23.4.10

Það er komið sumar

eða svoleiðis!!

Vissirðu að lærleggir Leðurblökunar eru svo mjóir að þær geta ekki gengið. Og ef þú geymir gullfisk í dimmu herbergi verður hann á endanum hvítur. Kók væri grænt ef það væri ekki bætt litarefnum í það og að þú getur ekki framið sjálfsmorð með því að halda niðri í þér andanum. Augun á þér lýsast með aldrinum og mjólk er sú matvara sem flestir hafa ofnæmi fyrir. Og að þú getur ekki hnerrað með opinn augu. Viskubrunnur minn er ótæmandi, varla grunaði þig að ég vissi svona mikið og ekki talandi um að ég vissi svona mikið nýtilegt!

Fer að koma tími á eina uppskrift eða svo. Kannski í næstu viku. Hef bara verið frekar matleið síðasta mánuð og hef þar af leiðandi ekki prufað neitt nýtt en hver veit nema ég lumi á einhverju gömlu og góðu. Núna bara allt komið í sama farið eftir fríið góða. Fer á haugana á laugardaginn með vordraslið og ætla að gera voða fínt fyrir sumarið. Fastir liðir eins og venjulega. Gosið aðeins að minnka og nú geta landarnir farið að einbeita sér að víkingunum alræmdu. Svei ykkur ljótu karlar. Maður hreinlega skammast sín stundum fyrir sumt fólk.

Man einhver eftir þessu lagi. Ég var alveg búin að steingleyma því sjálf.Algjört Girlpower. Töffarar þessar eða hvað?



Góða sumarhelgi!!!!

3 ummæli:

Íris Gíslad sagði...

mér þykir þú luma á ýmsum fróðleik :) man ekkert eftir þessum pæjum

Nafnlaus sagði...

Þú ert full af mikilvægum fróðleik mín kæra. Láttu svo eitthvað ljúft flakka fyrir bragðlaukana. Vorum að koma úr frábærri söngferð. Á einum stað átum við lambakótilettur í brauðraspi og var rétturinn hulinn brúnni sósu. Ekki vont, en mjög skrítið. Gleðilegt sumar í bæinn þinn frá okkur Bróa.

Ameríkufari segir fréttir sagði...

Settu viskuna á Wikipedia:)