Hræðilegt kvöld

Í gær eyðilagðist hús nágrannana í eldsvoða. Sem betur fer björguðust allir.

Ég var að koma af foreldrafundi rétt rúmlega níu í gærkvöldi og sá að það var að brenna hjá þeim. Ég fékk algjört sjokk því leikfélagi Baltasars býr þarna,en þetta er tvíbýli og ég var ekki viss um hvoru megin hann bjó. Ég hljóp inn til nágrannakonu sem á son(Eirik) sem er líka leikfélagi stráksins(kom í ljós að hann hafði verið hjá honum til kl 19:30 sama kvöld) og við hlupum í loftköstumm upp að húsinu við hliðina á því sem brann(þar býr bekkjarsystir Baltasars og Eirik) og hittum þá alla íbúa brennandi hússins. Það var mikill léttir að sjá að allir voru heilir á húfi og ég komst að því að þetta var ekki þeim meginn sem strákurinn bjó en því miður náði eldurinn taki á þakinu og kl 21:30 féll allt þakið saman og brann þá í báðum íbúðum. Athugið að þetta gerðist allt á innan við hálftíma og þetta er stórt hús svo hraðinn á brunanum var alveg ógnvæglegur.

Það voru 6 brunabílar að slökkva eldinn og þegar ég loksins fór að sofa um miðnætti voru þeir enn að. Þrjár fjölskyldur misstu húsnæði og allt innbú í nótt.

Í morgun fórum við, ég og mamman Eirik og tókum strákana upp að húsinu til að þeir gætu fengið að melta þetta aðeins því þeir voru nátturulega alveg í sjokki. Nágrannastelpan sem hafði sofið í allt gærkvöld meðan á þessum hörmungum stóð var nátturulega í áfalli enda bara nokkrir metrar á milli húsana. Hún hafði tekið mynd af húsinu í morgun svo að bekkurinn gæti séð því fyrir svona litla krakka er þetta ansi óhugnalegt og mikilvægt að þau fái réttar upplýsingar svo þau fari ekki að ímynda sér eitthvað sem ekki er og verði bara hrædd og óörugg.

Aldrei hef ég upplifað svona áður og vona að ég eigi ekki eftir að gera það aftur. Maður var hræddur um á tímabili að eldurinn næði í nágrannahúsin því það var ansi sterkur vindur en sem betur fer gerðist það nú ekki. Við vorum aldrei í neinni hættu því við erum ekki það nálægt.Núna þegar maður kíkir út um eldhúsgluggan minn, upp á hæðina sem er yfir götunni okkar blasa við manni brunarústin einar þar sem áður var glæsilegt stórt gult hús. Gasalega sorglegt.

Bófar og aðrir glæpamenn

Ég verð að viðurkenna að mér bregður alltaf smá þegar ég sé myndir af glæpamönnum og barnaníðingum í íslenskum vefblöðum, Visi.is aðalega. Fyrst afþví að það voru sýndar myndir af þeim sem mér finnst eiginlega hið besta mál en líka afþví þeir líta svo venjulega út.Maður hefur alltaf ímyndað sér að glæpamenn líti út á sérstakan hátt og þessir perra menn sérstaklega.Manni finnst að þeir eigi að líta út eins og glæpamenn, eins og maður sér í sumum amrískum bíómyndum. Svo að maður sjái á þeim hvaða mann þeir hafa að bera. Hér voru ansi margir menn teknir fyrir svokallaða Nokas ránið og svei mér þá ef helmingurinn af þeim leit út eins og einhverjir lögfræðingar eða viðskiftafræðingar. Ekkert bófalegt við þá.

En...ég er að vinna með einum sem er nú frelar dúbíus að sjá, eitthvað sem ekki stemmir.Hann er voða skrýtin. Hann vill ekki segja neinum hvar hann býr, gefur fólki bara svona ca. staðsetningu. Hann býr svo frá fimmtudegi fram á sunnudag í hinu húsinu sínu á suðurlandinu þar sem hann býr með fleira fólki en enginn veit hvaða fólk það er.Hann vill ekki segja hvaða fólk það er, hvort það séu konur eða karlar eða hvað margir eða neitt. Hann er einhleypur og barnslaus. í þokkabót delítar hann vikulega öllu úr "sendum meilum" möppunni í Oulookinu sínu. Ég meina hver gerir það!! Þá hefurðu alveg pottþétt eitthvað að fela. Mér finnst þessi maður alveg ákaflega dularfullur. Eitt er að vera "prívat persóna" og annað er að vera undarlega dulur og ekki vilja segja neitt um sitt líf. Tek það fram að hann er búin að vinna þarna í 15 ár og enginn veit neitt um hann. Kemur aldrei á jólafrokost eða annað með vinnunni. Er þetta ekki eitthvað sem maður ætti að reyna að rannsaka aðeins betur! Ekki er hann í símaskránni svo maður getur ekki komist að því hvar hann býr. Kannski að ég ætti að ráða einkaspæjara til að fylgjast aðeins með honum. Hann hlýtur að vera eitthvað að bófast. Spennan er alveg að fara með mig. Þoli ekki að vita svona lítið um fólk, mér finnst það eiginlega bara óeðlilegt. Veit ekki hvað ég geri, skifti kannski um vinnu. Gerist einkaspæjari, hefur alltaf langað til þess.

Later frá Helgu spæó.

Freaky Friday

I feel pretty,
Oh, so pretty,
I feel pretty and witty and bright!
And I pity
Any girl who isn't me tonight.

Jamm það er nú alveg orð að sönnu að hárgreiðslan skapa manninn. Fór í klippingu í gær og er barasta orðin ansi stutthærð. Sumarhárgreiðslan komin á sinn stað. Alveg merkilegt með úrsérvaxið hár að maður getur gert eitthvað við það lengi vel en svo allt í einu er eins og hárið segi "hingað og ekki lengra" og þá er barasta ekkert hægt að gera annað en fara í klippingu. Og það gerði ég semsagt í gær. Fór líka í gymmið og í ljós, hef nú ekki gert það í nokkur ár en ég er búin að ákveða að vera komin með smá roð í kinnar fyrir Rómar ferðina. Nenni sko ekki að vera sjálflýsandi þar með allt þetta lekkera ítalska fólk allt í kringum sig. Comprende!

Lag vikunnar er "so Casablanca in the good old days" og þá meina ég ekki myndina.Ekta stuðlag svo stattu upp og shake som ass.




Er annars farin í "hytte" ferð eina ferðina enn. Förum með vinafólki okkar langt upp á fjall, 3 tíma keyrsla.Vonandi verður veður eins og síðustu helgi, 5 stiga hiti og sól. Fínt að gönguskíða í svoleiðis veðri.Annars eru komnar nýjar myndir hér.
Góða og heilbrigða helgi.

p.s ég sá að Adda frá Öresundskollegie-dögunum kvittaði hjá mér um daginn. Long tæm nó sín segi ég bara, var einmitt að skoða myndir frá þeim tíma. Mikið stuð verður að segjast.

Hvar hafa dagar lífs míns lit sínum glatað?

Er með ljótuna þessa dagana. Hárið á mér er með ljótuna, fötin mín eru með ljótuna og ekki tala um andlitið. Ég fer að breytast í miðaldra kerlingu ef ég fer ekki að gera eitthvað við öll þessi ljótheit.

Hvað varð um roð í kinnum og leiftrandi augu. Núna eru bara grá hár og baugar og yfirdrifinn fölleiki sem hér ráða ríkjum. Sem betur fer ekki með bólu, annars hefði ég alveg farið yfir um.

Held ég fari í ljós - verð annars notuð sem eitt.

Eða klippingu.

Eða ljós og klippingu.

ARRGGG

Skjáumst!

Þar sem öryggið er í fyrirrúmi

or not!











Já svona er til mikið skrýtið í heiminum.

Vinnuvikulok eins og alltaf á föstudögum. Ekkert nýtt. Baltasar var í skíðaskóla alla vikuna frá 9 til 3 og alsæll með það. Tókst að vísu að detta í gær á skíðum og er allur út í sárum hægra meginn í andlitinu. Annars bara null.

Ég finn að ég er öll að lifna við enda daginn farin að lengja og vorið á næsta leiti (shit, ég sem er enn með appelsínuhúð sem átti að vera farin fyrir sumarið). Allt breytist þegar það er orðið bjart seinnipartinn, maður er bara ekki næstum eins sibbin. Fór meira að segja og heimsótti Ollu frænku eftir vinnu um daginn. Svoleiðis hefur bara ekki gerst síðan í oktober. Tek að vísu fram að 4x í viku er börnunum mínum keyrt í allskonar æfingar eftir skóla. Mikið að vera hjá ungu fólki en frá jan - mars eru vetraríþróttirnar stundaðar og þá lætur maður sig hafa það að leyfa þeim að æfa það líka, fyrir utan Dissimilis hennar Sögu og leiklistina hans Baltasars. Ekki svo langur tími og þegar er svo snjólaust eins og hefur verið í vetur er það kjörið tækifæri fyrir þau að halda kunnáttunni við.

Erum að fara í hytte um helgina á Norefjell. Siri vinkona mín og Thea dóttir hennar koma með en hún er með DS og er hálfu ári yngri en Saga. Alveg eins og svart og hvítt þær tvær en við höldum samt í vonina um að þær eigi eftir að verða vinkonur.

Lag vikunnar er eeeld gamalt og videoið algjör draumur.Þær eru svo sannfærandi. Brilljant.



Og til að geta dansað með laginu, legg ég við þetta video, er að vísu á finnsku en þú veist hvað karlinn er að reyna að segja. Ef þetta ekki er fyndið þá veit ég ekki hvað. Ekki gefast upp, endirinn er bara yndislegur. Mikið hlæ hlæ. Gvuð hvað ég elska youtube(getur maður sagt það??).


Góða helgi

p.s Eiginmaður minn var að tilkynna mér að hann er búin að kaupa 2 miða á Kiss tónleika í maí svo ég er semsagt að fara á Kiss! Alltaf prófar maður eitthvað nýtt, en hann var mega fan sem barn og unglingur.Á fleiri fleiri bækur með úrklippum og myndum, prjónaða kiss húfu og ég veit ekki hvað.Ætli hann kunni tekstana svo hann geti sungið með?

If you want my body and you think I'm sexy

Come on, sugar, let me know. Já svona söng Rod Stewart hér um árið. Hann var alveg ÖRUGGLEGA EKKI að syngja um mig. Mér var litið niður á laugardaginn og þessi sýn blasti við. Var of önnum kafinn við matargerð að ég var bara ekkert að spá í hvernig ég leit út fyrir neðan hné ! En það var svona. Fannst alveg tilvalið að festa þessi ósköp á filmu.

En þessi útgangur á húsmóðurinni kom samt ekki í veg fyrir að geta eldað ljúffengan indverskan mat. Matseðillinn hljóðaði svo:

Apertizers:
- Beikonvafðar döðlur
- Manchengo ostur með ítölsku salami
- Mozarellaostur vafinn í hráskinku og hitað í ofni.

Þetta voru nú eiginlega afgangar af tapas frá kvöldinu áður og þessvegna var þetta svona aðeins útúr kú miða við þema en gott engu að síður.

Aðalréttur:
- Tandori kjúklingur - keypti nú bara tandori paste og blandaði með jógurt og lét marinerast í 8 tíma og var svo sett í ofn í ca 45 mín og fékk líka þennan rosa safaríka og meyra kjúlla.
- Kartöflur með spínati: Sauð kartöflur og brytjaði í meðal stóra bita, henti á pönnu með spínati(keypti nú bara frosið og lét þiðna fyrir steikingu- muna að kreista úr safann) og þetta blandaði ég með Kashmir paste(líka keypt tilbúið) og steikti saman. Þetta var mjög sterkt.
- Krydduð hrísgrjón: mýkti smátt hakkaðann lauk í smjöri og bætti útí nokkra negul nagla, 5-6 kardimommubelgi(ekki steytt verður að vera þessir grænu belgir), einni heilli kanilstöng, nokkrum heilum piparkornum og teskeið gurkemeie til að fá fínann gulann lit.Þessu blandaði ég vel samann og blandaði við hrísgrjónin og vatn útí og sauð í ca.15 mín.
- Raita:Tók hýðið af einni agúrku og skapaði kjarnan úr, reif gróft og blandaði við hnefa af ferskri myntu og 1 1/2 desil. hreinni jógurt

Var svo þar að auki með Naan brauð(sem ég keypti af indverskum veitingarstað) og Taj Mahal brjór(indverskur bjór) var notaður til væta kverkarnar með matnum. Miklu betra að drekka bjór með svona mat komst ég að.

Eftirréttur:
-Súkkulaðifrauð kaka með ferskum bláberjum og kaffi.

já svona var það nú einfalt og þægilegt. Alveg búin að gefast upp á að gera all frá grunni. Tekur óratíma og þessi paste frá Patkas eru bara alveg ljómandi góð.Bless í bili.

helgi pelgi

Jamm, komst í gegnum eina vikuna enn. Bílinn kominn, alveg eins og rjómaterta í bílskúrnum hjá mér svo fínn og hreinn er hann. JC að fara að ná í skiltinn í dag svo við getum farið að keyra hann.Kvöldið sem hann kom voru krakkarnir svo spennt að við urðum að fara í smá bíltúr með þau í náttfötunum.Annars bara allt við það sama.

Var hringt í mig úr skólanum(gæslunni) hans Baltasar í gær og mér tilkynnt að hann væri orðin veikur, rosa óglatt og slappur. Ég var að koma með Sögu frá lækni og var á leiðinn í apotekið og var svo búin að lofa henni að fara á kaffihús og hafa það kósí saman. Við að sjálfsögðu keyrðum í loftköstum að ná í Baltasar sem virkaði nú ekki neitt slappur. Í bílnum spurði ég hann svo hvað hann hafði borðað yfir daginn, jú eitt hrökkbrauð og einn kökubita (það var eitthvað kökustand í skólanum í gær) og þetta var allt sem hann hafði borðað frá kl 7:30 um morguninn og þarna var kl 14. Fór með hann heim og lét hann borða restina af nestinu sínu og viti menn barnið varð alhraust aftur!! Búin að margbiðja liðið um að passa að hann borði því það er ekki hans sterka hlið. Svei mér þá.

Fór með Sögu til læknis aftur í gær því táin var bara ekkert skárri. Fékk sýklalyf í viðbót við kremið. Kom upp úr kafinu að hún er bæði með streptokokker og stafylokokka sýkingu í tánni. Litli anginn minn.

Og svo var nú eitt ansi fyndið.Þriðjudagar eru skautadagur í skólanum hjá Baltasar þar sem er farið á skautahöll í nágrenninu og þá sendir maður nátturulega skauta og hjálm með honum í skólann.Núna á þriðjudaginn eftir skóla spurði ég Baltasar hvernig hafi verið á skautum -
Baltasar: jú takk það var fínt en ég þurfti að fá lánaða skauta.
Ég: Nú gleymdirðu skautunum þínum í skólanum?
Baltasar: Nei mamma, ég var með vitlausa skauta.
Ég: Æi Baltasar tókstu nú vitlausa skauta með þér frá skólanum?
Baltasar: Nei mamma,þú sendir mig með vitlausa skauta, einn skauta af pabba og einn af mér !!!
Ég hélt ég myndi míga í mig úr hlátri. Skautar eiginmannsins eru stærð 42 og Baltasars skautar í 27!!! Skiljanlegt að ég hafi eitthvað ruglast á þessu.

Jæja þá er komið að þessu skemmtilega - lagi vikunar.Hvernig væri nú að fá eina gamla góða lummu? Þetta lag spilaði ég fullt í partýum heima hjá mér á hinum svo ansi skemmtilega áttunda áratug(vona að mamma lesi þetta ekki því hún veit ekkert um þessi partý!!). Og hér verða ALLIR að syngja með því þetta lag er sungið af bæði karli og konu og á íslensku í þokkabót(og ég veit að þið kunnið að syngja á þeirri tungu) og þessvegna enginn afsökun að sleppa því, svo strákar og stelpur upp með hárburstann. Jibbý Jæ! ALLIR SAMAN NÚ!



Bissí bissí helgi með gestum og indverskum mat og hygge.

Góða helgi.

Just another manic Monday!

Gleðilega nýja viku!

Ja hér og jæja hvað margir urðu að ósk minni og sögðu álit sitt á Palla Ó. Greinilega elskaður af íslensku þjóðinni, af öllum nema mér. Æ ég veit ekki hvað það er, hann syngur ekkert illa, ekkert falskur eða svoleiðis mér bara leiðist svo óendanlega þegar ég heyri hannn syngja. Maður verður kannski að venjast honum. Hann var nú samt brilljant sem Frank Furter i Rocky Horror Picture Show hér um árið. Og svona bæ þe vei þá var það ekki mín tá, heldur Sögu tá sem var svona vond. Ég var þessi með horið. Allir að hressast.

Það stóra í lífi mínu þessa dagana er að á miðvikudaginn fáum við nýjan bíl. Og þá meina ég NÝJAN. Beint úr kassanum. Aldrei áður höfum við átt bíl sem er frá sama áratug og hann er keyptur á. Fyrsti bíllinn okkar sem við keyptum daginn sem Baltasar fæddist var að mig minnir frá lok áttunda áratugsins og sá sem við eigum í dag er 92 módel.

Við skelltum okkur á Skoda Octavia fjórhjóladrifinn, alveg eins og þessi bara svartur með ljósum leðursætum. Er maður grand eða hvað! Hinum almenna íslending finnst þetta nú örugglega vera hálf halló en við sem ekki höfum átt bíl nema í 6 ár og ekkert verið að skifta neitt of oft heldur finnst þetta bara geðveikur lúxus. Bílinn okkar er orðin svo lúin og gamall og svo er ég að brjálast á að geta ekki hækkað í græjunum (ef græjur skildi kalla), get bara hækkað til 17 sem er of lágt til að hægt sé að syngja almennilega með. Mannskemmandi að ekki geta sungið hátt í langferðalögum.

Allavegna þá brunar minn maður til Saffle í Svíþjóð og nær í bílinn um miðja viku. Eitt er allavegna víst að ég á EKKI eftir að keyra þann bílinn inn í bílskúr fyrstu árin. Klessi alltaf á eitt horn þegar ég keyri inn en það hefur ekki verið neitt mál því gamli bílinn er svo vanur því! Tek það fram að það er geðveikt þröng aðkoma að nýja bílskúrnum og svo er hann svo agnarsmár og það er líka hár kanntur frá bílskúr að götunni svo maður þarf að gefa aðeins í þegar maður keyrir hann inn. Tekst ekki alltaf hjá mér!

Later aligator.

ehem, grrrr

hóst hóst, snöff snöff - ég ,naglarótarbólga á stóru tá með bólgum og sýkingu - dóttir....And that's all I have to say about that!

Tónlist getur maður samt alltaf haft gaman af þrátt fyrir hor og gröft og einmitt á svoleiðis tímum þarf maður á einhverju gömlu og góðu að halda. Einhverju sem iljar manni um hjartaræturnar. Þetta lag er lagið okkar Jan Chr. Var vinsælt á þeim tíma sem við vorum að byrja að hittast og seinna var þessi diskur spilaður mikið á okkar heimili og er enn. Lisa Ekdahl heitir þessi svenska flicka og lagið Vem vet!Enjoy!



Góða heilsu og helgi.

p.s Mér finnst Páll Óskar eiginlega frekar lélegur söngvari - sammála - ósammála?(Var að hlusta á bylgjuna og varð bara að deila þessum pælingum og heyra álit annara á þessum stórmerku vangaveltum)

Notuðu konur með Downs heilkenni í sprengjuárás

"Hryðjuverkamenn í Írak virðast hafa notað tvær konur með Downs heilkenni til þess að bera á sér sprengjur sem urðu 99 manns að bana í Bagdad í gær. Mikill óhugur er í fólki í Írak vegna þessa. Ólíklegt er talið að konurnar hafi vitað um sprengjurnar eða gert sér grein fyrir þeim."

Þessa frétt er hægt að lesa á Visi.is. Manni setur hljóðan við svona lestur, ég verð ekki einu sinni reið bara óendalegar sorgmædd yfir mannvonskunni sem finnst í heiminum. Ég hreinlega vissi ekki að þessir hryðjuverka andskotar gætu lagst svona lágt.Notfæra sér hjartahreint og saklaust fólk sem treystir öllum. Eitt er með þessa fjanda sem vinna þessi "störf" af fúsum og frjálsum vilja, er kannski farið að minnka ásóknin í þessa vinnu fyrst þeir velja þessa leiðina. Eða eru þeir að spara þá "bestu" fyrir önnur tækifæri. Vá er bara döpur og eiginlega orðlaus yfir þessu.
Varð bara að koma þessu frá mér.

over and out.

Livet er ikke det værste man har og om lidt er Kaffen klar

Eða svoleiðis, drekk nú ekki kaffi en Danmark er dejlig! Helgarferðin okkar Sögu var vel heppnuð í alla staði fyrir utan veðrið sem ekki var beint að fara í sparifötin fyrir okkur. Geðveikt rok og rigning svo ég endaði á að ekki fara niður í bæ og fyrir vikið fannst ég ekki almennilega vera í Köben.En hef nú svo sem alveg komið á strikið ca. milljón sinnum. En hitti samt fullt af góðu og skemmtilegu fólki og hafði það náðugt. Finnst janúar vera góður mánuður fyrir stuttar ferðir. Er svo leið eitthvað þá á vetrinum og veðrinu og þarf á smá tilbreytingu að halda.

Saga var svo dugleg og bara virkilega stór stelpa orðin allt í einu. Ekkert mikið um hlaup og læti og hún hlýddi mömmu sinni. Þar sem hun hefur alltaf verið ansi fjörug og erfitt að ná henni niður oft á tíðum höfum við haldið frekar ströngum aga (svona á íslenskan mælikvarða allavegna) og það er greinilega farið að borga sig. Hún kynnti sig fyrir þeim sem við hittum með handabandi og var svo ægilega kurteis. Hún var ekkert að æða um og skoða í skápa og skúffur þar sem við komum. Fór meira að segja að sofa þegar hún var beðin um það þótt að hinir krakkarnir hafi farið á útopnu eftir alveg gasalegt sælgætisát.Ég var nú eiginlega bara bit hvað þau fengu að úða í sig af nammi en sem gestur er maður nú ekki að segja neitt. Lætur bara eins og ekkert sé.Saga er lítill nammigrís(er stundum ekki viss um að hún sé mín!!!) sem betur fer.Við eigum örugglega eftir að fara í fleiri mæðraferðir saman.

Annars er ég farin að sjá fyrir endan á þessum vetri. Loksins orðið bjart þegar ég kem í vinnuna á morgnana og þegar ég fer heim. Ég er kannski ekki nein sérstök sumarmanneskja, er meiri vor eða haust- svona peysuveðursmanneskja má segja.Samt er ég alltaf farin að hlakka til sumarsins á þessum tíma.

Veðrinu hér má nú ekki gleyma, rigning, frost, snjór, slydda, you name it. Hálka delux! Óveðrið Tuva herjar á suðurströndina, þök fjúka. Óveður a la Iceland.

Og Britney greyið, loksins búið að leggja hana inn. Norsku blöðin eru mjög svo iðin að segja fréttir af henni og svei mér þá ef maður er bara ekki farin að fylgjast vel með hennar lífi enda erfitt að komast hjá því. Maður bara bíður spenntur hvað gerist næst!

Jæja nú ætla ég ekki að snuða neinn um lag vikunar en það er flutt af hinni Írönsku -sænskbúandi Laleh og hefur verið í miklu uppáhaldi frá það kom út í 2006.



Góða helgi
over and out

Stutt og laggott

verður þetta hjá mér í dag, er að fara til Köben með henni dóttur minni.Í svona mæðraferð! Ætlum að gista hjá vinkonu minni sem heitir Nacima en hún á dóttur sem heitir Elisa og er 2 vikum eldri en Saga. Hún er líka með downs heilkenni og við kynntumst þegar þær voru bara nokkra vikna. Höfum haldið sambandi síðan, stundum miklu og stundum minna en alltaf eitthvað band. Hlakka þvílíkt til, er alltaf eins og að koma heim.Á trúlega alltaf eftir að sakna Köben. Hún er mín borg. Hef aldrei saknað Reykjavíkur á sama hátt enda hef ekki búið þar jafn lengi eða allavegna samfleytt jafn lengi. 10 ár er langur tími og svo er nú ekki erfitt að láta sér líka við Köben. En danir er aftur á móti alveg hræðilega gamaldags þegar kemur að fötlunarmálum. Langt aftur í rassi þar. Var rosalega á móti þeirra kerfi en þeir stunda stífa aðskilnaðarstefnu fyrir þessa krakka. Þeir gátu ekki skilið þarna á fötlunarskrifstofunni hennar Sögu þegar hún var lítil að ég vildi að hún gengi í venjulegum leikskóla.Það er ekkert bannað, bara mál og ekki mælt með því.Steinaldarmenn!

En úr einu í annað þá las ég þessa frétt hér á Vísi.is og mikið innilega vildi ég óska að þetta væri lifandi vera Vá hvað yrði gaman. Spáðu ef það loksins eftir allann þennan tíma kæmi í ljós að það væri í rauninni líf á Mars.Hef verið að bíða eftir lífsmarki frá ég var krakki. En þetta er samt örgugglega bara klettur.

Nú þetta var kannski ekki svo stutt. Er allavegna farin. Þessa vikuna ákvað ég að breyta aðeins til legg hér út þetta fyndna video um dani!




Ha' en god weekend alle sammen

Hendi inn hér einni uppskrift

enda orðið langt síðan síðast.
Eldaði þennan fína lax(eða var það bleikja!) um daginn. Svo einfalt og gott og hollt.

600 gr fiskur (hvaða sem er)
2 dl sweet chili sósa
1/2 dl sesamolía
slatti af fersku kóríander hakkað eða hægt að nota úr krukku

þetta er blandað saman og dreift yfir fiskinn sem er svo settur í ofn þangað til hann er tilbúin(það fer svo eftir stærð fisksins).

Með þessu var ég með wokkað grænmeti og núðlur með soyasósu og ristuðum sesamfræum sem ég dreifði yfir fiskinn.

Enjoy.

p.s tók enga mynd svo ég læt hér fylgja mynd af Nemo greyinu, þótt ekki hafi það verið hann sem var til átu.

Austurland og Austurland að glettingi

Norðlæg átt, víða 10-15 m/s og snjókoma eða él, þokubakkar við ströndina. Útlit fyrir hvassa suðaustan átt með slyddu og rigningu og hlýnandi veðri og glerhálku og hræðilegri bleytu og eymd og volæði. Móðir Náttúra haldin alvarlegum valkvíða og veit ekkert hvort á að vera vetur eða vor eða rosalega síðbúið haust. Tókst að týna nýju regnhlífinni minni og komst einnig að því að það er ekki viturlegt að stytta sér leið í glerhálku og vaðandi vatn upp að öklum! Maður sparar hvorki tíma né bleytu.

Annars var hún Swaný hér að spyrjast fyrir um börnin mín, hvort þau gerðu eða segðu aldrei neitt sniðugt. Það held ég nú, all the time. Er bara svo ægilega léleg í að muna svona enda er það ekki eins áberandi eins og þegar þau voru lítil. Baltasar er hættur að klifra upp á 2. hæð og ganga jafnvægisgang á svalahandriði og ekki hefur hann heldur kúkað á tröppurnar úti lengi! Og ekki hefur Saga horfið úr skólanum nú í að verða ár, og ekki hangið utan á 2. hæða húsi. Okkar líf er orðið svo rólegt miða við fyrri ár að manni(og konu(vill ekki fá femínista félag íslands á hnakkann!)) finnst bara lítið gerast.

Saga er að vísu rosa upptekin af að skifta um hlutverk og klæðir sig eftir því. Einn daginn er hún Hermine í Harry Potter og ég verð að laga hárið hennar og svo finnur hún sér dökk föt, eða þá er hún Stefani og vill endilega klippa sig stutt og láta lita á sér hárið bleikt(over my dead body) eða svo er hún hundleiðinlega Lotta sem flytur að heiman og er alltaf í fílu. Okkur leiðist hún.

Baltasar er bara sætur að vanda, komin með tvöfaldan tanngarð í neðri og við verðum bara að bíða eftir að barnatönnunum þóknist að detta út. Er farin að æfa bandy og voða ánægður með það og er ekki enn búin að ákveða hvað hann ætlar að verða þegar hann verður stór. Síðast var það spæari! Hann ætlar allavegna að búa á Mallorca og eiga hunda. Og við megum koma í heimsókn á sumrin.

Þetta var nú bara slatti.

Lag vikunar, Girlpower delux með einni sem hefur verið að í langann tíma. Hefði sko ekkert á mótir því að vera svona glæsileg og svöl á sekstugsaldri. Finnst þetta æðislegt lag hjá henni,rokk on Blondie. Þetta er svona lag sem manni langar til að hoppa við á tónleikum.



Vonandi áttu notarlega janúarhelgi. Over and out frá austurlandi hinu norska

Bloggarar hér og þar og allstaðar

Ég er svona frekar forvitin manneskja að eðlisfari og blogg hefur alveg hitt í mark hjá mér. Í gegnum það get ég "njósnað" um fólk án þess að hanga á glugganum hjá viðkomandi(hætti því um 12 ára aldur).Komist að hinu og þessu, bæði nytsamlegu og svo minna nytsamlegu. Nenni samt ekki að lesa stjórnmálaþvaður og svoleiðis neikvætt - tel það ekki nytsamlegt. Stoppa samt oftast stutt við hjá ókunnugum, finnst skemmtilegra að lesa um vini og kunningja og hvað þeir/þau/þær eru að gera. Mikilvægt að fylgjast með.

Rakst á einn blogg um daginn hjá guðfræðinema sem ætlar sér að verða djákn þegar hún er búin með nám. DJÁKN ! Verð nú bara að viðurkenna að ég er svo vitlaus að ég veit ekki hvað svoleiðis fólk gerir - hef bara heyrt um djáknan á Myrká. Fannst það allavegna voða spennó að ætla að verða djákn!

Og svo eru öll útlensku bloggin með allskonar skemmtilegum myndum og videoum sem er algjör nauðsyn að skoða svona við og við. Mikið hlæ hlæ oft á tíðum. Finnast líka íslensk blogg eins og þetta "fréttablogg". Algjör della en stundum er ágætt að lesa algjöra dellu sem mótvægi við allar harmafréttirnar maður les um í blöðunum daglega.

Matarblogg ættu að vera öllu mataráhugafólki skyldulesning. Það er ekki neitt smá spennandi heimur þarna úti. Það sem maður á eftir að læra í matargerðarlist. Þessi síða er algjör snilld. Ætlaði nú að vera svo dugleg og prófa eina nýja uppskrift á viku en verð nú að viðurkenna að það hefur ekki alveg tekist - enn!

Það er svo mikið spennandi og áhugavert og líka óspennandi og óáhugavert þarna úti í himin-blogg-geiminum. Ætli mitt blogg teljist nú ekki sem það síðara enda færi ég engum neina visku, bara góða tónlist öðru hverju ;-)



Vildi bara blogga aðeins um blogg og deila með ykkur þessum mjög svo krúttlega kettlingi sem ég fann á einum af mínum ferðum um bloggheiminn.

sjáumst á föstudaginn

Djí hvað tíminn líður hratt !

Núna er janúar alveg að verða hálfnaður. Mér finnst ég stundum lifa í einhverju vakúmi,veit ekki alveg hvað verður að tímanum. Finnst ég ekki nota hann neitt gáfulega. Ætla alltaf að æfa meira, borða minna óhollt, elda fyrir alla vikuna, taka til í skápum, læra meira, heimsækja vini mína oftar, fara á tónleika og leikhús og bara lifa skemmtilegra. En fyrr en varir hafa vikurnar liðið og ég hef ekki gert neitt af því sem ég ætla mér. Það var víst einhver vitur maður eða kona sem sagði að "Life is what happens when you're busy making other plans". Mikið rak sú manneskja naglann á höfuðið. Vikan semsagt farið í ekki neitt, hef að vísu farið í gymmið 2x(geðveikar harðsperrur) og svo eldaði ég fisk á þriðjudaginn svo ég hef nú allavegna eldað hollt og svei mér þá eldaði líka stóran skammt af súpu og gat fryst restina(talandi um myndarlega húsmóður). Jú og byrjaði á ljósmyndanámskeiði á miðvikudaginn. Hmm, kannski að það gerist fullt í mínu lífi! Hef bara ekki tekið eftir því.

Annars var hún dóttir mín svolítið fyndin um daginn, hún var að læra heima í stærðfræði og ég var eitthvað að reyna að hjálpa henni. Þetta var ekki alveg að falla í kramið og sagði sú stutta hátt og skýrt við móður sína "Láttu mig vera, ég vill vinna sjálfstætt". Well eksjús mí!Held allavegna að hún eigi sko alveg eftir að pluma sig í lífinu.(Vill vekja athygli á að hún er búin að skifta um nafn og heitir núna Stefani(eða Solla stirða á ísl.))

Lag vikunar er ekki gamallt. Ákvað að breyta aðeins til og taka smá pásu(en bara smá)á þessu gamla og góða og leggja út mín uppáhalds lög bæði róleg og ekki.Troða upp á ykkur mínum tólistarsmekk. Þetta lag hér er með noskri rokk hljómsveit sem heitir Maderudgada, einhverra hluta vegna gáfu þeir út hálfgert kántrílag sem ég fíla bara svona rosa vel. Hvað finnst þér um þetta lag?



Gróðahelgi!

Gleðilegt 2008

Jæja þá er hversdagsleikinn tekinn við. Byrjuð að vinna aftur, pabbi og mamma farin til Íslands og krakkarnir byrjuð í skólanum.

Það verður nú að segjast að 2007 hafi verið viðburðarríkt ár. Eitt að þessum árum þar verða eitthvað nýtt gerist.

Við byrjuðum að leita að nýju húsnæði í 2006.Eftir árs leit fundum við loksins það sem leitað var að og við keyptum loksins nýtt hús sem við tókum við 1.ágúst 2007. Svo byrjaði Baltasar í Levre barnaskóla í lok ágúst. Ég fetjaði í hans fótspor og fór í fjarnám í Háskólanum í Bergen í margmiðlun. Bara ein önn, svona til að bæta aðeins við mig. Við vorum svo allt haustið að koma okkur fyrir og læra heima! Gekk vel í prófum og við erum búin að koma okkur fyrir að mörgu leiti, verðum samt örugglega að í mörg ár. Tekur alltaf tíma að ákveða hvar myndir eigi að vera, kaupa gardínur osfr. Eigum eftir að gera fullt eiginlega en það verður gert smám saman.

Núna fer garðverkefnið mitt að byrja, erum að fara að teikna garðinn og ákveða hvað á að gera í sumar.Við erum með 3-5 ára plan fyrir garðinn. Gera lítið í einu svo maður eyði ekki öllu sumrinu i garðframkvæmdir.Ætlum að byrja á að byggja pall og setja upp sandkassa handa heimasætunni. Hún er enn þar og finnst fátt skemmtilegra en að moka(hún kallar það baka). Verðum að hafa eitthvað fyrir hana að dunda sér í garðinum því hún fer ekkert ein út að leika. Verðum að geta fylgst með henni öllum stundum. Er svo mikill álfur þessi elska. Ætlum líka að rífa upp fullt af ljótum runnum sem hvorki blómstra fallega eða bera ávöxt. Og fjarlæga/flytja rósarunnana sem eru staðsettir undir öllum svefnherbergisgluggunum. Skil ekki hvaða staðsetning það er fyrir rósir. Vespur og aðrar flugur keppast við að halda sig í námunda þessi blóm og fyrir vikið eru vespur á sveimi þar sem við sofum. Ekki sniðugt.

Jólin hafa annars verið ansi ljúf. Búið að slappa mikið af, sofa lengi, borða alveg óhugnalega mikið af öllu góðu og ekki endilega svo hollu. Það var nú enginn snjór hér í jólafríinu en var samt kallt svo það var hægt að fara á skauta. Keypti mér skauta og fór á skauta í fyrsta skifti síðan ég var 12 ára. Verð nú að viðurkenna að það gekk betur en ég hafði reiknað með. Dett allavegna ekki en get nú ekki sagt að ég þjóti neitt um ísinn. Og er búin að gleyma hvernig maður bremsar en það hlýtur að koma. Baltasar byrjaði svo að æfa bandy en hann er nú bara nokkuð seigur á skautum. Saga líka. Pabbi keypti sér skauta og dreif sig á svellið með okkur, gekk alveg vonum framar. Datt allavegna ekki!

Önnur plön eru að ég er að fara á ljósmyndanámskeið, ætla loksins að læra á nýjustu myndavélina mína.Förum til Rómar í apríl en eigimaðurinn verður 40 ára gamall/ungur! Komum til Íslands í júlí og verðum tæpar 3 vikur. Gerum ráð fyrir að heimsækja mágkonu mína í Portúgal líka í júlí.Semsagt nóg að gera eins og alltaf.

over and out í bili.

p.s. gleymdi lagi vikunar í síðustu viku.Gleymi því ekki þessa vikuna.

HANN Á AFMÆLI Í DAG

Pabbi minn á afmæli í dag, er 60 ára. Ekki finnst mér hann nú gamall, hvorki í anda né útliti. Alveg ótrúlega unglegur drengurinn þótt toppurinn sé farin að þynnast! Svo skemmtilega vill til að hann er hérna úti hjá okkur á þessum merka degi og ætlum við að halda upp á daginn með að fara út að borða á voða góðan kínveskan veitingarstað.

Smá myndasería af afmælisbarninu.






Til hamingju með daginn.Hipp Hipp Húrra

Kæri jóli. Ertu hérna enn?

Ætlaði nú ekki að blogga meira á þessu ári, var eiginlega komin í bloggpásu en svo fór ég í vinnuna!!! Erum tvö í vinnunni í dag og nákvæmlega ekkert að gera svo ég sá mér ekki annars fært en að skrifa smá hér svona til að hafa eitthvað fyrir stafni. Ætla að reyna að skrifa hægt svo þetta endist eitthvað.

Við erum búin að eignast nýjan fjölskyldumeðlim, hún heitir Amanda. Hún er vélmenni. Hún vill annaðhvort leika sér,fara á koppinn, borða, sofa eða láta faðma sig. Mér þykir líklegt að ég láti ættleiða hana í lok 2008. Verð örugglega komin með alveg nóg af hennar endalausu kröfum. Saga varð voða glöð að fá hana og lék sér við hana fyrsta kvöldið, allur dagurinn eftir fór svo í að horfa á Latarbæjarmyndina sem hún fékk í jólagjöf svo hún hafði ekki tíma til að leika við hana. Um kvöldið bað hún svo Amöndu um að hætta þessum látum! Vupsi.En hún er nú samt ánægð yfir að eiga dúkku sem segist elska hana.

Baltasar fékk skateboard frá okkur. Var alsæll en ekki eins sæll þegar hann fékk að vita að það væri ekki leyfilegt að "skeita" í stofunni. Og úti var frost og svell.

Annars erum við búin að borða á okkur gat.Hef ekki verið svöng síðan löngu fyrir jól. Er eiginlega farin að sakna þess. Ekkert betra að borða en þegar maður er svangur,maturinn bragðast svo miklu betri fyrir vikið.En það sem maður hefur torgað af smákökum og konfekti. Veit hverju ég þarf að byrja á eftir áramót.

En nú er víst föstudagur og ég get nú ekki verið þekkt fyrir að blogga á þeim degi og sleppa lagi vikunnar. Þekki eiginlega engin nýárslög en fannst það svo tilvalið að velja nýárslag. Mundi þó eftir þessu. Alveg sama hvað er hægt að segja um þetta fólk þá voru þau alveg brillíant hljómsveit.




Gleðilegt ár og þakka það gamla.

Vill að lokum leggja til link fyrir ykkur sem hafa 10 mínutur aflögu. Þessi eldgamla mynd er alltaf sýnd um jól eða áramót í Noregi og Danmörku og er alveg ómissandi finnst mér.
Þú getur séð hana hér.

Dagur 24. Kæri Jóli

(ha ha fannst hann bara svo sætur og fyndin að ég varð að velja hann sem bloggjólakortið mitt)


Gleðileg jól og farsælt komandi ár. Þakka innlit á liðnu ári. Vonast til að vera dugleg í blogginu á komandi ári.


skjáumst síðar!
en hvernær það verður veit nú enginn
vandi er um slíkt að spá
eitt er víst að alltaf verður ákaflega gaman þá

Dagur 21. Kæri Jóli

Á morgun er ár frá því að afi minn á Nesinu dó.
Voru nú smá skrýtin jól í fyrra. Fór til Íslands helgina fyrir jól til að kveðja hann en hann var orðin voða lélegur og það var auðsjáanlegt að hann ekki átti langt eftir. Hann var búin að vera að bíða eftir eilífðinni lengi að eigin sögn. Svo dó hann, ekki óvænt en alltaf samt sorglegt þegar fólk deyr.Sérstaklega fólk sem maður hefur verið svo náin alla æfi. Hann var jarðsettur í janúar svo öll jólin var maður hálf stressaður og sorgmæddur. Daginn sem hann kvaddi formlega fæddist svo lítil stelpa í fjölskylduna. Merkilegur dagur.
Við áttum eitt uppáhaldslag saman. Þegar ég bjó hjá honum og ömmu spiluðum við þetta lag oft og eftir ég flutti þaðan og kom í sunnudagssteikina gerðum við það sama. Þetta síðasta lag ársins vill ég tileinka afa mínum.



Góða helgi

Dagur 20. Kæri Jóli

Þá er búið að kaupa jólagjafirnar.Jibbí jæ.

Allan desember hafa verið aulýsingar í sjónvarpinu fyrir talandi dúkku og Saga hefur nú verið ansi spennt fyrir henni. Ég hugsaði með mér að ég gæti nú farið og skoðað dúkkuna því við höfum alltaf gefið börnunum okkar svo praktískar gjafir og vorum búin að ákveða að vera ópraktísk í ár.Ég út að skoða dúkkuna. Ekki leist mér nú á þetta krípí talandi dæmi og ekki batnaði það þegar mér var sagt frá stelpu sem hafði fengið svona dúkku í fyrra. Eitt kvöldið þegar hún var sofnuð lá dúkkan úti í horni og allt í einu gellur í henni "Ég er einmanna". Mamman fékk næstum því hjartaáfall en þessi krípí dúkka er þá vélmenni dulbúin sem dúkka. Ég ákvað að ekki kaupa svona dulbúið vélmenni.

En viti menn, haldið þið ekki að ég og eiginmaðurinn hafi drifið okkur í shopping leiðangur á föstudaginn í síðustu viku og komið heim með eitt stykki talandi krípí vélmenni dulbúið sem dúkka.Við hugsuðum með okkur að þetta er i fyrsta skifti "ever" að Saga óskar sér einhvers í jólagjöf og ákáðum að verða að ósk hennar. Það er þá alltaf hægt að taka batteríin út ef þetta fer að fara með geðheilsuna hjá manni!

Annars eru pabbi og mamma að koma í dag og það verður voða gaman.

Over and out

Dagur 19. Kæri Jóli

Kveðja frá Noregi þar sem er 10 stiga frost og bara ííískalt. Brrr!

Dagur 18. Kæri Jóli

Kannski eru einhverjir að spá að byrja nýtt líf á nýju ári. Hætta að reykja (done that!) !. Eða fara í megrun (næsta ár!) eða hafa voða fínt heima hjá sér (ekki ég!), eða láta sér nægja að hafa fínt í fataskápunum hjá sér (hmm ekki svo vitlaust ). Ef svo er þá ertu heppnasta manneskja "on þis planet" því ég fann þetta bráðsniðuga video sem kennir manni að brjóta saman boli á "nó tæm" ! Gvuð hvað ég hlakka til að geta nýtt mér þetta á nýju ári. OG svona fyrir ykkur sem ekki kunna svona útlensku - ekki vera leið því ég skil ekki orð sjálf!

þætti fróðlegt að vita hvaða snillingur eyddi tíma í að finna upp á þessu. Enn og aftur og aftur segi ég að sumir hafa bara alls ekki nóg að gera.




Á morgun er alveg komin tími til á eitt jólalag.

Dagur 17. Kæri Jóli

Í dag eiga margir nóg af öllu. Maður er alveg í vandræðum þegar fólk spyr hvað manni vanti. Mér finnst ég ekki vanta neitt, en auðvitað langar manni í fullt af hlutum en ekki af nauðsyn, bara afþví mér langar í eitthvað nýtt og fallegt.

Fleiri hjálparstofnanir eru farnar að bjóða fólki upp á að styðja þá sem minna meiga sín. Svo í staðin fyrir að gefa vinum og fjölskyldu gjafir sem þeim eiginlega ekki vantar eða langar í getur fólk keypt geit, moskítónet,asna grís eða kjúkling handa þeim þurfa á því að halda..Eða svo er hægt að gefa börnum ömmuog svo súpu handa fátækum börnum í Rússlandi. Hvað er betra en að gefa fólki eitthvað sem því sárvantar. Get svarið að ég hefði miklu frekar viljað svona gjöf í staðin fyrir uppþvottaburstan og eldhúsklútinn sem ég fékk í fyrra frá mágkonu minni (ekki til að vera vanþakklát eða neitt!).

Svo er líka hægt að gefa svokallað "microlán" til fólks víðsvegar um heiminn sem er að reyna að stofna fyrirtæki. Maður fær svo að fylgjast með þeim einstakling sem maður lánar peningana til. Mjög sniðug.Hér er ein vefsíða sem býður upp á þessa þjónustu.

Annars það heitasta af okkur að frétta að mér tókst loksins að baka piparkökurnar. Með diggri aðstoð eiginmanns og sonar, eiginlega þá dreif ég mig í heimaspa og þegar ég var búin voru þeir búnir að baka piparkökurnar. En ég var að sjálfsögðu aðalskipuleggjarinn !

Dagur 14. Kæri Jóli

Föstudagur eina ferðina enn. Sem betur fer, sumar vikur eru eitthvað svo langar. Bakaði 2 smákökusortir í gær, eða bjó til deigið.Þarf að baka þær um helgina. Piparkökurnar aftur á móti eru enn á "stand by" !Meira hvað það er erfitt að baka þessar piparkökur.

Fór á þetta ljómandi skemmtilega "eitís show" á miðvikudaginn með mínum heittelskaða. Fórum fyrst út að borða. Það var nú synd að þetta ekki var á föstudegi því maður fór í þvílíkt rífandi stuð. Voru með skemmtikrafta frá Englandi, Katrina and The Waves og Cutting crew sem spiluðu meðal annars "I just died in your arms"".Og svo fullt af nossurum og svíum sem sungu og spiluðu þekkt lög frá þessum tíma.Fullt af fullu fólki sem var á julefrokost og svo við edrú en í banana stuði.


Lag vikunar er tekið úr enskri gamanmynd,sá hana aftur um daginn og komst að því að mér finnst bara þessi mynd bara ansi skemmtileg.Finnast alltaf englendingar svo fyndir.Og þessi karakter er alveg yndislega óyndislegur. Varð nú bara að hafa eitt svona "anti" jólalag með.Og takið eftir pæjunum í laginu, minnir ansi mikið á einn þekktan frá "þe eitís".



Góða helgi, sjáumst á mánudaginn!

Dagur 13. Kæri Jóli

Jólakötturinn er búin að segja upp starfi sínu sem jólaköttur og óskar þess að hér eftir verði komið fram við hann eins og hvert annað barn.

Dagur 12 Kæri Jóli

Sko eins gott fyrir ykkur karlmenn að gefa okkur konum það sem okkur langar í!!!!!

Dagur 11. Kæri Jóli

Ekkert eins jóla eins og ískalt kóla!



mér fannst alltaf strákurinn með kúrekkahattinn svo sætur þegar ég var lítil. Núna eru myndgæðin orðin svo léleg að maður sér bara ekkert hvernig hann lítur út.Kemst alltaf í jólaskap þegar ég heyri þetta, minnir mig á þegar ég var lítil.Hef ekki séð þessa auglýsingu hér í útlöndunum, einhver sem veit hvort þetta sé enn sýnt í því íslenska?

Dagur 10. Kæri Jóli

Jólatónleikar yfirstaðnir og lífið fer að komast í fastar skorður eftir miklar æfingar. Fínir tónleikar að vanda en því miður sá ég Sögu ekki neitt því ég sat á svo vondum stað )-:Ferlega fúlt.Gat ekki einu sinni tekið myndir. En annars gekk allt vel.

Baltasar tók svo þátt í fimleikasýningu í gær og það var voða gaman að sjá það.Sérstaklega þar sem þetta er trúlega sú eina sem hann tekur þátt í, allavegna í bili. Vetraríþróttirnar verða hafðar í fókus eftir áramót og svo ætlaði besti vinurinn að hætta í fimleikum og þá vildi minn maður það líka. Mér finnst fínt að hann fái að prófa sem mest núna þegar hann er svona lítill og getur þá frekar ákveðið hvað hann vill halda áfram með þegar fram líða stundir.

Gerðum tvær tilraunir að baka piparkökur um helgina en fór alveg í hundana í bæði skiftin og prófum aftur í dag. Ferlega eitthvað lint þetta piparkökudeig frá Ikea í ár. Eðalvara eða þannig! Bakað samt eina plötu og fékk piparköku ilminn um allt hús. Og svo eru seríurnar komnar upp. Minn maður dreif sig í búð á laugardaginn og kom heim með þessa fínu útiseríu og hengdi upp. Rosa fínt. Norðmenn eru svo leiðinlegir í þessu ljósastandi að þeir eru varla með seríur.BORING!



Þessir sexý gæjar í hljómsveitinni Garvis(aldrei heyrt um hana en grunar að hún sé gömul)fá að prýða blogginn minn þennan mánudagsmorgun.Þeir eru bara yndislegir og ekkert meira um það að segja. Sjáumst á morgun.

Dagur 7. Kæri Jóli

Föstudagur eina ferðina enn - surprise! Á morgun er jólatónleikar Dissimilis.Búið að vera mikið um að vera þessa vikuna hjá Sögu við æfingar og workshop en það er Dissimilishópur frá Rússlandi sem ætlar að taka þátt í tónleikunum og vikan hefur farið í æfingar með þeim. Þetta er 3. árið sem Saga er með í þessu og orðin hefð. Kemst í þokkalegt jólaskap. Og svo fær maður alltaf tár í augun og svoleiðis því þessar elskur eru svo sæt og saklaus. En það sem þau eru dugleg. Það er einn sem spilar á hljómborð sem er blindur og spastískur, já hann kann að spila og það vel og syngur líka ágætlega. Spilar í kross!! Er það hægt þegar maður er blindur og alltaf með krampa spyr maður sjálfan sig - já greinilega.

Lag vikunar er Himlen i min famn með Carola(komandi íslandsvinkona)sem Dissimilis flutti svo vel í fyrra og verður að segjast þá líkaði mér flutningur þeirra betur enda fíla ég ekki Carola neitt sérstaklega.En þetta er samt voða fallegt lag.

Är du en av tusen små?
Är du han dom väntar på?
Du mitt lilla barn,
en ängel givit namn.

Är du jordens dolda skatt?
Jag fått skydda denna natt.
Är det själva himlen
som jag gungar i min famn.

Vem har tänt den stjärnan som speglas i ditt öga
Himmeldiamanten, över staden betlehem



Tek mér helgarpásu.Verð tilbaka á mánudaginn til þess að koma þér og þínum í jólastemningu!

Góða helgi

Dagur 6. Kæri Jóli

Áttu jóla-gardínur? Ég bara spyr því ég var að lesa blogg hjá íslenskri konu og þar var verið að tala um að gera klárt fyrir jólin og það fyrsta sem hún ætlaði að gera var að setja upp jólagardínurnar. Hvað er fólk að stressa sig á að setja upp jólagardínur? Fatta þetta bara ekki.Hef nóg annað að gera.Eins og að horfa á þessa bráðskemmtilegu jólamynd. Algjört must fyrir hver jól.Ef þú nennir ekki að horfa á alla myndina er smá bútur hér sem ég hlæ alltaf jafn mikið að - allavegna þegar hann verður smámæltur.

Dagur 5. Kæri Jóli

Ertu byrjuð/aður að baka fyrir jólin ???

Ég ætla að baka 15 smákökusortir í ár og laufabrauð, kleinur og jólakrans - eða nei annars held ég láti mig nægja að baka 4 sortir. Ein af þeim verður IKEA piparkökudeig sem við bökum á hverju ári.Svo það verða bara 3 sortir sem ég þarf að hnoða sjálf - eða mamma!!! Nei ætli ég baki ekki Hákonarkökurnar sjálf. Það eru kökur sem ég fann í dönsku blaði og er orðin hefð að baka á mínu heimili. Alltaf gaman að finna upp á einhverjum hefðum sjálf.

Uppskriftin hljóðar svo:
200 gr mjúkt smjör
90 gr flórsykur
75 gr hrámarsipan
1 vanillustöng sem maður skefur kornin úr
tæplega 250 gr hveiti

og líka 1 egg og hrásykur sem deiginu er vellt upp úr áður en það fer í ofninn.

smjörið og flórsykur hrært saman, vanillustöng og marsipani bætt útí. hveiti bætt út í og hrært lítilegga þar til það hangir saman. látið í ísskáð í 1 - 1 1/2 klst. Tekið út og formað í 4 2 1/2 cm rúllur sem er pakkað inn í filmu og látið bíða yfir nótt eða lengur. Eggið slegið og rúllunum velt upp úr egginu og svo hrásykrinum. Skorið í 4-5 mm skífur og sett á plötu. Hent inn í ofn í 12 - 15 mín á 175 gráðum. Látið kólna á grind áður en kökurnar eru settar í jólakökudall einhvern.

Alveg með eindæmum góðar smákökur sem er alveg þess virði að eyða smá tíma í að gera.

Og takk fyrir afmæliskveðjurnar.Ég hélt upp á hann með því að borða ís !! (talandi um spennandi líf)

Dagur 4. Kæri Jóli

Ég á afmæli í dag
Ég á afmæli í dag
Ég á afmæli sjá..álf
Ég á afmæli í dag

Ég er 29 ára í dag
Ég er 29 ára í dag
Ég er 29 ára ég sjá..álf
Ég er 29 ára í dag

eða hvað!

Dagur 3. Kæri Jóli

Jólamánuðurinn var hringdur inn með ælunni kl 4 á aðfaranótt laugardags. Dejlig. Við hjónin á fætur að skúra, sonurinn drifinn inn á bað í hreinsun, bæði utan og innan. Var ekkert smá hreinn allstaðar. Svo tók eiginmaðurinn við !Ælulykt ekki beint til að koma manni í jólaskapið.

En aftur á móti kemst ég í jólaskap af mandarínulykt. Og piparkökulykt. Og lyktin af hangikjöti sem er að sjóða. Ojá, núna verður skrúað upp í jólafílingnum. Fékk geisladisk í fyrra sem inniheldur 100 íslensk jólalög. Hann verður spilaður í tætlur. Íslenskt - já takk. Engin útlensk jól fyrir mig og mína.Hvað er jólalegra en að hlusta á "jólahjól" og borða mandarínur. Fátt held ég.

Undir jólahjólatré er pakki
undir jólahjólatré er voðalega stóóóóór pakki.....

Snillingur sem fann upp á þessu lagi - ég meina hvað er jólalegra en hjól - jólahjól?

Dagur 1(næstum því). Kæri Jóli.

Gasalega lítið að frétta,ein af þessum vikum sem maður veit varla að hafa liðið svo viðburðalítil hefur þessi vika verið. BORING!

En á morgun er komið að því, sjálfur jólamánuðurinn að byrja. Ætla að reyna að vera með jólablogg á hverjum degi þennan mánuð (nema um helgar)með ýmiskonar tónlist, myndum, uppskriftum, tenglum og jólajóla og háfleygum orðum um jólin eins og mér einni er lagið. Hvað maður gerir ekki til að koma fólki í almennilegt jólaskap :-)


Til að hringja inn þennan stressandi en samt skemmtilega mánuð ákvað ég að lag vikunnar væri jólalag sem glymur í útvarpinu alveg þræloft. En aldrei er góð vísa of oft kveðin !(en sem betur fer er hún bara kveðin einn mánuður á ári). Þar sem þetta hefur glumið í eyrunum á manni hver jól síðan "þe eitís" þá kann maður líka tekstann svo vel. Svo taka nú upp hárburstan og syngja með - allir saman nú.



Have a nice weekend!

Gaggó Hepp(í minningunni)

Get svo svarið að fannst mér ég sjá Guðmund Inga gamla skólastjórann minn úr Heppuskóla út í búð rétt áðan. Algjör tvífari! Það var sem rollur færu um mig alla við flashbakkið! Það sem þessi stutti maður gat gert mann stressaðan á árum unglingaveikinnar. Hvernig er hægt að gleyma reglulegu undirborðplötu -spörkunum sem hann heiðraði okkur með þegar uppúr sauð.

Og það glymur enn í eyrunum á mér "þú veraldar sauður og "ég gæti alveg eins talað við vegginn eins og að tala við ykkur". Já hann kunni lagið á okkur unglingunum. Sé hann fyrir mér ganga um í stutterma skyrtu og svörtu klossunum sínum. Afhverju gengur allir kennarar í þessum skóla í klossum eiginlega. Var það til að geta sparkað undir borðin hjá okkur með stæl!

Minn árgangur byrjaði í gaggó einu ári of snemma því það var ekki pláss fyrir okkur í barnaskólanum(eða voru þau bara búin að fá nóg af okkur þar). Stuttu eftir að ég byrjaði í Heppuskóla var kallað á okkur og sagt að nú væri messa. Ég fékk nett sjokk, hélt að við ættum að fara í guðsþjónustu með sálmum og alles. Nei aldeilis ekki, þetta var nafnið á einskonar samverustund með nemendum, kennurum og að sjálfsögðu Guðmundi Inga. Grunar að þetta hafi átt að vera munnlegt skólafréttabréf en oftar en ekki vorum við skömmuð í þessum messum. Eða man allavegna best eftir skömmunum. Eins og þegar Ægir kveikti í einhverjum hugmyndakassa, skildi aldrei afhverju það þurfti að skamma okkur öll fyrir það!

Ekki öfunda ég þessi kennaragrey að hafa þurft að kenna mínum bekk! Það fara trúlega rollur um hjá þeim þegar þeir hugsa um okkur. Ekki allir nemendur hafa reynt að troða enskukennaranum sínum út um gluggann!!

Fyndið að allt í einu gerist eitthvað sem fær mann til að hugsa um löngu gleymda atburði.

Later!

Það er komin fö fö föö fö föstudagur rappetírapp!

Já svona er ég dugleg að rappa.

Föstudagur enn og aftur ef það skildi hafa farið fram hjá einhverjum. Veðrið:rok og rigning - mmmm dejlig. Vikan: lokaverkefni, lokaverkefni og aftur lokaverkefni. Helgarplön: lokaverkefni. Sonur og eiginmaður ætla að leggja land undir fót og heimsækja tengdó í svíþjóð og kaupa vín og annað smátterí fyrir jólin. Við mæðgur ætlum að vera heima saman og hafa það notó (svona þegar ég ekki er að skrifa lokaverkefni).

Lag vikunnar er æðislegt danslag. Ekki eins gamal og marg annað sem ég set hérna.Hækka í hátölurunum og sheik som es.




Gróðahelgi allesammen.

Sumt fólk ..arg....

Gott að hafa stað sem norðmenn aldrei komast, bloggið mitt.

Varð ekkert smá reið á laugardagskvöldið. Það var nefninlega svoleiðis að Sögu hafði verið boðið á afmæli á sunnudaginn,hitti pabba stelpunnar á föstudaginn kl 15:00 og sagði honum að stuðningsfulltrúinn hennar Sögu væri veik svo að hún yrði að koma ein í afmælið(hefur stundum stuðning með sér). Hann sagði að það væri ekkert mál. Við út að kaupa afmælisgjöf sem Saga fékk að velja alveg sjálf og hún var svo sæl. Klukkan 9 á laugardagskvöldið hringdi svo mamma stelpunnar og til að gera langa sögu stutta voru skilaboðin þau að Saga fengi ekki að koma í afmælið nema hún kæmi með stuðning með sér því þau gætu ekki farið að eyða tíma í að elta hana á röndum allt afmælið! Alveg sama hvað ég reyndi að útskýra fyrir henni og fullvissa hana um að það væri ekkert mál í tveggja tíma afmæli að hún væri ein. Nei hún gaf sig ekki og á sunnudaginn varð ég að útskýra fyrir dóttur minni að hún gæti ekki farið í afmælið.Það var svo sem enginn krísa fyrir Sögu því við fundum upp á fullt af öðru skemmtilegu að gera fyrir hana þann daginn en ég varð bara svo reið. Gat kellinginn ekki hringt á föstudaginn svo við fengjum smá fyrirvara og gætum reynt að leita betur (búin þá að hringja í 3 stk.)eða ákveðið straks að hún færi ekki og sleppt þessu gjafa veseni og tilhlökkun hjá henni. Saga harðneitar að hafa mig með sér, verður erfið og reið ef ég er eitthvað að sýna mig við svona tækifæri og mér finnst það allt í lagi því hún er orðin það stór að hún vill vera sjálfstæð. Sumt fólk er bara svo ...eitthvað, á eiginlega ekki orð yfir það.

over and out.

Vikulok

Kuldaboli kominn í heimsókn. Trúlega komin til að vera. Er byrjuð á lokaverkefninu mínu sem ég á að skila 4. des. Brjálað að gera við það. Saga á fullu á æfingum m. Dissimilis. Fastir liðir eins og venjulega (nema það er ekki kviknað í eldhúsinu hjá Indriða!).

Lag vikunnar er bara svo yndislega lummó-skemmtilegt , datt niður á það fyrir tilviljun og bara varð að hafa það með. (Minna svolítið á tvíburana sem unnu alltaf spurningakeppni framhaldsskólana á mínum ungu árum. ) Ef þig langar til að dansa með þá hentar vel að hafa hendur fyrir framan sig og smella saman fingrum á meðan þú hoppar til skiftis til hægri og vinstri og lyftir hnjánum hátt.Elegant danspor á föstudegi.



góða helgi.

Er barnið þitt alltaf að stinga af ?

Hér er lausnin. (Er svekkt yfir að mér hafi ekki hugkvæmst þetta þegar krakkarnir voru sem fjörugust!)Anginn fær meira að segja bangsa til að leika sér að.

63 börn misstu mömmu sína

á síðustu 7 árum hér í Noregi. 72 konur hafa verið myrtar af eiginmönnum eða kærustum á þessu tímabili. 2/3 af morðingjunum hafa verið menn sem upprunalega koma frá öðrum löndum. Þetta er algjör skandall. Í þessu ríka landi þar sem allir monta sig af velstandi og svo þetta. Einhver blaðamaður tók þetta saman og birti í blöðunum og norskir stjórnmálamenn eru alveg í sjokki. Og ég skil það alveg, þetta eru 10 konur á ári + +. Það er eitthvað mikið að. Og hvernig á að túlka það að það eru svo margir útlenskir menn á meðal morðingjana? Hefur norska ríkið brugðist þessum mönnum, hafa þeir kannski ekki fengið vinnu eða fundist þeir vera hluti af þjóðfélaginu. Eða er þetta ekkert tiltökumál að drepa konuna sína í þeirra kúltúr. Finnst það nú ólíkleg. Eru menn búsettir í Noregi (norskir og útlendskir) afbrýðusamari en aðrir menn. Maður bara veit ekki hvað veldur þessu. Ömurlegt, hræðilega sorglegt og ógnvekjandi. Ekki til að eyðileggja daginn þinn eða gera þig þunglynda varð bara að segja frá þessu. Finnst þetta svo hræðilegt.
Have a nice day

Norska Óperan 2008

Saga er í tónlistar og danshóp fyrir þroskahefta sem heitir Dissimilis. Þar er hægt að læra á hljóðfæri, vera með í kór, danshópum, hljómsveitum og svo eru unglinga og barnahópar. Saga er í barnahópi. Það eru Dissimilis hópar út um allan heim orðið og við höfum hitt hópa frá Kúbu, Sri Lanka og Rússlandi. Við sem eigum börn í þessum hóp sjáum hvað svona tómstundir skifta fólk miklu máli. Flestir sem taka þátt eru fullorðir og fyrir marga eru þetta eina frístundarstarfsemin sem þau stunda og það er mjög áberandi hvað öllum finnst æðislega gaman að vera með í þesum hóp. Á hverju ári eru haldnir jólatónleikar, á sumrin er Dissimilisfestival og svo er reglulega sett upp stór sýning. Síðast var sýning 2006 í Tónlistarhöllinni í Osló og eftir það var sama sýning sett upp á 2 öðrum stöðum á landinu og við fórum semsagt í tónleikaferð.

Næsta ári opnar svo nýtt óperuhús í Osló.Dissimilis verður með á opnunarhátiðinni sem eru fleiri sýningar sem verða settar upp næsta haust og setur upp verk sem heitir "Jenný - öðruvísi ópera", þetta verður sýnt 6 november 2008. Í gær var kynningarfundur á verkinu og hlutverkaskránni var deilt út. Þetta verður ekkert smá verkefni. Auka æfingar allt næsta ár, 2 vikur næsta sumar í workshop og ég veit ekki hvað. Maður skildi halda að maður þyrfti ekki að vera að stressa neitt svona heil ár fram í tímann en þar sem allir eru þroskaheftir og æfa bara á kvöldin er þetta örugglega ekkert of snemmt. Það þarf að undirbúa þetta fólk mjög vel og litlar breytingar geta ollið miklu ójafnvægi hjá mörgum. Það var einn á fundinum í gær sem hafði stórar áhyggjur af að hann gæti ekki farið í sumarfrí næsta sumar út af æfingum en fékk loforð um að þetta ætti ekki eftir að eyðileggja nein sumarplön fyrir fólk og hann róaðist samstundis. Sem betur, fer því hann er einn af aðal söngvurunum.

Allavegna þá verður þetta voða spennandi, Saga var valin til að vera "andlit" sýningarinnar ásamt Jóni vini hennar og nátturulega aðal söngkonunni en þau fóru í myndatöku um daginn niður í óperu, ægilega fínar myndir sem verða á leikskránni og plakötum geri ég ráð fyrir.(veit ekki hvort ég má birta myndirnar svo ég bíð aðeins með það) Var meira að segja mynd ef henni á kökunni sem var boðið upp á í gær að loknum fundi. Hef aldrei "borðað" dóttur mína áður. Bragðaðist ágætlega! Svo að ef þú átt leið um Osló í november á næsta ári er bara að drífa síg í óperuna.

Jæja nú er komið að því sem allir hafa beðið eftir. Lagi vikunnar.Gamalt að vanda(þarf eiginlega ekki að taka það fram lengur). Eitt af mínum uppáhalds ever. Ekkert stuðlag bara voða næs.



Góða helgi allez.

Er frekar laus þessa dagana!

Það er að segja andlaus. Kannski það er allt þetta myrkur sem er að hellast yfir mann Í gær var orðið dimmt kl 15:30, var að vísu mjög þungskýjað en það var búin að kveikja á ljósastaurum kl 4. Það er víst ekki hægt að komast hjá því - veturinn er alveg að koma. Eins og ég er lítið fyrir vetur. Er fín haust manneskja, og vor og sumar en veturinn er ekki alveg mitt uppáhald. Sérstaklega ekki hér í Noregi þar sem er brunnakuldi og snjór í fleiri mánuði.

Fyrsta veturinn minn hér kom fyrsti snjórinn um miðjan oktober og fór ekki fyrr en í lok apríl. Við vorum ekki með bílskúr og það var ekki gaman að setja krakkana inn í kaldann bíl (15 stiga frost á nóttunni)og skrapa rúðurnar á bílnum. Nágrannarnir kvörtuðu þegar ég reyndi að hita bílinn smá áður en við fórum út svo ég gat það ekki. Greyin þau grétu á hverjum morgni þrátt fyrir að ég breiddi yfir þau teppi og dúðaði þau eins og mér einni er lagið. Það get ég svo svarið að ég bölvaði þvílíkt allann þennan vetur - en ég bölva venjulega í mig hita. Og það merkilega við það er að það virkar. Það er kannski afþví ég er svo nálægt djöflinum þá! Eða að ég er svo upptekin við þetta að ég gleymi hvað er kallt. Hver veit.

Enn eitt er víst og það er að mér er farið að hlakka til jólana. Pabbi og mamma koma og það er bara alltaf svo gaman á jólunum. Verð alltaf eins og 5 ára á aðfangadagskvöld, svooo gaman að opna pakkana og borða góðan mat og hafa það notalegt í hreinu og fínu húsi. Jibbí. Var meira að segja að spá hvort ég ætti að vera með jólablogg, svona dagatal eiginlega. Sé til hvað ég geri.

Tíminn líður hratt!

Man þegar ég var barn og unglingur og manni fannst tíminn alveg geðveikt lengi að líða. Þeir dagar eru löngu horfnir. Núna fljúga árin áfram á þvílíkum hraða að maður verður bara alveg bit. Enn einn föstudagurinn að skella á. Vikan bara svona meðal vika. Setti vetrardekk á bílinn því nú er farið að kólna hér. Frostið á næsta leiti.

Pantaði mér nýjan sófa en hinn er orðin aðeins of lítill fyrir okkur. Sitjum ekki beint kósí þegar við öll erum samankomin þar, meira eins og sardínur í dós. SVO ÓSKAR ÉG TEK MYNDIR ÞEGAR NÝJI SÓFINN VERÐUR KOMIN Í HÚS.

Lag vikunnar er aldrei þessu vant ekki frá mínum unglingsárum.Það er frá mínum fyrstu árum í Köben. Margar góða minningar sem tengjast þessu lagi.Og svo er nú ekki verra að þarna er íslandsvinur á ferð!



OG ekki má gleyma að tilkynna að núna er komin vetrartími hér svo að það er bara klst. munur á Íslandi og Noregi.Vill líka minnast á að það er komin vetur, hitastig núna kl 8:57 er 0.7 gráður.

Hev a næs víkend.

Skipulag!

Búin að skipuleggja mikið síðustu vikunar. Sem kona, eiginkona og móðir er ekkert eins mikilvægt. Ég er aðalskipuleggjarinn á þessu heimili, maðurinn minn kemst ekki með tærnar þar sem ég hef hælana þegar kemur að skipulagningarhæfileikum.

Fyrst þurfti að skipuleggja 2 afmælisveislur. Þá fyrri á McDonalds og ég sem var búin að lofa því að aldrei halda upp á barnaafmæli á þeim staðnum. Stundum grípa örlöginn inn og breyta öllu (eða dóttir manns). Svo þurfti ég að skipuleggja hina sem var fyrir fjölsk og vini, venjuleg veisla með hornum sem maðurinn minn bakar svo snilldarlega (en ég skipulagði vandlega að sjálfsögðu). Herbergið hennar Sögu var gert fínt fyrir þann daginn og það þurfti nátturulega að skipuleggja og kaupa nýtt rúm og lampa og setja upp fínu ljósaseríurnar frá ömmu(mömmu minni semsagt).

Og svo var það langtímaverkefni og aðal skipulagið sem var eldhúsið. Þegar við fluttum henti ég öllu inn í skápa af handahófi og ég var hreinlega að ganga af göflunum á endanum. Algjört kaos í skúffunum, hnetur, kökukefli,pennar, skæri og hleðsl utæki í einni. Viskustykki og skólaverkefni í annari og ég gæti haldiðendalaust áfram en ætla ekki að gera það. EITTHHVAÐ VARÐ AÐ GERA! Svo síðustu helgi byrjaði ég á þessu skipulagi. Komst að því að fyrrverandi íbúar hér hafa verið með eindæmum lítið skipulögð og ekkert spáð í hversu margar hillur eru í skápunum. Þær eru einfaldlega of fáar svo ég er með tómarúm efst í hverjum skáp. Illa farið með gott pláss segi ég nú bara.

Svo þarf maður nátturulega að fara að skipuleggja garðframkvæmdir(það verður samt fyrst í vor), og svo fataskápana en þeir eru í vondum málum og svo jólin. Ég held hreinlega að þetta heimili myndi bara líða undir lok ef ég væri ekki svona skipulögð.

Hef ekki tíma í meiri skrif núna því ég þarf að fara að skipuleggja!

p.s einhver heyrt um andlits og hrukkukremið Allatoin(hægt að kaupa það á TV shop) sem er framleitt frá slími frá sniglum. Einhver húsmóðirin hefur örugglega þurft að skipuleggja ALLT sem hefur komið nálægt hennar heimili. Aumingja sniglarnir!

Vikulok

Þá er enn ein vikan liðin og helgin blasir við. Síðasta vika hefur einkennst af afmælum. Saga hélt upp á afmælið sitt síðasl. föstudag á McDonalds. Ég sem hafði lofað mér að aldrei halda upp á afmæli þar en stundum grípa örlöginn inn(eða dóttir manns)og breyta öllu. Henni fannst þetta æði!!!! Laugardag var svo fjölskyldan samankomin í áframhaldandi afmæli. Sunnudag var Sögu svo boðið í enn eitt afmælið en á leiðinni þangað lenti bíllinn sem keyrði henni þangað í árekstri. Hún slasaðist ekkert eða hlaut neina áverka sem betur fer, en mitt litla hjarta hlaut áverka.Maður verður nú smá stressaður þegar svona gerist.

Fyrir utan afmælisstand hafa veikindi verið að hrjá okkur hjónin. Hálsbólga með hósti, harki og ræskingjum hafa tekið yfirhöndinni. Haustið er svo greinilega komið bæði úti og inni.

Saga var að dansa á miðvikudkvöld með Dissimilis fyrir hásetta stjórnmálamenn. Securitas gæsla og læti. Hún fer að þurfa á lífverði að halda!

Baltasar lifir nú ekki jafn spennandi lífi og systir hans að þessu leiti en hann er svo ánægður yfir að hafa loksins flutt á stað þar sem eru krakkar að leika við að við sjáum hann eiginlega aldrei. Hann er alltaf úti. Búin að eignast nýjan besta vin sem býr í húsinu við hliðina. Pókamonir og fótbolltakort tröllríða öllu þessa dagana og ég skil ekki afhverju skólarnir geta ekki bannað þetta. Strákar í dag leika sér ekki lengur í frímínútum, þeir sitja á rassinum og bítta kortum og fígúrum. Engin furða krakkar í dag séu feitari en fyrr. Sem betur fer er Baltasar mest fyrir að hlaupa og ærslast í frímó svo hann er nú alltaf á fullu en hefur samt mikin áhuga á þessu drasli. Búin að týna pókamon möppunni sinni með öllum kortunum og öllum körlunum! Fær ekki nýja fyrr en hann lærir að passa upp á hlutina sína (búin að týna jakka, fleiri peysum og fullt af dóti síðan í lok ág). Kannski er ég svona vond mamma en mér finnst að ef hann getur ekki passað upp á hlutina sína verði hann að sýna að hann geti það áður en við förum að eyða aftur fortjún í að kaupa allt nýtt. Búin að gera það einu sinni því ég þvoði um 100 kort rétt fyrir skólabyrjun og það varð að sjálfsögðu að bæta drengnum það!


Lag vikunar er stuðlag, alveg rosa fínt að hlusta á þegar maður er að þrífa, það verður svo léttara fyrir vikið. Maður verður nefninlega alltaf að dansa smá. En því miður enginn Hlíðartúnsfílingur hér - ekki alveg eitís!



Góða helgi og góða skemmtun.

It`s Friday again and again!

Þá er komið að því sem allir hafa beðið eftir - Lagi vikunnar.
Lag vikunar er gamalt en ég er búin að komast að því að mér finnast gömul lög skemmtilegri því ég kann textana og mér finnst fátt skemmtilegra en að geta sungið með. Helst með hárbursta fyrir framan spegilinn - fer oft í Idol leik!(nei grín)En þessvegna er lítið um nýmeti hjá mér. Svo eru þessu gömlu video líka alveg skemmtilega lummó og koma manni þessvegna alltaf í gott skap.



p.s eins gott að gæinn hafi ekki verið andfúll.

Over and out og góða helgi.

Þá er bara að snýta sér og snúa sér að brauðbakstri!

Ja hér hef aldrei fengið svona mörg komment áður.Takk fyrir það. Gaman að vita að svona margir hafi komi við og grátið:-) Bætir fyrir að geta ekki haldið afmæli með fjölsk og vinum. Sumt venst illa í útlöndum, viss um að ameríkufararnir séu sammála því. Fannst ég þurfa að gera þetta video því ég er nýbúin að læra að gera svona. Allavegna var Saga voða ánægð með þetta en henni finnst svo gaman að skoða myndir af sjálfri sér.

jæja nú er loksins komið að því að ég leggi út nýja uppskrift. Bakaði þetta ljómandi góða brauð um daginn. Nei ekki hætta að lesa - hei komdu aftur. Bíddu og lestu meira. Þetta brauð þarf ekki að hnoða neitt það eina sem krefst er að skipuleggja vel og svo verður maður að eiga pott sem má fara í ofn. Ég notaði steypujárnspott en hægt að nota eldfast mót með loki.

Ég eyddi í allt ca 15 mín. í vinnu. Restin af tímanum fer í að bíða eftir að deigið hefist(um 20 tímar). Þessi uppskrift er búin að fara út um allann bloggheim eins og eldur í sinu og þessvegna ætla ég bara að setja út video og link og svo mynd af mínu brauði(þarna fyrir ofan). Geri ráð fyrir að allir kunni ensku.

Maður notar:
3 bolla hveiti + aðeins meira til að strá yfir deigið
1/4 tsk ger
1 1/4 tsk salt
1 1/2 bollar vatn
(bolli er um 2 1/2 dl svona ca)

Restina sjáið þið á videoinu og linkinum hér fyrir neðan



Linkur á blogg.

Hefði aldrei trúað því að þetta væri hægt ef ég hefði ekki prófað þetta sjálf. Alveg eins og brauð maður fær á ítölskum veitingarstað. Holótt og mjúkt að innan og stökkt að utan. Endilega prófa.

Sjáumst á morgun

Svo var það fyrir átta árum

að Saga mín fæddist. Ótrúlegt hvað tíminn líður hratt. Finnst eins og hún hafi fæðst í gær. Man daginn allavegna jafn vel. Var heima hjá Ásdísi ásamt fleiri stelpum og hafði fengið að vita í hádeginu að ég væri 4 cm opinn en ætti ekkert að vera að stressa mig því þetta gæti tekið marga daga. Allavegna þá sendi Ásdís mig heim því ég var búin að vera með einhverja smá krampa allann daginn og þegar ég fór heim voru bara 15 mín á milli og hún var alveg viss um að ég væri að fara að eiga. Þegar heim var komin fór ég að pissa og fannst eitthvað skrýtið hvað ég var lengi að þessu en áttaði mig svo á að þetta hlyti að vera vatnið að fara. Reif mig á fætur og hringdi í sjokki í Steinu sem kom til mín og hringdi á sjúkrabíl. Ég hringdi svo í JC og sagðist vera á leiðinni upp á spítala. Þegar ég var komin upp á fæðingastofu bólaði ekkert á JC og hann kom ekki fyrr en eftir dúk og disk. Minn maður hafði tekið strætó-lest-strætó upp á spítala!! Hann hélt að þetta ætti eftir að taka marga daga. Ekkert spáð meira í það!

Saga kom í heiminn 2 1/2 tímum eftir að ég fór frá Ásdísi.Fyrsta sem ég spurði þegar hún var komin i heiminn var hvort hún væri með Downs heilkenni. Ljósmóðirinn var nú ekkert á því en tjekkaði samt eftir þessum venjulegu einkennum sem svo vantaði á Sögu. Ég var samt alveg viss. Var ekkert smá erfitt að hringja í foreldra okkar og segja þeim þessar fréttir.

Dagurinn eftir var ömurlegasti dagur ævi minnar. Byrjaði á að hringja í Ásdísi og hún varð nátturulega smá sjokkuð og allt það en spurði mig svo hvort Saga væri samt ekki alveg yndisleg. Ég hélt ég yrði ekki eldri.Hvernig er hægt að vera yndisleg og með Downs heilkenni. Svo hringdi ég í Steinu og hún sagði það sama. Skildi ekkert í þeim, var þetta eitthvað samsæri eða hvað. Komst seinna að því að báðar eiga vinkonur með downs börn svo að þetta var ekkert svo hræðilegt eins og mörgum fannst. Allavegna þá var ég í ömurlegu formi, búin að missa næstum líter af blóð og öll í tætlum eftir fæðinguna. Hélt að lífið gæti ekki orðið verra en svo hitti ég barnalækninn og komst á aðra skoðun. Hún byrjaði á að fræða mig á því að flestir foreldrar barna med Ds myndu skilja, við ættum að eignast 2 börn í viðbót ef við ætluðum að eiga fleiri því þá hefðu þau hvort annað. Við kæmum nefninlega til að vanrækja þau svo út af Sögu. Hún endaði á að segja mér að ég ætti nú aldrei eftir að vera í neinni almennilegri vinnu því það væri svo erfitt þegar maður ætti svona barn. HEIMUR MINN HRUNDI! Allir framtíða draumar hurfu á nokkrum mínutum. Var ekki alveg eins gott bara að ganga í sjóinn med det samme!


Sem betur fer gekk ég nú ekki í sjóinn og núna 8 árum seinna horfi ég á dóttur mína sem er alveg rosalega dugleg. Hún búin að afsanna allt sem búið var að spá hún kæmi aldrei til að læra og geta. Hún er að læra að lesa, farin að reikna, kann að skrifa, kann að skíða, skauta og hjóla og er svo klár. En hún er ekkert sérstaklega músíkölsk, eiginlega alveg hræðilega laglaus - eins og var oft búið að segja mér að svona börn væru svo rosalega músíkölsk. Svindl!

Mikið er ég fegin að hafa fengið að upplifa þessa Sögu, hefði ekki viljað neina aðra.

Til hamingju með daginn prinsessa.Hipp hipp húrra.



Sem mamma hef ég þann rétt að vera væmin á svona dögum og þetta video er alveg pottþétt í þeim geiranum.

Alt er nú til!

Verð að segja mig sammála því, skil ekki hver hefur nennt að búa til þessa inniskó eða hversvegna en eins og ég hef svo oft áður sagt þá hefur sumt fólk bara ekki nóg að gera!

Enn ein helgin að dúndra af stað. Ég er að fara í "hytte" ferð upp í fjöll með vinkonu minni sem er að halda upp á 40 ára afmælið sitt. Hún ákvað að bjóða með sér 7 góðum vinkonum í afslappaða helgi í norskum fjallheimi. Ekki amarlegt það.

Svona í tilefni þessa ferðalags valdi ég þetta gamla og góða stelpulag. Maður hættir ekki að vera stelpa þrátt fyrir að vera farin að nálgast fertugt.



Njótið vel og góða helgi.

p.s. kíkja við á sunnudagskvöldið - Saga á afmæli þá.

Hvort viltu................

Rottuinniskó eða

fiskainniskó?

Föstudagsallatafþaðsamadageftirdag!

Amm, þá er ein vikan enn liðin og ekkert markvert gerst nema kannski að það er búið að vera mikið fjaðrafok í kring um norsku prinsipissuna hana Mörthu því hún heldur því fram að konur og karlar í Noregi fái sömu laun fyrir sömu vinnu! Hún er eitthvað veruleikafirrt greyið. Og svo er búið að taka börnin af Britney. Var í öllum netblöðum hér og þótti greinilega mikilvæg frétt. Annars allt við það sama, stríð, flóð, óeirðir,hungursneið, morð,nauðganir og annað sem maður er því miður orðin löngu vanur.

Annars gekk nú alveg fram af mér í byrjun viku, þá var sú frétt í norsku blöðunum að einhver vinstri sinnaður flokkur vilja gefa djúpt sokknum heróínistum ókeypis heróín til að létta þeim lífið. Hvaða ansk.. rugl er þetta, afhverju ekki bara gefa liðinu ókeypis sprautu með overdoses med det samme! Sparar ríkinu fullt af peningum með að láta liðið bara drepa sig strax. Ekki var talað neitt um að stofna frekar fleiri meðferðarpláss eða neitt svoleiðis. Nobb, bara ókeypis dóp handa dópistunum. Á eftir þessu mundi svo fylgja ókeypis brennivín handa ölkunum og hvað veit maður. Skil ekki svona. Jæja nóg um það, fannst þetta bara svo fáranlegt.


Lag vikunar - ta ta tam. Uppáhalds kántrílagið mitt( þekki bara 3 önnur- ekki alveg í kántríinu)Ekki neitt rosa stuðlag en samt hægt að syngja með í viðlaginu. Og svo var nú Dollý alltaf svo krúttleg með þessa geðveiku heysátu á hausnum, mega búbís og talar eins og Ripp Rapp og Rupp. Hún er eiginlega eins og teiknimyndafígúra.



Góða heilsu og helgi.