Hvernig má panta pizzu og hafa gaman af..

Hvað er betra á þessum síðustu og verstu tímum að grínast smá í drengstaulanum/stúlklukindinni sem vinnur við að taka pizzapantanir hjá þínum uppáhalds pizzastað. Hér eru nokkur góð ráð til að gera pizzu-pöntun skemmtilegri(fyrir þig).

Ef þú ert með tónvals-síma, þá skaltu ýta af og til á takkana. Biddu síðan manneskjuna sem er að taka við pöntuninni um að hætta þessu.

Notaðu "ýkt" mikið slangur þegar þú pantar pizzuna. ("Meikaðu eina þokkalega feita slæsu með plenty tjís á kantinum ..")

Segðu þeim að senda pizzuna, og spurðu hvort að sendillinn geti komið við á Macdonalds fyrir þig og tekið einn "Big Mac" með fyrir þig í leiðinni.

Ljúktu símtalinu með því að segja: "Mundu .. að við áttum aldrei þetta samtal."

Segðu þeim sem að tekur pöntunina að samkeppnisaðilinn sé á hinni línunni og þú ætlir að taka besta boðinu.

Svaraðu þeirra spurningum með spurningum.

Með mjög blásandi röddu .. segðu þeim að þér sé skítsama um alla næringu og heilsufæði .. þú viljir bara eitthvað hrrrrikalega fitandi.

Segðu þeim að þú viljir hafa skorpuna ofaná í þetta skiptið.

Syngdu pöntunina við eitthvað gott Metallica lag.

Ekki segja hvað þú viljir á pizzuna - heldur skaltu stafa það.

Talaðu mjög smámælt þegar þú segir "sósa" og "ostur" .

Stamaðu á öllum "p" orðum.

Ef þú hringir í Pizza 67 skaltu spyrja hvort viðkomandi viti hvaða tilboð Hrói Höttur er með .... (og öfugt).

Spurðu viðkomandi hvernig hann sé klæddur.

Láttu braka í puttunum á þér þegar þú talar (nálægt símtólinu)

Segðu "halló" ... síðan skaltu þykjast vera undrandi og soldið ruglaður í svona fimm sekúndur .. og láttu síðan líta út fyrir að þau hafi hringt í þig.

Bunaðu út úr þér pöntununni. Ef þau spyrja hvort þú viljir gos með þessu, þá skaltu "panikera" og verða utan við þig.

Búðu til lista yfir mjög framandi álegg. Pantaðu þau sem álegg.

Skiptu um hreim á þriggja sekúndna fresti.

Pantaðu 52 pepperoni sneiðar og láttu raða þeim í blómamynstur á pizzuna.

Láttu sem þú þekkir viðkomandi: "Bíddu ... vorum við ekki saman í Vatnaskógi?"

Byrjaðu pöntunina á því að segja "Ééééég æææætla að fáááá ............" bíddu í smástund, sláðu þig þá í framan og segðu "NEI .. ég ætla ekki að fá það"

Reyndu að leigja þér pizzu.

Spurðu hvort þú megir eiga pizza kassann. Þegar þau segja "já" skaltu þykjast verða rosalega feginn.

Settu ákveðna áherslu á endann á öllum orðum. T.d. "i" í pepperoni .... (Prófaðu ....)

Þegar þú ert spurður hvernig þú viljir pizzuna .. segðu þá "Shaken .. not stirred".


Færðu tólið alltaf lengra og lengra frá eftir því sem líður á samtalið. Í lok símtalsins skaltu færa það snöggt til baka og öskra "BLESSSSS ......." af öllum lífs og sálarkröftum.

Biddu þau um að dobbel tékka á því hvort pizzan sé ekki örugglega dauð þegar hún kemur úr ofninum.

Hermdu eftir röddinni á þeim sem tekur við pöntuninni.

Útilokaðu öll sagnorð þegar þú pantar.

Þegar þú ert spurður "Hvað viltu?" Segðu þá ... "Ehh .. ertu að meina núna .... eða á pizzuna?"

Spilaðu country tónlist á bakvið og talaðu með mjög ýktum western hreim.

Skemmtu þeim sem að tekur við pöntuninni með lítt þekktum staðreyndum úr Country-tónlistar heiminum.

Talaðu stjórnmálalega, og biddu um uppreiknað verð pizzunnar með tilliti til flatra ríkisbundinna vaxta.

Pantaðu sneið .. ekki heila pizzu.

Farðu að hrjóta örlítið í miðri pöntun ... síðan skaltu hrökkva við og segja "Hvar var ég .... hver ert þú?"

Sálgreindu þann sem tekur við pöntuninni.

Pantaðu einhver tvö álegg .. segðu síðan "Nei .. bíddu aðeins .. þau lenda alltaf í slag."

Hringdu og kvartaðu undan þjónustunni. Hringdu 5 mínútum síðar og afsakaðu þig með því að þú hafir verið fullur og ekki meint neitt með þessu.

Notaðu upphrópanir eins og: "Jeremías minn einasti .. " og "Hjálpi mér allir heilagir .."

Biddu um þann sem tók pöntunina þína síðast afþví að "hann skilur mig".

Hugsaðu upphátt um hluti einsog "Þvílík nasahár .. ég ætti að gera eitthvað í þessu".

Spurðu hvort að þetta sé lífrænt ræktuð pizza.

Fáðu upplýsingar um viðhalds og varahlutaþjónustu við pizzuna.

Ef þú ert með tónvalssíma ... ýttu þá á 9-1-1 á 5 sekúndna fresti.

Byrjaðu samtalið á því að segja dagsetninguna og tímann og segðu síðan "Þetta er líklega síðasta pöntunin mín ........"

Pantaðu .. og segðu síðan að þetta samband ykkar komi ekki til með að ná lengra en þetta.

Segðu "Ksssssssssssssssssssssht" frekar hátt í símann ... og síðan "Wowwww .... fannstu fyrir þessu".

Lærðu að spila blús riff á munnhörpu .. stoppaðu reglulega til að spila riffið.

Spurðu hvort að viðkomandi vilji smakka pizzuna þína .. og hvort þú megir smakka uppáhaldstegundina hans.

Hermdu eftir Davíð Oddssyni og segðu að þú viljir ekki að einhver "pizzu-krakka-bólu-fésa-auli fokki upp pöntunninni".

Settu þau á "hold"

Byrjaðu á því að panta sveppi ... í lokin skaltu segja "Og alls enga sveppi". Skelltu á áður en þú færð viðbrögð.

Þegar þau segja verðið, skaltu segja "Whooo ... þetta hljómar alltof flókið .. ég kann ekkert í stærðfræði".

Prúttaðu.

Biddu um tveggja tommu pizzu.

Meðan þú pantar ... skaltu fara í mútur .. skipta oft um rödd .. og verða vandræðalegur.

Láttu mynd með góðu bílaeltingar atriði rúlla í vídeóinu og stilttu hljóðið frekar hátt. Þegar skotið er úr byssu skaltu öskra "ÁÁÁ !!"

Biddu um gufusoðna pizzu.

Ef eitthvað af undanförnu er hafnað af pizza staðnum, segðu þá væminni röddu "Þeir á hinum pizza staðnum leyfa mér alltaf að gera þetta."

Ekkert í fréttum

héðan nema að ég er enn að bíða eftir uppsögn og það snjóaði allann daginn í gær.Hélt ég fengi flog ég varð svo pirruð.Loksins þegar maður var farin að ímynda sér að það kæmi vor einhverntíma kom hörku vetur aftur. Er farin að hata þetta, hvergi hægt að fá bílastæði því það eru snjóskaflar allstaðar og ég er daglega næstum búin að keyra á aðra bíla því það er bara ein akrein í götunni minni núna og svo háir skaflar að maður sér ekki neitt í beygjunum fyrr en maður er næstum búin að keyra á bílinn sem maður er að mæta.Næsta vetur ætla ég að panta snjólausan vetur. Það er svo miklu þægilegra fyrir alla fullorðna og betra fyrir geðið.

Fyrir utan þetta bara nada.Var á símafundi í gær með Dissimilis og List án landamæra og það fer að komast mynd á þessa heimsókn og þegar allt er orðið staðfest segi ég nánar frá hvað er í gangi. Voða spennó samt fyrir okkur.

Hei jú ég er að fara í bíó. Það er hreinlega 1 1/2 ár síðan ég fór í bíó síðast og þá sá ég Indiana Jones!!!! Það er að vísu ekki alveg satt, ég hef farið fullt í bíó en þá hef ég séð barnamyndir(ekki það að Indiana J sé voða fullorðinsleg) svo núna ætla ég að sjá "Menn som hater kvinner" sem er gerð eftir sögu Stig Larson. OOOO ég hlakka svo til. Lisbeth Salander er alveg eins og ég ímyndaðir mér og það gerist nú ekki oft. Svo er ég með gesti á morgun í mat og ég ætla að vera með Dim sum í forrétt en ég á svona bambussteamer svo þetta verður allt gert á réttan hátt. Í aðalrétt verð ég með tvennskonar kjöt, limeblaðkjúkling með hnetu/chili dressing og svo grillað svínakjöt með sate sósu. Hlakka til að smakka þetta en hef ekki eldað kjúllan áður.

Svo er youtube alveg að flippa.Búin að loka á viss lög í allri evrópu og það endar með að ég þarf að syngja sjálf inn á tölvuna og leggja út.Þá held ég nú að fáir nenni að hlusta á föstudagslagið. Spáið í því, föstudagslagið þessa vikuna er Poison í flutningi Helgu Dísar og næstu viku er lagið Woman in love í flutningi Helgu Dísar.OMG hvað það yrði dapurt. Verð að finna eitthvað annað konsept. Get ekki gert ykkur það að sleppa föstudagslaginu. Annars finnast fullt af skemmtilegum idol videoum á youtube og þar er trúlega hægt að finna skemmtileg lög sungin á mismunandi hátt. Spái í því.

Tókst samt að finna lag sem ekki er blokkerað. Gamalt og gott og ég fer alltaf í svona sumarfíling þar sem maður drekkur kælt eplakampavín á heitu sumarkvöldi þegar ég heyri þetta lag. Veit ekki afhverju. Kannski afþví að ég er smá skrýtin!



Góða helgi.

p.s er að spá í að bregða út af vananum og blogga smá í byrjun viku líka. þriðjudögum trúlega og sjá hvernig það gengur.

Helgi framundan

Ekki enn búið að segja mér upp en það verður annaðhvort í dag eða í byrjun næstu viku. Voða gaman að bíða eftir því. Er svona meðal jákvæð yfir möguleikunum á nýrri vinnu en það er verið að segja upp fjölda manns hjá öðrum fjölmiðlum og núna verða margir með atvinnulausir sem vinna við það sama og ég. Kemur í ljós. Verður allavegna nóg að gera við annað því nú er búið að bjóða Dissimilis til Íslands í tengslum við norræna ráðstefnu og nú er verið að vinna í því máli og verið að athuga möguleikana fyrir þessu og ég er semsagt milliliður þarna og túlkur og ef af þessu verður verð ég þá trúlega fararstjóri og reddari. Segi samt frá því seinna þegar ég veit meira og búið er að ákveða þetta. En vá hvað ég hlakka til ef við erum að fara til íslands í haust með Dissimilis.Þá verða allir að koma og sjá þau. Einnig er ég að fara á landsfund samtakana Dissimilis í apríl í Kristianssand og það verður mjög áhugavert, fæ að kjósa og allt! Er einnig að vinna að nýrri vefsíðu fyrir fyrirtækið hans pabba og hanna logo fyrir fyrirtæki hérna úti. Svo er ég að vinna í síðu fyrir sjálfa mig. Og svo var ég að klára grein fyrir blaðið Þroskahjálp.Svo það er svo sem alveg nóg að gera.

Annars bara ekki jackshit í fréttum(ehem sorry!).Orðin alveg DRULLULEIÐ á snjó. Hér hafa 3 húsþök hrunið vegna snjóþunga síðustu vikuna og nú er farið að hlýna og snjórinn aðeins að bráðna og það eru fossar í öllum götum og krakkarnir eru alltaf blaut inn að beini þegar þau koma heim úr skólanum. Hef ekki við að þurka föt og stígvéli. Mikið er ég þakklát fyrir stígvélaþurrkuvélina mína. Algjört möst á hverju heimili.

Rakst annars á þetta á netinu og hér er hægt að prófa heyrnina. Ég komst að því að ég er með ljómandi heyrn því samkvæmt einhverjum kenningum að fólk yfir 25 eða 30 heyri sjaldnar þetta hljóð því það gerist eitthvað í eyranu með aldrinum. Trúi því ekki alveg, grunar að flestir heyri þetta hljóð? Hvað með þig?(ekki gleyma að kveikja á hátölurunum)


Það er orðið erfiðara og erfiðara að finna lag sem hægt er að setja hér á bloggið vegna allskonar hafta sem youtube setur en ég geri mitt besta. þetta lag er frá einum að mínu uppáhalds diskum ever. Verð aldrei leið á honum þrátt fyrir háann aldur(ekki á mér samt). Þegar hann kom út lá ég stundum á sófanum mínum þegar heim var komið frá djamminu og hlustaði á þennan disk áður en ég fór að sofa. Fer alltaf í svona Twin Peaks fíling þegar ég heyri þetta. Fór á tónleika með þeim í Kristjaníu einu sinni og fannst voða skrýtið að það voru hvergi sæti fyrir mann, varð að standa allan tímann. Þetta er ekki stuðtónlist og hálf bjánalegt að standa í 2 tíma og hlusta á svona rólega tónlist en það var nú gaman engu að síður.Elska þetta lag, fæ alveg gæsahúð.



Gróðahelgi alle sammen.

Kreppa

Það kom að því að kreppan næði Noregi og mínu heimili. Er að missa vinnuna. Staðan mín verður lögð niður og ég verð látin fara. Ég varð nú ekkert rosa hissa en hafði samt búist við að ef þetta gerðist yrði það nær sumrinu en þetta. 80% af tekjum fyrirtækisins koma frá auglýsingum og það verður nú að segjast að það hefur verið ansi lítið af þeim hjá okkur síðasta 1/2 árið. Hefði nú kosið að segja upp sjálf en satt best að segja er ég búin að vera óánægð þarna síðan í sumar en hefði samt þraukað. Maður veit ekkert hversu lengi þetta ástand varir og ég get þessvegna endað að vera atvinnulaus lengi og það er verra en að vera óánægður í vinnunni.Ég vona að ég eigi eftir að finna eitthvað flótlega en ég hef ekki áhuga á að vinna í fjölskyldufyrirtæki aftur og hafa son eigandans sem yfirmann.Það er mjög pirrandi oft á tíðum. En allavegna svona er staðan í dag, hætti að vinna í sumar og verð vonandi komin á skrið með eitthvað annað þá eða allavegna vel á veg. Á svona stundum kemur íslendingurinn upp í mér og ég segi bara "Þetta reddast!".

En annars bara veikindi enn og aftur, búin að vera heima alla vikuna með bronkítis og drulluslöpp en fékk á endanum pensilín og er að batna.

Síðustu helgi vorum við í hytte og á sunnudeginum hvarf heimasætan. Sú hafði ákveðið að fara í smá skíðatúr með hund frænku sinnar án þess að láta vita og þegar ég á endanum fann hana var hún búin að skíða 1 km. Ekki skemmtileg upplifun en hún var allveg sallarólega þegar ég spurði hvað hún hefði verið að gera. Jú hún hafði verið í göngutúr með hundinn. En mamma verður hrædd þegar þú ferð án þess að láta vita. Ó fyrigefðu mamma:-) !!


Lag vikunnar er með sjálfustu gæjunum í queen. Ekkert endilega besta lagið þeirra en ég heyrði þetta í útvarpinu um daginn og var alveg búin að gleyma þessu lagi sem ég hafði gaman af í den. Í þessu videoi er Freddie klæddur eins og risarækja með fjöðrum. Frekar furðulegt videó.


góða helgi.

hvað heldur þú?

Nokkru fyrir jól rakst ég inn á blogg á mogganum. Þar skrifaði íslensk kona búsett í bandaríkjunum, einhleyp og barnslaus. Hún var búin að ákveða að binda enda á líf sitt á aðfangadag vegna lífsleiða og vöntunar á einhverju að lifa fyrir. Hún var búin að selja hús sitt og hætt að vinna og flutt á gistiheimili í annari borg. Ég verð nú að viðurkenna að ég varð smá forvitin og las þetta blogg því það er ekki á hverjum degi að fólk skipuleggur brottför sína svona vel og kýs að skrifa um það á opinberum vettvangi en þar sem ég er frekar tortryggin var ég ekkert viss um hvort ég ætti að trúa þessum skrifum en sá samt enga ástæðu til að gera það ekki.

Á meðan hún var að bíða eftir að dagurinn rynni upp(og það var nú töluvert langt í hann) hitti hún mann sem hún svaf hjá og skrifaði eitthvað um það. Hún hélt svo áfram að skrifa og fór að skrifa um barnsæsku sína en hún hafði alist upp hjá fósturforeldrum sem voru vond við hana en höfðu svo framið sjálfsmorð bæði tvö - saman. Svo fór hún að leita að alvöru foreldrum sínum og fann að lokum afa sinn sem sagði henni hvernig kom til þess að hún endaði í fóstri. Kom í ljós á endanum að alvöru foreldrar hennar höfðu drepið fósturforeldrana og stungið af og engin komist að neinu. Þegar hér var komið til sögu var ég orðin ansi viss um að þetta væri allt saman spuni en ákvað nú að kíkja við aftur rétt fyrir jól til að sjá hvernig þetta blogg myndi enda.

Viti menn, kvöldið sem hún ætlaði að keyra á fyrirfram ákveðna staðinn sem hún ætlaði að enda líf sitt lenti hún í bílslysi og slasaðist og var lögð inn á spítala. Þar kom í ljós að hún væri ólétt! Hún hafði samband við þennan mann sem hún hafði sofið hjá og viti menn - hann var ófrjór og hélt ekki að hann gæti átt börn og í þokkabót var að skilja við konuna sína því hann var orðin ástfanginn af þessari konu. Og þegar maður hélt að þetta væri búið þá kom næsta, hún er ólétt af tvíburum. Hvað annað!

Í byrjun var fullt af fólki sem kommenteraði hjá henni og óskaði þess að hún myndi skifta um skoðun og vilja lifa og allt það, eftir jól fór ansi að fækka því mig grunar að ég sé ekki sú eina sem grunaði að þetta væri bara spennandi saga en samt er enn fólk sem er að kommentera og óska henni til hamingju með tvíbbana. Ég verð svona hálf óviss hvað mér á að finnast um að fólk skrifi á blogg á þennan hátt og lætur fólk trúa að þetta sé satt. Líkurnar á að þetta sé satt eru engar því að það er karlmaður skrifaður sem ábyrgðarmaður fyrir þessu bloggi og allir sem eru með íslenska kennitölu geta skráð sig svo ef þessi kona er raunveruleg ætti hún að geta skráð sig sjálf. Hvað finnst þér? Er í lagi að fólk skrifi skáldsögur á bloggi án þess að gera fólki grein fyrir að þetta sé skáldskapur.

Annars bara allt á kafi í snjó og virðist ekkert vera að hætta að snjóa. Snjó-ruslahaugar Oslóar eru að verða fullir en talið er að sá snjór sem er þar núna eigi ekki eftir að bráðna fyrr en með haustinu!Það er ekki lengur hægt að mæta bíl í götunni minni og bílastæðið fer óðum minnkandi. Orðin meterssnjór í garðinu hjá okkur. Þetta er orðið alveg ágætt í bili finnst mér. Erum annars að fara í hytte, vonandi verður enginn veikur í þetta skiftið. Orðin leið á veikindum en Baltasar varð aftur veikur síðustu helgi.

Og eitt enn. Hvernig stendur á því að íslensk vefblöð eru svo lengi að opna síðurnar sínar. Ég les vefblöð frá hinum norðurlöndunum daglega og engin eru svona "slow" eins og þau íslensku! Vísir fær netlesarann minn til að frjósa reglulega.

Lag vikunnar er gamalt og gott og söngvarinn eitthvað með bad hair day!


Góða helgi.

Ojbarasta og ullabjakk

Magakveisa búin að herja á alla fjölskylduna síðan síðustu helgi, fyrst krakkarnir svo húsbandið og svo ég. Upp og niður út og suður og allt það.Versta sem ég veit. Við áttum að fara í hytte um helgina en verðum að sjá hvernig fer með þá ferð því gestgjafinn er búin að liggja með flensu alla vikuna og ég er ekki beint í toppformi. Kannski að það sé í lagi því það er svo hræðilega kallt hérna þessa dagana. Í gær þegar Saga fór í skólann sýndi mælirinn -20 gráður þar og það átti að vera skíðadagur. Þau fóru út en ekki fyrr en um 11 leitið því það var bara of kallt. Þegar er svona kallt frýs í nefinu á manni,maður fær hreinlega með grýlukerti í nös!Ekki á hverjum degi sem það gerist. JC var úti í garði síðustu helgi að saga greinar á stóra trénu okkar sem höfðu brotnað undan sjóþunga og hann óð snjó upp á mið læri. Á sama tíma var 52 stiga hiti í Ástralíu þar sem mágkona mín bjó en hún flutti heim í janúar. Held að 20 stiga frost sé þá betra, get ekki ímyndað mér hvernig 52 stiga hiti er.

Ég lærði nýtt orð í vikunni. Kameltá. Bjarni gamli granni kenndi mér það.Komst að því að ég hef afklæmst all verulega síðan ég flutti frá Íslandi.

Annars er orðið erfiðara og erfiðara að finna lag vikunar því youtube er farin að loka fyrir að maður leggi út fullt af lögum, eða svo er ekkert hljóð á þeim eða svo er ekki hægt að horfa á lögin í þessu og hinu landinu. Ferlega pirrandi.Þegar ég heyrði þetta lag aftur eftir mörg ár var ég alveg hissa að ég kunni tekstann enn og svo man ég ekki stundinni lengur hvað ég gerði í síðustu viku eða bara í gær!



Gæða helgi.

Það er komin föstudagur og flösku ég mér fæ..

Man einhver eftir þessu lagi sem einhver samdi við lagið "Súrmjók í hádegið" og maður söng hástöfum á föstudögum í frystihúsinu? Nei segi bara svona.

Hér er bara annars lítið í fréttum. Hef ekkert merkilegt að segja og þetta verður eflaust mjög andlaus og lítil áhugaverður pistill. Sjáum hvað setur. Annars eru bara vetraríþróttir hér í hámæli. Krakkarnir fara með skíði og skauta í skólann og allt er voða vetrarlegt og kalt. Saga fór á gönguskíði síðustu helgi með okkur, við vorum svo vitlaus að taka ekki með okkur skíði því við ætluðum bara að tölta við hliðina á henni. How stupid! Hún hefur tekið svo miklum framförum síðan í fyrra að hún skíðaði miklu hraðar og betur en áður og þar að auki var svo mikill snjór að við sukkum niður að hnjám sumstaðar. Mægod hvað ég var þreytt eftir þetta ferðalag. Baltasar fer í fullorðinsbrekkurnar eins og ekkert sé og Saga fór í sína fyrstu fullorðinsbrekku í vikunni. Held að mamma gamla verði að taka sig á því ég er lélegust á skíðum í þessari fjölskyldu - en best í eldamennsku, skipulagningu og bakstri!! Við erum að fara 2 helgar í röð í hytte í vetrarfríinu og þá verð ég að taka á stóra mínum og skrönglast í brekkurnar með skíðin og æfa smá. Ég er bara ekki mikil skíðamanneskja í hjarta mínu og það er nú ekki gaman þegar maður býr í Vinter Wonderland. Og ef þú heldur að hytte sé einhver smá kofi uppi í fjalli þá eru báðar þessar stærri en húsið sem ég bý í. Mjög svo villandi finnst mér að kalla það hytte.

Er að skipuleggja sumarfrí í Danmörku í júlí. Búin að panta far og ekki seinna vænna því það var að verða fullt. Geggjun segi ég nú bara. Verðum rétt fyrir utan Aarhus í bústað rétt hjá strönd svo að það er ekki verra ef það verður sól. Verðum svo nokkra daga á Samsö þegar þessi vikudvöl í bústað er lokið. Hefur alltaf svo langað að vera á danskri eyju í smá tíma og kobla mig út úr stressinu og bílívjúmí vikan á Jótlandi verður ekkert sumarFRÍ. Búið að lofa ungviðinu bæði Legolandi, Sommerland og Givskud Zoo. Fyrir utan þessa viku er ekkert búið að skipuleggja meira af fríinu en ef maður ætlar að fá far með ferjum og sumarhús á sæmilegu verði er það núna sem maður verður að ákveða sig. Norðmenn eiga eftir að ferðast meira um norðurlöndin í ár en önnur ár vegna kreppu og þá flykkjast allir til DK í von um betra veður og ódýrari bjór. Hann er það nú ekkert lengur, það er bara svo hyggelig i Danmark. Búin að ákveða að kaupa súkkulaði álegg, svona plötur eins og við borðuðum á rúgbrauð meðan ég bjó þar. Það er svo gott saman. Mikilvægt að skipuleggja svona hluti ! Svo ætla ég líka að vera brún og líta út eins og fyrirsæta - ekki Kate Moss samt. Mér hefur aldrei fundist hún flott eða falleg.

Merkilegt að ég hef aldrei neitt að segja en þegar ég kemst í gang þá er ég alveg óstöðvandi, það sem er hægt að blaðra um allt og ekkert. það kjaftar á manni hver tuska. Hvernig ætli ég verði þegar ég verð búin með þessa flösku !!!

Jæja þá er komið að rólega lagi vikunnar. Búið að vera uppáhaldslagið frá það kom út, verð svo vær þegar ég heyri það.( Vissir þú að þetta lag kom út á Agnetha Faltskogplötu(cd) úr Abba hér áður fyrr? - já svona veit ég mikið).



Gleðilega helgi.

Uten hemninger

Nú er verið að sýna þættina "Uten hemninger" sem teknir voru upp á æfingum fyrir óperuna Jenný sem Saga tók þátt í. Í þáttunum er sýnt frá æfingum á óperunni og fram að frumsýningu og tekin viðtöl við nokkra af þeim sem stóðu að sýningunni en mest þó við þáttakendur. Ég verð að viðurkenna að ég var nú smá stressuð yfir hvernig þáttakendur yrðu sýndir í þessum þætti en ég hafði áhyggjur að óþörfu. Sem betur fer hefur kvikmyndafólkið unnið sína vinnu á mjög svo fagmannlegann hátt og ég er mjög ánægð með útkomuna. Það sem kom mér mest á óvart er hversu vel hefur tekist að sýna fullorðnu einstaklingana(sem eru með mismunandi þroskahamlanir) fyrst og fremst sem fullorðið fólk með eigin skoðanir á hlutunum. Það sést mjög vel að þau taka afstöðu til eigin lífs og aðstæðna og eru ekki bara einhverjir bjánar sem sitja og glápa út í loftið daginn inn og út. Mig grunar að það séu margir sem halda að það að vera þroskaheftur þýði að maður hafi hvorki skoðanir né tilfinningar og að maður lifi í einhverju tómarúmi þar sem ekkert gerist, sem er hinn mesti misskilningur.

Í þættinu eru líka sýndir einstaklingar sem eiga erfitt með að skilja milli veruleika og ímyndunnar og eiga erfitt með að skilja milli eigin persónu og þeirrar persónu sem þau leika í sýningunni sem gerir það enn stórkostlegra að þau geti tekið þátt í svona viðamikilli uppsetningu. Mikilvægt að sýna báðar hliðar.
Einnig sést mjög vel í þáttunum hvað þau öll tóku hlutverkum sínum alvarlega, voru dugleg að æfa og hvað þau voru fagmanleg í öllu því sem þau tóku sér fyrir hendur.Í einum þættinum er sýnd stund þar sem nokkrir einstaklingar eru að tala um það einelti sem þau hafa lent í á sinni lífsleið. Annaðhvort sem börn, fullorðin eða bæði. Það er sárt fyrir alla að lenda í einelti en ég held samt að fyrir fólk með þroskafrávik og aðrar fatlanir sé það enn sárara því þau eru svo meðvituð um hvað þau eru öðruvísi.Þau gera sér alveg grein fyrir fötlun sinni og það er mikilvægt að fólk viti það. Það sem svo kemur mest á óvart er hvernig þau hafa valið að takast á við þessa vondu lífsreynslu og að þau hafa valið að nota hana til að túlka þau hlutverk sem þau hafa í sýningunni. Maður þarf nú að vera ansi klár í kollinum til þess að geta gert það.

Litlu krakkarnir eru svo sýnd milli atriða og þau eru nátturulega sætust. Á síðasta mánudag var sýnt þegar Saga var að kyssa "kærasta" sinn og hann greyið alltaf að þurka sér um munnin og hún voða sæl með hann. Alveg bráðfyndið. Einnig var sýnt þegar einn af blindu þáttakendunum stökk fallhlífarstökk. Hvern hefði grunað fyrir 30árum að blindir ættu eftir að gera svoleiðis. Þrælgóðir þættir sem ætti að fá fólk bæði til að hugsa og hlægja - því það má alveg líka.

Og á sama tíma og mín fatlaða dóttir sem býr í Noregi fær tækifæri á að sýna í hvað henni býr heyri maður stundum sorgarsögur eins og þessa hér frá Íslandi. Lítill snáði með Downs heilkenni býr úti á landi og gengur þar í tónlistarskóla. Hann var eina barnið sem ekki fékk að taka þátt í jólatónleikunum. Þegar mamma han spurði afhverju sagði kennarinn:"þetta eru svona fínir tónleikar, allir mæta í sparifötum og svoleiðis svo hann ekki tilbúinn að spila á svoleiðis tónleikum, en hann má koma og horfa á" Á HVAÐA HELVÍTIS MIÐÖLDUM LIFIR ÞESSI MANNFÝLA Á EIGINLEGA? Ég get sko grátið þegar ég heyri svona.

Það helsta í fréttum af okkur er að Saga er byrjuð á skíðaæfingum. Baltasar heldur áfram í bandy og er líka í íshokki í skólanum og það er bara snjór og vetur hér þessa dagana og kallt.

Held mig á norrænum slóðum í dag. Eitt rólegt frá Svíþjóð. Vissu þið að rolig á sænsku þýðir skemmtilegt!



Góða og blessaða vetrarhelgi.

23 jan

Vorum að tala um unglinga hér í vinnunni og fyrsta kærastann og hvað það var allt erfitt, allavegna fyrir suma.Það var allavegna frekar flókið fyrir mig. Fyrsti kærastinn minn hét Kalli(og heitir það trúlega enn nema hann sé búin að skifta um nafn). Við byrjuðum saman í kringum áramót þegar ég var nýorðin 14 ára. Við vorum búin að vera skotin í hvort öðru síðan um sumarið og vinir okkar mikið búin að reyna að koma okkur saman en aldrei gerðist neitt og það var nú trúlega vegna þess að ég var voða ung og ekki alveg tilbúin í "alvöru" samband. En það breyttist svo strax þegar ég náði þeim merka áfanga að verða 14 ára. Á gamlárskvöld gerðist loksins eitthvað á milli okkar og hann bað mig um að byrja með sér. Hverju svaraði mín? Jú ég sagðist þurfa að hugsa málið !!! Talandi um að láta ganga á eftir sér! Ég svaraði samt kvöldið eftir og við byrjuðum saman. Allt var svo formlegt í þá daga. Samband okkar stóð í ca 5 vikur sem mér fannst nú bara heillangt. Þetta var nú ósköp saklaust allt saman og sætt og stórfurðulegt svona þegar ég hugsa til baka!! Ef einhver man hvernig ég leit út þegar ég var 14 ára er það alveg deginum ljósara að ég var ekki beint nein Sophia Loren, með spangir, bólur og algjörlega rass og brjóstalaus og því áhugavert að vita hvað drengurinn sá við þessa gelgju. Það var samt snemma ljóst að þetta samband væri dauðadæmt. Ég var hreinlega of ung og vissi bara ekkert hvað ég var að gera. Var ekki búin að læra kúnstina að daðra og ekki gat ég haldið uppi gáfulegum samræðum við hann eða neina af vinum hans því ég var svo feimin. Eitt skifti vorum við heima hjá honum inni í stofu og ég var að leika mér með töfrateninginn(þennan sem allir áttu og enginn gat leyst) og svo fóru allir að sofa svo að við urðum ein í stofunni. Hann leit á mig með ástaraugum og spurði mig hvort ég vildi ekki setjast í fangið hjá honum, jú jú ég var alveg til í það. Hlammaði mér í fangið á honum og hélt áfram að reyna að leysa töfrateninginn! Já maður kunni sko lagið á strákunum í þá daga :-D Það var jafn erfitt að vera unglingur eins og það var gaman. Ansi er ég nú fegin að vera orðin fullorðin.Eftir ekki svo mörg ár á ég eftir að upplifa unglingsárin aftur í gegnum börnin mín. Er líka voða fegin að það sé ekki alveg strax.

Annars það helsta af okkur. Við Saga skelltum okkur á Disney on ice - prinsessusýningu á sunnudaginn var. Henni þótti svo gaman og var svo ánægð og þau voru nú voða duglega að skauta þetta Disneyfólk. Búið er að mála og setja veggfóður hjá Baltasar og ég held hreinlega að ég taki mynd af því þegar allt er komið upp. Voða fínt.Er svo að fara út að borða í kvöld með húsbandinu, bæði börn að heiman og svo erum við að fara í veislu með foreldrunum í bekknum hjá Baltasar á laugardaginn. Verður tapaskvöld og hlakka bara voða til. Semsagt nóg að gera. Vill svo enda þetta á að segja að maður á EKKI að bora í nefið rétt eftir að maður hefur meðhöndlað chili.Það er mér orðið ljóst!

Ég búin að taka mikilvæga ákvörðun. Fram að vori ætla ég bara að velja róleg lög hér á blogginu.Það eru svo mörg fín lög sem eiga það skilið að vera spiluð og föstudagarnir hjá mér eru svo gasalega rólegir á veturna svo að það passar ágætlega (brjálað stuð á sumrin!.Fyrsta rólega lagið var í miklu uppáhaldi þegar ég var í menntaskóla. O so very british. Elska byrjunina á því.

Leiði gleiði!

Mér leiðist.Ég er haldin janúarleiða. Ég er leið á fötunum mínum og ég er leið á matnum sem ég elda og ég er leið á vinnunni minni og draslinu heima hjá mér. Stundum verð ég svona leið á öllu, allt virkar svo hversdagslegt og óspennandi. Getur aldrei neitt nýtt og spennandi gerst. Afhverju koma til dæmis aldrei geimverur og heimsækja okkur hér á jörðinni. Það yrði nú ekkert smá húllumhæ ef það gerðist. Eða að álfar hættu að vera ósýnilegir og maður kæmist að því að maður ætti sinn eiginn húsálf. Svona eins og Dobby í Harry Potter. Það væri líka svo nytsamlegt því hann þurkaði af og tók til og svoleiðis. Eða að það findust litlir Gizmoar(Gremlins) sem ekki yrðu vondir og dræpu alla þegar þeir yrðu blautir. Ég myndi alveg vilja eiga einn svoleiðis. Eða maður kæmist að því að Lord of the Rings væri byggð á sannsögulegum atburðum og Lína langsokkur líka. Og væri ekki gaman ef væri búið að byggja tímavél sem virkaði og maður gæti farið aftur í tíma einu sinnum á ári - í janúar til dæmis. Og væri ekki gaman ef einhver myndi byggja tiltektarvél - afhverju er eiginlega ekki búið að því fyrir löngu? Er alveg viss um að það sé vegna þess að konur taka meira til en karlar og er ég viss um að femínistafélög um allan heim séu mér sammála þar. Svo er ekkert nema hörmungar og kreppa í fréttunum þessa dagana. Afvherju er ekki hægt að ljúga í fólk öðru hverju og segja frá einhverju skemmtilegu í fréttunum í staðin. Væri ekki gaman að heyra: "Í fréttum er það helst að komin er pilla á markaðinn sem gerir það að verkum að fólk getur breytt sér í hvaða dýr sem er.Engar aukaverkanir er af þessari pillu og virkar hún í 15 tíma í senn. Pilla þessi fæst í öllum helstu verslunum og sjoppum."

Nei svona gerist aldrei. Verð víst bara að hangsa hér og láta mér leiðast aðeins meira og vona að vorið komi sem fyrst. Vorið já, það verður nú dejlig því ég er að fara til Parísar. Jamm, við hjónin keyptum okkur miða á sunnudaginn. Jan Chr. hafði sagt við mig "Eigum við að fara til Parísar" og ég sagði "já" og svo pöntuðum við miða. Ekkert vesen þar. Mikilvægt að hafa takmörk í lífinu og vita hvað maður vill. Þarf eitthvað að þurka rykið af kvennaskólafrönskunni minni sem var nú aldrei upp á marga fiska. Ætla allavegna að skrifa niður lista af mat á frönsku svo ég viti nú hvað ég er að borða. Nenni ekki að enda á að borða kálfabris eða hóstakyrtla eða eitthvað annað sem ég hef ekki áhuga á að smakka. Nósörí.Ekki það að ég sé neitt matvönd því ég borða snigla og annað álíka en helst ekki innyfli.

Ætlaði að finna leiðinlegt lag svona í tilefni þess að þetta blogg er á leiðinlegu nótunum en ég gat bara ekki valið hvaða leiðinlega lag það ætti að vera þar sem ég er meira upptekin af þeim skemmtilegu. Svo ég valdi gott lag. Eins og alltaf. Gvuð hvað ég er með góðan tónlistarsmekk!



Gísli eiríkur helgi og allt það.

Jólamyndir

Hér

Árið !

Góðann daginn og gleðilegt ár. Hef ekki bloggað í heila eilífð og hef svo sem ekkert saknað þess. Var mikið að velta því fyrir mér að hætta þessu en svo finnst mér svo gaman að finna lög fyrir föstudagana að ég bíð með það um stund.Ætla kannski að brydda upp á einhverju nýju hérna á blogginu en er með svo mikið "braincloud" þessa dagana að ég get ekki klekkt út einni frumlegri hugmynd. Bíð líka með það!

Búið að vera voða næs í jólafríinu á Höfn.Hitti flesta sem ég hafði ætlað mér að hitta, lengi eða ekki eins lengi en svoleiðis er það bara. Höfðum það notalegt hjá p og m, sváfum út, borðuðum mömmu mat sem nátturulega alltaf er bestur. Og svo fór ég í fjölskylduboð sem er eitt sem ég sakna alltaf. Fullt af fólki, góðar kökur og þessir dýrindis brauðréttir sem maður fær bara á Íslandi. Lovely.

Baltasar finnst svo gaman á Hornó að hann spurði hvort við gætum ekki flutt þangað, nei sagði ég. Geturðu þá ekki bara náð í mig í sumar spurði hann þá! Svo við ákváðum að hann fær síðar meir að ganga í skóla á Höfn, kannski síðasta mánuð skólaársins eða svo, en ekki í ár samt. Það væri gaman fyrir hann. Saga var bara ótrúlega dugleg að tala íslensku. Núna er hún í sjónvarpinu á hverjum mánudegi í 6 vikur en það er verið að sýna heimildarmynd um Dissimilis og óperuna. Hún er nú ekki í neinu aðalhlutverki, maður sér henni bregða fyrir öðru hverju. Allavegna í fyrsta þættinum sem var í gær. Voða gaman að sjá alla sem maður þekkir þar á skerminum.

Erum að byrja að taka herb. hans Baltasar í gegn en hann er að henda út smástrákaherberginu sínu og er að fá strákaherbergi. Lavalampi, Ipod spilari og koja.Voða kúl allt saman.

Saga er farin að taka með sér gloss og spegill í skólann!! Já þessi blessuð börn eru víst að stækka. Ekki var ég nú samt svona mikil pempía eins og hún dóttir mín á þessum aldri.Algjör fyrirtíðargelgja.

Annars er ég með sár í nefinu og var með geðbilaðar harðsperrur nánast alla vikuna. Já þá vitið þið það.

Lag vikunnar er gamalt stuðlag. Rosa langt síðan ég hef heyrt það.Kemur mér alltaf í stuð og eldist bara svona þrælvel - eins og ég!!!!



Góða helgi.

19.Desember

Kæru vinir og hinir. Síðasta blogg ársins. Nú er ég nefninlega farin. Farin heim í Hornafjörðinn að halda jól og slappa af. Þetta er orðið gott í bili,kem spræk á nýju ári með föstudagsgleðina mína og kannski eitthvað meira.

Það er lítið eftir að segja nema þetta: næ ekki að senda jólakort í ár vegna mikilla anna í vinnu og utan.Hef aldrei verið svona sein að neinu og því eru það aðeins gamlar frænkur og frændar sem fá kort frá mér í ár!(og ég sem ætlaði að vera ægilega dugleg í ár)En nú er bara að segja við ykkur sem eruð hér

Bestu óskir um gleðileg jól og farsælt komandi ár. Skjáumst fljótlega á því nýja.


Fannst þetta lag hæfa í ár þar sem við keyrum austur á mánudaginn.



Góða helgi og gleðilegan síðasta í aðventu.

18.Desember

Jóladagatal þarf ekkert endilega að fjalla um jólin er það nokkuð? Mér finnst mikilvægara að jóladagatalið mitt gleðji fólk og ég er viss um að allavegna konur á mínum aldri muna eftir þessum lögum. Fann þetta á youtube þegar ég var að reyna að finna íslenskt jólalag - ekki það auðveldasta í heimi. Þessi lög eru frá 79 að mig minnir. Ég bjó allavegna í Sigtúninu í RVK þegar þessi plata kom út og ég og vinkona mín lékum að við værum Katla María og Rut Reginalds og að þær væru alltaf að rífast! Já ekki vantaði hugmyndaflugið á þeim árunum. En þetta eru allavegna 2 lög með sjálfustu Kötlu Maríu frá 1979 og seinna lagið var það sem var mest vinsælt. Það eru nokkrir krakkar þarna í rauðum fötum svo hver veit nema þetta hafi verið í Stundinni okkar í desember þetta árið.



Hasta la vista

17. Desember

Mér finnst að fólk ætti að vera jólalegra en það er í dag. Mikið væri nú gaman ef allir væru alltaf í jólafötum allann desember eins og þetta fólk og settu alltaf orðið "jóla" fremst í orð þegar það talaði.

Þá jólamyndi jólafólk jólatala jólasvona. JólaVæri það jólaekki jólafyndið og jólagaman og jólasmá jólakrydd í jólatilveruna?

Það jólaheld jólaég jólasvei jólamér jólaþá að jólaég jólaætli að jólagera það jólasem jólaeftir er af jólaþessum jóladegi.


Jólíjólí jól!'

p.s Jólaaðeins 2 jóladagar í jólafrí.

16. desember

Hefur einhver séð jólaköttinn í ár? Hann er svo sannalega búin að breyta um útlit enda verður hann að gera það á þessum síðustu og verstu tímum. Útlitið skiftir fólk meira og meira máli. Það er þessvegna að það finnast ekki 55 ára hrukkóttar konur í Hollywood. En blessaður kötturinn getur samt ekki alveg falið sinn innri mann. Ég sé sko alveg hvað hann er fúll á móti á þessari mynd þrátt fyrir hreinan og hvítan pels(strípur held ég að þetta séu) og svo hefur hann puntað sig í jólaföt prakkarinn. Eins gott að jólasveinninn gefur börnunum mínum peysu í skóinn um helgina. "Hvernig veit hún það" ertu að hugsa núna, hvernig getur hún vitað hvað jólasveinninn gefur í skóinn. Það er leyndó skal ég þér segja.Bara milli mín og jóla.



Jól on! Mjá.

15. Desember

Ef einhverntíma hefur verið þörf á smá léttmeti í skammdeginu þá er það á þessum hundfúla mánudegi. Rigning og slabb og alveg farin að telja mínúturnar í jólafrí. Og hver segir að ekki megi gera grín að jólalögum eða hryðjuverkamönnum. Mikilvægt að finna húmor í sem flestu. Þá verður allt svo miklu skemmtilegra.



Happy monday!

12. Desember

Nú er loksins komin helgi. Jólafrokost hjá mér í kvöld og ég með þetta litla hælsæri. Á morgun eru svo tónleikar með Dissimilis þar sem Saga á að dansa með grúppunni sinni. Á eftir að vera á æfingum með henni allann daginn á morgun svo ég fer nú snemma heim úr þessu jólaskralli.Rúm vika í íslands ferð. Hlakka mikið til. Hef ekkert meira að segja í dag.

Lag vikunnar er jólarokklag. Alveg dásamlega halló gæjar en skemmtilegt lag engu að síður.


Góða helgi

11.Desember

Ekta jólagleði(kannski sumir vilji ná í vasaklútin fyrst).

10. desember

Þegar ég var lítil söng ég nú ekki öll lög rétt og það er nú þannig að þótt maður sé orðin fullorðin og kunni réttan texta er samt erfitt að breyta og syngja rétt.

Þetta skemmtilega jólalag misskildi ég aðeins.

"Aðfangadagskvöld", Helga Möller
"Allt varð undarlegt kringum þau.
Ný stjarn´á himni brann
og smám saman myrkrið fór
en þá birtist englakór
sem knébraut barnin´ungu. "

Þetta átti semsagt að vera knékraup en ég man að mér fannst skrýtið að englakórinn hafi verið að fótbrjóta barnið en spáði nú ekkert meira í því.

Svo var ég nú orðin ansi fullorðin þegar ég lærði réttan texta á þessu lagi.
Adam elskaði alla þá
og allir elskuðu Adam.
Hann sá þig, hann sá þig,
hann klappaði saman lófunum

Þetta lærði ég nú rétt fyrir tilviljun. Ég hafði aldrei sett spurningarmerki við að Adam hafi séð þig og svo klappað lófunum á eftir. Fannst það bara alveg meika sens.

Þetta fann ég svo á netinu.

"Aðfangadagskvöld", Helga Möller
Vitlaus texti: "Það var aðfangadagskvöld, fyrsta aðfangadagskvöld, og eldvarnarhátíðin mest!"
Réttur texti: "Það var aðfangadagskvöld, fyrsta aðfangadagskvöld, og ungbarnahátíðin mest!"

OG þetta er ekki jólatengt bara fyndið.
"Alelda", Ný Dönsk
(Frábær þessi ...)
Vitlaus texti: "Alelda ... sólbrenndur bjáni ...."
Réttur texti: "Alelda .. sáldrandi prjáli..."

Önnur úr sama lagi .. enda auðvelt að misheyra "sáldrandi prjáli" (hver samdi þetta??)

"Alelda", Ný Dönsk
Vitlaus texti: "Að elda .. sjálfan sig bjáni""
Réttur texti: "Alelda .. sáldrandi prjáli..."

"Fram fram fylking"
Vitlaus texti:"...forðum okkur hættu frá því ræningja-hross vilja ráðast á" (Mjög illskeytt og hættuleg hross) Réttur texti:"...forðum okkur hættu frá því ræningjar oss vilja ráðast á"

Og svo smá útlenska.

"Final Countdown", Europe
Vitlaus texti:"It´s a fire downtown .."
Réttur texti:"It´s the final countdown..."
Grunar að það hafi verið vinkona bróðir míns sem sagði þetta síðasta.

"Freak out", Chic
Vitlaus texti:"Aaaaaaafrica!! (Snilld ..)
Réttur texti:"Ahhhh Freak out!!"
Þetta síðasta var vinkona mín.

Njóttu dagsins.

9. Desember

Rúsínukökur handa ykkur rúsínurnar mínar.

Bakaði þessar í fyrra og þær voru alveg geggjaðar. Bakaði þær aftur núna og smakkast jafn vel. I fyrra voru þær samt seigari, veit ekki afhverju en eru samt jafn bragðgóðar,seigar eða ekki seigar.

2 bollar haframjöl
2 1/2 bolli hveiti
2 bollar sykur
1 bolli smjörlíki
1 tesk. natron
1/2 tesk. salt
1 bolli saxaðar rúsínur
2 egg

Hveitinu og natróni sáldrað, þar í blandað haframjöli og salti. Smjörlíki mulið í og rúsínur settar út í, vætt í með eggjunum. Hnoðað þar til deigið er jafnt. Rúllað í lengjur, sem skornar eru í jafna bita, sem rúllaðir eru í kúlur og pressaðar flatar milli handanna. Settar á plötu og bakaðar ljósbrúnar.

Enjoy!

8. desember

Afhverju hafa þessir þættir aldrei verið endursýndir? Varð nú bara að deila þessu gamla klassíska videoi með ykkur. Svínka og Dýri eru mín uppáhöld í þessu lagi og svo var nú hann John heitinn Denver alltaf krútt. Æi ég kemst í svo gott skap af þessu lagi.



Happy monday!

5. Desember

Jæja þá er maður orðin degi eldri. Finn alveg hvað ég er orðin þroskaðri og vitrari á þessum sólarhring. Annars byrjaði dagurinn á frekar pirrandi fréttum,stuðningsfulltrúin hennar Sögu í skólanum er ólétt og hættir eftir jól.Hún er níundi stuðningurinn sem Saga og Ida eru með á 3 og hálfu ári. Fulltrúin nr. 5 að verða ólétt á stuttum tíma. Sorry en ég er orðin svo leið á þessu því í hvertskifti sem þetta gerist verður Saga óróleg og maður þarf að byrja upp á nýtt með nýju fólki og það tekur alltaf nokkra mánuði að komast á rétt ról.Jæja nóg um það.

Annars fór afmælisdagurinn í að klára að kaupa jólagjafir sem mér tókst. Svo kom Saga heim með gjöf handa mér, rautt hjarta sem hún hafði saumað handa mömmu sinni og kort sem hún gerði og skrifaði sjálf.Ægilega fallegt og vel gert og hún var svo stolt. Baltasar greyið hafði ekki tíma að föndra neitt í skólanum útaf skólaleikritinu sem hann er með í en núna eru stanslausar æfingar. Við fórum svo út að borða öll í gærkvöldi og fórum svo heim og horfðum á Kong fu Panda. Er hægt að biðja um betri afmælisdag. Jú og svo fékk ég helling af kveðjum bæði hér og á facebook. Takk kærlega fyrir það, yljaði mér um hjartarætur á annars köldum degi(allt í snjó hér).

Annars verð ég nú að segja litla sögu um Sögu mína. Jón er strákur sem er með DS og hefur verið dansfélagi hennar í Dissimilis í nokkur ár núna. Saga er búin að segja við hann að þau ætli að giftast og hann hefur sagt við mömmu sína að hann vilji það alveg en fyrst þegar hann verður stór. Saga er svo alltaf að kyssa hann en hann greyið er ekki góður í að segja nei og þrátt fyrir að við reynum að segja henni að hann vilji ekki svona kossaflens þykist hún ekki heyra það. Hann hefur sagt við mömmu sína að hann vilji alveg kyssa Sögu en fyrst þegar þau verða fullorðin. Hann er svo skynsamur drengurinn- verður góður tengdasonur! Svo var það hér í síðustu viku að þau voru á æfingu og Saga gengur inn um dyrnar, sér Jón, smellir kossi á kinn hans og segir "Du vet at jeg elsker deg" og gekk svo í burtu. Haldið þið að það sé ást!

Svo var Baltasar að segja upp sinni kærustu en hún er tvíburi og fyrst var hann kærasti með einni og svo hinni!! Svo sagði hann hinni upp í fyrradag og sá svo eftir því í gær! Mér finnst börn byrja ansi snemma á þessu í dag.

Lag vikunnar er ekki beint jólalag en það er úr mynd sem gerist um jól og ég ákvað að þetta gæti alveg verið jólalag(það er allavegna jólatré í videoinu). Mig langar alltaf svo að kunna að syngja þegar ég horfi á þetta video. Þetta lag er að finna í kvikmyndinni Peter's friends sem er frá 1992.Úrvals leikarar í úrvals mynd.




Fannst þér ekki þetta lag fallegt? Skjáumst á mánudaginn.Góða helgi og annan í aðventu.

4. desember

Ég á afmæli í dag

Ég á afmæli í dag

Ég á afmæli sjá-álf

Ég á afmæli í dag



Ég er 29 ára í dag

Ég er 29 ára í dag

Ég er 29 ára ég sjá-álf

Ég er 29 ára í dag



Hei- aftur!! En hvað það var skrýtið.

3. desember

Gleymdirðu að kaupa í jóladagatal handa eiginmanninum/sambýlismanninum eða loverboy og hann er í fílu þessa dagana. Ekki örvænta, hér er lausnin.Finndu fram þinn innri föndrara og föndraðu þetta bráðsniðuga jólabjórdagatal, einfalt og alveg örugglega vinsælt. Það eina sem þú þarft er fullur bjórkassi og smá pappi. Gerist ekki einfaldara



Hev a næs föndurday!

p.s hver á afmæli á morgun???

2. des

Ég er nú ekki hrifin af rauðvíni en í desember fæ ég mér stundum glögg því mér finnst það svo jólalegt. Þarf svo sem ekkert að vera áfeng en hér er samt uppskrift af jólaglögg með áfengi því ég er nú svo mikill auli að óafengu glöggina kaupi ég nú bara í kartoni!

Jólaglögg

• Áfeng 1 flaska rauðvín


• 1 appelsína


• 15 - 20 negulnaglar


• 1/2 vanillustöng


• 1 dl sykur
Hellið víninu í pott. Stingið negulnöglunum í appelsínuna og leggið í pottinn og látið malla um stund. Bragðbætið með vanillu og sykri. Glöggin er best rjúkandi heit. Mér finnst gott að setja möndlur og rúsínur útí og svo er ómissandi að gæða sér á piparkökum með.Mest afþví það er svo jólalegt.

Skjáumst á morgun.

1. Desember

Finnst þér að fólk eigi allt og það sé erfitt að finna góðar og nytsamlegar jólagjafir hvert ár? Örvæntu ekki því hér er jólagjafahugmyndir ársins. Vertu viss um að fólk á ekki þessa hluti og vissi ekki einu sinni að þeim vantað þá heldur. Þú getur líka glatt sjálfa(n) þig á þessum nytsamlegu gjöfum.


Hvernær hefurðu ekki verið að borða súpu og kex og hugsað með þér hvað væri nú gott að spara uppvaskið því það er nú mikið að vaska upp bæði skál og disk! Já nú er hægt að borða súpu og kex og bara skíta út eina skál.Er hægt að óska sér meira en það? Þetta er tilvalin gjöf handa húsmóðurinni.

Hvenær hefurðu ekki verið að hreinsa út úr eyranu og hugsað með þér að það væri nú aldeilis gaman að geta séð mergin inn í eyranu og skoðað svo eftir á hvað eyrað er orðið hreint. Nú er þetta hægt með þessum sniðuga spegli. Er þetta ekki alveg tilvalið handa afa gamla.



Hvenær hefurðu ekki verið nýbúin að lakka á þér neglurnar og verið leið yfir því að enginn sjái það því þú notar sokka daglega. Núna geturðu bæði verið í sokkkum og sýnt fólki hvað þú ert með flottar tær og á sama tíma fengið flott millibil milli tánna. Held nú að heimasætan yrði ánægð með þessa gjöf.


Hversu oft hefurðu verið að pirra þig á því hversu oft þarf að ryksuga á þínu heimili. Núna geturðu bara hent ryksugunni og keypt moppuinniskóna handa allri fjölskyldunni. Garantera að því fleiri börn sem þú átt því hreinna verður gólfið. Og þú færð þessa rykhanska í kaupbæti, núna verða aldrei lengur fingarför á sjónvarpinu. Þetta er gjöf handa öllum í fjölskyldunni.


Hvenær hefurðu ekki horft á sjálfan þig í spegli fyrir ársártíðir og aðrar mikilvægar skemmtanir og óskað að þú ættir sparitennur. Núna geturðu verið eins fín(n)og þig langar með þessum glæsilega tanngarði sem passar í alla góma! Held að pabbinn á heimilinu kynni að meta þessar tennur!


Og að lokum - jólagjöf ársins - Sjálfvirki teljandi sparibaukurinn. Kaupirðu þetta handa vinum og kunningjum sleppur fólk alveg við að nota banka til að geyma peningana sína! Hér færðu nákvæma stöðu yfir þín fjármál og sleppur á sama tíma að eiga viðskifti við bankana um áraraðir. Þetta er klárt jólagjöfin í ár, hentar öllum í fjölskyldunni og það besta er að baukarnir fyllast fljótt og þá er bara að kaupa nýjan næstu jól!


Þetta var mitt framlag til jólagjafa hugmynda fyrir bloggvini mína.

Meira frá Köben

Svanfríður vildi endilega vita meira svo hér kemur smá meira.
Eins og sjá mátti í síðusu færslu var ég frekar umkomulaus fyrstu mánuðina í Danmörku. Ég var nánast mállaus en skildi aðeins meira en ég gat talað, nánast ekkert sem sagt var í tímum en ég gat hlustað á einfaldar samræður ef fólk talaði hægt á drottningardönsku.

Fyrsta mánuðinn í skólanum var einskonar kynningarmánuður þar sem bara var djammað og djúsað og hygget sig. Ég mætti alltaf galvösk á allt enda hafði ég lítið annað að gera og var að jafnan sú sem kom fyrst og fór seinust. Gleymi seint fyrstu veislunni. Það var búið að dekka á langborð á ganginum í skólanum en hann var frekar þröngur. Ég hafði fengið sæti fyrir miðju borði og nánast ómuglegt að komast á klósettið svo ég endaði á að klifra út og inn um gluggann í kennslustofunni sem var fyrir aftan mig. Mér fannst nefninlega svo erfitt að labba framhjá hálfum bekknum(en við vorum 70) því allir vildu endilega spjalla við útlendinginn svo mér fannst þetta skárri kostur. Þegar danir halda svona veislur eru þeir endalaust að skála. Drukkið var bjór í þessari veislunni og reykingar voru leyfðar inni en ekki var mikið um öskubakka og því voru tómar bjórflöskur notaðar til í staðin. Í eitt skiftið þegar átti að skála greip ég næstu flösku sem ég sá að ekki var tóm og svo kom skå- å- å- ål og svo áttu allir að drekka sem ég og gerði. Betri blöndu af bjór og ösku hef ég sjaldan smakkað! Og þarna vandaðist nú valið, hvað gerir maður til að halda haus? Jú ég tók þá skynsamlegu ákvörðun að láta sem ekkert væri og kyngja fjandanum enda vildi maður ekki gera sig að fífli svona mállaus og allt. Skå- å- å- ål alle sammen. Smil og fuck.....

Svo var farið í skólaferðalag og tekið var fram að allir yrðu að taka með sér 2 lök sem ég og gerði - teygjulök. Ég skildi nú ekkert afhverju ég ætti að taka með mér 2 lök en var ekkert að spyrja neitt nánar út í það því ég var ekki viss hvort ég myndi skilja svarið. Um kvöldið var svo sagt að nú ætti allir að fara í svefnálmuna og klæða sig fyrir veisluna en það átti að vera "togafest" og allir ættu að vera í lakinu sínu og engu innan undir. (Ef þú ekki veist hvað togafest er þá er það veisla þar sem allir eru klæddir eins og Grikkir til forna, í lökum sem er sveiflað yfir axlirnar.) Hvað gerir maður þegar maður er bara með teygjulak með sér afþví maður hefur aldrei heyrt um togafest? Einhver sá aumur á útlendingnum og lánaði mér lak og svo mætti ég í veislu. Mæ god hvað mér leið illa, til að kóróna þetta allt voru mér útvegaðir 2 ungir menn sem áttu að þjóna mér á tá og fingri allt kvöldið. Sátu alveg klesstir við mig og ég sem var nánast nakin. Nei þetta var nú ekki gaman en þar sem ég var sannur íslendingur hellti ég í mig nokkra bjóra því eitthvað var maður að gera til að halda þetta út og svo varð ég líka miklu betri í dönsku þegar ég var komin á fjórða bjór. Hef ALDREI farið í svona veislu síðan og myndi ekki fara þótt mér yrði borgað fyrir það.

Nei það var ekki tekið út með sældinni að vera útlendingur í Danmörku á þessum fyrstu mánuðum. Var eiginlega voða lítið gaman en aldrei hvarflaði að mér að fara heim og eftir á var þetta bara bráðfyndið allt saman.

Lag vikunnar var vinsælt á þessum tíma. Ekki beint léttmeti en gott engu að síður. Síðasti sjens fyrir svona lög á þessu ári því núna eru bara jólalögin eftir og þau eru nú flest jollí. Og svo vill ég bara segja að mér finnst hann Eddie Vedder sem var söngvari í þessari hljómsveit ansi myndó.


Ekki gleyma svo að kíkja hér við daglega í desember. Jólablogg á sínum stað eins og í fyrra. Alveg með sama sniði sem þýðir að ég blogga bara á virkum dögum. Lofa að koma þér í jólaskap fyrir 24 desember.

Gleðilega helgi og fyrsta sunnudag í aðventu.

Ennþá brennur mér i muna..

Í ágúst voru 14 ár frá ég flutti frá Íslandi. Það var nú svolítið fyndið hvernig það bar undir. Það var þannig að ég hafði sótt um 3 skóla í Danmörku veturinn 92. Stuttu á eftir keyptu foreldrar mínir íbúð í vesturbæ Reykjavíkur sem var rétt hjá Háskóla Íslands og var hugsað að ég myndi búa þar enda hafði ég í millitíðinni hætt við að fara til Danmerkur. Verslunarmannaföstudaginn þetta sumar fékk ég svo 3 bréf frá Danmörku þar sem mér var tjáð að ég hefði fengið inn í 2 af 3 skólum og ég yrði að gefa svar eftir helgina. Ég var nátturulega hætt við en ákvað nú samt að hugsa málið næstu daga. Við fórum á Foss þessa helgina og var farið á fjöru þar sem ég var að týna flöskur. Á þessum fjörum eru mjög mikið af flöskum og öðru sem rekið hefur á fjöru og í öllu þessu drasli fann ég flösku sem var hálf grafin ofan í sandin sem reyndist vera flöskubréf - frá Danmmörku! Það var semsagt búið að taka ákvörðun fyrir mig og ég var ekkert að efast um að sú ákvörðun væri röng.

Ég hafði aðeins 3 vikur að pakka og redda mér húsnæði nálægt háskólanum í Roskilde en hann er aðeins fyrir utan Roskilde. Ég reddaði mér herbergi á bóndabæ með aðgang að eldhúsi og baði sem var aðeins 20 mín frá skólanum. Eigandinn náði í mig á lestarstöðina daginn sem ég kom og tjáði mér að öll útihúsin hefðu brunnið til kaldra kola vikuna áður og þegar ég kom á áfangastað fékk ég nett sjokk. Langt úti í rassgati var þetta hús með brunarústum allt í kring og helvítis hundkvikindi sem gelti við minnstu stunu. Ekkert var þvottahúsið og 6 km í næsta bæ með þvottahúsi og strætó hætti að ganga kl 17 á daginn!! Glæsilegt. Herbergið var hræðilegt, hafði hvorki útvarp né sjónvarp og ekki með síma. Brúnt gólfteppi, 1 rúm, skrifborð einn skápur, brúnleitir veggir og allt undir súð. Sama kvöld ákvað ég að ganga í skólann svo ég vissi hvað það tæki ca langann tíma. Mikið rétt, rétt rúmar 20 mínutur tók þessi ganga á sveitavegi þar sem ekkert var að sjá nema beljur og hesta. Verð nú að viðurkenna að þarna brotnaði ég alveg. Þarna var ég langt úti í sveit, þekkti enga, langt frá öllum mannabyggðum og hræðileg húsakynni. Ég hugsaði með mér að þetta yrði stutt stopp í útlöndum!

Í þessum döpru húsakynnum bjó ég í heilann mánuð, hef aldrei á æfinni verið eins einmanna og umkomulaus en svona útá við lét ég sem ekkert var. Hugsaði með mér að þetta yrði nú varla verra og gæti þessvegna bara batnað. Ég vildi nátturulega ekki búa þarna lengi og reddaði mér herbergi mánuði seinna inni í KBH, á Amager hjá einstæðri konu þar sem ég hafði ágætt herbergi með sjónvarpi og útvarpi. Enn þekkti ég enga svo að helgarnar hjá mér fóru í að á föstudögum þegar ég kom heim settist ég með sjónvarpsdagskránna í fangið og skrifaði niður allt sem ég gæti séð í sjónvarpinu þá helgina og það var nú ekki lítið því ég var með kabal. Svo horfði ég á sjónvarpið og borðaði take away því aðra hverja helgi mátti ég ekki nota eldhúsið frá 17 á kvöldin því þá var elskhugi konunnar í heimsókn! Rétt fyrir fyrstu jólin mín kynntist ég svo fyrstu íslendingunum, fékk herbergi á Öresundskolleginu og líf mitt tók stökkbreytingum og frábær ár fylgdu með miklum glaum og gleði. Hér er ég enn, að vísu ekki enn í Köben en enn í útlöndum og lítur ekkert út fyrir að vera neitt á leiðinni heim. Þetta stopp varð lengra en ég bjóst við í byrjun dvalarinnar.

Ætlaði nú eiginlega að vera með danskt lag en svo fann ég þetta líka ljúfa lag sem ég hélt upp á hér i den og mér finnst það bara eldast alveg þrælvel. Erþaggi?



Hamingjusama helgi.

Jólasveinn

Ég gleymdi alltaf að segja frá þessu. Í sumar þegar við vorum í portugal vorum við að keyra á hraðbrautinni frá flugvellinum og þar er 120 km hraðbraut svo að við keyrðum á fljúgandi hraða. Allt í einu kviknaði ljós inni í bílnum og ég skildi ekki neitt, spurði hvað væri að gerast og allt í einu segir Baltasar að hurðin hans væri opin. Drengurinn hafði opnað hurðina í einhverju óráðskasti. Ég kastaði mér aftur í eins langt og ég komst en ég var enn í belti og reyndi að halda hurðinni á meðan JC keyrði bílinn út í kant svo hægt væri að loka almennilega. Ég ætlaði nátturulega að segja frá þessari æsispennandi en óskemmtilegu reynslu strax eftir sumarfríið en gleymdi því að sjálfsögðu.

Annars heyrði ég fyrsta jólalagið í dag "jólasveinn taktu í húfuna á mér jólasveinn..". Þessir tónar hljómuðu úr herberginu hennar Sögu í morgun. Hún spyr daglega núna hvort jólin séu að koma. Hún er alveg tilbúin. Verður gaman að fara til Íslands um jólin þrátt fyrir kreppu og allt það. Svo keypti ég eina jólagjöf í gær svo að þetta er allt að koma. Æi ég hlakka til að komast í jólaskap, borða leverpostej med sveppum og beikoni, drekka glögg og bara jólast. Notarlegt að sitja í stofunni með kveikt á arninum og borða smákökur og maltesín en ég á 2 malt sem ég er búin að vera að spara til að eiga í desember. Við erum samt búin að ákveða að ekki taka með okkur jólagjafir til Íslands. Við erum boðin til systur JC þann 20 des í fjölskyldujólaboð og ætlum bara að opna norsku jólagjafirnar hjá þeim. Ekkert vit í að vera að fara með gjafir með sér til íslands sem maður fer aftur með heim til sín. (Akkurat núna labbaði lítill hundur undir skrifborðið mitt en nágranni minn hér í vinnunni tekur oft með sér tíkina sína sem heitir Lille Pernille! - smá úturdúr) Já svo er spurningin hvort ég ætti að nenna að vera með jóladagatalsblogg í ár eins og í fyrra.

Lag vikunnar er bæði sætt og skemmtilegt. Er alveg eldgamalt svo ég er ekki viss um hvort ég hafi verið fædd þegar þetta var tekið upp. Er ekki youtube alveg frábært. Mér finnst það. Þetta lag er flutt af manninum sem mér fannst svo skrýtið þegar ég var lítil að gæti sungið svona vel og verið blindur á sama tíma. Guess who!



Góða helgi

Stundum

leiðist mér í vinnunni eins og í dag.Ég er að bíða eftir að þeir sem ég er að vinna með skili mér því sem ég þarf til að geta haldið áfram með mitt verkefni. Þeir eru bara ekkert að gera það. Síðasta fundi sem ég hélt með þeim komu þeir 40 mínutum of seint og svo vilja þeir að allt sé tilbúið fyrir jól. Ég er ekki töframaður.Vildi bara koma því frá mér á móðurmálinu því ég nenni ekki að tuða lengur í þeim. Annars er búin að vera ægilega gaman og mikið að gera um helgina. Gama að hafa M og P og gaman að vera í Óperunni. Allar sýningar gengu vel og núna er þetta búið í bili. Skrýtið og gott á sama tíma. Nokkrar myndir á facebook. Legg út meira seinna.

Verður bara næs að geta slappað af næstu helgi og farið í búðir og keypt jólagjafir(afþví það er svo afslappandi!!). Ég er búin að lofa sjálfri mér því að vera búin að kaupa allar jólagjafir 1 desember. Mér finnst ekkert leiðinlegra en að fara í búðir í desember. Verð alveg hræðilega geðvond og fúl í búðartroðningi. Og sveitt, ekki gleyma því. Og mér finnst ekkert gaman að svitna nema þegar ég er í spinning. Er hálfnuð i þessum kaupum nú þegar. Þarf svo líka að kaupa jólaföt á börnin - fyrir 1. des. Baltasar ætlaði að fara í sparifötin að sjá systur sína í óperunni en greyið leit út eins og fimmtugur karl í fermingarfötunum sínum. Það sem hann hefur stækkað drengurinn.

Æi já, er annars bara að blogga þetta til að hafa eitthvað að gera annað en að bíða og láta mér leiðast. Hvernig væri að horfa á eitthvað skemmtilegt?


later

Annar í Óperu

Jæja það kom að því. Frumsýning á óperunni "Jenny - en anderledes opera" og það gekk alveg ljómandi vel. Á þriðjudaginn hefði ég veðjað á að þetta myndi engann veginn ganga en það er svo merkilegt með þennan hóp að æfingarnar geta gengið hörmulega en þegar alvara lífsins tekur við klikka þau ekki. Ég var bak við senuna, hjálpaði prímadonnunni að skifta um búinga og grét þegar við átti en þetta er dramatísk ópera eins og þær að vanda eru sem endar með dauðsfalli í lokin. Á eftir var rosa veisla með ræðuhöldum frá menningarráðherranum, Oslo ordförer og öðru merku fólki. Það voru veittar peningargjafir og fékk Dissimilis í allt um 500 þús norskar, ekki slæmt það. Svo voru borðaðar pulsur og kökur og drukkið djús með sólhlífarpunti, horft á galdramenn og spilað og sungið. Glæsilegt og gaman að þetta skuli hafa verið gert fyrir hópinn. Öll voru þau stolt yfir þessu afreki en þetta er í fyrsta skifti í norskri sögu að svona hópur setur upp óperu. Mikið var gaman að hafa verið með í þessu. Skrýtið að á sunnudaginn er þetta búið. Það ferli sem hófst fyrir 14 mánuðum er allt í einu að ljúka, allavegna í bili. Förum á suðurlandið í mars svo æfingar hefjast eftir áramót að nýju. Set inn nokkrar myndir af dömunni. Hún var nátturulega sætust eins og alltaf.

Guðrún Sigfinns á þetta lag vikunnar. Hún sendi mér link á youtube sem ekki virkaði en ég fann lagið engu að síður. Góða skemmtun Guðrún sem er hjá þýsku þjóðverjunum.



Í kvöld ætla ég í óperuna að sjá dóttur mína, þá verður stuðningsfulltrúinn hennar Sögu með henni. Hlakka voða til. Góða helgi.

Frumlegar auglýsingar

And the winner is....

Enginn önnur en hún Guðrún Sigfinnsdóttir. Til hamingjum með það! Nú er bara að velja lag. Gaman að sjá að flestir kunnu þetta enda á hvert mannsbarn á Íslandi að hafa lesið þessa bók í grunnskóla. Stebbi hafði nú gaman að þessari bók og grunar að hann var nú smá skotin í henni Snæju pæju.
later!

Jó

Ég var að ljúka við að lesa 980 síðna bók, byrjaði á henni í sumar, tók pásu og byrjaði svo aftur í haust. Í bókinni er kynntar um 5 persónur sem maður fylgist vel með og nokkrar aðrar sem maður fylgist einnig með bara ekki eins náið. Hvernig endar svo bókin, jú allar nema tvær persónur drepast. Hvað er þetta eiginlega. Hvað er verið að láta mann lesa svona helv.. langa bók og svo drepast allir. Algjör bömmer. En þegar þessi var búin varð ég að finna nýja bók og þar sem ég er í íslenska fílingnum þessa dagana valdi ég íslenskt, að sjálfsögðu. Og nú er spurningin, hvaða bók er ég að lesa? Hún hefst á þessa leið."Sú var tíð, segir í bókum, að íslenska þjóðin átti aðeins eina sameign sem metin varð til fjár. Það var klukka. þessi klukka hékk fyrir gafli Lögréttuhússins á Þingvöllum við Öxará, fest við bjálka uppí kverkinni" Sá fyrsti til að svara þessu fær vegleg verðlaun. Þau eru að viðkomandi fær að velja lag vikunnar í næstu viku. Hversu frábært er það! Eina skilyrðið er að lagið verður að finnast á Youtube. Væri samt gaman ef allir myndu geta á bókinni því þetta á hvert mannsbarn að þekkja.

Tæp vika í frumsýninguna hjá Dissimilis í Óperunni. M og P koma á miðvikudaginn og það verður voða gaman og svo förum við öll að sjá sýninguna eftir viku. Verð þá búin að sjá hana nokkru sinnum en aldrei alla í einu. Verð nú að viðurkenna að ég er smá stressuð fyrir þeirra hönd.

Annars er ég öll í sárum vinstra megin í munninum, var hjá tanna í gær en það hafði brotnað upp úr jaxli og hann deyfði mig svo einstaklega vel að ég var allann daginn í gær að bíta smá stykki úr innri kinn. Voða næs. En engar holur. Gat ekki verið betra en ég HATA tannlækna af ástríðu og skil ekki að einhverjum heilvita einstaklingum geti langað að vinna við þetta.

Jæja lag vikunnar bíða allir eftir. Rólegt og jollý fíling og allt það. Er í rólegu skapi þessa dagana.



Góða helgi allir sem einn.

p.s ég slökkti á Bylgunni í dag, get bara ekki meira.

Vatnið komið

sem betur fer. Var einu sinna að vinna á leikskóla í RVK og þar var ákveðið að hafa þemadag - dag án rennandi vatns! Ekkert jafnast á við að vinna í leikskóla með 50+ börnum og slatta fullorðnum og geta ekki sturtað niður. Áhugaverður dagur sem seint gleymist en ég ætla ekkert að fara neitt nánar út í það.

Annars er ég orðin einstaklega þjóðleg. Eftir að hafa alið mannin erlendis síðan ég var rétt rúmlega tvítug hef ég orðið meira og meira "skandínavísk". Oft langt í íslendinginn í mér enda gift útlendingi og á útlensk börn og útlenskt líf. Hef svo sem haldið í ýmsa siði eins og hangikjöt á jólunum og maltesín og svo fengu börnin mín bara að hlusta á íslenska tónlist í mörg mörg ár en annars ekkert verið voða íslensk fyrir utan það. Nema núna. Eftir að allt fór í skrall á Íslandi er ég orðin miklu meiri íslendingur. Var í búð um daginn þar sem ég heyrið mann og konu tala saman um ástandið og hvort það væri komin vöruskortur á Íslandi og ég sem annars aldrei tala við ókunnugt fólk endaði í miklum samræðum við þetta fólk en maðurinn var á leiðinni til Íslands.Er yfirleitt ekkert að skifta mér af svona venjulega þótt ég heyri bláókunnugt fólk tala um ísland. Ég er búin að fara oft í lopavestið mitt góða sem ég keypti í sumar og Saga líka verið í sínu síðustu vikurnar. Svo hlustum við bara á íslenska tónlist í bílnum, aðalega þó þegar Saga er með. Við syngjum hástöfum "Ég er á leiðinni", "Vertu ekki að plata mig" og "Þitt fyrsta bros". Krökkunum finnst þetta æði. Ég drakk maltesín í gær og það er búið að bjóða mér í laufabrauðabakstur(first ever)í lok næsta mánaðar og ég ætla að mæta.Svo hlusta ég bara á íslenskt útvarp í vinnunni og horfði slatta á RUV þessa dagana. Þetta þýðir samt ekki að ég sé byrjuð að pakka og ætli að flytja til Íslands. Nei ekki freistandi þessa dagana en ég er samt með ykkur í anda og á Bylgjunni á hverjum degi.

Norðmenn eru uppteknir af því sem er að gerast og ég heyri nánast hvar sem ég er einhvern tala um ástandið á Íslandi, það hafa meira að segja verið fleiri lesendabréf í norsku blöðunum þar sem viðkomandi hafa viljað að norska ríkisstjórnin hjálpi Íslendingum svo við ekki þurfum að fá lán frá Alþjóðagjaldeyrissjóðinum. Svo það eru ekki allir útlendingar sem hata íslendinga. Verð nú samt að segja að kannski hefðu íslendingar átt að temja sér hófsemi norðmanna í gegnum árin í staðinn fyrir að vera að krítisera þá eins og ég hef oft upplifað. Kannski væri ástandið ekki alveg jafns slæmt hjá mörgum.Veit ekki!

Erfiðasta spurning dagsins (fyrir utan hvort ég ætti að fara í gammósíur eða ekki sem ég svo gerði en vissi ekki að það var 13 stiga hiti úti kl 8 og er að kafna!!!) er hvaða lag á ég að velja. Var að spá í að velja íslenskt að sjálfsögðu, eins og allir ættu að gera í dag en það er ekki svo auðvelt því það eru svo fá ísl. lög á Youtube og ekkert af mínum uppáhalds. Svo ég ákvað að velja þetta lag - alveg út úr kú miða við færslu dagsins.Ein uppáhalds hljómsveitin mín og svo var þetta líka uppáhalds söngvarinn hennar Hönnu Siggu vinkonu, henni fannst hann svo sætur(ha ha ha).Fór á tónleika með þeim í Köben - var ein og skemmti mér geðveikt vel. ELSKA síðustu mínúturnar.Enjoy.



Gleðilega helgi.

Piss piss og pelamál

púðursykur og króna
ef að mér er mikið mál
þá pissa ég bara í skóna.

Já svona er ástandið hjá mér í dag en þegar ég kom í vinnuna í dag var mér og öllum hér tilkynnt að það væri vatnslaust í allan dag svo nú er eins gott að sleppa að drekka í dag. Og ég sem var búin að kaupa mér smá kók og ætlaði aldeilis að "hugga" mér í hádeginu. Best að sleppa því. Hefði betur unnið heima í dag hefði ég vitað þetta.

Ekki meira krepputal

Kreppa - nei takk.
Kvikmyndir - já takk.
Mér finnst voða gaman að horfa á kvikmyndir en fer nú samt sjaldan í bíó. Veit ekki afhverju. Ég er búin að komast að því að þrátt fyrir að vera komin á þennan virðulega aldur er ég með voða lítið þróaða húmor- eiginlega hálf barnaleg. Ég hlæ að ALLTAF yfir friends og Frasier. Og ég hef nú hlegið mikið yfir The Pink Panther, hann er nú bara alltaf fyndin. En stundum kem ég sjálfri mér á óvert eins og með mynd eina sem ég var alveg handviss um að ég ætti ALDREI eftir að hlægja að og ég man þegar ég sá brot úr henni hristi ég bara hausinn og tilkynnti hátt og snjallt að þessa mynd ætti ég ekki eftir að sjá því hún væri vitlaust, heimskulegog lítið fyndin. Ég fór þar af leiðandi ekki að sjá hana í bíó og leigði hana aldrei á video. Nokkrum árum eftir að hún kom út var hún svo sýnd í sjónvarpinu og ég fór eitthvað að horfa á hana og viti menn - ég hló eins og hálviti yfir nánast allri myndinni. Hálfpartinn skammaðist mín fyrir að þykja þessi myndi fyndin en hún fer svo yfir öll velsæmdarsmörk og vitlaus að það hálfa væri nóg. Hvaða mynd var svo þetta? Hver önnur en "Borat: Cultural Learnings of America for Make Benefit Glorious Nation of Kazakhstan ". Mér fannst hún eiginlega bara sprenghlægileg. Svei mér þá.

Annars er ég orðin svona fílgúd kvikmyndaáhorfandi. Nenni ekki að horfa á einhverjar ægilega dramatískar myndir með dauða og sorg og melankólíu. Mér finnst eiginlega nóg af því í fréttunum. Vill horfa á myndir sem fá mér til að líða vel eða farast úr spenningi, þær þurfa ekkert endlega að skilja mikið eftir sig annað en það. Ég viðurkenni alveg fúslega að mér finnst enn gaman að sjá "A four weddings and a funeral" , "Love acctually" og álíka myndir með reglulegu millibili. Hlæ alltaf yfir þeim þrátt fyrir að ég viti hvað eigi eftir að gerast. Og svei mér þá ef maður er ekki búin að sjá myndir eins og Grease billjón sinnum og meira að segja Mamma Mia tvisvar sinnum og útiloka ekki að ég eigi eftir að sjá hana aftur. Ef það var ekki fílgúd þá veit ég ekki hvað.
Jú og svo er ég ægilega hrifin af Jane Austen myndum og þáttum. Líka svona fílgúd með húmor og ást og flott föt(en á þessum tíma voru konur í voða fínum kjólum). Já það finnast nú margar fínar myndir sem hægt er að horfa á og gleðjast yfir á þessum síðustu og verstu tímum. Er nokkuð betra en að hlægja yfir mynd á föstudagskvöldi og gefa skít í kreppuna? Hvet alla til að horfa á eina góða mynd um helgina.

En þá er komið að því sem þú ert búin að bíða í ofvæni eftir alla vikuna. Lagi vikunar!!! Var að spá í svona fílgúd lagi fyrir þessa helgina.Very very old song(berist fram með inverskum hreim) !



Hljóða helgi!!!!!

Saga 9 ára

Litla stelpan mín er að verða stór. Er 9 ára í dag. Til hamingju með það.

Fann þetta og finnst það passa svo vel við Sögu: "I've learned that people will forget what you said, people will forget what you did, but people will never forget how you made them feel." Það verður nú að segjast að jákvæðari einstakling er erfitt að finna. Er geðgóð og tekur öllur á jákvæðann hátt - nema þegar hún er með fyrirtíðar unglingarveiki! Þá rúllar hún augunum í hringi og segir "herregud mamma" en baráttan um sjálfstæðið er farið að gera vart við sig suma daga og ekkert nema gott um það að segja.

Á eftir verður afmæli með 12 stelpum og það verður voða stuð. Sögu er búið að hlakka til í marga mánuði. Hún var voða sæl með afmælisgjöfina frá okkur en við gáfum henni Playmo hús með fjölskyldu og alles og Baltasar hafði keypt handa henni Disney púsl og Disney bók með öllum helstu sögunum. Hún hefur enn voða gaman að því en þessi bók er með nógu stórum stöfum til að Saga geti lesið sjálf(svo dugleg er hún orðin).

Hér er mynd af Sögu á Dissimilisæfingu í einum af búningnum hún á að vera í. Hún tók andköf þegar hún sá þennan fína kjól.


Góða skemmtun í kvöld í Latarbæjarafmælinu þínu Saga sæta. Hipp Hipp Húrra.

Det er da eddermame noget LORT !

Afsakið orðbragðiði en það er nú lítið annað hægt að segja um ástandið í dag.

Sonur minn kom inn á mánudaginn um sexleitið og sagði við mig "mamma hvað er eiginlega að þér, geturðu ekki passað upp á dóttur þína ?". Ég kom af fjöllum, vissi ekki betur en hún væri heima í góðu yfirlæti. Nobb, hún hafði stungið af. Saga hafði skotist út til nágrannana berfætt í hvítum sumarkjól frá Aldísi og farið að hoppa á trambolíninu. Sem betur fer var Baltasar að leika sér þar og var nú ástæðan fyrir þessum flótta hennar en hún hefur séð sér færi að láta sig hverfa þegar hún sá að mamma hennar var upptekin við annað. Hvað var ég svo að gera. Jú,ég var að horfa á íslenska forsetisráðherran hiksta í beinni útsendingu á netinu. Sat sem negld en það var ekki svo auðvelt að skilja þetta hikst hans en það var hræðilegt samband svo allt sem hann sagði var slitrótt en ég náði nú samt því helsta. Mér leið eins og þriðja heimstyrjöld væri að hefjast þvílík var alvaran. Alla vikuna hef ég hlustað, horft og lesið íslenska netfjölmiðla og bara búin að vera á nálum. Mikið lifandi skelfing er ég fegin að við fluttum peninginn okkar frá Kaupþing síðustu helgi. Er að lesa um fólk hér í Noregi sem er búin að "týna" peningnum sínum. Hafði yfirfært frá Kaupþing og fengið kvittun um að peningurinn væri sendur af stað en kom svo aldrei á áfangastað og enginn veit neitt. Hræðilegt ástand allstaðar. Ekkert hægt að segja meira um það.

Annars smá kvart - svona hversdagskvart eiginlega. Ekki neitt eins mikilvægt og ógnvænlegt eins og fjármálaheimurinn. Bara pirrandi að strengur á flestum kvenngallabuxum í dag eru svona á miðjum mjöðmum og flestir hlýrabolir ná rétt niður fyrir miðjar mjaðmir. Þetta þýðir að ef maður ætlar að girða bolinn oní buxurnar og maður sest fer bolurinn upp úr buxunum og maður endar á því að vera ber á milli laga. PIRRANDI!

Ekki er samt hægt að sleppa lagi vikunnar. Mikill bjartsýnissöngur og hægt að dansa við hann líka. Tekstinn passar bara vel við það sem er að gerast núna. En ef þetta er ekki rétti tíminn til að bregða undir sig betri fætinum og taka smá snúning til að létta á sér lundina þá veit ég ekki hvað.




Góða helgi og ekki gleyma að kíkja við á þriðjudaginn því þá eiga sumir afmæli.

Vetur á Íslandi

Sá á Mogganum áðan að það hefur snjóað í höfuðborginni(þeirri íslensku). Ekki var það nú á bætandi, svona ofan í allt sem á hefur gengið síðustu viku. Er búin að hlusta á Bylgjuna alla morgna þessa vikuna og það hefur ekki beint verið uppörvandi. Nú er komin vetur á Íslandi. Eina huggunin er að íslendingar eru jú harðgerð þjóð sem hefur upplifað tímana tvenna og maður bara vonar að þessi harðindi eigi ekki eftir að vera langlíf. Það er á tæru að á Íslandi sem hér í Noregi verður fólk að fara að lifa sparlegra en áður og því miður eru kannski margir sem eiga eftir að missa mikið. Það er nú bara svoleiðis að það sem fer upp kemur alltaf niður aftur .

Finnst alltof mikil neysla í þjóðfélaginu í dag og þá ekki bara á Íslandi. Bara neysla í kringum börn er alveg hræðileg. Hversvegna þarf eiginlega 6 ára krakki sem notar fötin sín kannsi í 3-6 mánuði að eiga merkjaföt eiginlega. Og afhverju er svona mikilvægt að allt þurfi að vera nýtt. Hef ekki ennþá keypt ný hjól handa börnunum mínum. Kaupi notað eða þau erfa hjól frá öðrum krökkum. Vorum einmitt í Lier hjá Aldísi en hún gaf Sögu hjól og fullt af fötum frá dætrum sínum. Frábært alveg. Baltasar erfir föt frá frænda sínum og syni vinafólks okkar. Auðvitað kaupum við nýtt líka en flest þessi föt eru eins og ný því þau hafa verið notuð svo stutt. Honum finnst ekkert að því að ganga í fötum frá öðrum strákum,hefur fengið föt frá vinum sínum líka og finnst það bara kúl.Við gefum svo vinafólki okkar föt af Baltasar og þá oft því sem hann hefur erft og þá eru 3-4 krakkar sem nota sömu fötin. Mér finnst það hið besta mál. Spariföt, t.d notar hann kannski 5 x á ári. Sér ekki á þeim. Saga noar sín föt í tætlur en þar sem hún vex frekar hægt notar hún flest þangað til að það er hreinlega orðið gamalt og tætt. Mér finnt mikilvægt að nýta það sem maður getur hvort sem það eru föt eða annað. Spara þar sem það er hægt. Og ekki það að við ekki tökum þátt í þessari neyslu, auðvitað gerum við það en að öllu jöfnu held ég samt að við séum frekar nægjusöm enda höfum við aldrei tekið lán fyrir neinu nema húsinu og svo námslánin góðu.

Annars lítið að frétta frá Noregi. Rigning og aftur rigning þessa vikuna. Annars allt við það sama. Boring!

Lag vikunnar er gamalt eins og svo oft áður- eldgamalt. Frá einni af mínum uppáhaldsplötum allra tíma. Hef haldið upp á þennan mann frá ég var mjög ung og hlusta alltaf þennan disk reglulega. Og ekki er verri að horfa á hann syngja því hann er nú bara alveg fjallmyndalegur á svona Jésúlegan hátt. Leiðinlegra þykir mér að hann er búin að skifta um nafn.



Góða helgi folkens.!