikuna hef ég þurft að klæða hana í föt og skeina og allt sem hún annars getur sjálf. Hefur verið mjög sár og bólgin en gat lokað lófanum í gær svo þetta fer allt að koma. Saumarnir verða teknir um miðja næstu viku.

Þetta var semsagt það helsta. Er að fara út að borða með húsbandinu í kvöld, halda upp á síðbúin brúðkaupsdag og svo afmælið mitt sem verður eftir viku. Síðasti afmælisdagurinn minn sem 30 og eitthvað. Djí hvað ég er orðin gömul. Svo fer ég bara að jólast. Held svei mér þá að ég taki upp jóladiskana á sunnudaginn og spili smá jólalög meðan ég hendi saman aðventukransinum. Í ár verður ekki neitt jóladagatal hér á blogginu. Hef hreinlega ekki tíma.

Held mig við nútímann þessa vikuna. Smá rokk frá Noregi.

Glóða helgi.

2009-11-20T08:09:00.002+01:00

Stundum fer ég ægilega í taugarnar á húsbandinu. Það er oftast þegar ég er að ganga frá. Ég fæ svona köst. Dæmi: húsbandið fær sér vatn í glas og klárar það og leggur það frá sér. Ég geng fram hjá, tek glasið og set það í uppþvottavélina. Hann leitar út um allt að glasinu sem hann var að nota en viti menn það finnst hvergi. Hann spyr mig hvort ég hafi tekið glasið hans og ég kannast ekkert við það. Hann finnur það í uppþvottavélinni og ég skil ekkert í neinu. Þetta eru nefninlega alveg ósjálfráð viðbrögð. Var að steikja kótelettur í vikunni. Tók gaffal til að flytja kjötið frá pakkningu yfir á bretti og setti gaffalinn í uppþvottavélina. Barði svo kjötið og ætlaði að færa það yfir á pönnuna og fann ekki gaffalinn, skildi ekki neitt í neinu og náði í nýjan. Ég notaði 3 gaffla í þessari steikingu. Veit ekki hvað kemur yfir mig stundum. þetta er eins og að vera flogaveik. Kemur einstöku sinnum og ég man ekkert eftir að hafa gert þetta en ég hef tekið eftir því að þetta gerist yfirleitt þegar er óvenju fínt og hreint heima hjá mér. Greinilega einhver desperat þörf fyrir að halda fínu smá lengur. Tekur yfirleitt ekki nema 3 tíma frá við komum heim í hreint hús þegar ræstitæknirinn hefur verið að verki þangað til að allt er við það sama. Sorglegt en satt. Drasl á það til að koma af sjálfu sér.

Er að fara í hytteferð með Aldísi og dætrum. Stelpu-fyrir-aðventu-ferð. Ég varð smá stressuð því ég misskildi Aldísi og hélt að hún ætlaði að föndra fullt í þessari ferð. Ég er algjör sveppur þegar kemur að föndri. Hverju ættum við mægður að finna upp á. Sem betur fer var þetta misskilningur svo að hún ætlar bara að skrifa á jólakort og ég ætla bara að slappa af og lesa blöð eða eitthvað. Jólakortin hjá mér eru í vinnslu og svei mér þá ef þau verða ekki send fyrr en síðar.

Þarf ekkert að kynna lag vikunar. Gamalt og gott.

Góða helgi.

Matargat

2009-11-13T08:10:00.004+01:00

Var að panta mér nýja uppskriftarbók frá Amazon. Rakst á hana fyrir tilviljun þegar ég var að kaupa jólagjöf þar og þar sem ekki færri en 67 einstaklingar gáfu þessari bók toppeinkun varð félagsveran ég, nátturulega að vera eins og allir hinir og kaupa bókina. Mikið hlakka ég til að fá hana heim. Hef bara sjaldnast hlakkað eins mikið til að fá neina bók eins og þessa. Alveg er ég handviss um að líf mitt eigi eftir að taka stakkaskiftum við lestur þessarar bókar. Ég er búin að vera svo andlaus í eldamennskunni í allt sumar og haust og ég þarf á innblæstri að halda og ég trúi því ekki að allt þetta fólk sé að plata mig.

Ótrúlegt hvað matur skiftir miklu máli. Stundum verð ég svo matleið að ég finn ekki upp á neinu og stundum er ég svo frjó að ég enda á að fá valkvíða sem endar með að ég finn ekki upp á neinu! Núna vill ég elda eitthvað annað og nýtt. Annars man ég eftir þegar ég hef borðað þetta og hitt í fyrsta sinn. Man þegar ég fékk Taco í fyrsta skifti. Það var mín fyrsta mat-upplifun sem breytti lífi mínu smá. Aldrei hafði ég smakkað neitt eins og þetta og fannst það æði og lærði meira segja að elda það (Vá hvað ég er leið á því í dag). Og svo man ég þegar ég bragðaði á Thai mat í fyrsta skifti. Það var hrein opinberun. Var á ferlaga sjöbbí veitingarstað í Köben og bjóst nú við flestu öðru en góðum mat, þjónarnir voru í eigin fötum eins og smekkbuxum, diskarnir pössuðu ekki saman og voru sumir úr plasti, veggirnir voru læm grænir með glimmermyndum og maður fékk vatn á fernu. En mikið fjandi kunni þetta fólk að elda. Ég næstum grét. Og ég man eftir spagettí sem ég borðaði á Rimini þegar ég var 13 ára, það var svo gott að ég man hvar staðurinn var. Ég man líka þegar ég smakkaði Ostrur í fyrsta skifti. Það var einnig það síðasta. Og svo fékk ég ægilega góðan forrétt í Róm í hittifyrra sem samanstóð af kartöflum, trufflutapenade og osti. Geðveikt. Og ekki má gleyma upplifun ársins og ef ekki áratugarins sem er ísinn sem ég borðaði í París í vor. Hvítan súkkulaðiís með Wasabi sósu. Ég næstum dó. Og hvað var svo í matinn hjá mér í gærkvöldi. Jú pizza úr búðinni og brauð með spægipylsu. Ef það er ekki gormei svo veit ég ekki hvað.

Er annars að fara á mömmu downs kvöld í kvöld og allir eiga að taka með smá rétt. Ég ákvað að búa til eigið artichok tapenade. Sjáum hvort það verði einhver upplifun.

Lag vikunar er rólegt. Með einni af mínum uppáhalds söngkonum. Ég fer alltaf næstum því að gráta þegar ég heyri það. Svo krúttlegt.

Góða helgi og eitt að lokum. Hlustar einhver á lag vikunar? SVARA!

Góð lykt

2009-11-06T07:58:00.006+01:00

Baltasar er að vonast til að fá að ganga í skóla á Höfn í lok skólaársins. Það fer samt eftir námsárangri hjá honum hvort hann fær að fara, hann er ekkert ægilega áhugasamur um nám og árangur eftir því. Ef hann tekur sig á og lærir að lesa á íslensku í vetur fær hann að fara. Honum langar rosalega. Við vorum að labba í skólann um daginn og þá fór hann að tala um hvað hann saknar vina sinna á Höfn en hann hefur verið mikið með frændum sínum, Hafsteini(Gugga og Steini) og Axel (Eva og Frissi) og svo nágrannastrák sem heitir Andri. Svo saknar hann afa og ömmu og restinni af fjölskyldunni og svo saknar hann lyktarinnar á Höfn. Hún er svo góð!! "Ha" sagði ég, finnst þér góð lykt á Höfn. Já það er svo góð lykt þar sagði hann og svo er svo notalegt hvað er langt á milli húsana þar. Og svo er svo notalegt hvað er stutt til allra vina minna þegar ég er þar. Ég myndi segja að sonur minn sé Hornfirðingur í hjarta, en hann hefur verið þar undanfarin sumur og á vonandi eftir að dvelja þar hvert sumar þangað til afi hans og amma segja að þau vilji ekki fá hann lengur. Ég vona að hann eigi eftir að fá að vinna á Höfn á sumrin. Það var alltaf svo ægilega gaman á Höfn á þeim árstíma eða nei, það var kannski of mikið stuð til að ég þori að senda hann þangað sem ungling!

Fékk svínabóluna í gær og enn sem komið er finn ég ekki fyrir svo miklu nema mér er hundillt í handleggnum þar sem ég var sprautuð. Vaknaði oftar en einu sinni í nótt til að skifta um stellingu og hagræða handleggnum. Vona að þetta verði það eina sem ég finn fyrir af aukaverkunum.

Jú og svo eigum við hjónakornin brúðkaupsafmæli á sunnudaginn. Verð nú að viðurkenna að við munum ekkert alltaf þennan dag og Jc man hann yfirleitt betur en ég. Ég er voða léleg í afmælum og svoleiðis. Hef meira að segja gleymt sjálfri mér hálfan dag, mundi það eftir hádegi að ég ætti afmæli. Maður er ekki alltaf í lagi!

Lag vikunar er norskt og mér finnst það gott og flott video.

Goða helgi.

Hvað ætlarðu að verða þegar þú verður stór?

2009-10-30T08:38:00.008+01:00

Það var að koma út bók hér í Noregi sem heitir "Facebook kynslóðin". Hún fjallar um kynslóð ungs fólks í dag sem er alið upp með farsíma í annari hendi og tölvu í hinni, alltaf loggað inn á Facebook eða Twitter og vill frekar sjást en sjá aðra og aldrei missa af neinu. Eiga 1200 vini á facebook en engan til að drekka kaffi með. Sá sem skrifar bókina segir að fólk af þessari kynslóð óski sér frægðar og frama. Enginn vill verða hjúkrunarkona eða lögga lengur. Allir vilja vera söngvarar eða sjónvarpsstjörnur án þess að þurfa að hafa fyrir því og að yfirborðsmennskan sé áberandi. Ég veit svo sem ekkert hvort þetta sé satt eða ekki en mig grunar að þetta sé ekki bara tómt bull.

Ég spurði Baltasar um daginn hvað hann vill verða þegar hann verður stór. Hann vill annað hvort verða frægur fótbolltaspilari eða frægur söngvari! Þegar ég var 8 ára vildi ég vera flugfreyja en það breyttist svo í arkitekt nokkrum árum seinna. Flestar af mínum vinkonum vildu vera búðarkonur eða hjúkkur. Meira að segja Saga ætlar sér að verða súperstjarna þegar hún verður fullorðin, hvorki meira né minna. Ég spurði Baltasar hvort hann gerði sér grein fyrir hvernig maður yrði frábær fótbolltaspilari. Jú hann þurfti að æfa mikið en hann var nú svo góður fyrir að hann þyrfti kannski ekki að æfa svo mikið!! Hann er bara 8 ára svo að það er skiljanlegt að þetta með að æfa og að þurfa að vinna fyrir hlutunum sé ekki eitthvað sem hann fattar núna. En mig grunar bara að það sé fullt af fólki sem er miklu eldra sem heldur það sama. Ekki eðlilegt hversu margir taka þátt í Idol og X-factor hérna úti án þess að geta sungið einn hreinan tón. Þetta er greinilega Facebook kynslóðin sem vill vera fræg og hellst vinna sem minnst fyrir frægðinni. Eða á þetta unga fólk svo vonda foreldra sem hefur tekist að telja börnunum sínum trú um að þau geti sungið. Veit það ekki eiginlega. Ætla allavegna að horfa á sænska Idol í kvöld með Sögu. Hún hefur svo gaman af svona þáttum. Í gær sagði hún mér að hana hafi dreymt svo fínan draum(og þetta var sagt á íslensku). Hana dreymdi að hún var að syngja og dansa í júróvisjon fyrir börn. Gott að hana dreymir þetta því litla skinnið á aldrei eftir að syngja á sviði því hún er alveg vita laglaus, er ég ekkert að ýkja þar.

Annars lítið að frétta frá okkur hér í Noregi. Saga fékk svínasprautu í gær, varð ekkert slöpp eða neitt. Sást ekki einu sinni á handleggnum að hún hafi fengið sprautu. Hún er voða hraust. Annars er ég enn að bíða eftir minni. Orðið tómt hjá lækninum svo að ég verð að bíða eitthvað. Baltasar fékk tilboð um bólusetningu í skólanum og við ætlum að taka því. Fleiri í bekknum hans búin að vera veik og hér í Noregi hafa 14 mannsl látist úr þessari flensu. Noregur toppar evrópulistan yfir dauðsföll og mér finnst það hund stressandi og þessvegna förum við öll í sprautu. Ætla að reka JC líka.

Svo er líka orðið kallt úti. Frost á nóttunni og ég dró fram dúnúlpuna í morgun og lúffurnar. Nú er ekki aftur snúið. En sem betur fer koma jólin til að gleðja mína lund. Er byrjuð að kaupa jólagjafir og hugsa hvað ég ætla að baka og búa til af konfekti því ég ætla að prófa það í ár. Ekki mikið - bara pínu. Jæja nú er ég alveg komin á útopnu. Best að fara að vinna.

Æi best að skella sér í smá diskó.

Góða Halloween helgi.

Jú ég er hérna, bara smá sein.

2009-10-23T15:49:00.005+02:00

Var að koma úr vinnuferð frá suðurlandinu. Nánar tiltekið Lyngör.
Veðrið var ekki upp á sitt besta, stormur og rigning en samt gaman að komast í burtu.

Svínaflensan að fara með norðmenn, Saga og ég erum að fara í sprautu. Hún á fimmtudaginn eftir viku og ég þegar ég fæ tíma. Vona að við höldum okkur frískum þangað til. Besti vinur Baltasar sem hann situr við hliðina á í skólanum er komin með þennan andskota og ég er skíthrædd um að Baltasar hafi smitast. Það kemur trúlega í ljós um helgina en sem betur fer er Saga að heiman svo að maður vonar að þetta sleppi allt.

Annars lítið og hef lítinn tíma núna. Er að fara að keyra heimasætunni til stuðningsfjölskyldunnar hennar það sem verður stjanað við hana heila helgi. Yndislegt fólk og henni hlakkar alltaf svo til að fara þangað.

Nýtt lag þessa vikuna aldrei þessu vant. Fatta ekki alveg videoið en kannski er ekkert að fatta. OG bæ ðei vei þá er alltaf verið að spila íslenska júróvisjonlagið frá í ár í norska útvarpinu.

Verð að þjóta. Góða helgi

2009-10-16T08:23:00.006+02:00

Ég fylgist ágætlega með íslenskum fjölmiðlum og bloggum og umræðunni um kreppuna sem íslendingar eru að upplifa núna og þakka fyrir að ég aldrei flutti heim. Ástandið á Íslandi er alveg ferlegt og dapurt þegar fólk á erfitt með að ná endum saman og neyðist til að flýja land til að fá mannsæmandi líf. Ég las á einu blogginu að börn á Íslandi í dag eiga erfitt með að skilja að foreldrarnir þurfi að spara og þau ekki lengur fái merkjagallabuxur eða nýjan iPod og álíka. Ég hef oft síðustu ár tekið eftir því hvað börn og unglingar í dag eru farin að gera miklar kröfur. Auðvitað er það slæmt ef börn fái ekki mannsæmandi föt, skólabækur og hluti aðra nauðsynjavöru en merkjaföt og leikjatölvur flokkast ekki undir nauðsynjavörur hjá mér. Kannski það góða sem kemur úr þessari kreppu er kynslóð sem lærir nægjusemi og góða nýtingu. Finnst við lifa í allt of miklu "henda á haugana" samfélagi. Þetta gildir alls ekki bara um íslendinga og íslensk börn. Sama vandamál hér. Aldrei verið hent eins miklu af heimilistækjum, fötum osfr sem ekkert er að. Sjónvörp t.d eru orðin svona henda á haugana vara. Baltasar er hundfúll afþví hann fær ekki sjónvarp inn í herbergið sitt. Mér dettur ekki til hugar að kaupa sjónvarp handa 8 ára gömlum strák þegar við erum með 2 sjónvörp á heimilinu sem bæði virka ennþá. Hann vill líka tölvu. Fær hana þegar við kaupum okkur nýja tölvu, þá getur hann fengið okkar gömlu ef hún lifir svo lengi annars verður hann að bíða fram að fermingu. Ég kem úr fjölskyldu sem nýtti hlutina í botn og þá meina ég það í bókstaflegri merkingu. Við vorum eflaust sú fjölskylda á öllum norðurlöndunum sem fengu síðast litasjónvarp. Man ekki hvað ég var orðin gömul en ég var orðin unglingur, mæli kannski ekki endilega með svona mikilli nýtingu. Hægt að fara milliveginn.

Mágkona mín á unglingsstrák sem gengur aldrei í fötum frá H & M. Þetta er mál sem við erum orðnar sammála um að ekkert þýðir að ræða okkar á milli því ég fatta ekki svona snobb en henni finnst það alveg sjálfsagt að hann gangi í rándýrum fötum og við erum gjörsamlega ósammála í þessu máli. Fatta ekki svona. Flestir krakkar í dag eiga meira en nóg og það gildir líka um mín börn. Veit aldei hverju ég á að svara þegar fólk spyr hvað það eigi að gefa þeim í jóla og afmælisgjafir. Mér finnst þeim ekki vanta neitt, auðvitað koma tímabil þar sem þarf að kaupa nyja skauta og skíði og annað sem þau eru vaxin upp úr en leikföng eiga þau nóg af. Finns mér. Ekki viss um að þau séu sammála.

Mér finnst erfitt að kynna hugtök eins og þakklæti og nægjusemi þegar við lifum í samfélagi sem margir eiga mikið og sumir lítið en samt meira en fólk í svo mörgum öðrum löndum. Held að krakkar í dag haldi að það sé alveg sjálfsagt að þau eigi sem mest og fái sem mest. Ég er þakklát fyrir að hafa alist upp á tíma þar sem kröfurnar voru minni og samfélagið einfaldara á margan hátt. Er það bara ég sem hugsa svona?

Jæja best að hætta þessu röfli. Vinnuvikan alveg að verða búin. Var með stelpuafmæli í gær og prinsessan ægilega ánægð með veisluna. Verður fjölskylduveisla á sunnudaginn með hornunum hennar mömmu og heimsins bestu eplaköku.Hætt í bili.

Best að halda sig í gömlu deildinni um stund.

Glóða helgi.

Hún á afmæli í dag.

2009-10-14T08:01:00.002+02:00

Heimasætan á afmæli í dag, 10 ára. Hversu tíminn líður fljótt. Eftir nokkur ár verður hún orðin unglingur. Er farin að æfa sig í því og gengur vel. Hún verður trúlega afburðar unglingur í einu og öllu. Hún lætur varla sjá sig í skólanum nema með bleikan gloss svo að ég bíð spennt eftir hvernig þetta pjatt á eftir að þróast. Ekki var ég svona pjöttuð á hennar aldri. Allavegna þá verður smá veisla í dag, ein aftur á morgun og svo á sunnudaginn. Til hamingju með daginn sætust.

Himinn eða helvíti!

2009-10-09T08:12:00.007+02:00

Mikið andskoti hefur maður djöfulli lítið að segja suma fjandans daga. Þessi helvítis dagur er einn af þeim, gerist andskotans ekki rassgat í mínu lífi þessa djöfulsins dagana nema að ég er fjandans veik en sem betur helvítis fer er ég að hressast en er samt heima frá fjandans vinnu. Djöfulli leiðis mér að vera veik, er ekki nógu andskoti veik til að liggja í rúminu og ekki nógu fjandans hress til að vera í vinnunni. Er eins helvíti erfitt að lesa þennan djöfulsins texta eins og er erfitt að djöflast við að skrifa hann?? Það er ekki tekið út með helvítis sældinni að bölva í öðru hverju fjandans orði. Það er eiginlega algjört helvítis fokking fokk og ég nenni því fjandan ekki lengur og hana nú.

Já eins og ég segi þá er lítið að gerast hér þessa dagana og ætla ekkert að vera að pína ykkur að lesa um ekki neitt og þar af leiðandi ætla ekki að skrifa meira. Verð með smá afmæliskveðju hér á miðvikudaginn. Endilega kíkja við.

Til að bæta upp skrifleysið býð ég upp á tvö lög þessa vikuna. Það fyrsta er brilljant á margan hátt. Munið eftir finnska diskódansaranum? Þetta eru frændsystkini hans. Ég veit eiginlega ekki hvort ég á að hlæja eða gráta. Seinna lagið er til að róa aðeins niður eftir allt þetta diskó. Gamalt að vanda.

Stuðhelgi.