Móðir náttúra lætur vita af sér

Stórar fréttir frá Íslandi en bara rúm vika í að einkasonurinn leggi land undir fót. Verð nú að viðurkenna að kvíðinn fyrir að senda hann svona langt frá mömmu sinni skánaði ekki við jarðskjálftan á suðurlandi.Jarðskjálftar eru svo óhugnalegir sérstaklega þegar svona mikið tjón verður en sem betur fer urðu enginn alvarleg mannatjón í þessum. Man nú ekki eftir að það hafi gerst á Íslandi í seinni tíð en veit svo sem ekkert um það þannig að ég ætla ekkert að vera að fullyrða neitt. Vona bara að þetta sé búið - krossum fingur fyrir því.

En eins og þú hefur væntanlega tekið eftir er kominn föstudagur og det er bare dejlig.Vikan alveg með eindæmum bissí. Eitthvað hvern einasta dag eftir skóla/vinnu og svo er líka skólaverkfall með tilheyrandi röskun hjá Sögu. Húsbandið að fara á vinnugleði í kvöld og ég með Baltasar í enn einn eftirskólahittinginn(þann 4.í röð)Annað kvöld er svo Kiss og svoleiðis stuð og svo boðið í gleði hjá nýja nágrannanum þegar heim verður komið (sjáum nú til með það)!! Sunnudagurinn fer svo í íþróttamót með Sögu og svo fjölskyldu hitting um kvöldið. Já sumar vikur er svo lítið að gera að ég hef ekkert að segja og stundum svo mikið að ég hreinlega nenni ekki að telja það upp. Svona er að vísu alltaf hjá okkur í lok maí, byrjun júní en hér eru sumarslútt bæði í skólum, vinnum, félagsstörfum osfr.

Hér er líka sumarið komið af fullum krafti,20-25 stiga hiti og sól meira eða minna í spánni fyrir vikuna. Vona að það haldist.Var einmitt að hlusta á í útvarpinu viðtal við mann sem býr í Kristianssand en þar er spáð sól og hita í heila viku og hann var að fara til Barcelona í vikuferð þar sem er spáð rigningu í heila viku. Thí hí hí!

Lag vikunnar verður nú að vera með Kiss. Finnst bara ekki annað hægt,hef að vísu haft þetta lag áður en það er bara í lagi.Erþaggi!



Góða sumarhelgi.

Áttu svona skó?

Væri ekki frábært að fá sér svona skó fyrir Kiss tónleikana næstu helgi og tjútta smá! Ég myndi allavegna sjá sviðið þótt ekki væri það annað.

Fyrsta ástin

Ástin er ekki alltaf auðveld, alveg sama á hvaða aldri þú ert.

Baltasar kom til mín á mánudaginn og sagði mér að Synne(sú sætasta í bekknum) hefði orðið veik um helgina og væri á sjúkrahúsi. Sagði að hún vissi ekkert hvað hún héti eða hvar hún væri og væri rosa veik í höfðinu. Ég spurði hvort hún væri kannski með flogaveiki en hann sagði að kennarinn þeirra hafði sagð að þetta væri ekki flogaveiki. Mér stóð nú ekki alveg á sama um þessar upplýsingar. Við spjölluðum um þetta í smá tíma og Baltasar lét mig lofa sér að kaupa handa henni gjöf þegar hún kæmi aftur í skólann. Það var lítill drengur sem grét sig í svefn þetta kvöldið.

Á miðvikudaginn þegar hann kom heim úr skólanum sagði hann að hún væri komin tilbaka og þetta hafði verið flogaveiki. Hann var voða glaður að hún væri ekki lengur svona veik og minnti mig á loforðið. Svo segir þessi elska "mamma ég vildi óska að það væri ég sem væri veikur svo að Synne gæti verið heilbrigð". Litli karlinn minn., svona sætur er hann nú. En Baltasar er búin að vera rosalega skotinn í henni frá fyrstu sýn .

Annars ekkert fréttnæmt þessa vikuna nema að Baltasar er að fara til íslands 9 juní, ferðast með Ellu Siggu vinkonu og fer með henni austur. Hann verður svo þar mömmulaus í 3 vikur áður en við komum. Ætlar að fara í fótbollta með Sindra og leikjanámskeið og hafa það gaman. ÓMG hvað ég á eftir að sakna hans. 3 vikur er langur tími svo ég ætla að biðja ykkur sem verða stödd á Höfn frá 9-27 júní að passa upp á einkason minn.

Jú og svo er ég með harðsperrur frá helvíti. Get ekki labbað upp eða niður stiga. En þeir segja að það sem ekki drepur mann styrkir mann. Vona að það sé rétt!!

Ákvað að halda við sumarfílinginn því mér sýnist að það sé nú eitthvað að hlýna hér eftir helgina. Hold on be strong segi ég nú bara(smá júrovisjonskot fyrir ykkur sem fylgjast með því). Lag vikunnar er því gott danslag frá ..................................................nobb, ekki áttunda áratugnum - níunda (ha ha þarna gabbaði ég ykkur). Fór einu sinni á tónleika með þessari hljómsveit í Vega í Köben. Ekki leiðinlegt kvöld það. Ef þú kemst ekki í smá vorfíling af þessu lagi hlýturðu að vera alveg steindauð(ur) svo náðu þér í hvítvínsglas og hækkaðu í botn og dillaðu aðeins afturendanum og tjillaðu út í vornóttina.





Gróður helgi.
p.s örfáar myndir frá heimsókninni hér

Heimsókn lokið

Begga og litli Kristófer fara heim í dag eftir að hafa verið í heimsókn í 4 daga. Mikið var það nú gaman að fá vinkonu heimsókn. Og þvílíkt ljós þessi litli stubbur er. Heyrðist varla í honum og var bara brosandi og glaður. Ef maður fengi garanterað svona barn væri nú ekki málið að koma með fleiri. Annars var nú Begga svo stálheppin að upplifa kaldasta 17 maí(þjóðhátíðardag)í 50 ár. Hversu heppin er hún! Og núna sit ég hér við tölvuna í vinnunni í úlpu og með "mellu"klút eða svo minnir mig að þeir voru kallaðir (eða er ég alveg í tómu rugli).

Við vorum að planta fullt af plöntum í gær og sumar litu nú ekki vel út í morgun en það var semsagt frost hjá mér í nótt. Bölvað veðrið. Annars var 17 maí eins og gengur og gerist hér. Skrúðganga frá skólanum um morguninn og farið svo í skólann og borðað pulsur og kökur og á eftir til tante Marianne(systir JC) í boð með humri, kampavíni og jarðaberjum. Ekki amalegt það.

Sunnudag fórum við Begga með Kristófer og Sögu til Osló og skoðuðum nýju Óperuna og Akershus festning sem er svæði frá 1200 og eitthvað og Saga var alveg viss um að þarna byggi prinsessa og prins. Og þegar hún sá lífvörðinn sagði hún, sjáðu mamma þarna er kóngurinn. Svo fann hún líka borð og stóla sem voru fyrir utan eitthvað kaffihús og var alveg viss um að það væri prinsessu skólinn. Hún kallar sig Mjallhvít þessa stundina!

Jæja nóg um það, best að halda áfram að vinna og drepast úr kulda. Ætla að leggja út myndir frá Beggu heimsókn bráðlega á Flickr og læt bara vita af því. Notast bara við þessa gasalegu krúttlegu/skerí mynd af litlum mínídúkkum.

Fyrirfram föstudagur

Í síðustu viku lauk leiklistarskólanum hans Baltasars en hann hefur gengið í hann í eftir jól.Það var sett upp leiksýning með öllum hópunum og hver hópur lék eitthvað ævintýri. Baltasars hópur setti upp Rottufangarann frá Hameln.Hann lék rottu og var voða sætur. Allt gekk vel og nú verður sett lok á leiklistina um stund. Fótbolltaskólinn er að hefjast og minn maður er tilbúin í það. Fyrsta fótbolltamótið verður víst um mánaðarmótin, á sama tíma og Saga verður á íþróttamóti fatlaðra. Of kors!En við erum semsagt að stíga okkar fyrstu spor inn í heim fótbolltaforeldra og geri ráð fyrir að við eigum eftir að standa okkur með sóma.Allavegna pabbinn en hann verður að þjálfa liðið, ég er ekkert mikill fótbolltafílari en hvað gerir maður ekki fyrir börnin sín.

Annars var hvítasunnan bara róleg. Laugardagurinn var tekin í að versla og sóla sig enda 25 stiga hiti og sól og maður fékk smá lit meira að segja(sem er nú eiginlega farin núna). Á mánudeginum fór ég með krakkana í gönguferð inn í skóg upp að seli þar sem hægt er að dóla sér við hitt og þetta(grill, lavo,hindurhlaup, þemastíga og fl). Voða fínt að komast aðeins í hreyfingu, krakkarnir hlupu alla leið alveg eins og kálfar á vorin. Þarna er búið að setja upp rosa flott hindranir í trjám þar sem krakkarnir þurfa að láta á reyna jafnvægisskynið og það gekk rosa vel. "Baltasar sá létti" þaut um þetta eins og ekkert væri enda komin af öpum, Saga komst yfir en þurfti smá að hjálpa henni en það var nú ekki mikið. Ekki alltaf tekið út með sældinni að vera með stutta handleggi.

Annars tökum við helgina snemma þessa vikuna.Begga vinkona að koma á eftir með lítin son sinn og það verður voða gaman að fá þau. Fyrsta vinkonan sem kemur í heimsókn til mín. Verð hreinlega að gefa henni viðurkenningu fyrir það. Ella Sigga kemur svo í júní.Min bara bissí í gestgjafahlutverkinu og hæst ánægð með það.

Þjóðhátíðardagur nossara verður um helgina og fullt að gerast og því segi ég bara góða helgi. Lag vikunnar minnir mig alltaf á Beggu og þessvegna valdi ég það þessa vikuna. Ætlaði nú eiginlega að taka smá pásu frá þe eitís en geri það bara næst.



Og svona í lokin þá var ég að lesa kommenta á blogginu hennar Svanfríðar þar sem einhver var ekki að fatta hvaða Rósu frænku hún var að tala um og ég gat nú ekki annað en brosað. Hef verið svona fattlaus sjálf. Ég var frekar uncool þegar ég var 14ára og Hlynur Sturla var að tala um lóu fimmboga!!! Ég vildi nátturulega vera með á nótunum og sagði"já er það ekki þessi sem er að vinna í búðinni sem er með gleraugu og bólugrafinn!!!"

Sjáum hvort einhver fattar þennan.

Túrílú!

Hæ hó jibbí jæ það er komin helgi

Það er til svo mikið af frábærum lögum. Og alltaf eru einhver lög sem minna mann á eitthvað sérstakt - eithvað skemmtileg, leiðinlegt eða bara einhverja stund sem hefur setið í manni einhverra hluta vegna. Ég man sum lög langt aftur í fornöld. Geri mér ekki alveg grein fyrir hvaða lag ég heyrði fyrst, svo minnug er ég nú ekki. Man lög frá ég bjó í Danmörku þegar ég var 2-3 ára,bara barnalög að vísu. Lög úr útvarpinu frá ég bjó á Höfn þegar ég var lítil. Sérstaklega lögin með 3 á palli úr leikritinu "þið munið hann Jörund". Fannst þau alveg voða skemmtileg. Arí-dúarí-dúra-dei og svo framvegis.

Man eftir að hafa verið úti á Nesi og heyrt "Isn't She Lovely" í fyrsta skifti með Stevie Wonder og frændur mínir sögðu mér að hann væri blindur. Þetta þótti barninu alveg ótrúlegt, að blindur maður gæti sungið! Ég átti voða erfitt með að skilja það en fannst hann alveg gasalega flinkur að geta það.

Svo eru alltaf lög sem minna mann á einhvern.
Lagið "Just a gigolo" með Dabba Rotna minnir mig alltaf á Hönnu Siggu því hún var svo ákveðin að læra að syngja með þegar han syngur "hammelibibbelisibbelibibbeli hammelibibbelisibbelibob".Spurnig er hvort hún man tekstan í dag! Hanna Sigga hvernig er það eiginlega?

Óskar bróðir elskaði "One way ticket" og söng það inn á spólu(þessar gömlu sem voru kringlóttar og maður notaði mígrafón). Hann var ekkert sérlega fær í ensku á þeim tíma enda bara 3 ára en ákafinn bætti það alveg upp. Alveg drepfyndið.

Og var ekki fyndið þetta með að taka sjálfa sig upp á kassettutæki. Ég og Hjördís gátum eytt alveg ómældum tíma í þetta. Endursungum inn á kassettu Söngvakeppnina 1983 á öllum tungumálunum. Og hversvegna gerðum við það? Tja það er ekki gott að segja. Og þegar "hjálpum þeim" lagið kom út var ein hliðin á plötunni "instrumental", örugglega til þess að æska Íslands gæti sungið þetta mæta lag inn á kassettu. Við gerðum það allavegna og það heyrðist alla leiðina út í búð(innfrá). Og við sungum raddirnar alveg eins og í frumútgáfunni - or not!

Það eru samt meira gömul lög sem minna mig á eitthvað enda hlustaði maður á sömu lögin aftur og aftur og aftur. Hlusta á aðeins fjölbreyttari tónlist í dag og verð fljótt leið á lögum ef þau eru spiluð alveg endalaust.Það er ekki lengur lífsnauðsynlegt að kunna ALLA teksta við ÖLL vinsælustu lögin. Ég er ekkert minna svöl fyrir vikið. En ég get ekki lifað dag án þess að hlusta á einhverja tónlist enda er útvarpið á hjá mér allan daginn í vinnunni. Tónlist er bara mikilvæg. Ekkert meira um það að segja.

Lag vikunnar er svo agalega sumarlegt og létt og skemmtilegt, videoið alveg hörmung.Þetta lag minnir mig á vorið sem við Anna og Ella bjuggum á Lokastígnum - það var sko ekki leiðinlegt hjá okkur þá ef einhver skildi halda það.



Góða helgi og hvítasunnu.

HA ha ha ha ha ha ha ha

ha ha ha ha ha ha ha ha ha ha ha ha ha ha ha ha ha ha ha ha ha

ha ha ha ha ha ha ha ha ha ha

ha ha ha ha ha ha ha ha ha

ha ha ha ha ha ha

ha ha ha ha ha ha

ha ha ha ha ha

ha ha ha

ha

Ó hve létt er þitt skóhljóð

og svo framvegis. Maí hefur haldið innreið sína og ég lýsi því hér opinberlega að vorið er komið til að vera.


Vikan búin. Stutt og laggóð var hún í þetta skiftið.Smiðurinn klikkaði eitthvað á efni í pall og núna er bara búið að byggja grindina og einn blómakassann. Pallaframkvæmdum sem átti að ljúka í dag er frestað um tæpa viku en Berglind þarf samt ekki að hafa áhyggjur, pallurinn verður tilbúin áður en hún kemur.Garðurinn verður kannski ekki eins flottur og áætlað var. Verð líka búin að þrífa grillið, verður gert á sunnudaginn. Er annars búin að gróðursetja japanskt kirsuberjatré í garðinum hjá mér.Með tíð og tíma verður það eins flott og þetta á myndinni. Ég og húsbandið erum að fá græna fingur svei mér þá - ljósgræna allavegna.

Búin að setja inn nokkrar myndir hér frá Róm. Tók ekki svo margar,maður var svo upptekin af að skoða og svoleiðis.

Valgkvíðinn að drepa mig í dag. Gat valið að spila Maístjörnuna svona í tilefni maímánaðar eða svo gat ég valið eitthvað létt og skemmtilegt. Ákvað að Maístjarnan væri heldur deprimerandi fyrir allann vorfílinginn sem mér finnst að þið eigið að vera að komast í svo ég valdi eitt lauflétt lag og svo má ekki gleyma að það er annar í afmæli hjá honum bróður mínum. Hann getur kannski dillað sér aðeins með þessu lagi í því tilefni. En það sem mér fannst söngvarinn í þessari hljómsveit sætur, tók ekkert eftir því að hann getur ekki dansað. Hann hefði betur horft á finnska diskóvideoið.



p.s Saga er að æfa sig í að tala íslensku og hún sagði þetta um daginn:
"Mamma hvor er náttfötin mitt?" Dugleg stelpa segi ég bara.

Góða grillhelgi.

Og allstaðar er fólk

Hvar í veröldinni, hvar í heimi hér
ei mannlaus staður, allstaðar er fólk

Já svona söng han "Skverrir Skormsker" (eða hvað hann nú heitir) þarna um árið. Svei mér þá ef hann ekki var að syngja um fólkið í Róm.Þar var nú meiri fólksmergðin en sem betur fer var nú stór hluti af þessu fólki ítalir, og það er nú ekkert ljótt fólk. Svona gasalega vel til höfð öll sömul og fín. Tók samt eftir að það var ekki mikið um börn en svona ykkur til gamans eru ítalir það fólk í Evrópu sem eignast hvað fæst börn.

Róm.Hvað er hægt að segja.Það er svo mikið að sjá að maður nær ekki nema smá á einni helgi.Svo mikið af fallegum byggingum, styttum og gosbrunnum og mannvirkjum. Og maturinn og vínin - ekkert um það að segja nema GÓÐ GÓÐ OG GÓÐ.

Helgin. Jú takk alveg ljómandi. Alveg til í aðra eins næstu helgi.Við byrjuðum laugardaginn á smá göngutúr sem byrjaði kl 10 um morguninn og endaði eftir miðnætti. Með pásum þó. Smá hádegisstopp kl 12 á Piazza Navone þar sem við drukkum smá vino og virtum fyrir okkur mannlífið og sleiktum sólina. Nokkrum tímum seinna önnur pása þar sem hádegisverður var snæddur.Fylltur ætisþistill í forrétt og Gnocchi með gorgonsola og perum í aðal. Dejlig.

Kvöldið, bara eitt orð til að lýsa því. TROÐIÐ! Ákváðum að borða í hverfi sem heitir Trastevere og höfðum ekki pantað borð. Troðningurinn byrjaði á strætóstöðinni þar sem mannfjöldi mikill safnaðist saman og allir að fara í strætó H. Ég varð nú létt stressuð, hvernig í ósköpunum færi allt þetta fólk að komast inn í einn strætó. Strætóinn kom, var alveg tómur. Áður en ég gat sagt alibaba var strætóinn orðinn fullur,fólk tróðst inn um þær 3 dyr sem voru á honum og ég bara flaut með.Flaut svo aftur út þegar allir fóru út og við tókum þá ákvörðun að við hlytum þá að vera á réttum stað. Mikið rétt.En ekkert borð að fá neinstaðar, allstaðar var fólk en við fengum svo loksins borð kl 22. Ljómandi matur en var nú orðin ansi lúin enda komin með hælsæri og blöðru á eina tánna.Reyndum þetta með strætó aftur heim en þá var enn meira fólk og við búin að bíða í ´30 mín eftir strætó en enginn kom svo við örkuðum af stað og náðum loksins í leigó. Gvuð hvað ég var ánægð að komast upp á hótel og sofa smá.

Sunnudagurinn var nú svipaður. Húsbandið 40 ára og við búin að ákveða að skoða vatíkanið. Well, vegna lélegrar skipulagningar af okkar hálfu var komið svo geðveikt mikið af fólki að við hreinlega guggnuðum. Péturskirkjan opnaði ekki fyrr en kl 13 því páfinn var að predika þar. Sá hann á stórum skjá fyrir framan vatíkanið. Ekki er ég nú góð í ítölsku en ég get svo svarið að hann sagðist biðja að heilsa öllum þeim sem lesa þetta blogg og ég varð nátturulega ánægð með það. Dagurinn fór svo í langa göngutúra og mikið af góðum mat, maturinn það kvöldið er nóg í heilt blogg og ég ætla að segja frá því seinna. Smá sjopping svona í endann enda sá afmælisbarnið garðslöngu forláta sem hann ákvað að gefa sjálfum sér í afmælisgjöf(ekki spyrja).

Þegar heim var komið og við búin að dást að pallinum sem er í byggingu heima var brunað á MCDonalds til að halda almennilega upp á afmælið. Börnin okkar alveg alsæl enda geta ekki hugsað sér meira gormet matsölustað. Skil hvað þau meina!!!!!!!!!

En þar sem við ekki náðum að skoða Péturskirkjuna, Vatikanið eða Colosseum almennilega verðum við víst að fara aftur til Rómar - sem fyrst. Goddem!

When in Rome...

Þá verður maður að fara oft út að borða, og drekka góð vín og slappa af. Kannski að skoða eitthvað menningarlegt og jú svo verður maður að kíkja aðeins í búðir. Smá föt en aðalega delikatessebúðir. Ó je beibí ég er á leiðinni til Rómar - á eftir. Húsbandið verður 40 ára gamall á sunnudaginn. Hólí mólí hvað við erum að eldast. Vonast eftir góðu veðri. Verð lítið fúl ef rignir í Róm. Búin að pakka og alles klar, húsbandið er að bíða eftir þvottavélaviðgerðarmanninum. Fín vika fyrir þvottavélina að bilast.

Annars allir í góðum gír. Baltasar verður hjá Marianne systur JC en honum er búið að hlakka til lengi enda á hún hund. Saga verður hjá Line, stuðningsfjölsk hennar en þar fer hún með þeim í afmæli og mikið um að vera.Það sem er svo fínt með svona stuðningsfjölskyldur fram yfir skammtímavistanir er að Saga er bara ein af fjölskyldunni.Fer með í afmæli, minningarstund í kirkju hefur hún farið í og fullt af Bandy keppnum.Maður er ekki að hafa áhyggjur af henni þegar hún er í svona góðum hóp.

Lag vikunnar er í anda helgarinnar, á ítölsku. Besta júróvisjon lag fyrr og síðar. Mig langar alltaf svo að kunna ítölsku þegar ég heyri það. Þegar ég var 16 og þetta var í keppninni fannst mér han Raf(þessi mjói)sætastur, ef ég þyrfti að velja á milli þeirra í dag myndi ég velja Umberto þann rauðhærða því hinn er aðeins of mjór fyrir min smekk. En þegar ég var 16 ára vissi ég ekkert verra en rauðhærða stráka. Í dag er mér nokk sama hvaða háralit þeir hafa svo lengi sem þeir eru ekki með hárræmur greidda yfir skallan(afturábak og fram semsagt)í von um að fela skallann. Hef séð fullt af rauðhærðum sætum strákum síðan ég var 16 en engann sætann með hárræmuna yfir skallanum. Það er bara ósexý.Hey - takið eftir hvað þeir eru í flottum mittisjökkum.


Arrivederci amici.

Helvítið hann Prince

hann er greinilega með fólk í vinnu við að fjarlægja lögin hans á youtube. Bömmer.
Sendi ykkur í sárabót þennan voða sæta unga sem er að leita að bróður sínum. Litli anginn.

Sól sól skín á mig

Kunningjakonan mín er að skilja. Hún er búin að vera með manninum sínum frá hún var 19 ára og hún er ca. 45 ára(kann ekki við að spyrja!). Þau eiga 3 stráka, einn sem er greindur með athyglisbrest.Það hefur gengið á ýmsu hjá þeim síðustu árin.Maðurinn hennar missti vinnuna og úr frá því misstu þau húsið sitt.Þar sem hann er forstjóratýpan vildi hann alls ekki taka neinni vinnu nema forstjóravinnu og var þar af leiðandi atvinnulaus allt of lengi. Kunningjakona mín vann fyrir heimilinu. Allan þennan tíma hefur hún staðið við hlið manns síns og hugsaði með sér að þetta ætti allt eftir að lagast, tæki bara tíma. Jú alveg rétt, hann fékk vinnu og þau fengu fína íbúð í skólahverfi strákana og hún lét draum sinn rætast og stofnaði eigið fyrirtæki. Hvað gerði minn maður. Jú hélt fram hjá henni með einni hrukkulausri.Eftir allt sem hafði á gengið launaði hann konunni sinni á þennan hátt. Ég verð bara svo reið þegar ég heyri um svona. Ekki það að auðvitað ætti hún að vera fegin að vera laus við kauða en þvílík eigingirni og sjálfselska að ég bara á ekki orð.Hún alveg í klessu greyið og er í startholunum við að skapa sér nýtt líf.Hvað getur maður gert til að gleðja hana? Ég var að spá í að gefa henni myndina "First wifes club". Held að sú mynd gæti peppað hana upp. Ef það virkar ekki ætla ég að gefa henni 24 ára spænskann aupair strák, þið vitið þessa sem ryksuga á skýlunni - eða pungbindi ef maður óskar þess! Of mikið?

Annars allt fínt af okkur. Bara vika í Rómarferð okkar skötuhjúa. Svo er veðrið alveg að taka sig saman og það er hreinlega spáð um 15 stiga hita á sunnudaginn. Ó je. Verð nú samt að viðurkenna að það versta sem ég veit eru fyrstu bikinísdagar sumarsins þar sem maður er alveg neon hvítur og það er nú ekki beint glæsilegur litur fyrir appelsínhúðina. Not næs - nema maður sé Appelsínan í Ávaxtakörfunni en hún segir að appelsínuhúð sé fínasta húð í heimi.Kannski ég bara ákveði að trúa henni.

Lag vikunnar er með einum af mínum uppáhalds tónlistarmönnum ever og alveg án efa af einni uppáhalds plötu frá 8 áratugnum. Þessi litli stubbur sem mælist 157 cm án hæla hefur ekki leyft Youtube að sýna videoin sín og þetta hefur greinilega gleymst svo ég ætla að nota tækifærið meðan það liggur þar. Hann var svo mikið uppáhald að þegar ég var 14 ára dreymdi mig að við byggjum saman á Höfn og hann var að vinna í frystihúsinu(man nú ekki hvort hann var á hælunum þegar hann fór í vinnuna í draumnum). Maður var ekki alveg heill á þessum tíma!


Góða helgi.

Barn að eilífu

Síðastliðið föstudagskvöld komu 10 downs mömmur til mín í kjaftavínogostaát. Þetta voru konur með downs börn frá aldrinum 11 mánaða til 24 ára. Við sátum langt fram eftir nóttu og spjölluðum. Við svona tækifæri fær maður smá nasaþef af því hvað það felur í sér að eiga fatlað fullorðið barn.

Mamma Mari(24 ára) sagði frá því að Mari er flutt að heiman í eigin íbúð í sambýli. Það voru 12 foreldrar fatlaðra unglinga sem tóku sig til og létu byggja hús fyrir börnin sín þar sem þau gætu átt eigin íbúð og líka hefðu aðgang að sameiginlegri aðstöðu. Foreldrarnir keyptu hönnunarhúsgögn í húsið og allt er rosa fínt og núna rekur kommúnan þetta sambýli en íbúarnir eiga sínar íbúðir sjálf. Mari er líka í vinnu. Hún tók ákvörðun sjálf fyrir nokkrum árum að taka sig úr sambandi því hún gerir sér grein fyrir því að hún getur ekki alið upp barn því hún þarf mikla hjálp sjálf í sínu lífi. Já svona er Mari fullorðin. Á 24 ára afmælisdaginn var hennar stærsta ósk að fá sjóræningjarbúining í afmælisgjöf. Já svona er Mari mikið barn líka.

Mamma Poul(20 ára)sagði frá að hann hjólar einn í skólann á hverjum degi þegar ekki er snjór, annars tekur hann strætó einn. Þau eru að byrja að leita eftir íbúð handa honum.Hann á líflegt félagslíf og stendur sig alveg rosa vel. Foreldrar hans og Poul fóru á fjallahótel um páskana. Mamman tók eftir að allir á hennar aldri(50+) voru barnslaus.Hún og hennar maður voru með Poul sem hafði tekið með sér Línu Langsokk mynd til að horfa á yfir helgina.

Það er mjög erfitt að svara þegar fólk spyr hvar Saga er stödd í þroska, er hún eins og 3 ára eða 5 ára eða hvað! Saga er með málþroska á við 2-3 ára barn,uppáhalds myndin hennar er High School Musical og uppáhalds þátturinn í sjónvarpinu Hanna Montana, hún vill helst spila Nintendo eða hlusta á tónlist þegar hún kemur heim úr skólanum. Hún er með mikla fatadellu og vill helst taka með sér bleika glossinn sinn í skólann. Hún elskar að spila Nintendo DS og leika sér í sandkassa. Hún hefur líka gaman af að horfa á Teletubbies ef hún sér það í sjónvarpinu. Faglega séð er hún á við barn í lok 1. bekkjar. Eins og sjá má er hún ekki á einu aldursstigi og á ekki eftir að verða það heldur. Þrátt fyrir að Mari og Poul séu orðin fullorðin eru þau líka börn að eilífu. Það er svolítil skrýtin tilhugsun en maður verður nú bara að hlægja þegar maður heyrir svona sögur. Svona á mitt líf líka eftir að verða og það þýðir að ég ætti kannski að fara að gera "backup" af öllum þeim myndum sem Saga elskar í dag og við getum hugsað okkur að eldast við!

Allavegna þá var þetta alveg frábært kvöld.

Lag vikunnar er aftur í rólegri kantinum. Fjallar um vinkonur og mér fannst það hæfa svona eftir þetta mikla konukvöld.



Góða helgi

Hvaða strumpur ert þú?

Hér gefst þér tækifæri á að finna út hvaða strumpur þú ert. Ég er þessi strumpur.

Strump on everyone!

Helgartuð(eða var það Helgutuð!)

Heyrði lag með Elvis um daginn en það eina sem hljómaði í eyrunum á mér var þessi teksti:

Þrjú tonn af sandi
Andrés fær nóg
mótatimbur
já heilan skóg

já íslendingar hafa löngum verið duglegir að yfirfæra útlensk lög yfir á íslensku. Helt að þetta lag sé botninn. Manni grunar nú að Elvis heitinn hafi bæði tekið flikk flakk og heljarstökk í gröfinni þegar hann heyrðí þetta. En þetta er einmitt svona lag sem maður fær á heilann og ég er að brjálast. En nú út í allt aðra sálma.

Fín vika. Baltasar allt í einu kominn með rosa áhuga á fótbollta, föður sínum til mikillar gleði og nú er hann úti að spila fótbollta hvert kvöld þrátt fyrir að það hafi verið grenjandi rigning flest kvöld þessa vikuna. Hann er nú ekki alveg á jörðinni blessaður og telur sig afburðar fótbolltamann, hann spurði allavegna pabba sinn þegar þeir voru að horfa á leik síðastl. mánudagskvöld hvort leikmenninrnir í Rosenborg væru betri en hann í fótbollta eða hvort hann væri betri en þeir!

Fór út að borða með Kollu Tjörva frá Hornafirði á miðv. og það var rosa kósí. Það kjaftaði á okkur hver tuska - mjög gaman. Takk Kolla fyrir gott kvöld. Alltaf gaman að hitta íslendinga og frábært að hitta Hornfirðinga. Eitt af því sem mér finnst erfitt við að búa í útlöndum er að hér er enginn sem þekkti mann áður fyrr. Eða ólst upp í sama landi og man eftir hinu og þessu. Á þennan skemmtilega safndisk með ísl. lögum frá 7. og smá8. áratugnum sem mér finnst gaman að hlusta á í bílnum í langferðum og þar er lagið "Stál og hnífur". Ég var að segja manninum mínum frá að þetta lag sungum við alltaf á filleríum hér í den. "Afhverju" spurði hann. "Nú þetta er svoleiðis lag, sem er gott að syngja þegar maður er búin að drekka nokkra bjóra" sagði ég. "Afhverju" sagði hann. "GRRRR!" sagði ég. Nei þetta er ekki alltaf auðvelt. Fyrir íslending gefur það auga leið að Stál og hnífur og Minning um mann eru ekta lög til að syngja í glasi en fyrir norðmann er það ekki jafn augljóst.

Í kvöld koma fullt af konum til mín í smá osta og kjafta-samsæti(eiginmaðurinn er í strákaferð í Barcelona, greyið!). Þetta eru allt konur sem eiga börn með Down syndrome og í því tilefni ákvað ég að lag vikunnar væri alveg nýtt. Er á vinsældarlistum hér í landi(já ég hlusta líka á nýja tónlist). Ástæðan fyrir þessari skrýtnu ákvörðun er að okkar börn eru ekki að velta sér upp úr fortíðinni eða kvíða fyrir framtíðinni, þau lifa hér og nú og eru alveg brilljant í því. Gott að minna sig á öðru hverju að lifa fyrir líðandi stund.Gleymist stundum.




Jæja kveð að sinni og vill bara minna á að sumarfríið er eftir 82 daga.

Sumartími hafinn

þetta er fyrir ykkur sem hafa lítið að gera í vinnunni og langar að vita hvernig hægt er að eyða tímanum á nýtilegann hátt.Ég meina hvað er skemmtilegra en að föndra með hádegismatinn sinn!

Ættfræði á föstudegi

Eins og áður hefur komið fram heimsóttum við tengdó um páskana. Tengdafaðir minn er svona hálft í hvoru komin á eftirlaun og hann er maður sem hefur ferðast mikið og víða um æfina. Verið nokkru sinnum á suðurskautinu, búið í Afríku, Pakistan og Svalbarða, er með próf á loftbelg og keyrir um á Harely D. Hefur semsagt verið bissí maður. Hann varð nú að finna sér eitthvað til dundurs eftir að hann fór að taka lífinu aðeins með ró og hellti sér út í ættfræðigrúsk. Ó mæ god hvað hann varð helnuminn af því. Er búin að finna alla forfeður í bæði móður og föðurætt og viti menn - allir sem einn voru nátturulega aðalsmenn og annað fínt! Búin að hafa upp á öllum ættarskjöldunum og safnar þessu samviskusamlega inn í gagnagrunn og sendir okkur reglulega meila með allskonar áhugaverðum upplýsingum sem við lesum með óbilandi áhuga (ehem!).

En svo gerðist það um páskana að hann sagði vera að hugsa um að bæta við í nafnið hjá sér. Búin að finna nafn frá einum af þessum merku forfeðrum sínum og vill endilega bæta því við ættarnafnið sitt og vonar þess einnig að Jan Chr. og krakkarnir geri það sama.

OG hvað er svo nafnið : jú ekki ómerkara nafn en JERNSKEGG! Saga mun þá heita Saga Christiansdóttir Jernskegg Haugland - not næs. Ef Baltasar gerðist handrukkarin þá gæti hann bara kallað sig Baltasar Jernskegg! Nafnið eitt myndi hræða líftóruna úr fólki.

OVER MY DEAD BODY sagði ég bara. Kemur ekki til mála, aldrig i livet, nó vei hósei vill ég að börnin mín beri svona fávitalegt nafn. Þau fengju örugglega sent víkingahjálm frá nafnaskiftingarnefnd ef við fengjum þessar nafnabreytingar í gegn. Ég meina, þetta er víkingarnafn. Nobb, enginn hérna meginn við landamærinn mun skifta um nafn. Tengdamóður minni finnst þetta alveg gasalega fyndið(enn sem komið er) enda ekki endanlega búið að sækja um nafnabreytingu. Veit svo sem ekki hvort hann endi á að gera þetta en þetta sýnir bara hvað hann er óhemju áhugasamur um upphaf sitt eða hversu óhugnalega mikið honum leiðist. Ekki góð hugmynd fyrir alla að fara of snemma á eftirlaun.

Jæja fastir liðir eins og venjulega. Lag vikunnar. Valdi eitt rólegt að þessu sinni, er í svo rólegu skapi þessa dagana. Er að spara mig og stuðlögin fyrir vorið.



Góða helgi pelgi felgi.
p.s. Hægt að sjá voða sæta mynd af Sögu á netsíðu norsku óperunar, bara skrolla smá niður og svo klikka á myndina af henni til að fá hana stærri.

Dagar nætur vikur mánuðir ár!

Já tíminn líður, páskafríið búið og ég er tilbúin fyrir vorið. Spurningin er hvort vorið sé tilbúið fyrir mig? Það er eitthvað feimið allavegna. Snjór útum allt. BÖMMER. Var meira að segja snjór í Svíþjóð og það hef ég nú ekki upplifað oft.

Annars var páskafríið bara fínt. Tóks að vísu að festa mig í baki eftir mikla garðvinnu helgina fyrir páska. Já þá var nú vorið ekki feimið, blómin farin að springa út og ég réðst í beðahreinsun af miklum móð og maðurinn minn hjó niður tré sem ég svo bútaði niður í smærri einingar með þeim afleiðingum að ég gat ekki hreift mig í fleiri daga. Fór til læknis og fékk meira að segja meðal. Er nú öll að koma til en ætla samt að drífa mig í smá sjúkraþjálfun til að losna við þetta alveg. Nenni nú ekki að vera sú bakveika í Róm.

Allir ánægðir með páskaeggin sín og annað eins sælgætisát hefur varla sést á mínu heimili áður en krakkarnir fengu íslenskt páskaegg, og norskt en þau eru úr pappa og eru fyllt af nammi! og svo fengu þau líka frá frænku sinni. En þau fengu nú eitthvað skrýtna málshætti, man þá ekki alveg en pabbi og mamma höfðu aldrei heyrt þetta áður svo að okkur grunaði að þetta væri eitthvað home made frá þeim sem vinna í Freyju - páskaeggjadeildinni.

Annars eru stórframkvæmdir framundan. Apríl fer í að gera tilbúið fyrir pallaframkvæmdir, þurfum að flytja hellur og eitthvað ljótt hlaðið beð og trérætur miklar. Við ákváðum nú að fá mann í að byggja pallinn, höfum gert það áður og það tók svo ægilega langann tíma. Viljum vera komin í sumarfíling um miðjan maí og þá verður pallurinn að vera komin á sinn stað. Begga vinkona ætlar að koma í heimsókn 15 maí og þá þarf allt að vera tilbúið. Mikilvægt að hafa markmið í lífinu!

Jæja vildi nú bara deila með alheiminum þessum skemmtilegu og mikilvægu hugsunum um páskana og allt hitt. Sjáumst á föstudaginn í stuði.

Ég fer í fríið, ég fer í fríið...

Páskafríið semsagt ef einhver er í vafa. Brunum til Svíþjóðar til tengdó á morgun og verðum í nokkra daga. Komum svo heim og þá ætla ég að hjálpa börnunum mínum að borða páskaegg!!!!!!

Gat nú ekki snuðað ykkur um lag vikunnar. Þetta var eina páskalagið sem ég fann á youtube, því miður hefur engin samið lagið "Last Easter" svo við verðum að láta þetta duga.



GLEÐILEGA PÁSKA.

Ég vill senda geðveikar saknaðarkveðjur

til sæta stráksins sem ég sá niðri í Hafnarbúð laugardaginn 15 maí 1985 - long tæm nó sín! Og svo vill ég vill senda sukkaðar stuðkveðjur,sjúkar ástarkveðjur og sjúskaðar pæjukveðjur til allra ykkar sem nenna að lesa bloggið mitt.

Fengu þið ekki algjört flashback?

Var nú ekki gaman að hlusta á útvarpið í gamla daga. Það voru að mig minnir 3 tónlistarþættir í íslenska útvarpinu áður en rás 2 kom til sögunnar. Óskalög unglinga var nátturulega vinsælastur hjá Helgu gelju en þar voru allir geðveikir,sjúkir og sukkaðir og maður sat með kassettutækið tilbúin til að taka upp vinsæl lög.Þessum þætti missti maður bara ekki af.
Óskalög sjúklinga hljómaði á öldum ljósvakans á hverjum laugardagsmorgni í mörg ár. Alltaf voru spiluð lögin "Traustur vinur" og "Stand by your man" og hálf þjóðin bifaðist af geðshræringu í hverri vikur yfir þessum lögum.
Á frívaktinni var nú ekki amalegur þáttur heldur. Þá voru nú alltaf spiluð einhver gamalkunn sjómannalög eins og lagið um hann Þórð sem elskaði sjóinn og fannst sjómennskan ekkert grín.

Það voru greinilega bara unglingar,sjúklingar og sjóarar sem höfðu þörf fyrir tónlist og kveðjur á þessum tíma.

En þegar Rás 2 kom urðu ekki neinar smá breytingar í lífi unglings. Allskonar popptónlist, útlenskir vinsældarlistar og léttmeti daginn inn og út. Og manni fannst helgarkveðjurnar alveg geysilega spennandi, sérstaklega afþví þeim var útvarpað eftir kl 23 á föstud. og laugardagskvöldum og þá gat maður hringt inn með kveðjur og óskalög.

Ég og Hjördís vinkona mín ákváðum nú að nýta okkur þessa þjónustu og vildum vera rosalega svalar og biðja um franska lagið "Je t'aime" (lagið sem parið er eitthvað að pota í hvort annað og stynja). Þar sem við vorum með eindæmum flissgjarnar fórum við nátturulega alveg í kerfi og byrjuðum að flissa þegar þeir á Rás 2 svöruðu og ég(að mig minnir) sagði að "Hjödda og Helga Dís sendu öllum Hornfirðingum stuðkveðjur með franska ríðilaginu!!!" Ekki tókst betur en svo að þegar kveðjan var lesinn hljómaði hún á þessa leið : Helga Dís og Hjödda fá stuðkveðjur frá ÖLLUM HORNFIRÐINGUM. Mæ god hvað íslenska þjóðin hefur haldið að við værum vinsælar. En þeir spiluðu ekki franska ríðulagið. Skrýtið!

Lag vikunnar er tileinkað þessum tíma, alltaf eitthvað svo vorlegt við þetta lag.



Góða helgi.