10.11.08

Stundum

leiðist mér í vinnunni eins og í dag.Ég er að bíða eftir að þeir sem ég er að vinna með skili mér því sem ég þarf til að geta haldið áfram með mitt verkefni. Þeir eru bara ekkert að gera það. Síðasta fundi sem ég hélt með þeim komu þeir 40 mínutum of seint og svo vilja þeir að allt sé tilbúið fyrir jól. Ég er ekki töframaður.Vildi bara koma því frá mér á móðurmálinu því ég nenni ekki að tuða lengur í þeim. Annars er búin að vera ægilega gaman og mikið að gera um helgina. Gama að hafa M og P og gaman að vera í Óperunni. Allar sýningar gengu vel og núna er þetta búið í bili. Skrýtið og gott á sama tíma. Nokkrar myndir á facebook. Legg út meira seinna.

Verður bara næs að geta slappað af næstu helgi og farið í búðir og keypt jólagjafir(afþví það er svo afslappandi!!). Ég er búin að lofa sjálfri mér því að vera búin að kaupa allar jólagjafir 1 desember. Mér finnst ekkert leiðinlegra en að fara í búðir í desember. Verð alveg hræðilega geðvond og fúl í búðartroðningi. Og sveitt, ekki gleyma því. Og mér finnst ekkert gaman að svitna nema þegar ég er í spinning. Er hálfnuð i þessum kaupum nú þegar. Þarf svo líka að kaupa jólaföt á börnin - fyrir 1. des. Baltasar ætlaði að fara í sparifötin að sjá systur sína í óperunni en greyið leit út eins og fimmtugur karl í fermingarfötunum sínum. Það sem hann hefur stækkað drengurinn.

Æi já, er annars bara að blogga þetta til að hafa eitthvað að gera annað en að bíða og láta mér leiðast. Hvernig væri að horfa á eitthvað skemmtilegt?


later

2 ummæli:

Nafnlaus sagði...

èg aetla líka ad reyna ad vera snemma í jólagjafa kaupunum í ár, en vil gjarnan eiga eitthvad lítd eftir og kaupa thad sídustu dagana fyrir jól, thá er svo mikil stemmning :)
Flottar myndir af henni Sögu á facebook!
Hafdu thad gott er komin vetur ennthá í Norge?

Nafnlaus sagði...

Heyrðu en sniðugt. Ég hélt ég væri sú eina sem sé ekkert jólalegt og ómissandi við jólaösina í búðunum. Ég þoli ekki að finna ekki stæði, þurfa að bíða eftir afgreiðslu, komast ekki að í mátunarklefum og bara þoli ekki allt fólkið sem er fyrir mér þegar ég er að reyna að drífa jólainnkaupin af. Alveg ótrúlega grumpy!
En til hamingju með stelpuna og "Jenny"! Hún Saga er yndisleg á myndunum hérna fyrir neðan, algert bjútí.
Kær kveðja
Dísa frænka